古装北路壮剧《达架和达平》

河旺

	bae lingh . (ciengq cingq diuh )Ngeix daiq cawz damq cawz , Ngaex bae dauq damq dauq .       Seizlawz gonq ndaej bae ,cawzlawz gonq ndaej yamq .   Duhheu gou leh liux la , gou bae rieg  doiq vaqbuh seuq ndeu gonq ! Mehlaeng baenz mehlaeng ,aensieng gyax goj daep ,vaqbuh roih lienz uq ,  gyax guhlawz suenq ndei ni ?( A a a Gyax a Gyax buhmoq youq goekgyoij ,haizva youq goekhaz mwngz bae giz haenx ra ,aeu haizva daeuj daenj. ) gyo’mbaiq duz’a neix dang baed dang sien , gaeuq gyax baez liux baez moq ,  gou bae ra vaqbuh haizva gonq ! （Roengz dawz haizva okdaeuj）ndaej vaqbuh haizva la ,  gou ganj bae ranzdaiq gonq . Ciengz daihsam Dinghvwnh (ciengq cingq diuh )Fad max laux raeuz bae ,roengyae raeuz ganj yamq .     Yamq dieb yamq byaij bienj , ndangbengz daengz daizroz. Cauyeh ; Gyahdingh , ngoenzneix okdaeuj caz minzcingz , ganj yamq ho ! Gyahdingh : Deng . Sam meh lwg hwnj(ciengq cingq diuh) : Vad dinswix dauq ranz , vad dingvaz dauq dieg .       Luzlet daengz bakdou , ndanggvaiq daengz ranz gou . Mehbengz : Daengz ranz la , Dahgyax youq neix deq , bae guhsaeg youh dawz baengz bae swiq , dauq daeuj lij bae daez vaiz 、aeu fwnz dem. haengz ! bae vaiq di ! Dahgyax : Lauxmeh caen dungxyak , byaij roen baenzlai gyae, goj mbouj  hawj gou yietnaiq  , bae dah guhsaeg gonq! (ciengq cingq diuh) Gyax nanz bouxlawz raen , ciengsim bouxlawz ndiep .       Daengz dah la ,  gou swiq saeg gonq ! [此贴子已经被作者于2008-3-28 17:49:51编辑过]

河旺

	(ciengq cingq diuh) Haemz meh mingh mbouj raez , ce lwggvai mbouj yiuq .       Biek daxboh bae gyae , ce da’mbae siliengz. (Doeg)Ngeix cawz meh lij lix , lau lwgiq lwgbyom .        Dwix haeux bwnq geijbaez , hwnz coih swiz geijdauq .       Hoemj lau lwg moenheiq ,hai lau lwg mbouj ndaek .        Lwg fangzhwnz loq riu , meh lij riu coh lwg .        Son lwg dog siuqva , ra gijndei hawj lwg .      Ngoenz daengz cieng daengz ciet , roi byoemgyaeuj hawj lwg .       Lau lwg mbouj baenz ndei  ,  causim guenj gvaq ciuh .      Cawzneix ndaej mehlaeng , lwg youq laeng baenz nanz .     Gou guhsaeg liux la , gyo’mbaiq duz’a hawj gou doiq haizva ndeu daenj bae ranzdaiq ,  gou duet de okdaeuj saeg gonq ! Aiya , gou ngaiz ga haizva ndeu lae la , baenzlawz suenq ndei ni ? raemx laeg lai ,  gou aeu mbouj ndaej , mbouj dauq bae caeux youh lau meh ndaq , dawz ga haizva maiq neix dauq bae ranz suenq la ! (ciengq cingq diuh) Saetdin goj baenz ma , ce  haizva  goj dauq        Daengz ranz la ,  gou haeuj bae daksaeg gonq (Cauyeh hwnj ) (ciengq cingq diuh)Byeij yamq lumj enq mbin , diem din daengz henz dah . Cauqyez : Duzmax ni vihmaz mbouj gamj gvaq gwnz giuz bae ni ? Gyahdingh  bae gwnz giuz yawjyawj . Gyahdingh : Deng ! Cauyeh， gwnz giuz mbouj miz gijmaz . Cauyeh : Yawj roengz laj giuz bae . Gyahdingh : Deng ! Cauyeh , laj giuz miz gahaizva  ndeu fouz youq bak raemx . Cauyeh :Bae gip de hwnj daeuj ! Gyahdingh : Deng , Cauyeh gahaizva  neix gou gip mbouj ndaej . Cauyeh : Yienghneix daeuj gou gak bae gip . Gahaiz  yiengh caen ndei , dinfwngz neix caen guengh( giuj ).         Siuq mbaj mbaj rox mbin , siuq va va rox cak . [此贴子已经被作者于2008-3-28 17:53:00编辑过]

lanbc

	好啊！壮戏要飞扬！

雨飘萍

	我就叫“达萍”