请选择 进入手机版 | 继续访问电脑版
设为首页收藏本站

僚人家园

 找回密码
 注册

QQ登录

只需一步,快速开始

点击进入授权页面

只需一步,快速开始

扫一扫,访问微社区

搜索
查看: 8184|回复: 23

古装北路壮剧《达架和达平》

[复制链接]

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:07:00 |显示全部楼层
本贴转自《三月三》

古装北路壮剧

DAHGYAX CAEUQ DAHBENGZ
达架和达平

(根据壮族民间故事整理翻译)

    土俗字编剧 :黄志元
    拼音壮文转写:农玉荣



[此贴子已经被作者于2012-6-28 15:31:23编辑过]

踩过的脚印
以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:16:00 |显示全部楼层

 

 Deng bakmaeq lawz deu , deng da’mbae lawz siuq
        Hawj gou ganj bae caz , ndaej guh baz gonq yw.
Gyahdingh : raeuz fad max bae caz gahaizva neix gonq !
Gyahdingh : Cauyeh vih gahaiz , caeuz ngaiz goj mbouj ngeix .
          Raeuz caz  imq caz doh , geij mbanj geij daengz caez .
          Haemq bouxgeq  bouxcoz , caz dai goj mboujok .
Cauyeh caengz daengz ,  raeuz bae laj gofaex de yietnaiq  gonq !
Cauyeh : (Ciengq cingq diuh)Byaejdin lumj enqmbin , diem din daengz daizroz .
         Gyahdingh , hwndaeuj .
Gyahdingh : Cauyeh daengz ,Cauyeh daengz .
Cauyeh : Roq laz !
Gyahdingh : Deng , (roq laz) daihgya dingqnyi la , bouxlawz dwg gahaizva ndeu doek , Cauyeh gip ndaej , deng haiz bouxlawz  , cingj dawz daeuj doiq , doiq hab la , Cauyeh aeu de guh yah .(Caiq gangj baez ndeu ,roq laz) daihgya dingqnyi la , bouxlawz dwg gahaizva ndeu doek , Cauyeh gip ndaej , deng haiz bouxlawz  , cingj dawz daeuj doiq , doiq hab la , Cauyeh aeu de guh yah .
Saumbanj it : Deng ga haiz bouxlawz gou goj rox .
Saumbanj ngeih : Deng gahaiz cej Gyax , gou raen de daenj bae ranzdaiq .
Mehbengz : Deng ga haiz Dahbengz , Dahbengz aeu haiz daeuj doiq !
Dahbengz : Haiz  lwg lij caez , baenzlawz lij aeu doiq ?
Mehbengz : Caen huk la , dawz bae doiq nyaemz .
Gyahdingh : Baenzlawz deng ga haiz neix ? mbouj deng , hazhaz!
Cauyeh : Sou naeuz deng ga haiz bouxlawz ni ?
Saumbanj it : Deng ga haiz cejGyax .
Cauyeh : Bae heuh de daeuj !
Mehbengz : Iuqcing ni , mwngz daeuj neix guhmaz ?
Dahgyax : Gou dawz haizva daeuj doiq .
[此贴子已经被作者于2008-3-28 17:54:06编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:16:00 |显示全部楼层

 

 Mehbengz : Naj ma mbouj rox raiz , raeg  haizva nuengx daeuj doiq .
Dahgyax : Rox mbouj rox raiz , miz bouxmbanj caemh raen , miz vunz lai guh cingq .
Gyahdingh : (ciep haiz yawj ) Deng la , couh deng ga haizva neix la !
Mehbengz : Deng ga haiz Dahbengz .
Gyoengq vunz : Deng ga haiz cej gyax .
Mehbengz : Deng ga haiz Dahbengz .
Gyoengq vunz : Deng ga haiz cej gyax .
Cauyeh : Laek ceng , laek ceng .
Gyahdingh : Laek ceng , laek ceng .
Cauyeh : Meh neix sim mbouj fuk , daeuj gou siengj aen banhfap ndeu daeuj doiq fuq de gonq ? hw ! Dahbengz daenj ndei . Dahgyax daenj ndaej rwix , ciuhgeq naeuz . lwgnyez maij gwn oij . faet maij vaqbuh rwix, Gyahdingh , bae aeu faet daeuj .
Gyahdingh : Deng , Cauyeh ndaej faet daengz la .
Cauyeh : Vanq guh song diuz  .
Gyahdingh : Deng .
Cauyeh ;Dahgyax , Dahbengz it boux it boux byaij gvaq bae , faet nem  boux- lawz couh deng haiz bouxlawz la .
Mehbengz : Dahbengz byaij gonq ! faet ha nem , faet ha nem . faet nem buh lwg gou ,hawj meh ndaej guh yahdaiq bouxsaeq .
Gyahdingh : Baenzlawz nem mo ? hazhaz !
Cauyeh : Dahgyax daengz mwngz byaij gvaq bae .
Gyahdingh : Faet nem lo , couh deng gahaiz neix la .
Mehbengz : Guh yienghneix mbouj suenq , guh yienghneix mbouj suenq .
Cauyeh ; Mbouj ceng lai ! daj aen saeh neix couh yawjok boux vunz mwngz liengzsim , sa suek mbouj ndaej feiz , gyaj guh mbouj ndaej caen ,raemx cingh yawj raen rin , caiq ceng goj mbouj gvaq .
[此贴子已经被作者于2008-3-28 17:55:00编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:16:00 |显示全部楼层

 

 Mehbengz : Haengz !( rag dahbengz roengz bae )
Cauyeh : Nuengx ha ! mwngz yawj caz va de .
Dahgyax : O ! doiq mbungqmbaj lienh va .
Cauyeh : Hojsik deng mbungqmbaj , gvah bae liux gvah ma .
       Doiq mbungqmbaj lienh va , ra caz lawz cij douh .
Dahgyax : Mbaj hoiq deng mbajgyax , nanz ndaej gvah ndaej mbin .
         Da raen va habsim , nanz veq naj bae coh .
Cauyeh (Ciengq cingq diuh ):Sam nyied doh vahai , gvanggvai rim suenva .
Cij nuengx mbouj cienhcaz, mbin daeuj caz beixgo .
Dahgyax(Ciengq cingq diuh ):
Mbaj gyax fwed caen liengj, lau va bengz nanz dieb.
      Ngeix dieb lau varoz , ngeix ruz lau valoenq.
Cauyeh : Va beix va mauxdan , hai nga sang byai nye .
Bouxdog sim mbouj hai , deq nuengxgvai daeuj gap .
Dahgyax : Vunz noix meh baenz huk , lwggyax vunz fukbamz .
      Ranzhong bakdou  sang , nuengx lau hamj mbouj gvaq .
Cauyeh : Gwnzmbwn geijlai fwj , mbouj raen vengqlawz luenh.
     Lajdieg baenzlai vunz , gag raen lwnz dwg’eiq .
     Ranzlaux caj nuengx dang , ranzsang caj sau leix.
     Deq bakmaeq bae daengz , ndaej angqfaengz bae coh .
Dahgyax wggyax dang vunz riengz , lwg cienh dang vunz hoiq .
     Lau vaih naj beixgvang , lau vaih ranz beixgo .
Cauyeh : Sim nuengx sim byaekmbungj , dungx nuengx dungx sausien .
      Mingh nuengx mingh va’ngaeux , ndang nuengx bengz gvaq gim .
      Lwggyax beix mbouj yiemz, ndang liengj gvang mbouj caz .
      Cij ndaej nuengx baenz baz , naz mbouj hawj nuengx reiq .
      Haeux damh gyaeq nuengx gwn . gyo gwnzmbwn yinhyienz .
Dahgyax : Gyo beix miz caensim , nyienh gaem nuengx doxgap .
[此贴子已经被作者于2008-3-28 17:55:59编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:16:00 |显示全部楼层

 

 Sau nyienh bae dangranz , dai baenz fangz mbouj eiq .
CauyehCiengq cingq diuh )
Yienzfaenh raeuz doxdoeng, songraeuz ha baenz doiq .
       Dingh sambak cangz ngaenz , cawx ndang daenj vaqbuh .
       Cib nyied haeuj bae gyang , coux nangz bae ranz go .
 Gyoengq dahnuengx :
       Goengheij dam goengheij , geij yiengh geij doxha .
       Boux raen boux habsim , caen ndei ha baenz doiq .
Cauyeh : Nuengx ho ! najbeix doxbyag gonq .
Gyoengq dahnuengx : Cauyeh ndei byaij .
Cauyeh : Gyoengq beixnuengx caiq raen ! Gyahdingh , fad max dauq bae cu .
Gyahdingh : Deng .

          Ciengz daihseiq
Roeb haih
       
Mehbengz : Haengz ! Dahgyax  ! mwngz siengj bae guh yah Cauyeh mbouj baenzlai ngaih ho ? gou mbouj ndaej guh yahdaiq bouxsaeq sim mbouj fug , hawj gou san gyoi gvaq laj raemx ,roeglaej  goj aeu doek giuz , ngam’hab bohgyax caengz dauq ranz , haemhneix gou couh gaj dai Dahgyax  . daeuj gou bae laeglemx naeuz hawj Dahbengz rox gonq .
Dahbengz : Lauxmeh caen simdoeg dungxyak , naeuz haemhneix aeu haihdai cej gyax ni ?  gou heuh cej okdaeuj naeuz hawj de rox gonq ! cej ha , cingj mwngz okdaeuj .
Dahgyax ; Daengz la , nuengx heuh cej okdaeuj mizmaz saeh ni ?
Dahbengz : Cej ha ! cib geij bi gvaq daeuj , mwngz raen  nuengx doiq mwngz ndei mbouj ndei ni ?
Dahgyax ; Caemh youq cib geij bi , saiheiq raeuz doxndiep , caen boh caen meh

[此贴子已经被作者于2008-3-28 17:56:56编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:17:00 |显示全部楼层

 

 goj beij mbouj ndaej mwngz ndei ho !
Dahbengz ; Cej ha ! nuengx miz aen saeh ndeu , nanz ndaej haibak naeuz hawj cej rox  !
Dahgyax ; Deng sienqyak sienqndei , mwngz goj  naeuz hawj cej rox ha !
Dahbengz : Coenz gangj in simdaeuz , nuengx nanz naeuz okbak ?
Dahgyax : Caemh youq cib geij bi , sienqyak sienqndei mwngz goj naeuz hawj cej rox cij baenz .
Dahbengz : Daxbaenh , nuengx dingq meh naeuz , haemhneix aeu gaj dai cej ni ?
gaj cej dai le cij faeg cej bae omj, aeu saej cej bae hoij youq gaeuvaiz  .
Dahgyax : Meh  caen hawj  roengz fwngz ma ?
Dahbengz : Caen deng ho !
Dahgyax : Nuengx  ! cib geij bi gvaq daeuj , cej  ndaem haeux mbouj ndaej
gwn , daemjrok mbouj ndaej daenj , cej lix goj dang dai  , caj de gaj dai ba .
Dahbengz : Cej ho ! mwngz hawj nuengx guhlawz suenq ndei ni ?
Dahgyax : Gyo Cauyeh simndei , nyienh ndij cej doxgap , haemz cej mbouj baenz vunz , daengz lajdieg dauq lang , daengz ngoenz Cauyeh gaeuj coux cej  , mwngz goj dingj cej bae guhyah Cauyeh ba !
DahbengzCiengq cingq diuh )
Cej dai nuengx caemh dai , dai baenz fangz caemh moh .
Dahgyax :Nuengx ha ! danghnaeuz cej dai la ,  cam mwngz aeu dinfwngz cej bae  coq bakgap aen daemz  , danghnaeuz meh mbouj hawj , mwngz caeuh naeuz: “noh cejgyax laek cug , uk cejgyax laek naemz ” .
Dahbengz : Cej ha! dai nanz o ! (Ciengq cingq diuh)
         Guhlawz suenq ndaej ndei , guhlawz ra cej dauq .
Dahgyax : Nuengx ha ! Caemh youq baenz lai nanz ,caemh ranz baen lai bi,cej goj rox veq naj coh mwngz , gyo’mbaiq mwngz najnuengx rox ndiep rox gyaez , cej gonq rox riu coh mwngz saek baez song baez , cej dai goj caen doekcaw mwngz  !
[此贴子已经被作者于2008-3-28 17:58:11编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:17:00 |显示全部楼层

 

 DDahbengz : cejcej ha ! cij cej gou byag bae , da’ mbae guhlawz suenq ?
Dahgyax : Nuengx ha ! mwngz miz caen boh caen meh , ngoenzlaeng mwngz lij baenz ndei  ,gyaez cej couh riengz cej dauqbae baihndaw gangjgoj lai saek cawz ba .
Mehbengz : Gyanghwnz  lo , Dahgyax ,haemhneix mwngz cij bae raen meh fangz mwngz  !
Dahbengz : (Ciengq cingq diuh )
Haemz meh neix dungxbwn , haih cejgvai dai mingh .
     Mehneix caen haihdai cej gou , cejgyax naeuz hawj gou dawz dinfwngz de bae coq bakgap aen daemz , gou goj dawz daeuj la .
(Ciengq cingq diuh )Fwx okciuh baenz vunz , cej gou  baenzlawz cienh ,
   Cej ho ! Gyax meh cib geij bi , mbouj ndaej ndei ngoenz lawz .
         Haet romh bae cuengq  vaiz , gvaq ngaiz aeu fwnz dauq .
       Mbouj nguh saek ngoenz hong , mbouj duenh saek ngoenz sienq.
        Ndangbingh cej goj bae  , doeknae cej goj yamq .
       Ngoenz nditndat mbwn bumz, mwngz lij youq bya bya .
       Dungxiek cej ngeix yaq , raemxda lae roengz dungx .
       Lij bak nanz gangj coenz  , ngoenzneix mwngz byag nuengx  .
    Cej ha ! dinfwngz mwngz youq gyang fwngz nuengx  , ngoenzneix nuengx baenz vunz , deng dinfwngz mwngz suek  ! daengz bakgap aen daemz la , nuengx baenzlawz sij ndaej ce cej youq neix ni ?
(Ciengq cingq diuh )Daengz lajdieg dauq yaq , dawz coh nding dauq langq  
Daej lai goj mbouj ndei , ra cej goj mbouj dauq  !  nuengx aeu dinfwngz mwngz coq roengz aen daemz gonq ! Dai nanz la ,
 nanz ndaej ce cej bae , da’mbae dai saejgoenq .
      Valoenq rox dauq hai , cejgvai gou bae naeuq .
Nuengx gaeuq mbouj ndaej mwngz ,  hwngzngoenz sim lij ndiep.
Cej ha , mwngz ansik ba !
[此贴子已经被作者于2008-3-28 17:59:06编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:17:00 |显示全部楼层

 

 (Ciengq cingq diuh ):Byag cej dog dauq ma , uet  raemxda dauq ranz.
             Luzlet daengz bakdou , ndanggvai daengz ranz gou .
  Daengz ranz la , gou haeuj bae baihndaw yietnaiq gonq .
           Ciengz daihhaj
            Hoenzdauq
Gyahdingh : Ngoenzneix ndit ndat laux , haetneix gwn laeuj lai , saihoz yaek ok feiz  ,  raeuz cam Cauyeh dingz giuz roengz daeuj  gwn omq raemx ndeu gonq .
Gyahdingh : Deng .
Gyahdingh : Cam Cauyeh , ngoenzneix mbwn ndat lai , caezgya caen hoz hawq, cam Cauyeh dingz giuz gwn raemx gonq !
Cauyeh : Caezgya hozhawq liux , gizneix deng bakgap henz daemz ,caezgya dingz giuz gwn raemx gonq .
Gyoengq vunz : Gyo’mbaiq Cauyeh .
Gyahdingh1: Mwngz yawj , heuz daemz miz gorongmungz ndeu caen heu . raeuz bae mbaet de  daek raemx gwn ba .
Gyahdingh2 : Deng la .
Dahgyax eu fwen:
      Laek mbaet gorongmungz  , lau  dinfwngz gyax reuq.
      Lau guh siuq mbouj baenz  , lau dwg caengz gvan gou .
Gyahdingh1 : Yi ! gorongmungz  baenzlawz rox eu fwen ndei baenz neix ni ? Gyahdingh2 : Raeuz bae naeuz hawj Cauyeh dingqnyi gonq .
Gyahdingh : Naeuz hawj Cauyeh , hoiq siengj bae mbaet gorongmungz daek raemx gwn, gorongmungz rox gangjvah youh rox eu fwen .
Cauyeh : Caen miz cungj saeh neix ?
Gyahdingh : Cauyeh mbouj saenq , mwngz gvaq bae sawqsawq .
[此贴子已经被作者于2008-3-28 19:32:24编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:17:00 |显示全部楼层

 

 Cauyeh : Daeuj gou bae sawq .
Dahgyax eu fwen:
      Laek mbaet gorongmungz  , lau  din fwngz gyax reuq .
      Lau guh siuq mbouj baenz , lau dwgcaengz gvan gou.
Cauyeh : Mwngz dauqdaej deng gijmaz fangz , gamj daeuj loengh gou .
Dahgyax : Faenhhoiq deng Dahgyax , mbouj gamj yaeuh Cauyeh .
      Boh gou aeu mehlaeng  , vunz simdoeg dungxyak .
     Gaj gyax daeuj coq daemz , aeu nuengx bengz daeuj dingj .
Cauyeh : Cawzneix nuengx baenz fangz , ndokndang  cieg baenz raemx       
        Simdaeuz caemx lumj  nae  , baenzlawz gaeuq mwngz dauq .
Dahgyax : Cij beix miz caensim , nyienh gaem gyax guhdoiq .gouhdawh nyazciengh coq roengz daemz  , nuengx couh baenz vunz dauq daeuj moq .
Cauyeh : Gyahdingh aeu gouhdawh nyazciengh daeuj !
Gyahdingh : Deng .
dahgyax eufwen hoenz dauq:
Ndang gyoet le, gyaeuj in , gyaeuj in , naiq lai ya .
Vunz dai vunz dai hoenz lij youq ya na ha ha .
Cawz neix hawj gou baenz vunz dauq ha naz ha .
Dahgyax : Gyo’mbaiq Cauyeh ndiepgyaez ,  Gyax ndaej okciuh moq .
Cauyeh : Naxbengz , mwngz roengz giuz daeuj .
(Dahbengz roengz giuz daeuj ,yawj raen cejgyax, cej ha !nuengx ha  !song beixnuengx daej )
Dahbengz : Cawz mwngz byag nuengx bae , raemxda lae mbouj duenh.
 Ngoenzneix cej baenz vunz , lumj  sien okciuh moq  .
Nuengx caen doiq mbouj gvaq cej  .
Dahgyax : Gwnzmbwn miz mak da , ra ndei hawj lajbiengz .
       Vunz ndei lij baenz ndei , mbouj yungh naeuz gaxgonq .
Aen saeh neix deng mehlaeng guh okdaeuj , nuengx mbouj yungh gvaq sim .
[此贴子已经被作者于2008-3-28 19:34:47编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:17:00 |显示全部楼层

 

 Cauyeh : Naxbengz , song beixnuengx mwngz doxndiep doxgyaez , mwngz riengz cej ndij gou bae  gingcingz ba !
Dahbengz : Gyo’mbaiq cejfuh ndiepgyaez .
Mehbengz : Lwg ha ! meh ndaej loeng mwngz  , cingj mwngz caemh dawz meh bae  gingcingz  !
Dahgyax : Danghnaeuz mwngz rox loeng lwg , couh mbouj miz ngoenz neix  ?
Mehbengz : Dahbengz deng caen lwg lajndang , gouz de dauqbae raenz ciengx gou  , lwg ha ! meh goj vih mwngz baenz ndei cij guh cungj saeh neix ! mwngz goj hawj naj meh , caeuq meh dauqbae raenz ba ?
Dahbengz : Boux vunz mwngz mbouj miz liengzsim . cungj guh vaih saeh ,
ngoenzneix gou hawj ndij cej bae  gingcingz . ing cej gou guh maenh .
Mehbengz : Cauyeh vunzndei simcingq , gouz de hawj gou caemh bae  gingcingz gonq , Cauyeh faenhhoiq ndaej loeng lwg  , doiq mbouj gvaq mbwn ,daj ngoenzneix bae naj , meh gaij gvaq , cingj Cauyeh hawj meh  caemh bae  gingcingz  ?
Cauyeh : Bouxvunz mwngz dungxyak dungxbwn . haihdai lwggyax , ciengx gaeq gaeq dot da ,ciengx ma ma haeb hengh . gou mbouj gamj dawz mwngz bae  gingcingz  !
Mehbengz : Cauyeh mbouj hawj naj , lwg lajndang mbouj ciengx , ngeix youq ndwi mbouj baenz , saet daemz dai suenq la  .
Gyahdingh : Mehbengz saet daemz dai lo !
Caezgya : Angq  lai lo .
      Golawz gyaj couh gyaj , cazlawz caen couh caen .
      Gungq mbouj bienq baenz bya , a mbouj bienq baenz fungh .
      Vunz simdoeg  simhamz , hamj diuzmae mbouj gvaq .
      Ciuh naj naeuz ciuh laeng , guh vunz aeu sim cingq .
                                    Heiq sat
                                   2007 . 9 . 1
[此贴子已经被作者于2008-3-28 19:36:12编辑过]

以宣传僚语音乐为己任。
回复

使用道具 举报

62

主题

4

听众

1万

积分

社王

Rank: 14Rank: 14Rank: 14Rank: 14Rank: 14Rank: 14Rank: 14Rank: 14Rank: 14Rank: 14Rank: 14Rank: 14Rank: 14Rank: 14

最后登录
2018-9-5
注册时间
2006-5-1
发表于 2008-3-29 00:38:00 |显示全部楼层

上家园快两年了,终于见到了我们僚人的传说!

达家和大平的故事在陪伴了我快乐的童年故事!这是我们僚人的童话故事(至少)在我们那一带是这样的!

不过还是遗憾,上家园那么久才见诸类民间故事的传播!

僚人的故事不止这些!还有老亭老吼的故事,还有枫树的传说(侬智高的传说)等等..........................................


我还活着! 不能抛弃自己,自己把希望留给自己!
回复

使用道具 举报

38

主题

0

听众

1万

积分

贵宾

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2017-4-17
注册时间
2004-1-30
发表于 2008-3-29 01:28:00 |显示全部楼层

希望把汉文翻译的剧本也转上来,让更加多的人了解伟大的壮族文化.

这是最早的格林童话"灰姑娘"故事的原型,从唐代就有史籍记载出自僚人地区.

壮族"灰姑娘"的故事出现并记载于文字,比西方的格林童话"灰姑娘"问世早了一千多年!

今天"灰姑娘"的故事在全世界流传,已经影响了全球数十亿的人口.


回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:10:00 |显示全部楼层

 前  言
北路壮剧于清朝乾隆三十年(1765年)起源干广西田林县,在田林县民间代代相传已有200多年。北路壮剧唱、念都用壮语,剧词精练、优美,有独特的唱腔和表演形式,音乐古朴素雅,意味浓烈,在全国剧种中独树一帜。2006年,北路壮剧被列入国家首批非物质文化遗产保护名录。2007年4月27日至30日,中共田林县委、县人民政府成功举办第一届广西北路壮剧文化艺术节。《达架和达平》是北路壮剧的传统剧目之一。

             VAH HAIDAEUZ
 Heiqcuengh baihbaek  youq Cingcauz Cienzlongz  samcib bi(1765nienz) laizyouz youq Gvangjsij Dienzlinz yen , youq Dienzlinz yen ciuhciuh cienz ndaej songbak lai bi .  heiqcuengh baihbaek ciengq \ doeg cungj gangj vahcuengh , coenzvah gyaeu’ndei ,ciengq diuq caeuq yienj duzdwz , yinyoz gujbuz ndei dingq,youq cienzgoz heiqcungj baihndaw gag miz daegsaek . 2006nienz,  heiqcuengh baihbaek ndaej daengz guekgya daih’it baez sij roengz gaep feihvuzgyiz vwnzva yizcanj baujhuq hanghmoeg .bi 2007 ndwen 4 ngoenz 27 daengz 30hauh ,cunghgung dienzlinz yen veij . yen yinzminz cwngfuj banh baenz daih’it baez Gvangjsij  heiqcuengh baihbaek vwnzva yisuzcez .  《dahgyax caeuq dahbengz》  couh deng deuz   heiqcuengh baihbaek conzdungj cezmuz ndeu .

[此贴子已经被作者于2008-3-28 17:24:07编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:11:00 |显示全部楼层


    

 剧 情 简 介

从前,有位姑娘叫达架,从小就失去母亲,继母心毒手辣,经常虐待她。
有位少爷见达架貌像天仙,勤劳善良,决意取她为妻,并定好了迎亲的日了。
继母设下毒计,将达架害死后煮烂,把达架的骨头丢到叉路中的一口清泉里, 迎亲那天,继母让达平顶姐姐出嫁。走到叉路口,轿夫欲舀泉水喝,突然听见达架凄凉的哭声,少爷问明情由,将一双象牙筷子丢进清泉里,达架现身还阳,继母无脸见人,跳塘自尽。


演  员  表

达架       女              十八岁       勤劳俊俏
达平        女              十六岁       天真活泼
少爷        男              二十三岁     英俊诚实
后母        女              三十多岁     阴险狠毒
卜架        男              四十多岁     正直朴实
家丁 、村姑 、接亲人员若干人。

[此贴子已经被作者于2008-3-28 17:26:23编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:14:00 |显示全部楼层

 

 Ciengz daih’it 
                 Ngamj doxbungz    
Bohgyax: Haemz gou mingh mbouj ndei,samcib bi baz gvaq.
        Ngeix lwggyax youq sim , Aeu yahlaeng daeuj moq.
        Lajndang deng Bohgyax , Ngeix bae guh gaicawx.
        Ngeix lwggyax youq ranz , caen nanz ndaej cuengqsim.
        yienznaeuz miz mehlaeng, de dawz lwg mbouj cingq.
       Gou heuh lauxyah okdaeuj daengq songcoenz gangj gonq , lauxyah cingj okdaeuj .
Mehbengz : Raen naj lauxgvan ,heuh yah okdaeuj miz gijmaz daengq ni ?
Bohgyax : Ngoengzneix gou okroen , daengq mwngz songcoenz gangj.
Mehbengz : Cingj naeuz !
Bohgyax : Baezneix gou okbae , geijndwen mbouj cinjdingh , Dahgyax bi ndwen lij daemq , iqiq gyax meh , aeu mwngz daeuj dang ranz ciengx lwg , haethaemz laek  ndaq fad de lai .
Mehbengz : Gou roxndeq .
Bohgyax : Roxndeq couh baenz . seizneix gou aeu ganj roen la .
Mehbengz : Lauxgvan ndei byaij .  haengx ! Bohgyax mbouj youq ranz 。 simsangj ndei guhhong , daeuj gou heuh Dahgyax bae daez vaiz gonq , Dahgyax okdaeu , (Dahgyax  ciengq cingq diuh okdaeuj )
 Meh dog mizmaz cam , ndanggvai roengz bae haemq .
 (doeg)  Vunz baenzbingh baenzhuk , lwggyax siengq baenzcienh.
          Vaiz mbok coh ndij gaeu , faenh hoiq deng Dahgyax .
          Lwg raen najmeh .
Mehbengz : Bae daez vaiz , lij dawz faiq bae lak , dauqma caiq aeu fwnz dauq .
Dahgyax : Gyax dingqnyi meh naeuz .
Mehbengz : Aeu doenghyiengh bae nyaemz .
Dahgyax : (ciengq cingq diuh)Ndang dog ok bakdou , ndanggvai ok roggyok.
[此贴子已经被作者于2008-3-28 17:28:08编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:14:00 |显示全部楼层

 

 Luzlet hwnj bosang , ndanggvai gou daengz dieg.
     Daengz gyang bo la ,  gou gvaq bae yiuqvaiz youq  aeufwnz gonq .
Mehbengz : Dahgyax bae daez vaiz aeufwnz la , gou cawj ndaej duix gyaeq ndeu , guhraeg hawj lwg gou gwn gonq ! (Dahbengz okdaeuj )
Dahbengz : Roegenq ngamq hag gvah ,mbungqmbaj ngamq hag mbin.
        Bi’ndwen rim cibhaj ,faenhhoiq deng najnuengx .
  Mingzcoh heuhguh Dahbengz ni !  lwg raen najmeh .
Mehbengz : Gwn duix gyaeq ni .
Dahbengz : Lwg lij imq , deq cej dauq gonq caemh gwn .
Mehbengz ahgyax mbouj deng caen cej mwngz . meh hawj mwngz laek euq ,gwn la .
Dahbengz : Meh dauq bae baihndaw , lwg gonq gwn .
Mehbengz : Hauhneix aeu gwn bw .
Dahbengz : Lauxmeh caen simdoeg dungxyak , gaiq ndei hawj gou gwn , gaiq loq ce  hawj cej . baenzlawz gou goj deq cej dauq gonq caemh gwn . daxbaenh nax daeuj , naeuz ngoenzcog daiq guh ngoenzseng , heuh daengx ranz vunz caemh bae ni , cej gou baenzlawz caengz dauq ni ?
(ciengq cingq diuh) Cejgyax bae aeufwnz , gvaiz baenzneix caengz dauq .
       Caen ngeix cej youqsim , caen ngeix cej gou dauq .
       yaek gvaq ringz la , cej gou lij caengz dauq ,  gou dauq bae baihndaw deq cej gouq .
Dahgyaxciengq cingq diuh )
Ndaeg dog roengz bosang , ndanggvai gou ganj dauq .
(doeg)  Va liz namh cij roz, vunz baenz gyax caen nanz .
          Bi ‘ndwen goj mbouj sang , aeu gou dang vunzrengz
          saux saeg naek lij goz, vunz rengz iq goj naiq .
     Dai byomroz saek ngoenz rox miz bw ? mbouj dauq bae caeux youh lau meh ndaq .dungxiek dava , gou goj ganj yamq ,byaij la !
[此贴子已经被作者于2008-3-28 17:32:35编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:14:00 |显示全部楼层

 

 (ciengq cingq diuh )Dungxiek goj ngeix yaq ,dasaenq goj aeu yamq .( laemx youq heuzloh ,cauyeh caeuq gyahdingh hwnj.)
(ciengq cingq diuh )Fad maxlaux raeuz bae ,roengyae raeuz ganj yamq .
Gyahdingh : Naeuz hawj cauyez , bai naj miz boux lwgsau ndeu laemx youq gyangroen .
Cauyeh :Raeuz de hwnj daeuj .
Gyahdingh : Deng .
Cauyeh : Aeu huz raemx daeuj !
Gyahdingh : Deng .
Dahgyax : Gyo’mbaiq siengq goeng  gaeuqmingh .
Cauyeh : Cingj cam najnuengx deng vunz gizlawz , heuhguh gijmaz mingzcoh ?
Dahgyax : Val oenq vih daet gaeu , vunz nyaeuq vih baenz gyax .
       Lwggyax dang vunzrengz , ndangbengz deng Dahgyax .
Cauyeh : O ! doiq mbouj gvaq , beix baenz bik raemxda mwngz najnuengx la .
Dahgyax : Cauyeh ho !
      Meh hoiq mingh mbouj ndei , gyaez faenhhoiq mbouj liux.
      Ce lwg dog baenz yaq , ce ndanggvai baenz gyax .
      Boh hoiq aeu mehlaeng , vunz simdoeg dungxyak .
      Haibak youh roengz fwngz , hwnz lienz ngoenz haih ndaq .
      Gyang haet bae cuengq vaiz , gvaq ringz aeu fwnz dauq .
      Guh rokfaiq cimmae , mbouj ndaej yo gyaeuj naeuq.
Cauyeh : A ! geiqyienz deng hauhneix , nuengx cinjdingh deng dungxiek la . Gyahdingh, aeu aen haeuxfaengx daeuj hawj de .
Gyahdingh : Deng .
Cauyeh  : Meh nuengx vunz dungxbwn , haih nuengxgvai naj hawq .
         Seizneix  beix youq heuz , sau mbouj yiemz cij lingx .
 Dahgyax : Meh hoiq deng mehlaeng , vunz simdoeg dungxyak .
        Haibak ndaq nuengx iu , lau ngoenzlaeng baenz  nanz  .
[此贴子已经被作者于2008-3-28 17:45:11编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:14:00 |显示全部楼层

 

 Cauyeh : nywj deq yag raemxraiz , vunz deq haeux ciengxmingh .
      Nuengx miz bingh youq ndang , gvang hawj mwngz laek euq .
Dahgyax : Gyo beix dog simndei , baen gaiq ndei hawj nuengx .
       Lau meh gvaiq guh coenz , Ngoenzlaeng nuengx lij nanz .
Cauyeh : Lwgsau lajmbanj siujsim rox laex , hawj gou aeu aen haeuxfaengx
 coq gwnz fwnz hawj de suenq la ! Gyahdingh , fad max dauq bae cu . 
Gyahdingh : Deng .
Dahgyax : Gyax iqiq meh bae , ce da’mbae siliengz .
       Byaekroz gyo fwn doek , ngoenzneix gyo Cauyeh .
       Yawj Gyax lumj nuengx caen , in Gyax lumj nuengx gaeuq.
       Aenndei ngeix youq sim , mbouj lumz aen lumz ngveih .
    Gyo’mbaiq Cauyeh hawj gou aen haeuxfaengx ndeu ,  gou dawz dauq bae
ranz hawj nuengx caemh gwm gonq .
(ciengq cingq diuh)Yamq dieb yamq byaij bienj , ndangbengz daengz ranz gou .
    (doeg) Nuengx ha , okdaeuj .
 Dahbengz : Cej ! mwngz dauq la .
 Dahgyax : Dauq la !
Dahbengz : Cej ! mwngz gwn duix gyaeq neix gonq .
Dahgyax : O ! cej miz aen haeuxfaengx ndeu ,  cajdiq(ajdiem) raeuz caem gwn .
Dahbengz : Cej , daxbaenh  nax daeuj , naeuz ngoenzcog daiq guh ngoenzseng , heuh raeuz daengx ranz vunz caemh bae ni !
Dahgyax : Nax lij youq ma ?
Dahbengz : Dauq bae la , nax  naeuz
        Cej  iqiq baenz gyax , daiq ndij nax doekcaw .
        Gonq diemdin daeuj coux , deq cej cawz dam cawz .
        Ngeix cej mbouj raen dauq , ndaw ranz hong boenq lai .
      Nax  dauq bae gonq la ! cej mwngz gwn duix gyaeq ni gonq .
Dahgyax : Nuengx mwngz bae gwnz fwnz aeu aen haeuxfaengx daeuj ,raeuz
[此贴子已经被作者于2008-3-28 17:46:26编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:15:00 |显示全部楼层

 

 caemh gwn .
Dahbengz : Gyo’mbaiq cej gyaez . cej ! raeuz gwn dwix gyaeq neix gonq !
Dahgyax : Deng o !
(ciengq cingq diuh )Dwix gyaeq songboux gwn , lij gwnzmbwn guh cingq .
Mehbengz : Hawj mwngz gwn , mboujyawz gou hawj ma gwn bw!
         Rap fwnz lumj hozma , najma mbouj rox raiz .
         Gvaiz baenzneix gonq dauq , ngoenz liuhcunz gyang bo .
Vunz gaenxgwn gikguh .(Raen miz haeuxfaengx ) Ho ! ngoenz liuhcunz gyang bo , miz bouxmbauq soengq haeuxfaengx dem na ! iucing neix , gou raen mbouj ndaej dahraix , gvih roengzdaeuj !
(Ciengq ndaq diuh):
Ciengx mwngz dangq ciengx ngwz , gueng mwngz lumj gueng ngieg .
       Guhhong guh mbouj baenz , caen haemz mwngz mbouj gvaq .
 Dawz fwnz haeuj bae !
Dahbengz : Cej , aeu rap daeuj nuengx dawz .
Mehbengz : Hawj Gyax dawz bae ! mwngz guhvunz huk baenzneix , bae bang de guh ma ?
Dahbengz : Cej ngoenzngoenz guhhong , lwg raen doekcaw .
Mehbengz : Gyax mbouj deng caen cej mwngz , doekcaw mwngz cij huk . bae gip doenghyiengh daeuj ,raeuz bae ranzdaiq .
Dahbengz : Nax naeuz  hawj cej caemh bae ni ?
Mehbengz : Gou mbouj rox ho ? bae gip doenghyiengh daeuj nyaemz, haengz !Dahgyax yaek bae ranzdaiq , mbouj baenzlai ngaih ho . Dahgyax okdaeuj !
Dahgyax : Gyax raen najmeh !
Mehbengz : Ngoenzcog daiq guh ngoenzceng , meh hawj mwngz caemh bae .
Dahgyax : Gyo’mbaiq meh gyaez !
Mehbengz : Mbouj gvaq , lij di hong ranz ndeu , mwngz guh liux cijndaej bae .
[此贴子已经被作者于2008-3-28 17:47:47编辑过]

以宣传僚语音乐为己任。
回复

使用道具 举报

266

主题

0

听众

1万

积分

版主

Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12Rank: 12

最后登录
2014-12-21
注册时间
2006-11-20
发表于 2008-3-28 17:15:00 |显示全部楼层

 

 

Dahgyax : Gijmaz hong , cingj meh naeuz .

Mehbengz : Daih’it , rap gang raemx rim .

Dahgyax : geij rap raemx  ,mbouj nanz , daihngeih ni ?

Mehbengz : Naeuz yaek dawz di duhheuh ndeu bae ranzdaiq  ,duzmeuz fangz byaiz de boek lwgraz bae liujgvaeuj  , mwngz leh liux la , dawz bae riengz laeng .

Dahgyax : Lij gijmaz dem ni ?

Mehbengz : Mbouj miz la , Dahbengz , okdaeuj .

Dahbengz : Cej ha , raeuz bae ranzdaiq la .

Mehbengz : Dahgyax doeklaeng , guhhong liux cij bae .

Dahbengz : Yienghneix lwg deq cej .

Mehbengz : Mwngz bi’ ndwen lij iq , raeuz bae gonq !

Dahbengz : Cej , yienghneix nuengx bae gonq , meh raeuz byaij la !

Dahgyax :  Gou bae rap raemx gonq .

Ciengz daihngeih

Daihyak

Dahgyax : (ciengq cingq diuh)

Rap raemx doh gonq bae , gang raemx rim gonq yamq .

        Gyax ngeix daiq mbouj lumz , ndaej gaem fwngz gonq angq .

Dohdieg cungj dumh liux , deng aen gang roh la , gijneix caen deng meh- laeng ra nanz hawj lwggyax  ! gou baenzlawz suenq ndei ni ?( A a a ,gyax a gyax ,nywj daeuj saek ,namh daeuj daz , aeu haz heu bae liuj) . Baenzlawz lij duz’a ndeu naeuz yienghneix ni ? gou eiq de bae fong aen gang gonq ! mehlaeng caen simma , ra nanz hawj lwggyax ,aeu duhheuh gvaeuj lwgraz , gonq hawj gou daeuj leh ,mboujlwnh mwngz guhmaz , cungj nanz mbouj ndaej gou , leh di duhheuh ndeu mizmaz nanz ? raeng youq gwnz , ndongj youq  laj , lwgraz biek 
[此贴子已经被作者于2008-3-28 17:48:43编辑过]

以宣传僚语音乐为己任。
回复

使用道具 举报

您需要登录后才可以回帖 登录 | 注册  

允许回帖同步到新浪微博  

Archiver|手机版|壮族在线    

GMT+8, 2019-11-19 03:09 , Processed in 0.172415 second(s), 48 queries .

Powered by Discuz! X2.5

© 2001-2012 Comsenz Inc.

回顶部