网络壮语布依语广播电台：Langh Sing Raeuz 朗声僚Duz Byaj Aeu Co 图巴（雷王）收租

Liengj

	网络壮语布依语广播电台：Langh Sing Raeuz 朗声僚Duz Byaj Aeu Co 图巴（雷王）收租 Dieg Ranz Langh Sing/电台试听地址：http://www.lizhi.fm/617169/2522177211653658118 Duz Byaj Aeu Co 图巴（雷王）收租 Cangh Langh Sing: Lwg Nding Boux Raeuz Saes Daeuz Langh Sing: Lwg Nding Boux Raeuz Saes Nga Gaem Hong: Lwg Fwngz Meh Saes Nga Langh Sing: Caw Nae Ndok Nat, Nas Mbin Maj Sang, Moed Is, Daeg Giy Boux Noengz, Min Cuengh, Yih Ci Bwengz Raeuz, Ciz Rumz, Mak Nim Saes Cangh Raed Sing: Lwg Fwngz Meh   主播：勒丁布僚·刘敬柳 站长：勒丁布僚·刘敬柳 常务副站长：勒丰米·卢奋长 副站长：雪妮·朵可娜（女）、那宾·玛桑、茉迪依（女）、特基布侬、 敏壮、依西蓬僚、风萧萧、马克念斯 后期剪辑：勒丰米·卢奋长 Fwen Gyang:《กรุณาฟังให้จบ》 间奏音乐：泰语歌曲《请听我把话说完》 Fwen Byai:《พี่สาวครับ/Pih Sau Kraeb》 结尾音乐：泰语歌曲《姐姐》 Langh Sing Raeuz FM617169, beix nuengx daengz lai sac mbaiq ndei, angq coux beix nuengx daengz lai ma nyi Langh Sing Raeuz, Langh Sing Raeuz, mbouj lumz coj, mbouj lumz goek!     Langh Sing Raeuz朗声僚FM617169，贝侬们，大家好，欢迎贝侬们收听壮布依语电台Langh Sing Raeuz朗声僚，Langh Sing Raeuz朗声僚，不忘祖，不忘根！ Beix nuengx daengz lai, nanz lai mbouj ndaej nyi Goeng Laeuj Gangj Goj lwr bwr, ngoenz neix raeuz cix cingj Goeng Laeuj daeuj gangj geu goj ndeu or, geu goj neix heuh guh Duz Byaj Aeu Co. 贝侬们，很久不得听《柳说》了，今天我们就请公柳来给我们讲一个故事，这个故事叫做《图巴（雷王）收租》。 Coj coj gax gonq har, mbwn caeuq namh dox gyawj lai. Go faiz maj dox hwnj liux couh daemj haeuj mbwn bae, neix go de cungj deng gaeuz gyaeuj. 从前，天和地隔得很近。甜竹往上长就会碰到天顶，所以我们可以见到竹子老勾着腰。 Vunz gwnz mbwn gangj hauq youq gwnz namh caemh ndaej nyi, lumj naeuz gou gangj: “Hair, haemh neix bae giz lawz ner?” Yor, mwngz youq gwnz namh caemh ndaej nyi ner. 天上的人讲话人间也能听见，比如你说：“嗨，今晚约吗？”哟，在人间也能听见喔。 Duz Byaj cix youq gwnz mbwn vor, gouh lwg da lumj daeng loengz, yaep menz yaep menz lwg da loeg seux seux ruemj myeb myeb. 图巴就住在天上，生着一对灯笼眼，眨起眼来骨碌骨碌地闪着绿光。 Gwnz saen laeng de miz gouh fwed ndeu, vad hwnj daeuj cix bongj rumz hung. 他的背脊上长着一对翅膀，抖动起来就刮风暴。 Gouh din de yamq loh cix naek raix caix, byaij hwnj daeuj cix yiengj lumz lumz. 他那双脚，重得很，走起路来轰隆轰隆直响。 Gwnz fwngz de dawz fouj caemh dawz siuq, hoz ndat liux de cix giz neix luenh dok, giz de luenh bag. 他手上还拿着板斧和凿子，生起气来就这里乱凿，那里乱劈。 Gwnz namh dwg Vunz Raeuz youq har, gyoengq vunz gwnz biengz miz boux daeuz ndeu, coh de cix heuh guh Boh Bieg. 地上住着僚人，僚人有个头领，名叫布伯。 Boh Bieg dwg boux vunz ak boux gvai ndeu, rox cae naz rox mbak reih, caemh rox ciengx duz seng, lumj naeuz ciengx duz gaeq har, duz bit har, ciengx duz vaiz duz cwz har, gij maz doengj ciengx caez bae, de caemh rox haeuj ndoeng hwnj ndoi bae dwk daeuq dwk noh. 布伯是个聪明厉害的人，会耕田种地，也会饲养牲畜，比如养鸡、养鸭、养牛等很多牲畜，他还会上山打猎。 Seiz de ner, vunz lai ner gag hawj Duz Byaj gwnz mbwn cuengq di yieng cuengq di lab ndeu, fwn raemx cix yinz ndei lor, gyoengq vunz cix ndaej bingz an gvaq ngoenz lor, yiengh neix cix ndaej youq ndei gwn van lor. 那时候，人们只要给天上的图巴供些香火，便会风调雨顺，人们便能平安地过日子，生活幸福美满。 Bi ndeu, Duz Byaj gag youq gwnz mbwn cix mbwq mbat mbat, de mbwq mbat mbat liux cix naeuz: “Yar, mbwq lai lor!” Yiengh neix de cix siengj roengz laj biengz daeuj youz mbat ndeu. 有一年，图巴在天上显得无聊郁闷，感叹道：“呀，真是无聊啊！”于是他便想到人间来玩。 Duz Byaj cix daeuj daengz ranz Boh Bieg daeuj guh hek lwr bwr, Boh Bieg cix dawz de guh hek gviq daeuj daix, youh gaj mou har, gaj mbej har, fanj cingq ndaw ranz miz gij maz cungj gaj caez bae hawj Duz Byaj gwn, yor, miz byaek miek har, byaek mbungj har, gij maz cungj dawz ok daeuj cauj aeu goj ndaej, cawj dang goj ndaej har, fanj cingq hawj Duz Byaj gwn caez bae. 于是图巴就来到了布伯家做客，布伯把他当贵客招待，杀猪宰羊，反正家里有什么都杀来招待布伯，苦马菜、空心菜，炒着吃或者煮汤喝，好生招待图巴。 Duz Byaj gwn laeuj cix gwn maeuz liux lar, gwn ngaiz caemh gwn imq liux lar. Oir yor, Duz Byaj gwn liux de cix raen ngoenz neix mbat daih it ndaej gwn gij dox gaiq dawz bak lai, van bak lai, youq gwnz mbwn cix mbouj miz, youq gwnz mbwn ngoenz ngoenz cix nyaij gij lab de, mbwq liux caez lor, yiengh neix ner de cix gyaed nwh gyaed nwh, gyaed ngvanh gyaed ngvanh: Yer, yiengh neix mbouj ndaej bwr! Yiengh neix mbouj ndaej bwr! Daengz doek laeng ner, gou cix lai gwn di noh caengh baenz bwr! 图巴酒足饭饱后觉得这是人生第一次吃到那么美味的食物，天上没有这些美味的食物，顶多就是天天吃那些香蜡，真不是味道，图巴越想心里越不是滋味：这样可不行！这样可不行！以后我得多尝尝鲜才是。 Hauh neix Duz Byaj gwn imq liux de cix uet uet bak, uet bak liux de cix naeuz lwr vwr: “Mbwn rongh fwn doek dwg gou guenj, sou ndaem doengh go ok daeuj ler gou yaek aeu co!” 于是酒足饭饱后，图巴抹抹嘴巴说道：“天晴落雨归我管，你们种出的庄稼我要收租！” Boh Bieg cix han naeuz: “Ndaej! Ndaej! Ndaej! Laux beix, laux beix, rox lwr gor, rox lwr! Daengz doek laeng ndaem ok doengh go mwngz aeu gyaengh gwnz rox gyaengh laj nar?” 布伯说：“行！行！老哥，知道了！以后种出的庄稼你要上面还是下面？” Duz Byaj cix naeuz lwr bwr: “Hwr, gou youq gwnz mbwn, ndaem ok doengh go gou caek aeu baih gwnz lor!” 图巴说：“哼，我住天上，种出的庄稼我当然要上面咯！” Boh Bieg han:“Ndaej! Ndaej! Ndaej! Daengz seiz cou ner mwngz cix gvaq daeuj rib co cix ndaej lwr bwr, or!” 布伯说：“好！你秋天来收租就得了！” Yiengh neix Duz Byaj ndaej nyi Boh Bieg yiengh neix han cix angq yoek yoek bwr, de cix vad hwnj daeuj couh bongj rumz hung “hur~hur~” yiengh neix de cix hwnj mbwn bae lor! 图巴听到布伯这么说，兴高采烈，于是刮起风暴“呼呼”窜上天空。 Bi neix, Boh Bieg cix ndaem biek. Haeuj cou Duz Byaj cix roengz daeuj rib co lwr bwr, Duz Byaj dan faen ndaej mbaw biek naeuh ndij mungz biek daiq. 这一年，布伯种的是芋头。到秋天图巴就来收租了，只分到烂了的芋头叶和干了的芋头秆。 Yar, Duz Byaj raen ngamq ndaej gij dox gaiq naeuh neix cix hoz ndat raix caix, daemx cih raen neix dwg faenh ndang gag aj bak gangj dingh, Boh Bieg youh aeu laeuj har, aeu byaek har, aeu noh har daeuj daix de, de cix mbouj gamj gangj gij maz lor, mbouj gamj youq baih de fan naj lor. 图巴见到只分得了些烂叶烂秆非常恼火，但是觉得这是自己开口说定的，布伯又酒又肉地热情款待，他也不好说什么，也不敢翻脸。 Caj Duz Byaj youq baih de gwn laeuj gwn imq liux lor, de cix uet uet bak cix naeuz lwr bwr: “Hair yar, bi neix cix loek liux lor, bi moq gou aeu gyaengh laj!” 等到酒醉饭饱以后，抹抹嘴巴说道：“哎呀，今年错了。明年我要收下面的！” Boh Bieg naeuz: “Ndaej! Ndaej! Ndaej! Ndei! Ndei! Ndei! Laux beix! Laux beix! Beix gangj gij maz goj ndaej! Daengz seiz cou ner beix cix gvaq daeuj aeu cix ndaej lar!” 布伯说：“好！老哥！老哥说什么都可以（只要老哥开心就好）！秋天来收租吧！” Bi neix Boh Bieg cix ndaem haeux naz. Haeuj cou Duz Byaj cix daeuj aeu co lwr bwr, bi neix de cix huk lai lor, dan ndaej goek fiengz, Boh Bieg lienz fiengz doq mbouj hawj de geu ndeu. 这年布伯种的是水稻。到秋天了图巴就来收租，今年这是倒霉，只分得稻根，布伯连稻草都不给他一根。 Duz Byaj cix hoz gaek raix caix lwr bwr. Boh Bieg mbouj guenj de hoz gaek rox naeuz hoz ndat, naj cungj riu nyum nyum daix de, aeu laeuj ok daeuj, aeu noh ok daeuj baij rim daiz bae. 图巴恼羞成怒。但是布伯不管图巴多恼怒，仍是笑嘻嘻地款待他，酒肉满桌。 Duz Byaj goj gwn laeuj bwr, gyaed gwn naj gyaed cik. doek laeng cix soh banj cenj laeuj “bengr~”, banj cenj laeuj dek liux bae liux de cix naeuz: “Ced meh de! Gou deng mwngz lox lai, song bi neix deng mwngz lox caez bae, bi neix gou cix mbouj huk lor, co bi moq cawz liux cung gyang, gwnz laj gou cungj aeu caez bae!” 图巴喝着酒，越喝脸越红，最后“嗙”地一声摔碎了酒杯说道：“XXX！我被你骗了，这两年都被你骗了，以后我就不那么蠢了，明年除了中间，上面我全收！” Boh Bieg cix riu her her han: “ Ndaej！Caih mwngz aeu gij maz goj ndaej, laux beix har!” 布伯笑呵呵回答：“行！随你挑，老哥啊！” Bi neix Boh Bieg cungj ndaem haeux daeq bwr. Haeuj cou ler, go go haeux daeq cungj dawz sam haj faek haeux. 这年布伯种的庄稼全是玉米。秋天以后，每秆玉米都结了三五穗。 Duz Byaj laih naeuz bi neix ndaej lai lwr bwr, de cix naemj daengz gaiq neix naiz de cix doek yag yag, de roengz daengz bieng lwr, daeuj daengz reih de cix angq yoek yoek bwr, de cix roengz biengz daeuj ner, daeuj daengz ranz Boh Bieg, de cix raen ner, dai lor, daengx ranz vunz Boh Bieg baez faek baez faek euj gij haeux neix dwk haeuj gyoi bae, gag lwg gij ganj youq baih ndaw ndwi. 图巴以为今年大有收获，他想到这个就垂涎，他来到人间，兴高采烈地来到畲地，来到布伯家，情况不妙啊，看到布伯家的人一棒一棒地掰下来装进背篓里，只剩下玉米秆。 Duz Byaj cix hoz gaek raix caix, ndaeng ok hoenz bae, faj naj cix heu yauj heu yauj cungj hoengz fed fed hwnj daeuj caez, de baez cienj laeng, gyaeuj mbouj lawq couh deuz lor. 图巴再也控制不了体内的洪荒之力，火冒三丈，鼻孔冒烟，那原先碧蓝碧蓝的脸也泛红了，他一转身，头也不回地走了。 Boh Bieg youq baih laeng lij lienz lienz heuh de: “Air yar, laux beix har, gaej deuz gonq lor, gvaq daeuj gwn laeuj gonq lor, gwn laeuj liux cix menh bae ranz gor！” Duz Byaj de lienz leix doq mbouj leix cix deuz caez bae lor. 布伯还在后面连连叫他：“哎呀，老哥啊，先别急走啊，回来喝酒再走啊！”图巴连理也不理。 Yiengh neix lwr, geu goj neix cix sat lor. 就这样这个故事完了。                  Ngoenz 12 Ndwen 03 Bi 2016                  Namz Ningz· Guengj Sae· Cung Guek                     2016年03月12日                     中国·广西·南宁