[原创]Mbanjcuengh Gyaeu(壮乡美)

特田栏钟

	Mbouj rox caez mbouj rox , Caez doxbang doxson ; Faex siuq de cij gon , Vunz mbouj son mbouj rox .

特田栏钟

	Caemh dangq vaiz doxseu , ----- 就象斗牛一样， Duz deuz duz cix boenq ; ----- 一头跑另一头就追； Caenh raen vaiz goed goenq , ----- （世上）只见牛顶树蔸， Byawz raen goenq goed vaiz . ----- 哪见过树蔸顶牛。

AAAAAyingj

	Gangj guh fwen hwnj daeuj, Vunzraeuz gvai fouz beij ; Haenh bya raemx cihgeij , Beiz byoenx bak ok coenz . Dieg cuengh mbouj dwg cuengh Dah bya coh mbouj miz , Coj goeng yienz an miz mbouj miz saw geiq hauh , Dieg bya hoengq vatvat Raemx dah gat mbouj lae, Sawcuengh guh mbouj bae , Bouxboux da lae lwed , Gwnz bya sawgun hauh , Diuz loh hauh sawgun, Bak dou diep sawgun, Hawj vunzcuengh baenzguh ?

特田栏钟

	1)Guh lwglan Bouxcuengh , Baenzbaenz cungj dwgrengz ; Miz gienz mbouj rox ceng , Hauq ngaiz deng vunz guenj . 2) Dangq sam goeng huzsiengh , Boux siengj doeng siengj sae ; Beixnuengx sim mbouj caez , Dangq naeyou ndaw dah .

AAAAAyingj

	Dwg rengz couh dwgrengz, Dwg rengz guh mbouj hwnj ; Vunzcuengh gen buh dinj , Loh genz hoenx bouxlawz ? Vunzgyoengq sim mbouj caez , Guh saeh mbouj baenz saeh , Hong Sawcuengh daih saeh , Baenz lawz caez sim hwng ?

AAAAAyingj

	genz ----gienz

特田栏钟

	1) Byaij diuz gwnz cix cah , Gvaq diuz laj cix oen ; Ra roen mbouj raen roen , Vanh saethoenz rixrix . 2) Gou dwg boux vunz saeq , Dungxsaej feuh fouz caiz ; Caenh muengh gyoengq vunzlai , Doengzcaez baiz cawjeiq .

AAAAAyingj

	1 Vunz lai fwngz hix lai , Dumq saejvaiz mbouj cug; Boux fug boux mbouj fug , Caenh buek ceng gvaq ngoenz . 2 Caen saed guh hwnj daeuj , Aeu boux gyaeuj guh yinx ; Daengxgyoengq vunzcuengh ringx, Caez dox ying hoenxdwk ! 3 Boux gonq laemx roengz bae , Boux laeng bae gaen dwk , Laebdaeb dox dam dwk , Giet ndaetdwt bae gung . 4 Yaek guh couh guh hung , Lienz dam gung mbouj dingz ; Guh couh guh daengz hingz , Byawz dingz byawz sat mingh .

特田栏钟

	Lumj faenhmwngz beixnuengx , Geijlai cungj yiem noix ; Hojsik raeuz mij doih , Caen doeknaiq lo sou .

AAAAAyingj

	1 Gangj gungdwk hwnj daeuj , Bouxgyaeuj dwg Guekcing ; Vunzcuengh bouboux ringx , Dox yingfwngz gung dwk . 2 Veiz Guekcing ingyungz , Yinx raeuz yungh Sawcuengh ; Miz cihsiz miz muengh , Bouxcuengh cij fatdad . 3 Seiz neix Bouxcuengh raeuz , Bougyaeuj ngaiz vunz gvaeg , Vunzgun de guh caeg , Gaep caeg gienz cuengh raeuz ! 4 Bouxcuengh gienz gag guenj , Ngaiz Vunzgun naenx dawz ; Vunzcuengh yaek guh cawj , Cawqcawq ngaiz hamhceih ! 5 Vunzcuengh a Vunzcuengh , Maqmuengh youq giz lawz ? Gienz gag guenj gag dawz , Cij yawzbienh fatdad !

特田栏钟

	Laj mbwn cien'fanh loh , Miz diuz soh diuz ngaeu ; Cawjeiq raeuz gag aeu , Gag caeuzmaeuz gag byaij .

AAAAAyingj

	Cien fanh Vunzcuengh raeuz , Caeuzmaeuz diuz loh lawz ? Hawj Vunz raeuz mbouj ngawz , Hwng Sawcuengh fouq ak !

特田栏钟

	Youqgaenj dwg Vahcuengh , Caeuq Sawcuengh song diuz ; Caemh dangq ndaek diuzgiuz , Giuz doemq Raeuz caemh sat !!!

AAAAAyingj

	Vah cuengh caeuq Sawcuengh , Cungj dwg caizbauj raeuz , Vunzcuengh guh caeuzmaeuz , Baengh Saw raeuz geiq veh . Aeu saw raeuz caeuzmaeuz , Aeu sawraeuz geiq veh ; Aeu sawraeuz guh ceh , Cienz cungj ceh cuengh raeuz .

特田栏钟

	Beixnuengx gangj ndaej deng , Mbouj ceng saek hauzleiz ; Baenzlawz guh ndaej bae , Raeuz caezgya daeuj vanh .

AAAAAyingj

	Aeu hawj Vunzcuengh rox , Vah coj mbouj ndaej lumz , Raeuz guh gijmaz vunz , Cuengh vwnzva aeu hag ! Fanj cungjcuz gizci , Bouxboux miz swzyin ; Bouxgyaeuj aeu guh yinx , Caez dingx vunzgun hangz ! Sawcuengh mbouj hab gek ,

AAAAAyingj

	[Sawcuengh mbouj hab gek ] dwg daj loeng hwnj bae lo !

特田栏钟

	Beixnuengx gangj ndaej deng , Mbouj ceng saek hauzleiz ; Raeuz beixnuengx doengzcaez , Itheij bae cengdued.

AAAAAyingj

	Dued aeu gienz gag guenj ! Dued aeu Cuengh sawj gienz ! Duedh aeu gienz veh cienz ! Dued aeu gienz guenj cienz !

特田栏钟

	Fawz raez gen'buh dinj , Yienh haeb linx rai maez ; Eiqhoz yienzcaemh ndei , Lau guh mbaej daengz bwh !