[原创]Mbanjcuengh Gyaeu(壮乡美)

特田栏钟

	1) Mbanjcuengh raeuz , Gangj gij gyaeu fouz beij , Gveiqlinz sanhsuij gyap dien'yah, Bwzhaij Yinzdanh gyap Cunghvaz, Manva lij daihngeih. 2) Mbanjcuengh gyaeu, Mbouj dwg raeuz gag haenh, Seiqgeiq bya heu va mbouj caenh, Sikseiq faex raemh mak cungj baenz, Byawz mbouj haenh mbanjcuengh. 3) Haenh mbanjcuengh, Hanz geq cungj mbouj caez, Bya heu raemx saw dieg caen ndei, Bouxlawz daeuj cet sim mbouj maez, Ceiq gyaez raeuz mbanjcuengh. 4) Gyaez mbanjcuengh, Raeuz beixnuengx diuz sim, Roengzrengz ganq de namh bienq gim, Gvangjsih mwnqlawz mbouj Gveiqlinz, Cibcingz raeuz mbanjcuengh. ------ Daegdenz Ranzcung [此贴子已经被作者于2005-1-19 13:43:11编辑过]

lannie1013

	sej ndaej ndei ha, sej ok vah ndaw sim beixnuengx bouxcuengh raeuz, sej ok ngamjnyauz(美丽娇媚) mbanjcuengh raeuz.

特田栏钟

	Ngoenzneix  baez  daih'it  dawz  gij  cozbinj  sawcuengh  swhgeij  nem  okdaeuj, roxnginh  naj  caen  hwngq, caemh  mbouj  rox  ngamj  mbouj  ngamj, caenh  muengh  gyoengq  beixnuengx  doih  sou  lailai  son'yinx  cijndaej  bw!!!

特田栏钟

	Docih  Lannie1013  beixnuengx,  mwngz  haenh  gvaq  mauh  lo.

AAAAyingj

	Ciep Daegdienz ranzcung : Vunzcuengh Ngawz 1) Vunzcuengh ngawz , Bouxboux ngawz fouz beij , Sawcuengh geij lai dwg siencin , Doi hengz geij cib bi mbouj hwnj , Mbwn guh naeuz vunz guh ? 2 ) Vunzcuengh guh , Vunzcuengh guh saeh ngawz , Hong saeh Sawcuengh ngaiz hamh caeh ! Vunzcuengh guh maz mbouj baenz saeh ! Sim geij lai naixniek ! 3 ) Damq Vunzcuengh , Mbouj dwg seng ok ngawz , Aen vih Vunzgun apnaenx raeuz , Gvaeg raeuz dwk raeuz youh haep raeuz, Raeuz mbouj ndaej guh cawj ! 4 ) Muengh Vunzcuengh , Bouxboux yungh Sawcuengh , Caux ok Vunzcuengh dien hah raeuz , Cauxok Vunzcuengh Guekgya raeuz ! Hawj vunzraeuz angqyangx ! Gou ceiq ngawz ! Hag sawq guh fwen doiq, Cih saw boiq mbouj rouz mbouj led , Au mwngz yawj houh daez yigen ! Gou sien neix docih ! A.Cauyingj .Vangz 2004.12. 20.

特田栏钟

	Gangj guh fwen hwnjdaeuj , Gou mbouj rox geij lai ; Muengh faenhsou bouxgvai , Lai son'yinx cij ndaej .

Duhhenj

	Aying,mwngz baenzneix gangj vah mbouj ndei geijlai ba?

AAAAyingj

	Gangj guh fwen hwnj daeuj , Boux gyaeuj dwg cej sam, Raeuz seiz neix dox damz, Ngamq rox doiq song coenz .

Duhhenj

	hehe,mbouj dwg naeuz mwngz guh fwen guh mbouj ndei,dwg naeuz mwngz gaej gangj Vunzgun yienghlawz yienghlawz baenzlai,ndaej lwi?

特田栏钟

	Gangj guh fwen hwnjdaeuj , Baengzyoux dwg Cejsam ; Raeuz seizneix doxdamz , Mwngz han gou cix haemq .

AAAAyingj

	Gangj guh fwen hwnj daeuj, Beij mbouj gvaq Cejsam , Mbouj lau Vunzgun hamh ; Fwen gamj ndaq Caizcawj !

特田栏钟

	Gangj guh fwen hwnjdaeuj , Baengzyoux dangq Cejsam ; Gou yawj daengx ndaw ranz , Suenq doengzban leixhaih .

特田栏钟

	Ayingj beixnuengx mwngz , Daeuj doiqfwen luvei ; Faenhgou gag youq neix , Caen aeuqheiq ndaej lai .

白糖

	不要老用壮语喂，看不懂啊

Duhhenj

	晕倒，难道没看到这里是“僚文平台”吗？

特田栏钟

	白糖贝侬，不懂你就学，放假后我等你们．

Stoneman

	Gou mbouj rox sij go, hoeng, gou gyaez yawj go doeg go, ciq yawj go doeg go daeuj hag Sawcuengh. Daegdenz caeuq Ayingj beixnuengx caiq daeuj ok geij got go vei. [此贴子已经被作者于2005-1-6 10:51:11编辑过]

Stoneman

	"Daegdenz caeuq Ayingj beixnuengx caiq daeuj ok geij got go vei" wngdwg: "Daegdenz caeuq Ayingj beixnuengx caiq nem geij hot go okdaeuj hawj raeuz yawj vei" Mbouj rox vihmaz gou mbouj bien cih ndaej.

特田栏钟

	Stoneman  beixnuengx,  Ayingj  beixnuengx  mbouj  raen  oknaj,  gag  gou  guh  mbouj  yinxdaeuz  bw !

AAAAAyingj

	Gangj guh fwen hwnj daeuj , Gou mbouj rox geij lai ; Guh fwen doiq vunz gvai ! Guh saw vaiq deuz dag !