[原创]第六届壮族文学奖暨第二届壮文文学奖评选揭晓

河谷幽兰

	Daihroek Gaiq Bouxcuengh Vwnzyoz Ciengj Caeuq Daihngeih Gaiq Sawcuengh Vwnzyoz Ciengj Fatciengj 第六届壮族文学奖暨第二届壮文文学奖评选揭晓      Daihroek Gaiq Boux- cuengh Vwnzyoz Ciengj Caeuq Daihngeih Gaiq Sawcuengh Vwnzyoz Ciengj Fatciengj Daihhoih 7 nyied 8 hauh youq Nanzningz gawjhengz, Gvangjsih Yizbau Conzmeiz Cizdonz dangjveij suhgi、dungjswcangj、cungjbenhciz Lij Gijsui, Gvangjsih Vwnzlenz fucujsiz Veiz Suhvwnz, Swcigih Minzyijveij fucujyin Vangz Cenzcungh daengj lingjdauj camgya fatciengj yizsi caemhcaiq fat ciengj hawj bouxndaejciengj.     Lij Yozyez bonj cungh donjbenh siujsozciz 《Aenmbanj Cat Rim Youzcaet》、Siz Caizfuh bonj sanj- vwnzciz 《Naengh Yawj Fwj Hwnj》、Hij Sezbingz bonj sihciz《Gij Sing Raemxdah   Lae   Doxdauq》、    Vangz Fangh bonj sihgoh sanjvwnz sihciz《Dwg Lamz, Dwg Daengxcungq》、Lij Yungzginh bonj sawcuenhraez《Mbouj Ndaej Senj Yiengh Wnq》 bingz ndaej Daihroek Gaiq Bouxcuengh Vwnzyoz Ciengj; Mungz Feih、Vangz Sinhyungz bonj sawcuenhraez 《Ciet Moq》、Veiz Vahyungz bouh vwnzva sanjvwnz《Gangj   Bouxcuengh》、   Siz    Caizyij bouh sawcuenh cungbien《Cingz Naekgywggywg》、Yiz Ciz bien saw- cuenh    dinj  《Vunzndei》、  Ouhyangz Veiyez     bien   sanjvwnz 《Dahbuliuj. Giuzbouxsien》aeu ndaej Daihngeih Gaiq Sawcuengh Vwnzyoz Ciengj.     Fatciengj gaxgonq, gawjhengz le Bouxcuengh Cozgyah Cuzcinvei daih- roek gaiq lijswvei daih’it baez veiyi, ginggvaq doigawj, Vangz Beivaz dang Bouxcuengh Cozgyah Cuzcinvei Daihroek Gaiq Lijswvei veicangj, Fanz Yizbingz、Veiz Gyahvuj、Veiz Cigenh、Siz Caizfuh、Lungz Ci、Yenz Funghvaz、Nungz Funghsouh、Fungz Yi、Vuz Siujgangh、Lij Vazyungz、Loz Cungzcunh、Cau Senhbingz、Vangz Siujgaj、Cinz Suigyangz、Mungz Feih、Banh Yingzyij、Vangz Bungz、Vangz Hungzvei daengj guh fuveicangj.     Bouxcuengh vwnzyoz dwg Cung- guek saujsu minzcuz vwnzyoz ndawde aen bouhfaenh youqgaenj he, hix dwg aen bouhfaenh youqgaenj Gvangjsih vwnzyoz. Cozgyah Bouxcuengh itcig dwg gyoengqvunz ndaw Gvangjsih vwnzdanz vunzsoq ceiq lai, caemhcaiq ceiq ak sij faenzcieng he. Bouxcuengh Cozgyah Cuzcinvei gwnzmbaq dawz aen rapnaek doxgiet gyoengq cozgyah Bouxcuengh、demlaeg caeuq aen minzcuz beixnuengx wnq vwnzyoz doxgyau、 beizyangj vwnzyoz vunz- moq、sij ok cozbinj ndei lai, daj 1987 nienz laebbaenz daengz seizneix 20 lai bi daeuj, vih hoenghvuengh saujsu minzcuz vwnzva, doidoengh Boux- cuengh  vwnzyoz  saehnieb  fazcanj guh’ok  le  gungyen  hungloet.  Boux- cuengh vwnzyozciengj caeuq Saw- cuengh vwnzyozciengj youq Boux- cuengh Cozgyah Cuzcinvei doidoengh caeuq cujciz baihlaj laebguh, moix sam bi bingz baez ciengj he.     Daihroek Gaiq Bouxcuengh Vwnzyoz Ciengj Caeuq Daihngeih Gaiq Sawcuengh Vwnzyoz Ciengj ndaej daengz Swcigih Minzveij、 Swcigih  Minzyijveij  daihlig  cihciz.

gangjdoj

	Boux- cuengh vwnzyozciengj ---壮族文学奖 Saw- cuengh vwnzyozciengj-----壮文文学奖 这到底有什么区别。。我分不出之所以然。。。 对了这些小说在哪里能看得到。要买他们的书吗？？？ [此贴子已经被作者于2011-7-19 9:09:35编辑过]

地球人

	Vunzcuengh sawcuengh cunghyoz caeuq sawcuengh cunghconh , sawcuengh daih hag youq giz lawz ? gij saw ndaej ciengj haenx miz mbouj miz ndaej yoengx hawj vunzcuengh sevei vwnz vaq gaen riengz mbe fat ?