Gux Gou Youz Nanzningz
姑姑逛省城
Banh Cauzyangz
Ranz gux gou youq lajmbanj, daj ranz de daengz Nanzningz gig gyae, aeu naengh haj aen cungdaeuz banci cij daengz. Gux gou bineix gaenq caetcib lai bi lo, aeu vah mbanj dou daeuj gangj, de gwn
gyu beij dou bouxcoz gwn haeux lij lai, lumj cungj bouxlaux neix, lij miz maz saeh mbouj raen gvaq ne? Hoeng mboengqneix gou daiq bouxlaux daeuj Nanzningz guhcaemz duenh seizgan he, siengj mbouj daengz bouxlaux youq Nanninz caen bungqraen haujlai doenghyiengh “mbouj raen gvaq”.
Ngoenz haenx, gou daiq bouxlaux bae gwnzhaw guhcaemz. Daengz gwnzhaw le dou couh haeuj bakhuq daihlaeuz bae, aen bakhuq daihlaeuz neix youq Nanzningz ceiq mizmingz, ndawde gijmaz doxgaiq cungj miz gai. Haeuj ndaw diemq hwnjlaeuz aeu naengh dendih, cungj dendih neix couh lumj “diuz mbaeklae rox byaij nei”, mwngz ndwn hwnj gwnz mbaeklae bae, diuz lae dendih couh gag soengq mwngz daengz gwnz laeuz bae lo. Gux gou yawj diuz lae gag byaijdoengh haenx, siengj yamq hwnjbae youh suk din dauqma, gou naeuz gaej lau, gangj le gou sien ndwn hwnjbae, de raen le youh yamq din hwnjbae, hoeng din caengz bungq deng laedendih youh suk dauqma. Gux gou caen mbouj gamj naengh dendih lo, de cijndei gvaq baihhenz byaij hwnj laeuz, itmienh byaij de lij itmeinh ndaq:“
Vunz ndaw singz gik dai, hwnj laeuz byaij di loh cungj mbouj nyienh, lij aeu naengh gijmaz dendih!”
Gou cijndaej buenx gux gou byaij hwnj laeuz le, daengz gwnzlaeuz giz gai buhvaq haenx, gux gou yawjraen dauq buh he gig lengj, dauq buh neix daenj youq gwnz ndang mozdwz, de riunyumnyum naeuz:“Dauq buh neix lwgbawx gou daenj ndei yawj bw!” Gou naeuz gux mwngz siengj aeu couh cawx lo, gangj le gou couh heuh dah gai buh haenx hai biuq lo. Seizneix, gux gou cam naeuz:“ Geu buh neix bengz lwi? Geij cib maenz cawx ndaej caengz?” Gou riu naeuz:“
Mbouj bengz mgouj bengz, ngamq geij bak maenz ne.” Gux gou dingq le swenj hwnj daeuj:“ Dai lo dai lo, geu buh ndeu aeu geij bak maenz? Dou youq lajmbanj guh dai guh lix cij ndaej geij bak maenz, sou youq ndaw singz cawx geu buh couh aeu geij bak maenz? Sou yienghneix sai cienz mbouj sim’in ha!”
Gou mbouj rox baenzlawz caeuq gux gangj, siengj riu youh riu mbouj okdaeuj. Gux gou raen gou mbouj miz vah gangj lo, cix rox daengz vah de gangj naek lai lo. De couh sing daemq doiq gou naeuz:“Lanmbauq ha, gaej yiemz gux gangj vah naek lai, mwngz youq baihrog guh hong ngeihcib lai bi lo, mbouj rox gij saeh lajmbanj lo, dou bouxlaux youq lajmbanj aeu ra song maenz ngaenz yungh cungj mbouj yungzheih bw. Gou guh demhhaiz gai, ngoenz haw gai ndaej song gouh demhhaiz, ndaej seiq maenz ngaenz couh riu dai lo.”
Daj bakhuq daihlaeuz okdaeuj le, gux gou naeuz siengj bae hojcehcan guhcaemz. Aenvih ranzcoj gou mbouj doeng loh hojceh, gux gou cungj mbouj ndaej naengh gvaq hojceh. Dou byaij daengz gwnzgai, gou siengj vad gyaq cicuzcuh naengh bae, gux gou youh mbouj doengzeiq, de naeuz ngamq song leix loh gyae, byaij yaephe couh daengz lo. Caiqgangj ne, naengh cicuzcuh aeu geij maenz ngaenz, de aeu guh sam gouh demhhaiz cij doh naengh baez ci he, guh mbouj gvaq. Gou naeuz mbouj naengh cicuzcuh, couh nangh ci gunghgyauhceh ha, hoeng gux gou ciuqyiengh mbouj nyienh, de naeuz vunz lajmbanj naengh ci mbouj gvenq, yungzheih ngunhci. Gizsaed, gou rox bouxlaux dwg sij mbouj ndaej song maenz ngaenz haenx.
Ngoenzhaenx, ndit haenq ndit remj, gou raen bouxlaux deng ndit dak le ,hanh lae mbouj dingz, ndaw sim caen nanzgvaq. Gou cawx bingz raemx gvangcenzsuij hawj gux gou, youh yaeuh de naeuz bingz raemx neix dwg vunz soengq hawj, gij vunz daeuj gwnzgai guh senhconz soengq raemx hawj vunz sawq gwn. Gux gou ngamq siengj gwn raemx, sawqmwh de raen miz dah lwgmbwk he gvih youq henz loh, gwnz ndang lwgmbwk venj miz gaiq baiz he, gwnz baiz sij miz gij cih neix: Gou dwg bouxhoj, mbouj miz cienz doegsaw, cingj boux simndei bang gou……Gux gou daengz henzndang lwgmbwk haenx maeuq roengzdaeuj, gux gou dinghdingh yawj lwgmbwk haenx, sawqmwh, bouxlaux raemxda lae mbouj dingz, de dawz bingz raemx swhgeij yienh hawj dah lwgmbwk haenx le, youh daj ndaw daehbuh dawz song maenz ngaenz okdaeuj hawj lwgmbwh haenx, de naeuz:“Lwglan neix mingh hoj lai lo, gou bouxlaux ngamq miz song maenz ngaenz hawj mwngz……”
Gou rox youq ndaw singz miz haujlai lwgmbwk yienghneix cang “minghhoj” , gizsaed dwg yaeuh vunz aeu cienz. Hoeng gou youh raen gux gou simsienh lai, gou mbouj nyienh hawj bouxlaux siengsim, yienghneix cigdaengz bouxlaux dauqma lajmbanj, gou cungj mbouj gangj deng yaeuh gienh saeh neix hawj bouxlaux rox.
远在偏僻乡村的姑姑年过古稀，用农村的话比喻就是：吃过的盐比年轻人吃过的米还多！可是，近日我接她老人家到首府南宁小住几日，却让自以为什么都见过的她“眼界大开”。
那天，我带姑姑到南宁市内最繁华的商业街去逛一逛。我们走进南宁百货大楼之后，面对商场里缓缓而上的扶手电梯，她右脚伸出久久不敢踏上去，最后又缩回来。如此反复几次，我见了想搀扶她老人家，不料她却甩开我的手，径自往一旁徒步走上楼去，一边走还一边嘟哝，“城里人懒得出格，连上楼几步路都不愿走！”进到服装区，姑姑盯着套在模特身上的时装念叨：“这套衣服给我儿媳穿合适啊！”我接口说看中就买吧，说着便要付款。当听说一套要好几百块时，她老人家头摇个不停，“死咯死咯，一套衣服就要好几百！我们在乡下做死做活，你们在城市这样大手大脚！”
见我一脸尴尬，姑姑顿时善解人意地说，“侄子，别怪姑姑说话重，你在外面工作20年了，你不懂得，农村老人找两块钱不容易呀！你姑姑我做布鞋垫卖，一个圩日赚几块钱都笑得睡不着觉了！”
离开了“高消费区”，姑姑提出要去火车站。老家不通火车，她老人家一辈子没坐过火车，因此想前去“一饱眼福”。出到大街上，我张手要拦的士，姑姑一口反对，理由是不就两里路吗，花那些冤枉钱干嘛，打的要花费十来块钱，她得卖多少双鞋垫呀才赚回来呀！没办法，那就坐公交车吧，不料她老人家还是摇头，这次她是笑着给我摆理由：“农村人走路惯了，坐车还晕车呢！”我心里很不是滋味，老人家这是为了节约几块钱。当时，阳光毒辣辣的，看着老人额上冒出的汗珠，我的鼻子不禁一酸。趁老人不留神，我飞快在路边摊买了一瓶矿泉水，并谎说是那些搞促销活动者免费赠送的。没等我解释清楚，突然姑姑冲向路边，那速度之快完全不像一位年过古稀的老人。我正疑惑，细看才发现，原来在街道路旁的人行道上，有一位女孩跪在地上，胸前挂着一张硬纸牌，上写“失学、求助”字样。姑姑定定地看着那女孩，看着看着突然老泪直流，她毫不犹豫地把手中那瓶水递给女孩，又抖抖地从衣兜里摸出两块钱来，“苦命的孩子啊，我老人家只有两块钱给你……”
直到善良而年迈的姑姑要回乡下那天，我都一直不敢将那女孩的“秘密”揭示出来。
发表于 2011-6-14 17:53:00
QQ空间
腾讯微博
腾讯朋友
微信
转播
淘帖
分享
收藏
支持
反对
发表于 2011-6-14 20:26:00
Cingznyienh mbouj ngah hawj de rox nauq..
发表于 2011-6-14 22:11:00
发表于 2011-6-15 18:28:00
