Yienghyiengh Hongsaeh Daj Goekgoenq Guh Hwnj

Maenhak

	Yienghyiengh hong saeh daj goekgoenq guh hwnj        Guh Sawcuengh saeh moq  boqgangj  ,daj goekgoenq guh hwnj ,baenz lawz guh ne ?        Guh saehmoq  boqgangj ,aeu rox vunzraeuz goek goenq youq giz lawz ,vunz cuengh raeuz goek goenq youq laj mbanj ,yiengh neix ,laj mbanj vunzraeuz guh gwn guh youq, saehmoq saeh ndei couh dwg  guh sawcuengh vahcuengh boqgangj  goekgoenq .          Goekgoenq boqgangj  saeh moq miz  :         Vunzcuengh guh raeh guh naz  gisuz moq gisuz ndei ,cungjceh caeq ndei ,guh guenj fueng fap  caeq  ndei , sou ndaej caeq lai . Vunzcuengh laj mbanj guh hong moq ,guh dox gaiq moq ,hwnj louz sang louz moq ,daj caeq dox gaiq moq ,dox bang dox couh saeh moq ,dox comz guh vwnzvaq saeh moq !  hai fwen ciengz moq !  hai roen loh moq , guh cangj moq ,guh haw moq , yiengh yiengh aeu bae boq gangj ,mbouj miz vahcuengh saehmoq boqgangj , vunzraeuz seveiq  vwnzvaq couh guh mbouj bae ,saenq sik mbouj doeng ,vunzcuengh ginghsi couh guh mbouj hwnj ,ginghsiq guh mbouj hwnj ,vunz raeuz couh bienq gungzgungz ndangjndangj  ; fan dauq gangj ,vunzcuengh vwnz vaq caemh guh mbouj bae ,guh mbouj hwnj .      Cwngfuj aeu yawj naek vunzcuengh vah cuengh vwnzvaq ,bang vunzcuengh raeuz guh ndei  vahcuengh saehmoq boq gangj ! ,guh laeb gvangj boq dendaiz ,guh hwng guh fouq diegcuengh seveiq .