[原创]路漫文集：壮文的散文

路漫

	“人生七十古来稀”，当今社会上把这句话当做笑谈了，可以说七八十岁的比比皆是了。本人有幸跨进“古来稀”了，想想日后的日子不多了，应该把自己的文字拿出来“晒晒”，让贝侬们当做“文字”撩撩翻翻，也不失它的“价值”了。贝侬们翻过撩过，有什么话要说，尽量提出来，让我在“盖棺”之前有所了解。谢谢！ 这是壮文的散文部分—— 1NAUHCUNG DASANG        Daegmingz yaek bae hwnjhag lo,daxmeh daegdaengq hawj de cawx  ndaej aen nauhcung he. “Dikdag,dikdag!”Nauhcung“naengh”youq gwnz daizsang,daekeiq dangqmaz. “Ling......”Cijaeu nauhcung baez hemq,Daegmingz couh muengz hwnjdaeuj,mboujnex,couh deng daxboh ndaq lo. Couh naeuz haethaenx ba,rogranz doek fwn sadsad, mbwn ngamq buemxsuemj,rumzbaek cihuhu,byawz youh mbouj siengj ninz gik ninz  gvaiz ne.Hoeng,nauhcung mbouj gaenj mbouj menh hemq“Ling......”  lo.Daegmingz fonjfonj ndang,nunu da,caen sij mbouj ndaej liz denz     raeuj. “Mingzmingz,nauhcung heuh lo,lij mbouj vaiq hwnjcongz!”Daxboh byaij gvaqdaeuj,baez biengj denz,couh bek caekhaex iq de. “Dikdag,dikdag!”Nauhcung ndawsim gag bemx,naeuz:“Byawz heuh mwngz mbouj dingq gou heuh ne!”  Youh miz baez ndeu,Daegmingz banhaemh yawj densi hwnz lai,  ninz ndaej cingq van,“Ling.....”nauhcung mbouj vaiq mbouj ceiz youh hemq lo.Daegmingz gikgyanggyang ietiet hwet,rauraurumz, lwgda  lij nanz cengq ndaej hai. “Mingzmingz,nauhcung heuh lo,lij mbouj vaiq di, yawj mwngz   siengj cizdau ha! ”Daxmeh gipmuengz byaij gvaq-daeuj,doq nambyoeb   byoeb doq bang de daenj buh,sousib daehsaw,cig daengz soengq de     okdou bae. “Dikdag,dikdag!”Nauhcung daekeiq vauvau,laihnaeuz cihgeij gig vifung,baez heuh vunz couh dingq.  Yienghneix,nauhcung gag ngon gag haenh ciemh-ciemh dasang  hwnjdaeuj,couh siengj dawz Daegmingz daeuj saj guhcaemz.Baez he, de daegdaengq daezgonq buenq diemj cung he heuh hwnjdaeuj, loengh   ndaej Daegmingz ienq daxmeh heuh hwnjcongz caeux lai, daxmeh youh gvaiq daxboh lumz hwnj lienhcung,daxboh cix ndaq daxmeh hawj cung dinghseiz yawj loek seizgan lo,cix mbouj miz byawz gvaiq nauhcung   saek coenz.  Nauhcung engq daekeiq fwngfwng lo,hix engq cuengq damj lo,  saekseiz heuh vaiq, saekseiz heuh ceiz, loengh ndaej Daegmingz   mbouj rox baenzlawz guh. Doeklaeng miz baez ndeu,nauhcung youh heuh ceiz lo, Daegmingz dauqdaej deng cizdau lo.De deng lauxsae bihbingz le, daejfwtfwt  dauq ranz gvaiq daxboh,daxboh baez hoj,dawz nauhcung vut ok ranz    bae! Daj neix,caiq mbouj raen ngaeuz nauhcung,fwn rwed ndit dak,    mbouj nanz couh myaexmyadmyad,ciengxlwenx caeuq cien naeuh fwnz nduk guhdoih.

伤疤好咯

	"起床" gizgou gangj baenz "hwnjninz","ndiu"

伤疤好咯

	写得太好了,我从头看到尾,深受鼓舞.Dwg ha!raeuz sij ndaej guh,laemx roengz rengz,cungj mbouj lau ndoindoq mbouj baenz suenva.

Honghlaj

	Seizneix, bouxvunz gyaeujndoq lij seng ok byoem daeuj, nanzdauh ndoindoq couh mbouj miz yw gouq ha？“Mbouj ne！” De naeuz，“Gizneix cij dwg noix vunz dwk raemx！” Mbouj lau va mbouj miz seizcin, cix lau seizcin mbouj miz va. Dwg ha,beixnuengx caez bae rwed raemx,aen ndoi ndoq haenx cungj miz ngoengz ndaej faex mak rim ndoeng. 提2个意见,仅供参考: 1、"Fanzdwg haidaeuz nanz."? -----汉语说“万事开头难”，好像没有说“凡是开头难”吧？ dwg "Fanh saeh haidaeuz nanz" ba. 2、第一篇:起床说"hwnjcongz"妥不妥呢?我理解"hwnjcongz"是上床(睡觉),我们把起床说成"hwnq"\"hwnqndang",而"hwnjcongz"是摆供品上桌祭祀祖宗的意思.

路漫

	2Rij iq laecetcet Samnyiedsam Banjsawcuengh ndaej 20 bi lo, couh lumj dahsau ndaej 20 bi he, baenzsau lo, lengjli lo. 20 bi daeuj, diuz loh gumzgumz gaxgax, couh lumj diuz rij ndaw bya, daemj dat dongj hamq, mbouj ndei byaij ha! Diuz rij iq ndaw bya, raemx saw laecetcet. Dah de mbengj vinj he faet youq ndaw raemx, raemxcaw daj gok dat sinz hwnj, youq song ga haumbop gwnzde rouxringx, ronghsiksik sawcingxcingx, gouh haiz he vutvak youq henz raemx…… 　　Dah de, faj bak hoengzfefe gamz nga rum ndeu, va rum deulingz he fed aen naj loq byom de, de song da mumjgyuemq muengh coh diuz rij lae bae gizgyae. 　　Seiqvunz , couh lumj diuz rij iq lae bae cetcet, saekseiz cauznauh, dingding doengdoeng, saekseiz caemnaemj, ngutngut ngeungeu. 　　Dah de, 20 bi, cingq dwg bi’ndwen hwngvuengh hoenghhwd, gadog daeuj daengz aen ndoi fwzfwd, gyaeujndoi ndoqndang…… 　　Dahsau, hab sienghmuengh gijmaz? Dwg gij lijsiengj mizfuk lij dwg gij mizfuk lijsiengj? Dwg gij gyaez gouzra lij dwg gij goura gyaez…… 　　De nyapnyuk? De simfanz? De caemnaemj! 　　Miz vunz naeuz, gyaeundei, dwg saengyaq dahsau. Dwg ha , de gyaeundei. Danghnaeuz daenj hwnj buhvaq habndang, aen ndang reuzred de sawj vunz haeujmaez. Fouq da ronghliklik de, daegmbauq raen le cungj angq hemq：“Va, caen lengj ha！” Ndaw da de hamz miz cungj saenz ndeu, daegmbauq mbei iq haenx naeuz dwg song fag giemq, daegmbauq naekcingz haenx naeuz dwg song cik fwngz iq, seizseiz coh mwngz vad fwngz.. 　　Danhseih, dah de mbouj siengj gij neix. De gyaez coenz vah neix: Gyaeundei dwg dauqcawq cungj miz. Dug rum henz bak deng gaet goenq lo, va rum riengz raemx lae bae. De gip hwnj gouh haiz, daenj ndei, dugdug byaij lo, yamqdin naekgywd de youq gwnz sadan louz roengz gij gumz laeglaeg, lumj hangz hauhmbaet he, hawj vunz bae naemjngeix lailai. 　　“Makdauz ndei gwn faex nanz ndaem. Ndoi ndoq couh ndoi ndoq lo, lij maqmuengh de ok mbengq lwi？”“Yaek mbouj ma！Danghnaeuz ndaej ok mak, cojcoeng raeuz dwg geihbak ha？”…… 　　Gangjlwnh, mbouj dwg vahcit vahlai；gvansim，mbouj dwg gangjbyangz gangjbemx. Dah de lumjbaenz yawjraen gij nywj oiq henz rij, gij mbaw doek bangx ndoi. 　　Seizneix, bouxvunz gyaeujndoq lij seng ok byoem daeuj, nanzdauh ndoindoq couh mbouj miz yw gouq ha？“Mbouj ne！” De naeuz，“Gizneix cij dwg noix vunz dwk raemx！” 　　Yienghneix, de gienj hwnj genbuh, vied hwnj gavaq…… 　　“Duj vamoq he cap hwnj dong haexvaiz……” Miz vunz raen de yienghneix, yaengyaeng danqheiq 　　Dahsau, byawz mbouj miz gag aeunaj？ De sim bibuengq lo, lauheiq ngoenzlaeng miz “daeg” he loeng yawj de. Haexvaiz, geijlai yakdingq ha。 　　De daeuj daengz henz rij cuengq byaij, fouzeiq dik doek ndaek rin he, dingjlingz doek roengz geh gyang rij bae. Raemxrij sawqmwh deng dangj, raemx mbat cuenqlouh, swng hwnjdaeuj, gig vaiq couh dumh gvaq gaiq rin, yingzlij lae bae. Caemhcaiq, sing raemx dingdoeng lumj sing gimz, engqgya remcieng, engqgya rwenz rwz. De fwt ngeix singj：Ndaek vunz ngeiz lai dwg mbouj miz mbei ha. 　　Seizcin daeuj daengz lo, va dauqdaej yaek aeu hai. Mbouj lau va mbouj miz seizcin, cix lau seizcin mbouj miz va.      Mbouj yungh ceizngeiz，daj va daengz mak, aeu byaij gvaq gij bongzrangj dwgrengz neix 　　Danhseih, ciuhvunz, dwg rij iq; rij iq, cungj miz mwh lae daengz daihhaij. 　　Yienghneix, raemxhanh de, dikdik rwed youq gwnz ndoindoq; lwedsim de, ndikndik guenq haeuj ndaw namh bae. 　　Dauqdaej, youq mwh daengngoenz swng hwnj, go maklwg unqnyieg he did okdaeuj lo. Fanzdwg haidaeuz nanz. Gaenj ciep dwk youh maj ok go daihngeih、go daihsam……ndoqndatndat gwnz ndoindoq haenx, loegsaek soqlai siuj raen haenx baenz nyup baenz nyup maj hwnj lo. Hai da muengh bae, lumjbaenz siujhagseng ngamq hag raiz saw haenx youq gwnz ceij nyouqnyanya haenx, baez daih’it sij roengz gij cozyez mbitmbit mbeujmbeuj. Dwg ha, neix caenhguenj mbouj dwg gijmaz saw mbwk saw hung, hoeng dauqdaej dwg de yungh raemxhanh sij baenz ha. [此贴子已经被作者于2009-11-9 22:49:24编辑过]

Liuyuexue

	我只能基本读得懂，但要连贯阅读还比较费劲，阅读量太少的缘故。

路漫

	谢谢honghlaj贝侬！Wnggai dwg fanh saeh haidaeuz nanz.....

路漫

	3我与bauq Sawcuengh 的缘分       五十年以前，当时我正在读初中，适逢壮文方案批准推行。 那时，我姐参加了农村壮文扫盲班学习，带回了一本SAWSON VUNZGUHNAZ，我翻开一看，全部是拼音文字，没有一个汉字。我感到很新奇，就好奇地问我姐：“你带回的是什么书呀？”我姐微微一笑，说：“这是壮文书呀，是我们壮族的文字教本哩。” 原来如此！壮族有了自己的文字了！我格外兴奋和自豪！ 我学过汉语拼音和俄文，对拼音文字并不陌生，于是我认真地把这本壮文教本打开，按照我掌握的拼音知识，磕磕碰碰地念起来，但是还不知所云。 这样，我不得不请教我姐姐了。我姐姐拿起教本，便琅琅读起来。我听着感觉很亲切，这是原原本本的壮话啊！于是，我叫姐姐教我，她说，不知怎么教啊。我说，老师怎么教你就怎么教吧。她就按照她所学的依次读一遍，读着读着，听着听着，我默默地点点头，认为我可以学得好壮文！ 如此就调动起了我学壮文的积极性，于是我叫我姐姐从字母表开始，认认真真读一遍。如此一来，我正式开始学习壮文了！ 其实，拼音文字都是相通的，学会了字母，就可以拼读出来，因为是壮话，听音就识意，如此拼读几次，我就算学会壮文了。 很快，我就把我姐的教本拼读完了。我又把姐姐带回的资料找来读，其实，所谓的资料也很少，只是有一份报纸特别引起我的注意，这就是BAUQ SAWCUENGH。这份报纸也是全部壮文，没有一个汉字，刊登有新闻、故事、山歌等等，很适合我的阅读。特别是故事、山歌，壮味很足，是在其他读物所没有的，因此特别受到我的喜爱。 读了壮文报，我的壮文认读水平大大提高了，于是就用壮文来写日记了。读读写写，写写读读，我对壮文越来越喜欢了，越来越感到兴趣了，不知不觉就产生了给壮文报写稿的冲动了。 这年八月，我参加我县一个工程巨大的水利修建。当晚，几千人参加的夜班开工了，星星点点的汽灯连成一条长线，仿佛一条巨龙，人声鼎沸，场面非常热闹，鼓舞人心。我当时感动不已，激动的心情跳动不止，就打下了一首山歌的腹稿。半夜收工回来，马上用壮文写下来，取标题为Guh Honghaemh,第二天就迫不及待投给了Bauq Sawcuengh,心情才稍稍平静下来。 想不到，大概过了两个星期，一份Bauq Sawcuengh 寄到我的手上，打开一看，竟然是我的处女作Guh Honghaemh 刊登出来了！ 从此，我与Bauq Sawcuengh 结缘了，不断地给她写稿，也就不断地刊登作品了。 1957年底，我荣幸地被评为Bauq Sawcuengh 优秀通信员。以后几年一直到Bauq Sawcuengh 被迫在“文革”中停刊，我总是辛勤地为Bauq Sawcuengh 投了各种各样的稿件，并大部分能发表。 此后十几年的时间里，虽然不出壮文书刊了，但我仍能使用壮文写东西，如写日记，收集记录民间传说、山歌等。 1982年，壮文又迎来第二春，修改方案后重新推行了！ 在报上得到这个消息，我兴奋异常，当时就给区民语委写信探听情况。很快，区民语委办公室的负责人亲笔给我回了信，同时寄来壮文修订方案和一些壮文推行的动态、资料，鼓励我为壮文推行工作贡献一份力量。 我马上对壮文修订方案研究起来，很快弄清方案改动的地方，立刻能读懂这些资料所有的壮文部分。 不久，Bauq Sawcuengh 恢复出版发行了，我即刻写信联系，并得到该报负责人的亲笔回信，并寄来投稿的提示和要求。同时，我即寄钱订阅了Bauq Sawcuengh。从此，我又与Bauq Sawcuengh 重新结缘了！ 以后，我常常给Bauq Sawcuengh 投稿，也经常发表文章了。从此一发而不可收，渐渐，我与Bauq Sawcuengh 的缘分越来越厚了，最终成为她的一名编辑了。       ——Lij Faz [此贴子已经被作者于2009-11-10 23:04:35编辑过]

路漫

	4 壮语真有趣       　　还在我六岁的时候，因为奶奶不愿跟随老爸到城里来，就叫老爸在我入学之前务必带回去和她做伴，于是我有幸到农村和奶奶“三同”了半年。 　　如今，奶奶不在了，原来的旧屋是爷爷的哥哥的孙子们（我应该称呼他们做堂兄）居住。农村多数早婚，这些堂兄都有了儿子，大堂兄甚至有了孙女，所以堂兄的儿子叫我做四姑（连接他的姑姑排名次），而堂兄的孙女还叫我四姑婆。呵呵，十六岁就可以当“姑”做“婆”了，你说，荣光不荣光？ 老家就在Byacwx山脚下，是个壮族聚居的“老巢”，说的纯粹壮话，刚去时我一个音也听不懂。因为老爸是壮族，我户口上也填的壮族，但老妈是汉族，家里的“母语”自然是汉语。不过，由于语言环境的影响，加上奶奶不通汉语，她和我交流常常是手势加壮语，不用多久我就学会了一门语言——壮语。那时，正是壮文恢复推行的年月，我就同和我一样年龄的小伙伴们一起，跟着大人们的屁股去学壮文：a——，ba——，mbe——……兴致勃勃地乱念一通。可学得快忘掉也快，现在除了少数日常用语外，其余的几乎忘个一干二净了。 　　壮语是一门有趣的语言，它的外来语不直接借用普通话的读音，而是一种我也不知是属于什么系统的读音。比如，德国叫做“Daekguek咑咕”，日本叫做“Swdbonj射嘭”，听起来好像是打枪的声音；开始我还以为是，因为这两个国家是二战的罪魁祸首，所以用枪声来称呼。   后来才慢慢了解到，根本不是这样，而是壮语对汉语国名的音译。 　　还有，壮话骂人也是很美，挂在嘴边的骂语是“做妈妈”。这是什么骂意呢？其实，壮语的动词“guh做”用得很广泛，建筑、修建、制造、制作、干活、演唱等等都可以叫“guh做”。比如建筑楼房叫做“做楼房”，修建公路叫做“做公路”，制造工具叫做“做工具”，制作米粉叫做“做米粉”，唱山歌叫做“做山歌”，等等。甚至于男女交欢也叫做“做女人的私处”，说到这儿，就会弄懂“做妈妈”是什么意思了吧？ 　　还有更有趣的，是壮语的倒装修辞，有时不注意还会闹出笑话来。举个例吧，“奶奶我在吃饭”，按汉语的习惯，这句话可以理解为“奶奶和我在吃饭”（双主语），或“奶奶，我在吃饭”（招呼语），但是这句壮语真正的意思是“我的奶奶在吃饭”。你看，有趣不有趣？ 　　回到老屋，很多人涌过来，除了堂兄、堂嫂，其余多是我的“小辈”。小辈见长辈，长辈是一定要给见面礼的，于是我便从旅行袋拿出在城里买的小食品，每人送一袋，虽然极其普通，但“小辈”们都吃得津津有味，议论起来兴高采烈。“四姑还是学生，待四姑有了关饷，就请大家都到大城市去玩个疯。”我歉意地说。大家听了更加兴奋，嚷嚷着屋顶都要震塌了……     　　这时，忽见大门外有几个身影晃动着，我低声问“小辈”：“是谁来了？”“小辈”同时看去，就有人说了：“忘了？你的伙伴呀。” 　　接着，门外就打招呼了：“Dahniq！”哦，这是奶奶给我取的乳名，是十年前的小伙伴看望我来了。我叫他们进来，可他们就是不肯进家。于是我马上冲出家门，来到院子里，四个青春焕发的小青年齐刷刷地盯着我。我也上上下下、左左右右地审视着他们。 　　“不认得了吗？”其中一个高一点的男孩说话了，“我叫Daeg’it。” 　　噢，想起来了，十年前同我玩得最好的小伙伴，激情之下我就扑向Daeg’it，想拥抱他。可他慌忙跳过一边，拒绝我的“乱来”。我愣了一下，突然意识到，这是乡下，是壮乡，男女可以山歌连情，却不可以肌肤相亲。况且，我们都已经长大了，应知道男女有别。 　　于是，我伸出指头，一个个指点着他们，高兴地说：“认得，认得！你，叫Daeg’it、你叫Dahnyih、你叫Auqsan、你，叫Loengzsei……”他们听了高兴得跳起来，异口同声喊道：“你，叫Dahniq！”我激动不已，如果在城里，大家一定会抱成一团，狂欢不止，可这里不行，否则旁观的人一定会以为遇上一群疯子。因此，我只好上前一一和他们握手。 　　那时，我们都是六七岁的小孩儿，对什么都是半懂不懂的，什么都想学大人的样，常常玩办家家。比如，拿瓦片当炒锅，架起两块烂砖头当灶膛，然后树叶当菜，蚯蚓当肉，蝌蚪当鱼……大家便满脸尘灰地忙起来，便有一番乐趣在其中…… 我带头回忆起这些情景，大家的距离立时拉近了，手牵着手共同兴致勃勃地谈论起来。 　　“还记得么？有一次我们玩娶媳妇……”我的话还没说完，Daeg’it突然松开双手，把脸别过一边，满脸的通红…… 那一次，Daeg’it扮新郎，我扮新娘，Dahnyih做伴娘，Auqsan、Loengzsei当轿夫。小孩子没有“性”的意识，当然玩起来有滋有味，一点不觉得难为情。如今长大了，特别在这个年龄段，不说对“性”，就是对“爱”已有朦朦胧胧的认识，所以一提起这事，怎不叫Daeg’it尴尬得无地自容呢？不过，我细想起来，也别扭得羞愧难当：那时，Auqsan和Loengzsei双臂交叉双手互握就成了一乘轿子，本人小小的屁股一坐上去，他们就一抛一抛地悠晃着，我惬意极了；如今，我已经是个“大姑娘”，倘若“大屁股”还要坐上他们的双手、让他们悠晃……嗨，简直不堪设想！ “A——，ba——，mbe——”为了打破这种尴尬，我突然想起十年前学到的壮文，于是大声地念起来。同伴们一听，高兴地跟着念：“A——，ba——。Mbe——，ca——，da——，nde——……”于是，大家凑在一起，热烈地讨论起壮文来…… 　　既然我是壮族，所以好想好想研究一下壮语，说不定歪打正着，以后一不小心我能成为一名民族语言专家呢，你信不信？               李法 Lij Faz [此贴子已经被作者于2009-11-11 22:52:03编辑过]

路漫

	5 Dauqma Seiz Lwgnyez      Loz     Dez Duiyouh ma ranz le,mbouj miz maz ndei guh,baenz ngoenz mbwqmbwtmbwt,ndigah,gou couh siengj hwnj ciengx duzdouq. Liz ranz gou mbouj gyae,miz benq dieg nywj he bingzrwdrwd heuswdswd,seiqhenz lij hwnj rim le gohaz,go’em,gofoed,gou ciengz ciengz bae gizhaenx mbaet aeu nywj mbaw faex ma gueng douq.Moix baez mbaet ndaej baenz rap baenz rap,gij mbaw neix youh heu youh oiq,miz mbangj laj mbaw lij hai va maeqmi homhwd,mboujdanh douq iq ngah gwn gyaez gwn,caemhcaiq hawj ndaw ranz cang ndaej lumj suenva nei,sawj vunz simcingz sangjyauyau. Ngoenz he,miz gyoengq lwgnyez hix daeujdaengz gwnz dieg nywj neix,gyoengqde riuhaha hemqcaca,youq gwnz nywj neix dik cuzgiuz, miz geij byoz nywjoiq sikhaek couh deng caij yungz lo.”Hojsik lai hw!” Gou sim’in dwk youq ndaw hoz hemq hwnjdaeuj.Hoeng,gou mbouj ndei gangj gijmaz,dieg nywj neix dauqdaej mbouj dwg suen gou. Yienznaeuz ndaw hoz nyaenxraixcaix,hoeng ndaw sim cungj miz di mbouj swxcaih. Sawqmwh,henz rwz baez yiengj hwnj “fu” sing he,gou ngeux gyaeuj baez yawj,cijraen miz ndaek nduenndu’ndu he mbin daeuj coh gou.Gou lienz naemj hix mboujmiz seizgan naemj,gingz song fwngz baez rop,laxlawz dwg aen cuzgiuz he! “Ndei ha!””caen ak!””Cunghgozdui itdingh hingz!”Gyoengq lwgnyez hemqhuhu hwnjdaeuj,miz geij laeq lwgnyez buet daeuj coh gou,dawz gou ram hwnjdaeuj,gveng hwnj gwnz mbwn……Laxlawz, gyeongq lwgnyez neix cingq hag gij yiengh “sigaibeih” cuzgiuzsai,gou cingq ngamq ndwn youq baihnaj bakdou cuzgiuz “Cunghgozdui”, dingjlingz ciep ndaej aen giuz neix! Gyoengq lwgnyez dik giuz cingq mizyinx,mbouj hawj gou gejgangj gijmaz,nyengh rag gou bae dang “soujmwnzyenz”.Youq gyoengq lwgnye ndaw neix,gou ceiq sang,miz “gunghcungh youhsi”, dang “soujmwnzyenz” ceiq habsik lo. Baez it seng,baez ngeih sug,lumj miz fangz loengh neix,gou gawqyienz baenz boux cuzgiuz duiyenz he,gyoengq lwgnyez moix baez dik giuz cungj maij heuh gou.Baez ngeih sug,baez sam maez,miz seiz gou lienz ngaiz cungj mbouj gwn couh bae “mbaet nywj douq”, caemhcaiq ciengzciengz maez dik giuz daengz daengngoenz doek bya,lumz le mbaet nywj douq,hoengq fwngz dauq ranz. Yienghneix,gij douq gou couh souhhoj lo,ciengzciengz dwg donq imq donq iek,caiq mbouj raen lumj doengh baez nei diuqekek.Gyoengq lwgnyez haenx mbouj rox baenzlawz rox daengz gienh saeh neix,dik giuz gvaq le couh doxciengj bang gou ciemz nywj mbaet mbaw faex. Yienghneix,gou baez haeuj ranz,couh miz gyoengq lwgnyez he gaenriengz lo,caemhcaiq miz baenzraq baenzraq singriu heux youq ndaw ranz gou,nanznanz mbouj siu. Dwen hwnjdaeuj caen cix geizgvaiq,duiyouh le gou gawqyienz dauqma caeuq lwgnyez guhdoih,aen sim gou hix dauqma daengz seiz lwgnyez lo. [va caetsaek]       [此贴子已经被作者于2009-11-12 23:33:26编辑过]

伤疤好咯

	Gyo'mbaiq mwngz hawj raeuz gij sei lengj neix nyaemq nyaemq.

路漫

	Gou byaij gvaq……(sei sanjvwnz) Gou byaij gvaq suen mak cwzyin bae.Vei,gijmaz lumj dienhdaeng yaep lwgda,gijmaz lumj daengngoenz iengj rongh haeuj naj?O!Dwg makgam,dwg makdoengj,henjlemlem venj rim gwnz nga,henjrwgrwg giet baenz foengq.Neix venj haenx dwg vandiemz,neix venj haenx dwg vuenyungz ha! Gou byaij gvaq bya cwzyin bae.Vei,gijmaz lumj ndaundei deih nyaennyaen,gijmaz lumj cawnyawh ndongqliklik?O!Dwg makgak,dwg makit.Gaxgonq,gizneix ndoqndatndat,seizneix gizgiz mwncupcup.De yiengq vunzraeuz bauq naeuz:Yienghneix riengz dangj laebdaeb byaij baenaj,saedceij vunzraeuz itdingh yied gvaq yied vuenhoengz,gwndaenj itdingh yied ngoenz yied homvan. Gou byaij gvaq naz cwzyin bae.Vei,gijmaz hwnj langh lumj langhhaij,gijmaz henjrwg lumj gim?O!Dwg haeuxnaz henj lo,rumznamz “gyaez” de riunyumnyum!It hauh vwnzgen fat roengzdaeuj,riengzhaeux angq maj raez gvaq rieng vaiz,naed de hung youh fag,doenghnaz angqyangz fan langhgim.Muengh baihnaj,maengx ndawsim;caiq doxbae,yied byaij yied gvangqlangh,yied yamq yied vuensim! …… -----Bauq Sawcuengh B.1984.Nd.10.Ng.27       [此贴子已经被作者于2009-11-15 22:50:33编辑过]

路漫

	6 Ngeihcib Bi Gonq Lumj Ngoenzlwenz      二十年往事如昨 Lij    Cungzsi [geiqniemh bonjbauq laebbanh 45 hopbi fukbanh 20 hopbi] Neihcib bi gaxgonq,gou youq Hozciz aen cangj he guhhong, eizhaenx guek raeuz ngamqngamq gaijgwz gaihfang,gak fuengmienh lij doeklaeng,aen cangj gungx bya gou lij mbouj miz densi,caeuq baihrog leinzhaeh gig noix,siengj liujgaij baihrog cingzgvang,cijmiz yawj <Gvangjsih Yizbau>,couh dandan faenh bauq neix lij dwg ok bauq gvaq sam seiq ngoenz cij soengq daengz ndaw cangj. Ngoenz ndeu,gou youq gwnz bauq yawjraen daeng diuz siusik he,naeuz swcigih dangjveij gietdingh dauqfuk doihengz sawjyungh Sawcuengh,gou angq raixcaix.Gvaq mbouj geij nanz,gou rox swcigih yijveij dauqcungz laebbaenz le,sikhaek nda ceij hawj gihyijveij sij saenq,cam mizgven fuk doihengz sawjyungh Sawcuengh cingzgvang. Mbouj geij ngoenz,gihyijveij hawj gou hoizsaenq lo,sij rim song mbaw saenqceij,gaisau Sawcuengh yunghcawq,doeklaeng lij cingj gou bang guh sevei diucaz,caemhcaiq heuh gou sij gaujgen Sawcuengh geiq hawj gyoengqde dem. Doeg gvaq fung saenq neix le,gou baenzlawz angq couh nanz sij okdaeuj lo.Fanjcingq,duenh haenx gou daegbied simhai,gwn ngaiz daegbied van,baenz ngoenz cungj riu mbouj dingz.Bouxwnq raen gou yienghneix,loengh riu cam gou naeuz:”Geij ngoenz neix mwngz gip ndaej gimndaek ha?”Gou hix loenghriu naeuz:”Gip ndaej gimndaek lij mbouj miz nyaenx angq ne,gou miz bouxcaen he,law bae cibhaj bi youh dauq ra dauq lo.”Coenz vah neix eiqsei dwg:<Bauq Sawcuengh> laebbanj le,gou couh hawj de sij gauj Sawcuengh,”vwnzgwz ”baez daeuj,<Bauq Sawcuengh> hix deng “raemj” lo,couh caiq mbouj miz gihvei sij gauj Sawcuengh dem,seizneix gvaq le 15 bi,youh dauq miz gihvei sij gauj Sawcuengh lo,youh ndaej vih Sawcuengh ok di rengz lo,nanzdauh mbouj dwg gek 15 bi dauq ra raen bouxcaen ma! Mbouj geij nanz,gihyijveij bien yaenq ok <Sawcuengh gunghcoz dunghsin>,lij senj daeng gij gauj caeuq gij saenq gou,gou yawjraen le angq dwk diuq hwnjdaeuj.Yawz mbouj angq ne,aenvih gou yawjraen diuz loh doihengz sawjyungh Sawcuengh gaenq ronghsagsag lo. Gvaq ndaej song ndwen lai,<Bauq Sawcuengh> caemh dauqcungz ok bauq lo! Ngoenz he,gou youq bangunghsiz yawj <Bauq Sawcuengh>, dongzsaeh gou raen le naeuz:”Dauqdaej dwg gunghcwngzswh,yawj bauq hix yawj bauq Yinghyij.”Gou dingqnyi le riu naeuz:”Loek lo,loek lo,bauq neix mbouj dwg Yinghyij,dwg Sawcuengh hane!” “Ha,Sawcuengh?”gyoengqvunz gig geizheih,cungj dixcanj humx gvaqdaeuj yawj. Gou mienh doiq daihgya sikhaek eu hot fwenyoux gwnz bauq he okdaeuj. Ndaw cangj gou dingzlai vunz cungj rox gangj Vahcuengh, dangyienz hix rox fwen.Daihgya dingq le riuhoho hwnjdaeuj,miz boux he dangciengz catnaj gou:”Sou gaej hwnjdangq Lijgungh,hot fwen neix dwg de gag ngon ne,gaenbonj mbouj dwg gwnz bauq daeng miz!” Raen daihgya mbouj saenq,gou sikhaek aeu fwngz vix bien dunghsin he doeg hwnjdaeuj.Daihgya raen gou doq vix cihsaw doq doeg,coenzcoenz dwg Vahcuengh swjgeij,da cungj daengx liux.Mbouj caj gou doeg duenh he sat,bouxboux cungj ngaek gyaeuj dwgdwg,saenq lo,fug lo,neix cingqhangq dwg Sawcuengh raeuz! Gvaqlaeng baez ndaejhoengq,couh ciengzciengz miz doengzsaeh daeuj ra gou gangjgoj ndawbingz,eu fwen ndaw biengz.Yienghneix,gou sij gauj couh miz daihbaj daezcaiz lo,sij ok le caemhcaiq lienzdaemh youq gwnz BAUQ SAWCUENGH daeng okdaeuj.Baezdaengz gou dawz bauqyiengh dog hawj daihgya dingq,daihgya couh angq dwk lienzlienz haenh naeuz:”Sawcuengh raeuz,miz yungh,miz yungh!” Cingq dwg ndaej gyoengq doengzsaeh ndatsim bang gou,gou couh lienzlienz miz cozbinj daeng youq BAUQ SAWCUENGH.1982 nienz gou ndaej bingz hwnj youhsiu dunghsinyenz.1983 nienz 11 nyiedlij ndaej iu bae Namzningz camgya gaiq daih’it youhsiu dunghsinyenz daibyauj daihhoih dem.Yienghneix,gou caeuq BAUQ SAWCUENGH gamjcingz yied daeuj yied laeg,caiq hix gat mbouj goenq dem lo. 1984 nienz 7 nyied,gou diuh daengz bause Bauq Sawcuengh gunghcoz.Daj neix hwnj,gou couh caeuq gihgai gunghyez doxbiek lo,bienqbaenz boux Sawcuengh conhyez gnghcozcej ndeu,doh gvaq le gij ndwenngoenz byongh ciuh laeng gou. Ngeihcib bi,naeuz raez youh mbouj raez,naeuz dinj youh mbouj dinj,caenda yawjraen <Bauq Sawcuengh> dauqcungz cuzbanj,gaijbanj baenz <Gvangjsih Minzcuz Bau> banj Sawcuengh,daengz seizneix youh yied banh yied ndei,ou fanhfaen ganjgai.Gou siengsaenq,ngoenzlaeng de itdingh banh ndaej ngoenz beij ngoenz engq ndei!       [此贴子已经被作者于2009-11-13 23:20:01编辑过]

路漫

	Docih 伤疤好咯 beixnuengx!Cingj lailai son'gyauq!

沙南曼森

	在电脑上输入壮文使用英文标点（半角字符）的时候，最好在标点后输入一个空格，我认为这样才方便阅读，也才符合拉丁字母文字使用标点符号的习惯。这个观点已经有人写成文章，我忘记是在哪里看见过了。比如： “Hoeng,gou mbouj ndei gangj gijmaz,dieg nywj neix dauqdaej mbouj dwg suen gou.Yienznaeuz ndaw hoz nyaenxraixcaix,hoeng ndaw sim cungj miz di mbouj swxcaih.” 半角点号（, ; : . ? ! ）之后添加半角空格，点号与字母不再显得拥挤，句子的停顿和语气更加好区分： “Hoeng, gou mbouj ndei gangj gijmaz, dieg nywj neix dauqdaej mbouj dwg suen gou. Yienznaeuz ndaw hoz nyaenxraixcaix, hoeng ndaw sim cungj miz di mbouj swxcaih. ” 半角标号（如 " '( ) ...- 等）是否也应在适当位置添加半角空格，我倒没有认真思考过，有兴趣的贝侬不妨留意一下。

路漫

	8.Song Faen Naz (song vunz yienjciengq) Lij Faz A:Gaej roq laz roq gyong,cingj dingq song coenz fwen;ndi ciengq go eu nuengx,caengz dwen gonq souh hoj. B:Segyau song ndwen neix,saeh ndei lai fouzbeij;baez ndeu ciengq mbouj caez,cingj nuengxbeix gaej gvaiq. A:Mbanj Bangxcai, B:Gizgiz bya, A:Gwn raemx mbouj miz dah, B:Ndaem haeux youh siuj naz A:Gangj sing hag Dacai, B:Gietsim gaij diegbya; A:Sien hai mboq, B:Caiq vat dah. A:Gaijgez raemxgwn youh dwk naz. B:Bouxboux sim hai va. A:Gangj sing naeuz hai mboq,laux coz angq ndaw sim;haetlaeng mbwn buemxsuemj,vunz ok dou goenjdat. B:Cinghnenz buet dangqgonq,ngonz dig guh siepgeiq;hai dah gvaq lawz bae,aeu sijsaeq caemciek. Aoz Saufaz,yawj baihnaj,lienzmuengz gangj liux vah:Siengj gyawj hai dah soh,yienghneix guh ceiq ndei;danhseih dieg mbouj leih:Sou yawj------ B:Gizneix cienz byadat! A:Baenzlawz guh ne? Bingh ra ndei banfaz. Aoz Vazgyangh,angqyangyang,rag bang cinghnenz hai bak gangj: Hai dah gvaq neix bae,dah mbouj raez dieg bingz;vat naz song faen lingz,Song faen naz,mbouj miz gijmaz law---- B:Vaiq doengh fwngz gaij yawj. AB:Hauxseng rengz rim ndang,bak gangj ndang couh guh.bied ga youh duet buh,doxiu diuq roengz naz. A:Gyoengq hauxseng,roengz naz yaek ciemz haeux,duzyenz miz vunz hat sing ndeu:Hwnjdaeuj! B:Ngangx gyaeuj daeuj,coh naj gaeuj,seyenz daeuj goenjouj. A:Guh maz ciemz haeux? Boz Vazgyangh,ndaejnyi cam,soeng liux gaemz heiq mahsang han:Gaijbienq raeuz diegbya,coih mboq hai dah dwg daihsaeh----Hai gvaq doeng bungz dat,gvaq sae dah youh raez,gvaq baek ciemq reih,hwnj mbwn mbouj ndaej,mwngz yawj baenzlawz guh ne?----Cijmiz baihnamz dieg bingz dah mbouj raez. A:Ciemz haeux vat naz? B:Song faen naz suenq gijmaz! AB:Cij vih song coenz vah,caezgya lwnhfaenfaen; Vih hai dah saecingz,aeu nyinhcaen banhleix. A:Goengsam naeuz:Vat naz guh dah,gou yaengx song fwngz cancingz. danhseih neix haeux cingq mwn,ciemz bae sim’in hojsik. B:Vazgyangh han:Song faen naz haeuxmiuz,sou hwnjdaeuj,cungj mbouj gaeuq bak gaen;mbouj hai dah yinx raemx,mbwnrengx haenq,lienz gaen liengz mbouj dauq. A:Boux neix gangj:Gij Vah Vazgyangh,gangj ndaej dauhleix deng lai.Raeuz hag Dacai,aeu gaij diegbya menmau.Dah mboq mbouj gauj,yaek gaij menmau gangj ndwi,song faen naz neix,vat bae guh dah habsuenq. B:Boux de naeuz:Vat naz guh raemxloh,daihgya rox,dwg vat noh gip ndok;raeuz aeu ngeix daengz gueg,ndaw byalueg,nazraemx dieg mbouj lai. A:Vazgyangh mbouj fugheiq,hai bak ceng dauhleix:Coih mboq hai dah,daengzcog naz raemx daihbaj;neix vut di naz,dwg doek cehraz gip gva. B:Binznungz Golog,hai bak youh buek:Nanzdauh cehraz ndi ok youz?Dah youh aeu vat,naz youh aeu louz,daihgya caez naeuz doiq mbouj doiq? A:Gangj ndaej doiq,gangj ndaej ndei,binzhez cujsiz baij dauhleix: Dajlieb fouz nangx nyaen haeb ma,guh hong fouz naz sou gijmaz?Coih mboq hai dah wngdang guh,vihmaz nyegdingh aeu vat naz? B:Vazgyangh caengz fugsaw,hai bak dingj song gawq:Naz dwg dijbauj gou rox daengz,rindat nanz buen raeuz gaej lumz,vat naz guh dah haet ndeu baenz,bag dat guh dah aeu sam ngoenz! A:Vazgyangh mwngz gangj vah,cij raen gaeu mbaw mbouj raen gva;siengj hai dah dinj gvaq baihdoeng,dwg lau gwnrengz siengj soengyungz.Raeuz hag Dacai hag cingsaenz,gamj buek mbwnnamh gamj senj bya.Dacai bag bya daeuj guh naz,raeuz lawz vat naz daeuj guh dah?Song faen nazreih mbouj geij gvangq,it faen it conq dwg daihgya.Vut bae mboujdan haeux caeuq naz,swhsiengj benhcah ceiq youqgaenj. B:Binzhez cujsiz song coenz vah,diemj ndaej daihgya singj gvaqma: Raen nanz suk doxdauq,bungz dat lau rin ndongj,ndi dwg mbouj miz rengz,dwg swhsiengj caengz ngengh.gwzming lau rengz bae,mbouj dwg ndei haujhanq,byaij loh lau oen camx,lawz dang ndaej yinghyungz. B:Swhsiengj doeng,ganging hung. AB:Ceng guh Yizgungh dawz bya ram. A:Hai bauq. B:Geuh dat. A:Buen rin. Baeh namh. A:Fwngz hwnj bop,mbouj lau manh,laemx sieng hwnjdaeuj doengzyiengh ganq. AB:Hanh doek dieg ok raemx,sing gok bya yaek fan,daih guh sam hwnzngoenz,hai dah baenz,vunzraeuz naengz senj bya,raemx lae bae sasa,reih baenz naz,diegbya bienq yienghceij.Cijaeu swhsiengj ndongj, gijmaz hong,gonggong guh ndaej daengz;Gyoengqde Bangxcai vunz, yinsiz daengz,vunz swhsiengj daih’it. ----Bauq Sawcuengh 1965.12.18

勒丁布壮

	Goeng Lohmah, mwngz ndei! Hwhw, maij doeg gij faenzcieng mwngz, geiq ndaej mwngz raiz gvaq bien ndeu dwg gangj duzma Lahsaz Sihcang, cingzngeih naek lailai! Muengh gij faenzcieng Sawcuengh neix ndaej cingjleix okdaeuj gap baenz bonj saw bae, gijneix dwg gaiqbauj vah raeuz ha! Engq muengh dauq daengz Namzningz le bae Sam Nyied Sam ndaej bae cunz mwngz baez dem,ndeindei dingq mwngz gangj gij goj neix bw! Hwhw! Doeklaeng, muengh mwngz ndang cangq ngoenz ndei!                                                                                                                                 Daegliuj [此贴子已经被作者于2009-11-24 14:22:26编辑过]

路漫

	Daegliuj mwngz ndei! Angqcoux mwngz daeuj ranz gou gangjgoj. Hoh mwngz hong ndei!Ranz ndei!Ndang ndei!