Ruz gap gonj faex
Dogndeu ndeundai ndaw gyang haij,
Rumz baet rumz boq loih(漂流) ma gyawj,
Baenz-le gonjfaex mbouj miz deihhon.
Baenghfuz gaggeij bae gyauh gyauh,
Gyanghwnz nitgyoet doeknaiq duix duix,
Mbouj lw ngawzmuengh gaiqlawz lo.
Ngoenz haenx nuengxsau loih gvaq ma,
Song fwngz umjgot gonjfaex onjmaenh,
Cij muengh ndaw sim byoengx rengz hawj loih.
Yaek soengq mwngz bae daengz fangzhwnz,
Gizde roen lawz lij deqdaengj,
Rengz lw laeuq(遗) noix rox hauhlawz bae.
Dangh miz ruz saek ndaek lenh ma,
Couh cingj ha nuengx vaiqvaiq hwnj gwnz ruz bae,
Doxbeij beix cij dwg gonj faex,
Couhcinj maij nuengx baenz nyaenx lai,
nduknaeuh bae,dingjgeng cix ndaej mbouj nanz.
Cengqgengz dingj roengz ngamq geij ngoenz,
Danh fangzhwnz,
Cij muengh hawj ruz doh mwngz bae.
Dogndeu ndeundai ndaw gyang haij,
Rumz baet rumz boq bae cimh langh,
Gonj faex unqej cix bae mbouj gyae.
Mbouj yienh hawj caezcaez cied bae,
Mbouj hawj bazhwnz mwngz gaet bae,
Mwh beix biek bae hawj nuengx lij miz muengh.
Dangh miz ruz saek ndaek lenh ma,
Couh cingj hawj nuengx mwngz vaiqvaiq hwnj ruz bae,
Doxbeij beix cij seih gonj faex,
Couhcinj maij nuengx baenz nyaenx lai,
nduknaeuh bae,dingj roengz goj ndaej mbouj nanz.
Doxbeij beix cij dwg gonj faex,
Cengqgengz dingj roengz ngamq geij ngoenz,
Danh fangzhwnz,
Cij muengh hawj ruz doh mwngz bae.
新词:参照泰词组词方法.
dogndeu--孤单,
ndeundai--孤独,
deihhon--方向(hon是"路"的另一种发音,富宁和泰语里有)
[此贴子已经被作者于2009-2-23 16:46:53编辑过]
发表于 2008-10-21 03:58:00
发表于 2008-11-14 01:18:00
发表于 2009-7-8 03:31:00
