[求助]希望能有人帮我翻译成壮文

mozozo

	崇左市是全国壮族人口比率最高的地级市。 所以我希望我的“左江在线-崇左信息网”（Cojgyangh Youq Sienq）至少有部分页面能翻译为壮文。 哪位贝侬有空的话可否将 http://www.gxczinfo.net/czgk.htm http://www.gxczinfo.net/lishi.htm 这两个页面的文字翻译为壮文，感激不尽。 :

路漫

	先请教一下：左江，当地壮话如何称这条江？

壮族万岁

	下面引用由mozozo在 2004/03/04 11:22am 发表的内容： 崇左市是全国壮族人口比率最高的地级市。 所以我希望我的“左江在线-崇左信息网”（Cojgyangh Youq Sieng）至少有部分页面能翻译为壮文。... 是Cojgyangh Youq Sienq，而不是 Cojgyangh Youq Sieng，最后一个字母写错了。 左江在当地壮语里的称呼可能每个县都不太一样，在龙州好像叫做 Dahlueng（大河）。

mozozo

	是 Cojgyangh Youq Sienq，我原先打错了。 你可以帮我翻译吗？

壮族万岁

	不好意思，我壮文拼写规则的把握还可以，但是说要翻译汉文为标准壮语的文章，我就做不来了。还是请壮文高手来帮忙吧。

路漫

	试译： “崇左概况”——直译　Cungzcoj Gaigvang 意译　Gangj Dieg Cungzcoj “左江壮族历史”——直译　Cojgyangh Bouxcuengh Lizsij(近期壮文表述）Lizsij Bouxcuengh Cojgyangh(初期壮文表述）　意译　Bouxcuengh Dahlueng Lawz Daeuj 见笑了，请各位指正。

路漫

	要翻译全文，如没人做，我可以试试，但略要拖后才行。问题是：文内名词很多，翻译时汉借词用老借词为主还是新借词为主？请谈谈你的意见。

mozozo

	谢谢路漫老师，我认为使用新借词好一些。 另外，按照壮语的语法，左江壮族历史 Lizsij Bouxcuengh Cojgyangh 这样翻译好一些

mozozo

	另外，我认为只要意思一致就行了，不一定要每句都翻译到。

路漫

	匆匆翻译，未及审读，仅供参考，请众贝侬共同修改。 Cungzcoj Gaigvang 　　Congzcoj Si dieg youq baih doengnamz Guengjsae,dwg aen cungsim cwngci ginghci gyauhdungh Gveiqsaenamz.Cungzcoj lisij gyaeraez,bya dah gyaeundei,vunz gvai dieg ndei,lumj aen caw ndongqmigmig he seb youq bangx dah Cojgyangh Namzguek nei.2003nienz 8 nyied 6 hauh，Cungzcoj Si Yinzminz Cwngfuj venj baiz laebbaenz.Daengx si guenj Gyanghcouhgih caeuq Fuzsuih,Ningzmingz,Lungzcouh,Dasinh,Denhdwngj daengj 5 aen yienh,daih guenj Bingzsiengz Si.Gungh miz 38 cin 41yangh，806 aenhingzcwngcunh.Mienhcik gungh 17345 bingzfuenggoengleix,ciemq Guengjsae cungj mienhcik 7.33%；yinzgouj gungh 227.36 fanh，comz youq Bouxcuengh,Bouxgun,Yauzcuz,Myauzcuz,Huizcuz,Dungcuz,Suijcuz,Ginghcuz daengj minzcuz,ndawde yinzgouj Bouxcuengh miz 202.65fanh，ciemq cungj yinzgouj 89.13%，dwg Cungguek Bouxcuengh yinzgouj ciemq beijlaeh ceiq sang aen digizsi he. Swyenz Dilij 　　Cungzcoj Si dieg hamj bwzveij 21°36`daengz 23°22`，dunghgingh 106°33` daengz 108°6` ndawde(dilij cobyauh bwzveij 22°23` dunghgingh 107°24`)。Baih doengbaek caeuq Nanzningz Si doxnie,baihbaek caeuq Bwzswz Si doxlienz,baih doengnamz caeuq Fangzcwngzgangj Si doxgap,baihsae caeuq baihnamz caeuq Yeznanz Minzcuj Gunghozgoz doxrangh.Cungzcoj Si diciz goucau lauxgeq,diciz daejcaengz dingzlailai dwg nizbanzgij,edezgij caeuq sanhdezgij,ndawde rindat ceiq lai,daihngeih dwg datyouz、datsa,najdieg namhcaengz dwg daihseiqgij sonhsing namhhoengzcaengz.Ndaw neix bya dam bay ndoi nangq ndoi,bo ndoi aen hung aen iq doxrangh,dieg bya lai dieg bingz noix,diegmauh fukcab laiyiengh,cawjdaej dwg gajswhdwz diegmauh.Baihsae dwg Dacinghsanh megndoi,baihnamz dwg Gunghmujsanh megndoi caeuq Sizvandasanh megrieng.Deihseiq yiengh lumj dwg saebaek nem saenamz loq sang,coh baihdoeng mbat roengz,cungqgyang deng Cojgyangh caeuq dahnga de gat mbiengj,cauhbaenz gyauca doxcab aen giuhlingz bingzyenz.Ndaw neix ndoi ceiq sang dwg Bujlungzsanh,dwg Sivandasanh megrieg,youq baihnamz Ningzmingz Yen caeuq Fangzcwngzgangj Si doxrangh haenx(haijbaz1358 maex),daihngeih dwg Gunghmujsanh,youq Cungh Yez biengyaiq Aiden laenzgaenh(haijbaz 1357.6 maex).Ningzmingz Yen miz 8 goengq ndoi haijbaz cien maex doxhwnj.Gij ndoi cien maex doxhwnj lijmiz baihbaek Swcwngzlingj,youq Dasinh Yen caeuq Denhdwngj Yen gyaugyaiq(haijbaz 1073.7maex)，baih doengbaek Saedamingzsanh,youq Gyanghcouhgih caeuq Lungzanh Yen gyaugyaiq (1071.2maex)，baihnamz miz Lungzcouh Yen Dacinghsanh(1045 maex)daengj。Ndaw neix gij dah gvi Cojgyangh suijhi.Cojgyangh dahmeh raez 539goengleix，raemxgoek daj Guhlungzsanh ok,youq Ningzmingz Yen caeuq Yeznanz gyaugyaiq,goekdah heuhguh Gizlungzhoz,lae haeuj ndaw guek heuhguh Bingzezhoz,youq yienhsingz Lungzcouh caeuq Suijgoujhoz doxgap heuhguh Li'gyangh, caeuq dahnga ceiq hung haenx Mingzgyangh doxgap le heuhguh Cojgyangh.Cojgyangh bi bingzyaenx lae raemx 209 ik laebfuengmaex(Fuzsuih Sinhningzcan)，lae gvaq dieg haenx doekdaemq hung,lae gvaq mienhcik 31595 bingzfuenggoengleix.。 Vanzging Swhyenz 　　Cungzcoj Si gvihaeuj yayezdai dumznyinh Gifunghgih,itnyied bingzyaenx heiqraeuj 13.8℃，caetnyied bingzyaenx heiqraeuj 28.1℃，bi bingzyaenx heiqraeuj 20.8℃-22.4℃，fouz mwi seizgan 330 ngoenz doxhawnj，Gyanghcouhgih eng lai daengz 364ngoenz，fwn doek 1088-1799 hauzmij，doek fwn ceiq lai dwg Dasinh Yen Yaleizcin，sigih caeuq Fuzsuih、Ningzmingz song yienh ,bi bingzyaenx doek fwn 1250 hauzmij doxroengz。Seizcin rengx caihaih haemq lai，bet gouj nyied souh yezdai rumzhwx yingjyangj yungzheih fat raemxrongz。Cungzcoj ndit cuk,bi ndit ciuq 1800 diemjcung doxhwnj，gig leih bae fazcanj doenghgo yayezdai。Daengx Si reihnaz mienhcik 22.84 fanh gunghgingj，vunz bingzyaenx daihgaiq0.1 gunghgingj(habdang 1.51 moux)。Ndoengfaex mienhcik 7190 bingzfuenggoengleix，daengx si ndoengfaex cw dieg beijlaeh mauhgvaq 40%，soqlaiz ndaej haenh guh“baujgu loegsaek”。Cungzcoj dwg daengx guek cungyau gihdi ok dangzoij caeuq gihdi ok mak ndei yayezdai。Cujyau doenghgo ginghci miz oij、haeux、haeuxyangz、byaek、maenzfaex、genmaz、youzliuh、duh daengj；nungz linz daegcanj cujyau miz haeuxnaz youhciz、caz、batgak、youzbatgak、gveiqbeiz、iengcoengz daengj；maklaeh、maknganx、makgyoij、makbohloz、makgam makdoengj daengjmak mizmingz haenx caeuq lwgmanhdinghmbwn、nonsei、gujdinghcaz daengjgij loegcak gig miz namzguek daegsaek haenx miz doh daengx si gak yienh(si)。Dasinh dwg daengx guek reok aen gihdiyen hung ok maknganx caeuq “aen diegsuen gujdinghcaz”，Denhdwngj Yen daengx guek gihdi ok lwgmanhdingjmbwn,gai bae daengz Gangj Au Dunghnanzya。Daengx si doenghduz doenghgo caeuq gvangcanj gig fungfouq。Daengx si miz doenghgo cungjloih 4507 yiengh，gwnzhawq 473 yiengh。Ndawde gvihaeuj doenghduz cwx seng seiqgyaiq noixmiz ndaej guekgya cungdenj baujhoh miz gaenggyaeujhau、gaengndaem、yinzbauq、duzloegdiemjraiz、duzlinh、roegroujraiz daengj 30 lai cungj；doenghgo cwx seng cungjloih ciemq daengx guek 1/4，ndawde miz guekgya it ngeih loih doenghgo faexmuenghmbwn、suhdezmbawlem、suhdezyinznanz、gosohloz daengj。Gaenq fatyienh gvangcanj swhyenz 46 cungj，damq mingz yomizliengh 35cungj，cujyau gvangcanj swhyenz miz mungj、namhhan、ringingq、sinh、rinvad、gim、ngaenz、hihtuj、rinhoidaengj。Mungjgvang yomizliengh miz 1.49 ik dun，cujyau cizcungh youq Dasinh Yen,yomizliengh youq daengx guek daih'it,ciemq daengx guek 1/4 lij lai；Ningzmingz Yen namhhan yomizliengh 7 ik lai dun，dwg seiqgyaiq aen gvang daegbied hung noix raen he。Suijliz swhyenz fungfouq，suijliz fatdienh gig miz rengznumj。Cungzcoj Si dujdi、ciengznywj、mbaw oij、raemx daengj swhyenz fungfouq,habsik daihlig fazcanj ywdoj、ndoengvaiqmaj、gova caeuq vaizcij、vaiznoh、mounohcing、mouhom、yiengzndaem、gaeqnohndei、bit、hanq、rwi、byadaemz byadah cungj ndei daengj。

路漫

	Diegvih Gyaudoeng 　　Cungzcoj dieg youq diuz giuz daluz doeng coh Dunghmungz gak guek，miz gij youhsi ndij bien、ndij gauhsuz gunghlu、ndij dietloh、gaenh soujfuj neix。Daengx si miz Ningzmingz 、Lungzcouh、Dasinh、Bingzsiengz 4 aen yienh (si)caeuq Yeznanz doxrangh，bien'gyaiq raez 533 goengleix，dwg aen digizsi bien'gyaiq youq Guengjsae ceiq raez，gungh miz gak loih bien'gyaiq goujan 11 aen。Ndawde guekgya itloih goujan 3aen：Bingzsiengz、Youjyizgvanh、Suijgouj goujan ；deihfueng ngeihloih suqiq mauyiz goujan 4 aen：Aiden、Bingzwzgvanh、Gohgyaz、Sozlungz goujan；Huiwuz goujan 4 aen：Ningzmingz Banjlan、Nazliz、Bwzsanh、Lungzcouh Cunhsiu。Bienminz doxcaeuq guh haw 15 aen，ndawde Ningzmingz 3aen:Aiden、Banjlan、Bwzsanh，Bingzsiengz 4aen:Youzai、Bingzsiengz、Bingzwz、Lungyauz(baugokBujcai、Lungvaiz)，Lungzcouh 5 aen:Nazva、Suijgouj、Gohgyaz、Bugiz、Ginhlungz，Dasinh 3 aen:Yanying、Sozlungz、Dwzdenh。Ndaw neix miz Siengh Gveiq dezlu soh con gvaq，liz soujfuj Nanzningz 122 goengleix，liz bien'gyaiq cwngzsi Bingzsiengz Si 98 goengleix。Youjyizgvanh-Lungzcouh goengloh dwg Guengjsae ceiq caeux goengloh，ndawde Youjyizgvanh-Nazhamqduenh neix youq 1903 nienz doengci。Dangqnaj Cungzcoj Si soj guenj dieg neix miz goengloh 4493 goengleix，ndawde：itgaep goengloh 2.18 goengleix，ngeihgaep goengloh 116.65 goengleix，samgaep goengloh 745.07 goengleix，goengloh maedduh25.86 goengleix/ bak bingzfuengzoengleix。Soj guenj 79 aen yangh cin gaenq doeng youzloh miz 66 aen，caengz doeng youzloh 13 aen；Daengx si 806 aenhingzcwngcunh lij miz 389 aen caengz doeng daengjgaep goengloh。Sigih liz Nanzningz byaij goengloh 153 goengleix，liz ok haij gangjgouj Fangzcwngzgangj 170 goengleix。Daj biengvan cungcin Bingzsiengz ok guek，daengz Yeznanz Liengsanh Si 32 goengleix，大恩给Yeznanz soujduh Hoznei 160 lai goengleix ，caeuq Yeznanz mizmingz funghgingjgih “Gveilin gwnz haij” Yalungzvanh lienz baenz roix。Dangqnaj Cungzcoj Si cingq guh ndeiCungzcoj-Fuzsuih-Nanzningz、Cungzcoj-Ningzmingz、Yaleiz-Sozlungz-Leizbingz、Dasinh-Cungzcoj-Sangswh、Cungzcoj-Lungzcouh、Ningzmingz-Aiden、Lungzcouh-Suijgouj、Leizbingz-Lungzcouh、Cungzcoj-Dozluz-Giliz、Lungzanh-Cunghdungh-Fuzsuih、Lungzanh-Dasinh daengj 16 diuz goengloh vangjloz gveihva caeuq gensez gunghcoz,ceng'aeu 5 bi ndaw neix cienzbouh guh baenz doengci。Seiznei，diuz goengloh gauhsuz Nanzningz-Youjyizgvanh duenh Nanzningz-Cungzcoj vangz gvaq daengx si haenx yaek youq 2004 nienz nienzdaej kl doeng，sigih byaij goengloh gauhsuz daengz Nanzningz Vuzhih gozci gihcangz suk dinj daengz 90 goengleix。Daengx sienq doengci le，Cungzcoj Si gij youhsi guh baenz guek raeuz doeng bae Dunghnanzya diuz loh gvaq gwnzhawq ceiq riengj haenx yaek engq yienh okdaeuj。Riengz dwk Cungguek-Dunghmungz Swyouz Mauyizgih laebbaenz caeuq Nanzningz Dunghmungz Mauyiz Bozlanjhui yaek gawjbanh，Cungzcoj Si itdingh baengh de diegvih daegbied caeuq swhyenz youhsi fungfouq haenx，baenz benq dieg ndaw guek rog guek lijyouz“ndatfub” he。 Vwnzva Lijyouz 　　Youq Cungzcoj benq dieg gyaeundei youh saenzgeiz neix，miz 500 lai giz sanhsuij funggueng、yizvwnz gujciz、doenghduz noix gviq、faexgeq mingzgviq、yenzsij swnghdai daengj lai cungj loihhingz lijyouz swhyenz。Ndawde，miz guekgya gaep funghgingj mingzswnggih giz ndeu、gukgya gaep swyenz baujhugih giz ndeu、sengj gaep swyenz baujhugih 4 giz、sengj gaep vwnzvuz baujhu danvih 17 giz。Senq youq 5 fanh bi gaxgonq，Cojgyangh liuzyiz couh miz vunz coj hozdung，Cungzcoj Si Luzcinghsanh Aijdung vwnzva yizcij，caeuq “Liujcouh Yinz” doengz gvihaeuj giusizgi seizdaih geizlaeng。Dilij diegvih daeg miz neix oemq maj le Bouxcuengh biengvan vwnzva noengznwg。Senq youq 2000 lai bi gaxgonq，cojcoeng Bouxcuengh Lozyez minzcuz couh cauhbaenz vwnzva Byaraiz ndongqmig，vehdat baenz gyoengq sanq youq bangx dah Cojgyangh daengz ngoenzneix lij dwg aen duenz ciuhlaux。Benq dieg geqgoem neix guh cingq gij lizsij fanj cinhloz 、fanj funghgen、fanj apbikneix；1885 nienz，Cingciuz mingzciengq Fungz Swjcaiz youq gizneix hat hwnj hoenxgaj bingcaeg Fazgoz cinhloz，“Cinnanzgvanh daih hingz” riuz doh Cungguek rog guek；1907 nienz，boux gwzming byaijgonq Sunh Cunghsanh youq gizneix caen fwngz diemj yiengj fanj Cing bauq daih'it；1930 nienz，boux gwzminggyah vuzcanj gaihgiz hungmbwk Dwng Suijbingz youq giz neix cujciz caeuq lingjdauj le Lungzcouh Gijyi saenq doh lajmbwn，laebbaenz le Cunghgoz Gunghnungz Hungzginh daih bet ginh caeuq Cojgyangh gwzming gwnhgidi。Cungzcoj Si sigih youq Mingz Cing seizgeiz dwg diegfuj Daibingzfuj。Ndaw si daengz seizneix lij louz miz gij gujciz ciuhlaux hwnj youq Mingz Hungzvuj haj nienz (gunghyenz 1372 nienz) lumj singzciengz ciuxlaux Daibingzfuj、dousingz ciuhlaux 3 aen，nem 《Sigbaiz Miuhlungzsaenz Lisuij》、《Fungyen Lwzsiz》、Vangz Yenzyinz lienzbit sawgeuj《Souh Cienbi》daengj 3 giz sigbaiz。Cungzcoj Si “Nanzguek biengvan fungcingz youz ”dwg Guengjsae cingq cungdenj coi siu haj daih lijyouz sienqloh ndawde diuz ndeu 。Youq diuz sienqloh gwnz neix miz Cungzcoj Gveihlungz dap ngeng(seiqgyaiq bet daih dap ngeng ndawde aen ndeu)、Cungzcoj Gingjdatdaengj caeuq seiqgyaiq doenghduz noix gviq gaeng gyaeujhau baujhugih——Lunggvanh Swnghdai Gunghyenz；Lungjsui-Lunggangh guekgya gaep swyenz baujhugih(dieg hamj Lungzcouh 、Ningzmingz ,guek raeuz miz gozci yiyi gwnz hawq swnghwuz laiyienghsingq 14 aen gvanhgen digih ndawde aen ndeu)；guekgya AAAA gaep gingjgih Yenzbizva Byaraiz；seiqgyaiq daihngeih 、Yacouh daih'it Dasinh Dwzdenh hamj guek raemxdiuqdat gingjgih、Mingzswhoz Denzyenz Funghgvangh；Cungguek gouj daih mingz gvan ndawde dogdog youq biengvan Bingzsiengz Youjyizgvanh；cuhlozgij seizdaih bouxcawj diegcomzyouq ——Fuzsuih gungjlungz goengq vaqsig daengjdaengj。Linghvaih，lij miz geqgoemq saenzgeiz biengvan lizsij vwnzva gingjgvanh：Cungh Faz cancwngh lizsij、biensingz hung iq、bien'gvan bauqdaiz ciuhlaux、Daihcingguek moh fanhvunz、Fazgoz Lingjswgvanj、Cwnz Yungj Lezswz、Hungzbazginh gijnengavanj caeuq youz byaij rizdin Huz Cimingz daengj bien'gyaiq guek rog fungcingz。Hamj guek lijyouz hix gig fuengbienh，lijyouz gaenq cugbouh baenz Cungzcoj Si canjyez baenghgoek ngamq hwng ndawde yiengh ndeu。

路漫

	Ginghci Cang'gvang 　　2003nienz Cungzcoj Si ndaw guek swnghcanj cungjciz dabdaengz 109.51 ik maenz，beij bi gonq demgya 7.2％；ndawde daih'it canjyez vanzcwngz demgya ngaenz 41.38 ik maenz，doengz beij demgya 1.3％；daihngeih canjyez vanzcwngz demgya ngaenz 23.61 ik maenz，demgya 15％(ndawde gunghyez 17.28 ik maenz，demgya 10.2％)；daihsam canjyez vanzcwngz demgya ngaenz 44.52 ik maenz，demgya 8.5％；sam aen canjyez gezgou beij dwg 37.7∶20.6∶41.7。Caizcwng souhaeuj 13 ik ，doengz beij demgya 9.9％；sevei guding swhcanj douzswh vanzcwngz 32.5 ik maenz(mbouj baugvat Nanz Youj gauhdwngjgiz goengloh douzswh suq cix dwg 26.07 ik maenz)，doengz beij demgya 41.6％；gveihmoz doxhwnj gunghyez vanzcwngz cungj canjciz 41.1 ik maenz，doengz beij demgya 17.9％；sevei siuhfeibinj gai lingz cungj suq 43 ik maenz，doengz beij demgya 8.7％；vaimau cincuzgouj 2.59 ik Meijyenz，doengz beij demgya 66％，daengx gih baizmingz daih'it；benhmau gaicawx guh baenz 26.87 ik maenz，demgya 26％。“sam nungz” gunghcoz gaenjsaed doi baenaj，nungzminz souhaeuj onjwt daezsang。Oij canjlieng dab 1168 fanh dun，demgya 7.45％；noh canjlieng dab 12 fanh dun，demgya 6％；suijcanj cungjcanj dab 5.3 fanh dun，demgya14％；nungzminz vunz bingzyinx cingh souhaeuj dab 1927maenz，beij bi'gvaq demgya 6％；cwngzcin daenggeiq sizyezliz 3.6%；daengx si yinzgouj swyenz cwnghcangjliz dwg 5.27‰，beij daengx gih bingzyinx suijbingz daemq 2.03 aencienfaendiemj。 Singz mbanj lwgminz swnghhoz suijbingz onjdingh miz swng，daengx si sevei cwngci okyienh onjdingh gizmen。 　　Gaengawq gij muzbyauh Swcigih dangjveij、cwngfuj daezok haenx，giethab Cungzcoj Si saedsaeh，siveij si cwngfuj daezok，2004 nienz daengx si ndaw guek swnghcanj cungjciz aeu beij bi'gvaq demgya 10％，caizcwng souheuj demgya 10％，sevei guding swhcanj douzswh demgya 30％，vaimau cincuzgouj demgya 12％。Singz mbanj lwgminz vunz bingzyinx ndaej ceiboiq souhaeuj 6400 maenz，demgya 8.5％；nungzminz vunz bingzyinx cingh souhaeuj 2004 maenz，demgya 4％。Yinzgouj swnghcanj gaemhanh youq Swcigih dingh cijbyauh dox ndaw。Cungzcoj Si gvaqlaeng facanj muzbyauh dwg ：Hwnq baenz Cungguek——Dunghmungz Swyouz Mauyizgih diuz loh gwnzhawq neix,aeu yayezdai nungzyez、bien'gyaiq gunghyez、gozci sanghmau、bien'gvan lijyouz、Bouxcuengh vwnzva caeuq sanhsuij yenzlinz guh daegdiemj,mienh yiengq Dunghmungz aen cwngzsi hailangh dieg baihnaj he。Vih neix，siveij si cwngfuj dingh guh le baenz roix gunghcoz cungdenj：It、Ca ndei Cungzcoj Si cungsim cwngzsi gihcuj sezswh gensez，gya vaiq cwngzcinva cincwngz，ceng'aeu 2008 nienz cungsim cwngzgih cungj yinzgouj dabdaengz 13 fanh vunz doxhwnj。Ngeih、Gya vaiq gyaudoeng vangjloz gensez，cuk baenz aeu Cungzcoj Si guh cungsim doeng coh gak yienh(si)、yienh(si 、gih)doeng cohgak yangh(cin)、yienh linzgaenh(si、gih)doxdoeng,sam aen diemjcung he gyaudoeng gvangx。Sam、Daihlig coicaenh gunghyezva，gya vaiq caizyenz hanghmoeg gensez cincwngz，baugvat caenqitbouh youhva daezswng cidangzyez，cizgiz fazcanj gencaiz gunghyez，gya vaiq fazcanj gvangcanjyez，daihlig fazcanj suijdenyez，ceng'aeu saen hai hong bae gihcuj sezswh gezsez hanghmoeg ndeu。Seiq、Diuzcwngz dajndaem gezgou，fazcanj daegsaek 、gauhyauq nungzyez，cizgiz coicaenh nungzyez cienqyiengq gunghyez，baengh gohgi cinbu，doigvangq ceh ndei fap ndei，youhva binjcungj、binjciz gezgou，gya vaiq gensez nungzyez sifan yenzgihgesez。Haj、daihlig fazcanj lijyouzyez，ung maj ginghci demgya moq，cujyau dwg cizcungh cinglig ca ndei lijyouz cinghbinj haifat，doedok daegsaek caeuq binjvih，2008 nienz daengx si ciepdaih bouzyouz dab 380 fanh vunz baez，lijyouzyez cungj souhaeuj dab 12 ik maenz。Doenggvaq lijyouzyez daiqdoengh dajyinh、yinjsiz、yizloz、saenqsik daengj fuzvuyez fazcanj，ceng'aeu daih sam canjyez bi bingzyinx demgya 10.5％。Roek、Gya vaiq bien'gyaiq koujan gensez，guh mbwk guh giengz bien'gyaiq mauyiz。Gaengawq aen iugouz neix，daengx si yaek caenqitbouh gya vaiq gaijgwz hailangh yamqdin，cizgiz yinx haeuj guek ndaw guek rog swhginh、gisuz、yinzcaiz，mbek gvangq sou aeu vaimau lingjyiz，hawj boux douzswh ndaej gij vanzging engq soengsup gij cwngzcwz engq youhvei。Daengx si sevei siuhfeibinj gai lingz ngaenz suq bi bingzyinx demgya 10％，daengz 2008 nienz dab daengz 70 ik maenz；daengx si mbouj dwg gunghyoujci ginghci cungj liengh youq daengx si ginghci ndawde bijcung dab daengz 70％ doxhwnj，caenhrengz ceng'aeu miz 50 gya mbouj dwg gunghyoujci giyez nenzcanjciz mauhgvaq 1000 fanh maenz，miz 10gya mauhgvaq ik maenz，godij gunghsanghhu dab daengz 7 fanh hoh，swjyingz giyez fazcanj daengz 1100 gya。guh dangz 、gencaiz gunghyez dwg bonj si canjyez cawj baengh，gvangcanj yejlen gyagoeng、nungzfu canjbinj gyagoeng、bien'gyaiq cuzgouj gyagoeng、cauh ceij、lincanj、guh yw、dengih canjbinj canghbi dwg bonj si canjyez cungdenj。 　　Cungzcoj Si dieg youq bien'gyaiq digih、saujsu minzcuz digih caeuq gwzming laujgih，yiengjsouh guekgya baihsae daih haifat cwngcwz youhvei benhmau cwngzcwz nem fuz hwnj saujsu minzcuz digih、gwzming laujgih cwngzcwz，vih daengx si fazcanj bien'gyaiq mauyiz 、mbehai doiq baihrog mauyiz caeuq gya vaiq ginghci gensez yamqdin，daez hawj cwngzcwz baujhoh gengndongj。Miz sim angq coux baengzyoux guek rog、Gangj Au beixnuengx、rog guek gyauzbauh caeuq ndaw guek gak giz doengh boux daeuj neix douzswh haifat，caez guh ok saehnieb hungmbwk。

沙南曼森

	路漫老师辛苦了，短时间内翻译了这么长篇的资料！ 我的壮文水平还远远达不到可以审稿的程度，所以还望熟悉壮文的贝侬抽出宝贵时间认真看看路漫老师辛辛苦苦写出来的翻译稿，拜托了！

mozozo

	顶一顶

壮族万岁

	路漫老师辛苦了，确实这么短的时间里能够翻译出这样的篇幅，真是令后辈小生佩服。 我壮文水平也没有达到可以“审阅”的程度，粗略地看了一下，感觉如果是按照目前的壮文规范，这样的翻译可以说是趋于完美的。关于汉语借词的借入方式，我们讨论过很多次了，按照壮语语法来消化汉语借词，目前来说确实是老百姓所听不太懂的，大家都习惯了囫囵吞枣地借入汉语借词，所以似乎壮文规范如何迎合这样的借词方式是合理的。不过，我仍然觉得既然壮文目前还处在没有普及的阶段，其象征意义大于实际作用，换句话来说，在这个社会当中能够读懂壮文的人相对来说不多。所以，既然是象征意义，何必不将这个规范的东西往照搬汉语借词的“死胡同”里抽身而出，做好我们自己的壮语法的规范呢？也就是说，不管是Lizsij Bouxcuengh 还是 Cangcuz Lizsij，能够看得懂的人也不多，何必不坚持用符合壮语语法的Lizsij Bouxcuengh 而用破坏壮语语法的 Cangcuz Lizsij？ 意见也不成熟，仅供参考。

mozozo

	谢谢路漫老师，可不可以在最后写上“鸣谢《三月三》杂志社 原副主编‘路漫’老师翻译”呢？：） 之所以要做壮文版的崇左概况，确实象征意义要大于实际意义，主要是唤起当地的壮族同胞认识到自己民族的语言文字，确实现在的“正规”壮文象用壮文拼音标注桂柳话，就连崇左市人民政府公章、牌子也是写成 CUNGZCOJ SI YINZMINZ CWNGFUJ

路漫

	mozozo贝侬，理解你的心意。不过，我想不必“鸣谢”，原文也不注作者的呀。 第二篇材料，等有空再翻译。请能谅解。

mozozo

	为不使人误解为是外国文字，我在首页连接到壮文版写的是汉语“壮文”两字而不是壮文，我认为这样妥当一些：）

壮族万岁

	以下是引用mozozo在2004-3-16 3:01:09的发言： 为不使人误解为是外国文字，我在首页连接到壮文版写的是汉语“壮文”两字而不是壮文，我认为这样妥当一些：） 我认为很不妥。我觉得 “Cuengh（壮）”这样的处理最妥当。 [此贴子已经被作者于2004-3-16 11:19:10编辑过]

路漫

	久违了，现翻译第二篇左江壮族历史 同样是匆匆作出，未及校对，请众贝侬共同修改。 Cincou Cangoz seizgeiz Bwzyez minzcuz cujyau dwg nungzyez ndaem haeux guhcawj,soujgunghyez cix ak hoij rok daemj baengz,sawjyungh(铖?)caeuq giemq doengz，youq ranz diengz，veh ndang nem yungh nyenzdaengj。Cinz Han seizgeiz，laebbaenz Siengqgin，neix doiq haifat dieg Bouxcuengh Cojgyangh gig miz cungyau yiyi，hix gangjnaeuz dieg Cojgyangh caeuq lwgminz dwg gvihaeuj cunghyangh cwnggenz dungjci ndawde bae。Danhseih，aenvih dieg Cojgyangh doekgungx，funghgen dungjcicej mbouj naengz cigciep daeuj guenj。Daengz song Cin Namzbaekciuz seizgeiz，Cunghyenz mbiengj haenx cancwngh deihdeih，gaenbonj mbouj miz rengz daeuj goq daengz。Ndigah，doengh gij vunz cojBouxcuengh youq dieg Cojgyangh neix gig noix caeuq baihrog doxgyau，sevei ginghci caeuq vwnzva de ，yingzlij“cungj youq rongz gangj roeg” ，baujlouz gij minzcuz yijyenz caeuq minzcuz fungsug noengznwd。Han daengz Namzbaekciuz seizgeiz，Bouxbu、Bouxraeuz lij aeu nungzyez guh cawj，soujgunghyez daemj baengz engq fatdad。 　　Dangzciuz doiq dieg bien'gyaiq hengzguh haifat seiz，ciu an gij bouxdaeuz Bouxbu、Bouxraeuz，dawz Guengjsae dieg Cuengh gvi hawj Yunghcouh Duhduzfuj、Annanz duhduzfuj bae guenj，gaij Suizciuz duhyenci guh couhyenci,cizgiz haifat dieg“Bouxraeuz biengingq”，dem laeb le haujlai cou yienh。Youq dieg comz saujsu minzcuz laeb cou yienh lox ndei，leihyungh gak cuz bouxdaeuz baihgwnz guenjleix gij saeh deihfueng。Lumj Yunghcouh Duhdzfuj doengj guenj cou lox ndei 25，dingzlailai dwg lwgminz Bouxraeuz youq。Daj Namzbaekciuz faenmbek daengz Suiz Dangz doengjit，gij neix saedsaeh dwg fuzhab gij leih'ik bouxcoj daengx guek yinzminz(baugvat Bouxcuengh)。Hoeng lingh fuengmienh，gij neix hix hamz naeuz funghgen dungjci gyagiengz caeuq gyalaeg，yienghneix cix mbouj ndaej mbouj coi gik gij mauzdun bouxcoj Bouxcunegh nem funghgen vangzcauz haenx。756nienz,Saeyienz（seizneix Dasinh、Denhdwngj、Cingsih rangh neix)Vangzdoengh Vangz Genzyau liemzhab seiqhenz gak bouh，Comz vunz 20 fanh fanj dingj Dangzvangzcauz dungjci，Gung roengz 18 aen cou,hwnj yazmonz fung guen。Fanj dingj baih le，794 nienz，yinzminz Vangdoengh ndaej Vangz Saugingh dazyinx youh hwnj。Lwg de Vangz Canghmenj daiqlingx gyoengq vunz lajfwngz de gonqlaeng gung roengz 13 aen cou。Ciep daeuj Vangz Saudu daengj youh daiq gyoengqvunz hwnjbing。Saeyienz yinzminz Bouxcuengh fanj hoenx laebdaeb guh le 100 lai bi。 　　Soengqdaicuj doengjit daengx guek le，youq Cidau sam nienz （997nienz），youh dawz Lingjnamz veh baenz Guengjnamzdoeng、Guengjnamzsaeloh，Guengjsae gvi haeuj Guengjnamzsaeloh。Guengjsae baihdoeng caeuq baihbaek youz Soengqciuz cigsoh hengz funghgen dungjci，doiq baihsae caeuq baihnamz cix ciuq Dangzciuz guenj haenx，laeb lox ndei cou、yienh、doengh，“laeb bouxdaeuz de，hawj gag guenj gag rub”，yungh haksaih 、daezgawj daengj hak Bouxgun gamdoek，doiq dieg Bouxcuengh hengz funghgen dungjci engq ndaej gyagiengz，gyamaenh caeuq yiemzmaed lox ndei cou yienh cidu。Youq dieg Bouxcungh laeb lox ndei cou、yienh、doengh，doiq yienzlaiz bouxdaeuz vunzdoj fung hawj guendoj cihcouh、genzcouh、cihyen、cihdoengh，hawj de daeuj dungjci dangdieg yinzminz。Caemhcaiq baij haksaih、daezgawj daengj hak Gun geunjleix guendoj。Couh dwg 《Gveihaijyizhwngzci、cimanz》sij naeuz：“faen mbek gyoengq comz de，hung haenx guh cou，iq haenx guh yienh，caiq iq guh doengh。……gawj boux ak de guh daeuz，laeb cek gij lwgminz de guh cangdingh。……miz cihcouh、genzcouh、gancouh、cihyen、cihdoengh。”Youq dieg Bouxcuengh Soengqciuz guendoj dungjci haenx，cujyau miz 5 mbaek sevei daengjgaep：①Cawjhoh，couh dwg gak gaep guendoj,dwg funghgen lingjcuj gaihgiz。Gyoengqde dawz cwngci dungjci caeuq ginghci dungjci hab youq gizndeu，doiq bouxhoiq hengz guh at caq manz doeg。Gij linjdi gyoengqde faen guh song bouhfaenh，bouhfaenh he dwg genj aeu gij naz ceiq ndei dang guh “naz ciengx yaenq”roxnaeuz“naz yaem mienx”；lingh bouhfaenh nazreih cix“suenq bak vunz hawj lwgminz”，faen hawj gij bouxhoiq de guenj haenx bae ndaem，dawz gyoengq hoiq cug youq gij nazreih neix，caemhcaiq diuh gyoengq hoiq bae guh “naz ciengx yaenq”roxnaeuz“naz yaem mienx”，guh gak cungj hong、dangbing、dang cai daengj。②Naz ceijgyap，youh heuh baiznajmax，hix couh dwg gij bouxhoiq yiengq guendoj lingx aeu“dieg faenh”bae ndaem youh cien vih guendoj bae dangbing。③Doenghding，couh dwg doenghminz。Hix couh dwg gyoengq vunzlai bouxhoiq yiengq guendoj lingx aeu“dieg faenh ”ndaem haenx。④Hoiq ranz。Neix dwg gij hoiq ndaw ranz ,dwg daj baihrog gaemh ma、cawx ma roxnaeuz buenz haq daeuj haenx cien hawj guendoj guh hoiq guh noz haenx。⑤Swyouzminz。Gwnzneix sevei gezgou cingzgvang，fanjyingj le gij funghgen daengjgaep yiemzsaed youq cogeiz Soengqciuz Bouxcuengh lingjcuj funghgen sevei。 　　Baeksoengq vuengzciuz nyaengq youq caeuq baihbaek Liuz Sihya hoenxciengh，mbouj ndaej hoengq goq daengz baihnamz。Siengzfuz sam nienz(gunghyenz 1010 nienz)，Gyauhcij Leix ciuz laebbaenz，Gyauhcij Leix ciuz swngz Baeksoengq vuengzciuz doiq baihnamz biengyaiq soengyoengq，manz ciemq dieg Bouxcuengh，dued aeu vunz，caq aeu doxgaiq ngaenzcienz。Soengqsaenzcungh youq Hihningz nienzgam caeuq Gyauhcij Leix ciuz heonxcingh。Mboujduenh nyau ciemq henz haij Guengjsae。Nungz Cigauh hwnj bing fanj dingj ，Youq Dangjyouzcouh (seizneix Cingsih baihdoeng)laebbaenz “Daihligguek”，vuengz Gyauhcij Lij Dwzcwng youh baij bing dwk hoenx。Nungz Cigauh lai baez iugouz gvi haeuj Baeksoengq，Baeksoengq vuengzciuz vih mienx ndaej baihnamz bien'gyaiq ok saeh，mbouj hawj leixlangh。Nungz Cigauh youq Anhdwzcouh (seizneix ndaw yienh Cingsih)laebbaenz “Namzdienguek”。Vangzyou seiq nienz(gunghyenz 1052 nienz)，daiq bing gung ciemq singz Yonghcouh(seizneix Namzningz Si)，gag cwng“Yinzvei vuengzdaeq”，gaij guekhauh guh“Daihnamzguek”，nienzhauh Gijliz。Riengz dwk，hai daihdoih ndij Yi'gyangh roengz baihdoeng。Youq 10 lai ngoenz ndaw neix，lienzlienz gung roengz henz dah 9 aen cou,cig daengz laj singz Gvangjcouh。Bingdoih Nungz Cigauh caemh youz 5000 vunz gig vaiq vuengh daengz 50000 vunz。Humx gung singz Gvangjcouh 57 ngoenz,gung mbouj roengz。Baeksoengq vuengzciuz baij daihbuek bing daeuj humx gaj，Nungz Cigauh daiq bing cienq dauq Guengjsae，deng Soengqciuz daihciengq Dizcingh youq Gunhlunz Gvanh Gvihyinzbuj dwk baih 。Funghgen dungjcicej doiq Bouxcuengh vunzciuhgonq fanj dingj doucwngh hengzguh manzlig dwk fug，fuengmienh he daihliengh gaj vunz，fuengmienh he dued aeu vunz bae dang noz guh hoiq，sawj gyoengqde youq laj bien ciemhciemh ciepsouh vwnzva Bouxgun，yungz haeuj Bouxgun bae。Dwk baih Nungz Cigauh le，Causungmingz doiq gij vunzcaen singq Nungz saedhengz gaj raeg，doiq beksingq Nungz doengh cix gaij hawj singq heuh “guh vunzndei”，gaij aeu singq Bouxgub。Bouxcuengh Nungz doengh vih mienx deng gaj mied，mbangj he gaij aeu singq Cau，mbangj he cix nyaenx sim nyaenx heiq ，dawz cih 侬 mbek bae henz cih人，aeu 农 guh singq，caemhcaiq youq ndaw gyahbuj naeuz coj de dwg riengz Dizcingh daj Sanhdungh daeuj。Lumj singq Nungz gyahbuj yienghneix sij：“……Coj gonq coj goek ，yienzbonj dwg lan laenj vuengzdaeq，daengz neix gaenq miz song cien lai bi，daihdaih swnj hung，sanq youq gak sengj yienh haenx ，daihdaih miz vunz。Daengz Vangzyou nienzgam，singq Nungz nga vunz neix，daj Sanhdungh Swngj riengz Diz Vujsiengh(Cingh)daeuj dwk baihnamz haenx，baenz cien hwnjroengz……gag sanq youq Denh、Yez、Yez daengj dieg……”Singq Nungz dwg cingqbaiz Bouxcuengh。Aenvih dungjcicej doiq hwnjbing doegsiep dwk hoenx，vunz daihlaeng dwen daengz duenh saeh lizsij neix ndawsim lij yup，ndigah mbouj gamj bek aek nyinh bouxcoj swhgeij caeuq singq Nungz(侬) miz lienhhaeh。 　　Hihningz nienz(gunghyenz 1075 nienz) 12 nyied，Gyauhcij comz 10 fanh daihbing，daj gwnz raemx gwnz hawq song loh gung dwk Guengjsae。Loh raemx youz fujgoz davei Lij Cangzgez daiqlingx，daj Yungjanh (seizneix Yeznamz Manghgaih) doh haij gung roengz Ginh、Lenz(seizneix Hozbuj) 2 cou。loh hawq youz Sung Veizdan daiqlingx daj Gihlangzmungj roemx Daibingz (seizneix Cungzcoj)、Yungjbingz (seizneix Ningzmingz) 2 saih，humx gung Yunghcouh (seizneix Nanzningz)，cihcouh Suh Genz daiq bing minz souj singz 40 lai ngoenz。Gyauhcij gung singz roengz le，gaj dai lwgminz 5.8 fanh lai vunz。Yunghcouh loemq le，Soengq heuh Goz Gveiz daiq bing fanj hoenx，bilaeng cib ngeih nyied gyaep binggyaep bing Gyauhcij ok Ginh、Lenz、Yungh 3 cou。Cib nienz ngeih nyied sou dauq Gvangjyenzcouh (seizneix Cingsih baihnamz caeuq Yeznanz giz doxnem)，gyaep bae daengz Fuliengzgyangh，bing Soengqciuz aeu aengaeuhrin nyingz rin，dwk vaih ruz bing Gyauhcij，dwk baih bing Gyauhcij，gaemh dawz Leixciuz daiswj Lij hungzcinh。Vuengz Gyauhcij Lij Genzdwz douzyiengz，deng ep yiengq Soengq hwnj saw “boiz coih”，lienzdaemh nab gungq。Ndaej daengz Bouxcuengh lwgminz bangcoh，hoenx roengz Gyauhcij Leixciuz cinhloz heiqyiemh。Riengz dwk cunghyangh vuengzciuz dungjci gyalaeg，baedauq maedmaed，Bouxcuengh youq bauj ndaej Bouxraeuz vwnzva doengzseiz，ciemhciemh cug di supsou Hanzcuz vwnzva。Deng Han vwnzva yingjyangj，Bouxcuengh vunzcoj caux ok sawndip。 　　Yenzdai Gvagjnanzsaeloh senhfujswh dwg youq Soengqciuz dieg Dwzmodau laebbaenz，gunghyenz 1276 nienz (Ciyenz cib sam nienz)，Ahlijhaijyaz daengz Cinggyangh(seizneix Gveilinz) ciugyangq Gvangjnanzsaeloh(seizneix Guengjsae)soj guenj gak cou。Ahlijhaijyaz nyinhnaeuz"lwgminz Cinggyangh heih fanj，mbouj naek fad de，Guengjsae gak cou mbouj fug，yienghneix gyonj haem bae。Baij bouxsawj bae ok buengj，ciu yaeuh Gvangjnanz Hihdung Nungz Swgvei caeuq Cojgyangh Lij Veizbingz 、Yougyangh Cwnz cungzveih song cien vunz cungj daeuj nab ngaenz。"Yenzdai vih cuk maenh bien'gyaiq，fazcanj swnghcanj，youq Guengjsae dieg Congjgyangh daihliengh ciu vunz guh naz rom haeux。Ciyenz ngeih cib gouj nienz(gunghyenz1292 nienz)Guengjsae Lengjgyangh senhvei fusij Vuhgujsinhcwz ciu ndaej minzding 4600 lai hoh，laeb Leizliuz 、Nazfuz 10 mbanj ，hai ndaem naz haeux。Dadwz ngeih nienz(gunghyenz 1298 nienz)，youh ciu ndaej Hihdung Yauzcuz Bouxcuengh minzding，youq Sanglang、Cunghcouh(seizneix Fuzsuih)daengj dieg guh naz rom haeux，hai ndaem naz suiq 540 lai gingj。Guengjsae yenzsaifuj lij ciu ndaej Nanzdanh 5000 hoh guh naz rom haeux，gungh laeb 5 mbanj，caemhcaiq hawj vaiz、ceh caeuq hongdawz，doiq coi hwnj bien'gyaiq swnghcanj fazcanj caeuq gyamaenh bien'gyaiqmiz cizgiz cozyung。 　　Daengz Mingzciuz le，dungjcicej hengzguh “aeu vunzrog ceih vunzrog”lox ndei cwngcwz，guendoj(dujswh)cidu ndaej daengz haemq ndei fazcanj。Youq Cojgyangh、Yougyangh miz hung iq guendoj yaxmonz 49 giz。Gyoengq guendoj leihyungh gienzseiq，giuj aeu daih dued reihnaz nungzminz，yienzhaeuh co hawj nungzminz bae ndaem。Gawq Cunghvaz Yinzminz Gunghozgoz laebbaenz le diuhcaz，gyoengq guendoj gij mingzmoeg co reihnaz gig lai，geq miz：Nazguhcai、nazrapraemx、nazcaemlaeuj、nazdangbing、nazgajgaeq daengj ngeih sam cib cungj。Nungzminz co naz aeu ciuq cungj naz lawz daeuj ok guendoj yaek aeu sou maz，danghnaeuz miz saekdi ngaiznyed roxnaeuz fanj dingj，couh deng fad hoenx，naek cix deng gaj dem。Youq Mingz vuengzciuz 、gyoengq guendoj doegsiep ep caq baihlaj，Bouxcuengh yinzminz cix hwnjdaeuj fanj dingj。Daj Mingz byai Cing co hwnj，Bouxgun daihliengh vaiqvi senj daeuj dieg Bouxcuengh(gaxgonq mbouj caengz miz gvaq)，caemhcaiq youq gizneix cap mbanj seng lwglan，vunzsoq yienghneix daihdaih demlai。Mingzciuz goxgonq，Bouxgun daeuj dieg Cuengh dingzlai dwg auq mbouj ndaej，bing Bouxgun daeuj hai naz rom haeux ciengx bing，vunzfamh deng langh daeuj“gizgungx”，vunzdiuznanh lah daengz mbanjcuengh。Gij vunz Bouxgun auq mbouj ndaej deng daeuj dieg Cuengh neix haemq noix，gyahwnj roxnaeuz hoenxciengh dai，roxnaeuz mbouj gvenq raemx namh bingh dai，caeklaiq lix roengzdaeuj hix noix ndaej anonj，daengzlaeng lienz aeu yah seng lwg hix nanz，yienghneix cix vunzding mbouj vuengh、lwglan mbouj lai。Cingdaih le couh mbouj daih doxdoengz，cawz dangbing daeuj、vunzfamh daeuj le，engq miz daihliengh Bouxgun(guh reihnaz、guh seng'eiq、cangh dinfwngz)haeuj daeuj dieg Cuengh，caemhcaiq dwg bouxsenhmbanj cawjdaej。 　　Cingdaih，youq cou、fuj、yienhlaebbaenz hagdangz，hoeng aenvih bozsoz naek lai，swnghcanj guh mbouj gijmaz，bouxguhhong ndaej doegsaw cix gig noix gig noix。Gyoengq guendoj daihliengh ciemq aeu reihnaz，doiq yinzminz cwngci epbik caeuq ginghci bozsoz sawj sevei ginghci ho gad，cunghyangh vuengzciuz hix nanz ndaej baij yungh gyoengqde。Mingzciuz conienz hwnj，hengzguh“gaij doj gvi liuz”，hoeng guendoj caenh rengz fanj dingj。Yienghneix couh okyienh guendoj caeuq guenliuz caemh youq，guendoj gaem saedgienz，guenliuz dang hoengq cungj ciengzmienh neix，roxnaeuz mbouj laeb gunliuz ，hoizdauq guendoj。 1852 nienz，Vuz Lingzyinz youq Sinhningzcouh(seizneix Fuzsuih Yen)daiqlingx vunzcungq hwnj bing，riengzlaeng youh sou ndaej geij doih nungzminz hwnjbing，itseiz heiqseiq daih vuengh，Cojgyangh、Yougyangh dieg gvangqlangh neix cungj gvi gyoengqde gaemguenj。1861 nienz youq Daibingzfuj(seizneix Cungzcoj Si) laebbaenz “Yenzlingzguek”，Vuz Lingzyinz dang“Yenzlingzvuengz”。Duenh neix，Bouxcuengh nungzminz hwnjbing lienzlienz，dieg gvangqlangh Bouxcuengh vih gij bing neix gaemguenj，Cingzciuz dungjcicej nyaengq dai baeg lix，goq neix vut haenx。Danhseih aenvih hwnjbing mbouj miz bouxdaeuz daeuj dungj guenj nem gak cungj yienzaen，deng bing Cingciuz cug giz dwk byoengq，gonqlaeng dwk baih。Cungj fanjfoek neix，sawj “gaij doj gvi liuz”guh ndaej gig numq，ngaiznyed daengz 1929 nienz cij suenq guh sat。“Gaij doj gvi liuz” cugbouh doihengz，gaijbienq le funghgen lingjcujci gij dujdi gvanhaeh caeuq yinzswnh doxbangh gvanhaeh，gaijfang liux swnghcanjliz，sawj gij sevei ginghci yienz dojswh dungjci haenx ndaej daengz fazcanj moq。 　　1949 nienz 10 nyied，Cunghvaz Yinzminz gunghozgoz laebbaenz le，Bouxcuengh doengz gak minzcuz beixnuengx ityiengh，youq cunghgoz Gungcanjdangj lingjdauj baihlaj，gonqlaeng ginggvaq cingfeij fanjba、gemj co gem ap、cinyaz fanjgezming daengj lienzdaemh ginzcung yindung，cezdij doifan funghgen bozsoz cidu，andingh sevei sizsi，hoizdauq cingqciengz swnghcanj hozdung。Vih engq ndaej rimhoz gak saujsu minzcuz cwngci iugouz，gyamaenh caeuq gyagiengz yinzminz daihdoxgiet，baujcwng gak cuz yinzminz sojmiz gienzleih bingzdwngj，engq fuzhab saedsaeh cingzgvang caeuq minzcuz daegdiemj daeuj fazcanj Guengjsae cwngci、ginghci、vwnzva saehnieb，sawj gak minzcuz doengzcaez byaij haeuj seveicujyi sevei。Gaengawq 《Cunghvaz Yinzminz Gunghozgoz Yenfaz》caeuq 《MInzcuz gihyiz swci sizswh ganghyau》gvidingh，1958 nienz laebbaen Gvangjsih Bouxcuengh Swcigih。“Vwnzva dagezming”geizgan，Coj nyoegynyamx daengz dingj，Bouxcuengh yinzminz cijndaej dawz vwnzva yizcanj swhgeij ndek hwnj bam bae，fwen mbouj gamj eu，heiqcuengh mbouj gamj ciengq，haujlai vwnzvuz gujciz noix miz haenx dangguh doxgaiq funghgen maezsaenq deng coemh，couh lienz gij minzcuz cihsiz fwnswj gaem ndaej sawging sawndip、liujgaij Bouxcuengh vwnzva gujciz doenghgij bouxmo geq haenx hix deng daenj hwnj mauh funghgen maezsaenq，lied haeuj dajgiz duisieng，mbouj siuj vunz hamz ien gvaqseiq。Heiqcuengh deng laih naeuz dwg funghgen “seiq gaeuq”deng gimq ciengq，haujlai canghheiq geq deng aemq coih“boux boq haenh di vangz cieng sieng、caizswj gyahyinz、fungh swh siuh”cix deng bihban doucwngh。Doxgaiq ciengqheiq deng muedsou，gij guzgan conhyez gidonz deng bik ndwn gvaq mbiengq，haujlai citheiq deng laih naeuz “daduzcauj ”cix deng bihban，heiqban seizhoengq lajmbanj deng ep dingz ciengq。Gyonj daeuj gangj，cib bi doenghluenh geizgan， Bouxcuengh conzdungj vwnzva giepnanh laeglaeg。1978 nienz dangj cib it gaiq samcung cienzhoih le，Bouxcuengh conzdungj vwnzva fazcanj coux daeuj seizcin，eu fwen、ciengq heiqcuenghmbouj caiq deng hanh，“samnyiedsam”daengj mbangj ngoenzciet hozdung lij dem miz neiyungz caeuq hingzsik moq。Doiq vwnzva yizcanj ndawde，daiq miz itdingh cunghgyau maezsaenq swzcaij neiyungz haenx hix naengzgaeuq siujsim doiqdaih，nyinhcaen faensik，onjdang cawqleix，cix mbouj dwg aeu co manz banhfap luenh guh can he。Youq gaijgez gaihfang ngoenz beij ngoenz haeuj laeg seizneix，Bouxcuengh yinzminz youq swnj swngz conzdungj vwnzva doengzseiz，byaengq hai najaek，mboujduenh comz aeu gij ndei gij lengj，sup aeu yendai vwnzmingz cwngzgoj，cauh guh ngoenzcog engqgya lwenjmig iengjda。