书搎倱抇那（第二册课文）

路漫

	Mwngz ndei byaij bw! itdingh ciuq vah mwngz bae guh. ceng'aeu seizgan lai lienzhaeh!

duhand

	[这个贴子最后由duhand在 2003/12/10 11:30am 编辑] 回19楼 Ngam ma lo？——你刚刚到啊？（客人远道而来的场合），我觉得这句话应该是用于熟人（而且是本地人）而不是用于客人，对于远道而来的人应该说Ngam ndwng（或dou) ha?。ma 是回来的意思，哪有对刚到的客人说“刚回来啊？”的。（不过话说回来，也可能是方言不同而已） Ndei byai只适用于送人，而不适用于通电话，通话时最“土”的说法是“ywng ho bo”（就这样） 注：我写的壮文不标调

路漫

	我的方言打电话说“再见”是这样说：Ndei,cik dangq nyaenx lobw.

季人

	呵呵，还是路漫老师说的方言听起来最亲切。

路漫

	GOQ  DAIHCAET  课第七 AEN GIVA HAJ BI DAIH'IT MBEFAT GOZMINZ-GINGHCI GUEK RAEUZ 嗯计划吓嗶乜发国民经济国偻        Bi 1955 ndwen 7,aen hoih mbat daihngeih geiz daih'it daengx guek Yinzminz Daibyauj Davei dingh aen giva haj bi daih'it guek raeuz ok daeuj lo.Aen giva neix,dwg daj bi 1953 daengz bi 1957.嗶1955 朊 7,嗯会抹第二期第一墱国人民代表大会定嗯计划吓嗶第一国偻遌斗啰。嗯计划内，嘚打嗶1953蹬嗶1957.           Gij yinvu goek aen giva haj bi daih'it dwg:aeu haenqrengz mbefat gunghnez gonq,youq ndaw neix ceiq youqgaenj youh dwg lai comz cienzcaiz caeuq goengrengz bae mbefat gunghneznaek.Youq haj bi neix,guek raeuz giva hwnqguh roek bak gouj cib seiq hangh gunghnez hung.Youq ndaw roek bak gouj cib seiq hangh gunghnez neix,aeu Suhlenz bang raeuz hwnqguh it bak haj cib roek hangh hong hung haenx,ma guh gyangsim,(seizneix,Suhlenz youh lai bang haj cib haj hangh.)laebhwnj gij giek gunghnezva seveicujyi guek raeuz.Vanzlij mbefat nungznez-swnghcanj-hozcozse caeuq soujgunghnez-swnghcanj-hozcozse,dawz hongreihnaz caeuq   hongdinfwngz  daeuj hengzguh seveicujyi-gaijcau,caiq baen geiz baen geiz gaijcau swhbwnjcujyi-gunghsanghnez baenz ginez swhbwnjcujyi guekgya,menhmenh dawz de bienq baenz ginez seveicujyi bae.叽任务唂嗯计划吓嗶第一嘚殴鞎哴乜发工业遦，呦禸内最要紧又嘚赖尀钱财奏功哴呸乜发工业靹。呦吓嗶内，国偻计划扞抇坴百九十四项工业宏。呦禸坴百九十四项工业内，殴苏联帮偻扞抇一百吓十坴项揘宏拫，麻抇畺心，（时内，苏联又赖帮偻扞抇吓十吓项）立扞叽塉工业化社会主义国偻。唍哩乜发农业生产合作社奏手工业生产合作社，锝揘坜那奏揘踲摓斗行抇社会主义改造，再分期分期改造资本主义工商业捹企业资本主义国家，愐愐锝僣变捹企业社会主义呸。        Vih hawj seveicujyi guek raeuz  hwnqguh ndaej engq vaiq,daengx guek yinzminz seizneix haenqrengz guh hong,ceng aeu mbouj daengz haj bi couh guh baenz gij hwnqguh aen giva haj bi daih'it,vanzlij ceng aeu guh ndaej mauh gvaq bae.Gyoengq vunzguhnaz raeuz caemh aeu lumj daengx guek yinzminz nei,youq laj Gungcanjdangj caeuq yinzminz cwngfuj dazyinx,aeu ngoenz ciemh ngoenz daez sang gij swhsiengj seveicujyi,boux boux aeu roengzrengz banh nungznez ndei bae,mbouj caiq hawj miz baujsouj-swhsiengj,gaij dajgeng dajndaem ndei bae,lai vat daemz,lai coih fai,roengzrengz rom bwnh,re rengx,re dumh,re non,hawj reih naz bi beij bi demsou,haenqrengz lai hai dieg fwz,vih hawj guekgya lai miz haeuxgwn,lai miz faiq,lai miz youz caeuq lai miz gak yiengh huq bonj dieg gag miz,raeuz aeu roengzrengz guh hong,guh daengz yiengh yiengh ndaej demsou,bae bangrengz hwnqguh seveicujyi-gunghnez.为嘘社会主义国偻扞抇攂更快，墱国人民时内鞎哴抇揘，争殴踎蹬吓嗶僦抇捹叽扞抇嗯计划吓嗶第一，唍哩争殴抇攂冒卦呸。儝倱抇那偻僝殴啉蹬国人民訥，呦拉共产党奏人民政府跶引，殴昀渐昀提槡叽思想社会主义，甫甫殴躘哴办农业婑呸，踎再嘘眉保守思想，改打耕打揇婑呸，赖挖沊，赖摴瀤，躘哴攣喯，挒脼，挒沌，挒蜳，嘘坜那嗶比嗶添收，鞎哴赖开坻芣，为嘘国家赖眉糇哏，赖眉夞，赖眉油奏赖眉各样货本坻佫眉，偻殴躘哴抇揘，抇蹬样样攂添收，呸帮哴扞抇社会主义工业。

路漫

	GOQ  DAIHBET  课第八      RUMZ HOM CI DOH BYA DOH NDOI冧菡咥趓岜趓垖      Hom hw!Va ndongq seiqseiz hai,  菡哬！花哝四时开，      Hom hw!Haeux song miuz sou ndaej lai,   菡哬！糇双苗收攂赖，      Hom hw!Haeuxyangz baenz rungh baenz bya,菡哬！糇樣捹硦捹岜，      Hom hw!Oij baenz caz baenz caz henz dah.菡哬！葨捹苲捹苲冄�j。      Hom hw!Raet rang hwnj rim ndoeng,   菡哬！菞嚷佷晽岽，      Hom hw!Gveiqbeiz gwnz bya sang.菡哬，桂皮埂岜槡。             Batgak nding baenz feiz,八角咛捹萉，             lwgmak hom youh van,勒杩菡又唍，             Hom hw!Hom hw!菡哬，菡哬！     Rum hom ci doh bya doh ndoi,冧菡咥趓垌趓垖，     Rumz hom geuj gvaq haw gvaq singz,冧菡扏卦圩卦城，     Rumz hom baet doengh sujbaq gyaeuj loegloeg ndingnding,冧菡揊动綀帕苟绿绿咛咛，     Rumz hom cup baj naj riunyumnyum duh bouxcoz.冧菡哫把那膫喑喑嘟甫諎。     Cifeiz youq ndaw rumz hom hwnz ngoenz baebae dauqdauq,车萉呦禸冧菡脝昀呸呸辺辺，     Ruzfeiz youq ndaw rumz hom hwnjhwnj roengzroengz,艪萉呦禸冧菡佷佷躘躘，     Gak cuz yinzminz youq ndaw rumz hom haenqrengz guh hong,各族人民呦禸冧菡鞎哴抇揘，     Coenzcoenz fwen danq "aen guek ndeigyaez hungmbwk raeuz".誫誫喚叹“嗯国婑憩宏嚜偻”。

路漫

	GOQ  DAIHGOUJ  课第九 BAENZLAWZ NDAEM GOOKLAI捹楽揇檛遌赖 Gooklai miz haujlai cungj.Lumjbaenz maenz,maenzdoengzlingz,biek,maenzfaex,doengh go neix cungj dwg gooklai.Doengh go neix miz cungj moux sou ndaej cien lai gaen,miz cungj moux sou ndaej seiq cien lai gaen,go maenz go biek moux vanzlij sou ndaej baenz fanh gaen.Ndaem gooklai,gij gwn couh demsou ndaej lai。Gaeu maenz,mungz biek,nyaq haeuxyangz vanzlij ndaej ciengx cukseng.檛遌赖眉好赖种。啉捹菛、菛同玲、苉、菛棐，諌檛内总嘚檛遌赖。諌檛内眉种亩收攂千赖斤，眉种亩收攂四千赖斤，檛菛檛苉亩唍哩收攂捹万斤。揇檛遌赖，叽哏就添收攂赖。芶菛、蒙苉、椏糇樣唍哩攂唴畜牲。 Baenzlawz ndaem gooklai ne?Seiz neix raeuz gangj gij fap dajndaem go maenz,go haeuxyangz caeuq go maenzdoengzlingz.捹楽揇檛遌赖呢？时内偻讲叽法打揇檛菛、檛糇樣奏菛同玲。 Ndaem maenz aeu genj yungh ceh maenz Uzyoujgih caeuq maenz Langdouz Gonqyangz doengh gij ceh ndei neix.Binaengz aeu aen hung aen ndei bae gauq.Gaeu maenzsawz raez le,yaek genj aeu gaeu hung gaeu noengq bae ndaem caeux di;reih aeu cae laeg,byoengj aeu sang,dwk bwnhdaej aeu cuk,gaej ndaem laeg lai,deih cax aeu ndaem hab.Daengz go de maj le,aeu ciengzseiz bae ciemz rum lumx goek,fan gaeu roxnaeuz yaeuj gaeu,caiq faen geiz dwk bwnh.Daengz maenz hab sou le,couh aeu sou ma,gaej hawj deng nae deng mwi.揇菛殴揀用秄菛吴有区奏浪头灌阳諌叽秄婑内。嗶能殴嗯宏嗯婑呸菒。芶菛薯嚟咧，捳揀殴芶宏芶蕽呸揇晭哋；坜殴鎡嘞，塳殴槡，徳喯底殴足，丌揇嘞赖，趆蹅殴揇合。蹬檛僣傌咧，殴常时呸搛藺撛唂，翻芶鲁詉揂芶，再分期徳喯。蹬菛合收咧，就殴收麻，丌噓帄胒帄睂。 Ndaem haeuxyangz dwk ceh aeu doiq seizciet.Yaek doek ceh,aeu ciemq ceh ndei bae,baez doek ceh aeu dwk bwnh gonq.Doek ceh aeu yungh gij fap "song rongh go ndeu ndaem deih".Danghnaeuz miz go lawz mbouj hwnj,couh bae comj vaiq di;danghnaeuz hwnj deih lai,couh ciemz go iq bae.Gvaqlaeng caiq baen geij baez dwk bwnh,ciemz rum lumx goek,re non re nengz.Go de langh va le,aeu bae mbaet vaboux,beuq faenjva;yaek ndaej sou,couh aeu louzsim genj ceh,daengz geq couh sou ma.揇糇樣徳秄殴对时节。捳揬秄，殴浸秄婑呸，畁揬秄殴徳喯遦。揬秄殴用叽法“双垄檛牜揇趆”。当詉眉檛楽踎佷，就呸拶快哋；当詉佷趆赖，就搛檛吚呸。卦踜再分期呸徳喯，搛藺撛唂，挒蜳挒斏。檛僣蓢花咧，殴呸擟花犦，摽粉花，捳攂收，就殴留心揀秄，蹬喈就收麻。 Ndaem maenzdoengzlingz aeu doiq seiz,reih aeu cae laeg aeu gyaih bingz;ceh aeu cab gvaq menh dawz bae ndaem,hawj go de did ngaz ndaej vaiq;ndaem aeu ndaem deih di.Miuz hwnj le,danghnaeuz go lawz mbouj hwnj aeu bae comj vaiq di.Miuz maj le,couh aeu dwk bwnh,ciemz rum,lumx goek,re non  re nengz.Daengz maenz ndaej sou,couh aeu sou ma.揇菛同玲殴对时，坜殴鎡嘞殴耤平，秄殴卦愐嘚呸揇，噓檛僣揥芽攂快，揇殴揇趆哋。苗佷咧，当詉檛楽踎佷殴呸拶快哋。苗傌咧，就殴徳喯，搛藺，撛唂，挒蜳挒斏。蹬菛攂收，就殴收麻。 Ndaem gooklai vanzlij aeu louzsim son'gvangq ginghnen ndei,yungh sim ngeix fap dajndaem moq ok daeuj,yiengh neix dajndaem cij lienzdaemh ndaej demsou.揇檛遌赖唍哩殴留心搎咣经验婑，用心議法打揇蟇遌斗，样内打揇吇连踲攂添收。

路漫

	GOQ DAIHCIB  课第十 GOENGFOU NDAEM HAEUXNAZ  工夫揇糇那 Haeuxnaz dwg go gooklai ndeu,dwg yiengh haeuxgwn youqgaenj ndaw guek raeuz,youq lajmbwn suenq guek raeuz ok haeux ceiq lai.糇那嘚檛檛遌赖裊，嘚样糇哏要紧禸国偻，呦拉暪算国偻遌糇最赖。 Yaek aeu ok haeux lai,couh aeu yawjnaek goengfou dajndaem,doengh gaiq naz ndaem haeux haenx,seizdoeng aeu cae gvaq,aeu cae laeg,daengz seizcin,aeu cae caeuq oemq naz.Danghnaeuz naz dwg nazboengz,naz raemx gyoet,naz fan gyaj,naz byom cungj aeu gaij ndei bae.Cae doeng caeuq cae laeg miz maz ndei ne?Vah bouxlaux naeuz:“Cae reihnaz gvaq doeng,ndei gvaq roengz bwnh ndong;lai cae roengz conq namh,haeux sou bam youh bam.”Ndigah,gaiqgaiq naz raeuz cungj aeu cae doeng cae laeg.Cae doeng le,aeu gip doenj fiengz seuq bae.Daengz cae cin,aeu dwk raemx caeux di,yienghneix duz nonconsim cij dai raeg.捳殴遌糇赖，就殴睮靹工夫打揇，諌块那揇糇拫，时冬殴鎡卦，殴鎡嘞，蹬时春，殴鎡奏洝那。当詉那嘚那淜，那淋砐，那番稼，那瘢总殴改婑呸。鎡冬奏鎡嘞眉嘛婑呢？话甫老詉：“鎡坜那卦冬，婑卦躘喯濃；赖鎡躘寸湳，糇收柈又柈。”尼嘠，块块那偻总殴鎡冬鎡嘞。鎡冬咧，殴扱墩椖滫呸。蹬鎡春，殴徳淋晭哋，样内读蜳钻心吇殆叾。 Mwh caengz doek gyaj,aeu genj ceh ndei gonq,lai yungh ceh ndei.Aeu saet doengh gaiq naz haeux ndei ma guh ceh,aeu raemxyw fuzwjmajlinz daeuj cimq ceh,yienghneix cij re ndaej haeuxdaihau,haeuxokcoeng……doengh gij bingh neix.Yaek doek gyaj,aeu genj dieg gyaj caeuq guh dieg gyaj ndei gonq.Doek gyaj aeu habseiz,aeu doek caeux,doek mbang di;naz gyaj aeu dwk bwnh aeu guenjleix ndei,aeu re go gyaj naeuh,hawj go de maj ndaej noengq.嚒噌揬稼，殴揀秄婑遦，赖用秄婑。殴摂諌块那糇婑麻抇秄，殴淋蓣福尔马林斗浸秄，样内吇挒攂糇殆皓，糇遌葱……諌叽病内。捳揬稼，殴揀坻稼奏抇坻稼婑遦。揬稼殴合时，殴揬晭，揬杗哋；那稼殴徳喯殴管理婑，殴挒檛稼孬，噓檛僣傌攂秾。 Ndaem naz wngdang lai yungh “go iq ndaem deih”,hangz liz hangz roek conq,go liz go roek conq roxnaeuz seiq conq.Hoeng,gijneix aeu yawj gak dieg mbouj doengz daeuj ndaem.Ndaem go haeux hung iq,gak dieg mbouj doxdoengz.Baihnamz Guengjsae,go ndaem haj roek dug daengz bet gouj dug gyaj;baihbaek Guengjsae caeuq doengh dieg haemq nit haenx,miuz daih'it miuz daihngeih go ndaem bet dug daengz cib dug,roxnaeuz lai saek song dug.Daengz miuz doeklaeng,caemh ndaej ndaem go iq di.Ciuq baeznaengz daeuj gangj,naz biz roxnaeuz doengh dingz gyaj biu ngeiq lai haenx,ndaem go iq di;naz byom roxnaeuz doengh go gyaj biu ngeiq noix haenx,ndaem go mbwk di.揇那应该赖用“檛吚揇趆”，行离行坴寸，檛离檛坴寸鲁詉四寸。訌，叽内殴睮各坻踎同斗揇。揇檛糇宏吚，各坻踎跺同。排南广西，檛揇吓坴椟蹬八九椟稼，排北广西奏諌坻尒拫，苗第一苗第二檛揇八椟蹬十椟，鲁詉赖瑟双椟。蹬苗趃踜，僝攂揇檛吚哋。照畁能斗讲，那肶鲁詉諌仃稼標檍赖拫，揇檛吚哋；那瘢鲁詉諌稼標檍脮拫，揇檛嚜哋。 Ndaem naz le,aeu dwk bwnh ndaej hab,aeu gaenx bae lieb,gaenx dajleix.Vah bouxlaux naeuz:“Fanh rap bwnh cien rap haeux.”Bwnh mboujdan aeu dwk gaeuq,vanzlij aeu dwk bwnh ndei,aeu lai dwk bwnhdaej.Roengz bwnh aeu yawj daeuj guh,miz mbangj geij yiengh bwnh gyonjgyaux le menh dwk,miz mbangj dan dwk yiengh ndeu,miz mbangj yawj haeuxmiuz daeuj dwk.Ndai naz aeu habseiz,it miuz aeu ndai sam seiq baez;baez ndai aeu dwk bwnh.Dwk raemx lek raemx aeu hab,giz miz raemx lai haenx,mwh go haeux mboujcaengz langh va,raemxnaz dwk feuz di,ndaw naz aeu ciengzseiz miz haj faen raemx couh ndaej lo,daengz go haeux langh va le,menh dwk daengz conq raemx ndeu;haeux henj couh cuengq raemx hawq bae.Yienghneix ndaem cij ndaej hawj go haeux maj ndaej ndei.揇那咧，殴徳喯攂合，殴勤呸猎，勤打理。话甫老詉：“万揦喯千揦糇。”喯踎单殴徳够，唍哩殴徳喯婑，殴赖徳喯底。躘喯殴睮斗抇，眉邙几样喯圌撹咧愐徳，眉邙单徳样裊，眉邙睮糇苗斗徳。艿那擸淋殴合，埼眉淋赖拫，嚒檛糇踎噌蓢花，淋那徳冹哋，禸那殴常时眉吓分淋就攂啰，蹬檛糇蓢花咧，愐徳蹬寸淋裊，糇烻就奘淋魼呸。样内揇吇攂嘘糇傌攂婑。

Stoneman

	以下是引用路漫在2003-10-29 11:37:35的发言： 看了大家的跟贴，心中十分欣慰！纵使只有一个人看，以后我会坚持把这套壮文课本继续推介的。谢谢大家！ Lohmanh Lauxsae. Dohci mwngz. Mwngz dwgrengz lo. Lij miz lwglan doeg saw mwngz. Ngoenzlaeng mwngz ndaej hoengh caiq sij lai di okdaeuj hawj lwglan Bouxcuengh hag.

Stoneman

	以下是引用路漫在2003-12-8 10:52:59的发言： 壮人好像真的没有“你好” 的问候词。但在具体场合还是有问候词的。如我的家乡，通常有：早上见面——romh lai（这么早啊）！吃饭时间——gwn caengz（吃了吗）？路上见面——bae gyawz(哪里去）？迎送——ndei byaij（走好）！menh youq（留步）！感谢——docih(多谢）！劳驾——dwgrengz mwngz lo(辛苦您了）！…… Youq mbanj gou: 路上见面: Mwngz yaek bae lawz? Mwngz yaek bae guhmaz? Mwngz bae guhmaz ma? Mwngz baema la. Mwng gwn (ngaiz, lingh, caeuz) yaengz. Mwngz gwn qvaq yaengz （吃了吗）？ 劳驾——Mwngz dwgrengz lo(辛苦您了) 迎送——ndei byaij（走好）, menhmenh byaij 感谢—— Heiqdong mwngz. Heiqdong. (docih 多谢）！

Stoneman

	以下是引用路漫在2003-10-22 22:04:09的发言： ... 特别是它那时所使用的新词汇，现在有的已经被一些人遗忘了。... Lohmanh Lauxsae, gou doeg caez song bonj "Sawson Vunzguhong" mwngz diep youq neix lo, gij cihmoq seizhaenx haemq ndei, hab vah Bouxcuengh raeuz. Beijyawz gangj, "Ngoenzseng Guek" doeg hwnjdaeuj coux haemq swnh bak, vihmaz gij Sawcuengh seizneix mbouj caiq yungh aen cih neix, hoeng aeu vuen baenz aen cih "Gozging" ne? Lij miz haujlai cih hix baenzneix yiengh, gij Sawcuengh seizneix cungj vuen baenz Vah Bouxhek lo. Vih gijmaz Sawcuengh daengz ngoenzneix bienq baenz baenzneix liux ne? Gou caengz rox www.rauz.net seizhaenx le coux caengz haggvaq geijlai Sawcuengh. Daj rox rauz.net liux ne gou youq neix couh daj mwngz hag ndaej haujlai Sawcuengh lo. Danghnaeuz mwngz lij miz saek di sawson caengz ndaej diep ok neix daeuj, cingj mwngz ndaej hoengq caiq diep okdaeuj hawj bouxnomj raeuz hag ba. Mwngz dwgrengz lo. Go dohci mwngz. [此贴子已经被作者于2004-7-13 4:56:54编辑过]

路漫

	上世纪八十年代恢复推行壮文以来，壮文基本不再创造壮语新词了，“理由”是要贴近口语。众所周知，除上林等少数壮语方言保持使用老借词读音系统外，大部分壮语方言都使用新借词（即汉语桂柳方言读音）了。所以，“口头与书面”的“统一”，就造成如今媒体现行壮文行文造句的现状了。当然，壮文的文学作品还多少保持了壮语的“特色”（特别是山歌），可参看《三月三》和《广西民族报》的壮文版。 因时间关系，本人目前只能先不定期贴出《侬智高》的壮文章节，待此部作品贴完，再继续贴出其他的壮文读物了。 对于您这样热心自学壮文并取得如此快速的进步，我感到由衷的高兴！

沙南曼森

	佩服Stoneman贝侬。你写的壮文我基本能看懂，但我写不出来。因为我不会说北部方言，只能大致听懂。 我想问一下，Stoneman贝侬是按家乡话的习惯还是尽可能按标准语的规范用法来拼写壮文的呢？如果是按家乡话的语音、词汇，那就刚好说明“方言拼音文字”是很容易学习和应用的，其难度远小于自学标准语拼写的难度。 由于没有口语环境和广播电视的覆盖，壮族人学习“标准语”有点象目前国人的“哑巴英语”，其实用性大打折扣，学习效率很低，积极性也难提高。如果不解决壮语标准音口语应用和广播电视覆盖的问题，我认为就只有走方言拼音文字这条路是正道了。标准语是需要口语环境的，开通相应的广播电视频道则是营造标准语口语环境的关键所在，这就是新创民族文字、新立标准语需要面对的现实问题。

Stoneman

	沙南曼森贝侬, 我是按家乡话的习惯 he 尽可能按标准语的规范用法 liang zhong banfa 来拼写壮文的. 我认为“方言拼音文字”是很容易学习和应用的，走方言拼音文字这条路是正道的. Dan shi, 我 you 认为 “方言拼音文字” yu 标准语 shi bu mao dung di. “方言拼音文字” yu 标准语 shi xiang pu xiang cheng di. So yi, wo ren wei, bu yong cai 创 cao ling wai yi zhong Zhuangyu 文字 huo ce 拼写 fang fa. 用标准语de 拼写 fang an lai 拼写方言 ciu ge yi liu. (Dear Brother 沙南曼森, I wrote my written Zhuang based on both my hometown dialect and the standard Zhuang written script. I think it is easier to learn and apply the written Zhuang using the Latin letters to write the Zhuang dialects, and that the development of written Zhuang using the Latin letters to spell the Zhuang dialects is a correct way to go. However, I believe that the development of written Zhuang using the Latin letters to spell the Zhuang dialects does not contradict with the standard Zhuang written script. Both help each other out. In my opinion, therefore, it is not necessary to create a new Zhuang written script or another spelling system. Using the current spelling system of the standard Zhuang written script to spell the local dialects should be sufficient enough.) Ru 按我家乡话的习惯来拼写壮文, shang mian na don va wo shi ce yang lai si di: (If using my hometown dialect to write Zhuang, the above paragraphs would look like this) (the blue words are words spelled in my hometown dialect) Cih co/naem seih (dwg) coenz (vah) gou: (the bold words are words spelled in my hometown dialect) Lohmanh Lauxsae, gou doeg caez song bonj "Sawson Vunzguhong" mwngz diep youq neix lo, dij (gij) cihmoq seizhaenx haemq ndei, hab coenz (vah) Bouxcuengh raeuz. Beijyawz gangj, "Ngoenzseng Guek" doeg hwnjdaeuj coux haemq swnh bak, vihmaz dij (gij) Sawcuengh faedneix (seizneix) ij (mbouj) caiq yungh aen cih neix, fandoj (hoeng) aeu huenh (vuenj) baenz aen cih “Gozhing” ("Gozging") ne? Cix (Lij) miz hojlai (haujlai) cih hix baenzneix yiengh, dij (gij) Sawcuengh faedneix (seizneix) cungj huenh (vuenj) baenz Coenz (Vah) Bouxhek lo. Vih dijmaz (gijmaz) dij (gij) Sawcuengh daengz ngoenzneix bienq baenz baenzneix liux ne? Gou caengz rox www.rauz.net seizhaenx le coux caengz haggvaq geijlai Sawcuengh. Daj rox rauz.net liux ne gou youq neix couh daj mwngz hag ndaej hojlai (haujlai) Sawcuengh lo. Seiz (Danghnaeuz) mwngz cix (lij) miz saek di saw gyauqhag (sawson) caengz ndaej diep ok neix daeuj, cingj mwngz ndaej hoengq caiq diep okdaeuj hawj bouxnomj raeuz hag ba. Mwngz dwgrengz lo. Go heijdongj (dohci) mwngz. [此贴子已经被作者于2004-7-13 4:55:04编辑过]

Stoneman

	以下是引用路漫在2004-7-10 21:58:04的发言： 上世纪八十年代恢复推行壮文以来，壮文基本不再创造壮语新词了，“理由”是要贴近口语。众所周知，除上林等少数壮语方言保持使用老借词读音系统外，大部分壮语方言都使用新借词（即汉语桂柳方言读音）了。所以，“口头与书面”的“统一”，就造成如今媒体现行壮文行文造句的现状了。当然，壮文的文学作品还多少保持了壮语的“特色”（特别是山歌），可参看《三月三》和《广西民族报》的壮文版。 因时间关系，本人目前只能先不定期贴出《侬智高》的壮文章节，待此部作品贴完，再继续贴出其他的壮文读物了。 对于您这样热心自学壮文并取得如此快速的进步，我感到由衷的高兴！ Dohci Lohmanh Lauxsae lwnh gou. Geijsaed, “口头与书面”mbouj itdingh aeu “统一”，Sawgun caeuq Vahgun saedceij couh mbouj 统一. Gou nyinh vih, Sawcuengh aeu 保持壮语的“特色”. Gou seizneix vunz lij youq Meizgoz, mij miz banhfap yawj《三月三》和《广西民族报》的壮文版. Gou mbouj rox ngoenz lawz cix ndaej hoenq baema ranz. Miz ngoenz gou ma daengz Namzningz ne, gou itdingh bae cawx geij bonj daeuj doeg. Daengz seizhaenx, gou yaek caeuq mwngz raen baez naj, cingj mwngz gwn ngaiz, caeuq cingj mwngz daiq gou bae ranz oksaw haenx cawx. Mbouj rox ndaej mbouj ndaej? Lohmanh Lauxsae aeu yiet ndei rengz bae, mbouj yungh ganq. Ndaej hoengq menhmenh caiq diep lai di Sawcuengh okdaeuj. Dohci mwngz. [此贴子已经被作者于2004-7-13 5:20:00编辑过]

路漫

	ngoenz lawz mwngz ma daengz Namzningz,angqcoux mwngz daeuj ranz gou guhhek,raeuz caez cehdaihbauq.

Duhhenj

	路漫lauxsae,raeuz heux“南宁”guh "Naemhnding" ndei bo? gou raen giq 汉语拼音 stoneman beixnuengx miz di 夹壮 bw，vanzliq dwg giq Sawdoj mwngz sij ndaej ndei!

闻多

	南宁cingq dwg "namhnding" ha? "Ndaej hoengq "dwg 有空ma?,gou gangh baenz "ndaej vangq"

Stoneman

	Dohci Lohmanh Lauxsae, gou ma daengz Namzningz itdingh bae ra mwngz cehdaihbauq. Aen cih "cehdaihbauq" neix, youq lajmbanj gou gij vunz lij miz boux hix baenzneix gangj: cehdaihsingq, cehbohoq, daengj.

Stoneman

	以下是引用Duhhenj在2004-7-14 18:49:00的发言： ... gou raen giq 汉语拼音 stoneman beixnuengx miz di 夹壮 bw，... Gou seiz iq cij hag gvaq saek di 汉语拼音, hag ndaej mbouj ndei. Haux daizhag seizhaenx coux dwg gauq geiq dwk bae haux 汉语拼音. Gou youq Coengzging doeg gvaq seiq bi daizhag, youh youq Baekging doeg saw caeuq guh hong miz bet bi raez. Hoeng, gij 汉语拼音 gou lij mbouj ndaej ndei.