王任光之歌（自学壮文阅读材料）

路漫

	王任光之歌（自学壮文阅读材料） 这是用拼音壮文正式发表的第一部叙事长篇壮语山歌，现加上“汉字壮读”和“汉意直译”作为网友自学壮文学堂的“课文”。 该作品发表于《三月三》（壮文版）2001年第4期（广西首届壮族歌师歌手壮文培训班纪念建党80周年作品专辑）。发表时加了《编者按》，照录如下： 【编者按】1999年6月30日，中共广西壮族自治区委员会作出《关于追授王任光同志模范共产党员、优秀党支部书记荣誉称号并开展向王任光同志学习活动的决定》。王任光同志是都安瑶族自治县大兴乡骨龙村党支部书记、村民委员会主任兼民兵营教导员。1999年1月2 日在带领群众劈山修路，执行危险地段爆破任务时，不幸坠下50多米深的悬崖以身殉职，为党和人民的事业献出了宝贵的生命。 王任光同志1958年3 月出生于一个壮族农民家庭，1990年3月加入中国共产党，历任村支书、村党支部书记、村民委员会主任等职，先后被群众推选为都安瑶族自治县第八、第九、第十、第十一届人大代表，三次被大兴乡党委评为优秀共产党员。1993年8月，他主动放弃到山外经营一家工厂的机会，挑起龙骨村党支部书记的担子，并立志做一名合格的党支部书记。多年来，他努力学习邓小平理论，组织带领全村群众，认真贯彻党在农村的路线、方针、政策，为早日改变龙骨村贫穷面貌，废寝忘食，倾注了全部心血。他认真实践全心全意为人民服务的宗旨，充分发挥党员、干部的表率作用，在修建家庭水柜、劈山修路中，既当指挥员，又当战斗员，既做爆破手，又当凿岩工，哪里最困难，哪里最危险，他就出现在哪里。为了工作，他无法顾及瘫痪的母亲体弱多病的妻子。在他的带领下，全村劈山凿岩修通了5条村级公路；建起了家庭水柜329个，解决了全村428户人、畜饮水难问题；架设15公里的高、低压输电线，户户用上了电灯；为了解决村中心小学危房问题，他与学校教师一起走村串户，先后集资4.1万元，建起了两幢540平方米的教学楼。他的家庭并不富裕，但对公益事业却慷慨捐助。几年来，为了修公路、建水柜、建学校、架设输电线路和支持贫困户，王任光同志省吃俭用并向亲戚借债，共捐助15400元人民币。王 任光同志还热心帮助邻里乡亲，为他们排忧解难，群众都称赞他是“我们的好支书”。为纪念中国共产党成立80周年，本刊特邀李从式同志根据《广西日报》有关王任光同志的系列报道和广西人民出版社出版的《王任光的故事》，编写此长诗。 CINGZ  MWNGZ  NAEK  GVAQ  BYA 情儚靹卦岜     深情重于山 _______Fwen   Danq   Vangz   Yin'gvangh  ——喚叹王任光      ——歌唱王任光            [it]   MWNGZ  BAE  MBOUJ  RAEN   MA                  DOU  RAEMXDA   DAEJ  CAENH                 儚呸踎腀麻      此去痛无回                 侸淋咑渧尽      悲泪雨纷飞 Gijmaz  haij  nyaenx  laeg       叽嘛海荵勒         什么海这样深 Gijmaz  naek  baenz  bya        叽嘛靹捹岜         什么重如同山 Mwngz  bae  mbouj  raen  ma      儚呸踎腀麻         你去不见回 Dou  raemxda  daej  caenh        侸淋咑渧尽         我们眼泪哭尽了                                                                               Daej  mwngz  coenz  daih'it      渧儚誫第一          哭你第一言           Raemxda  ndik  faenfaen          淋咑坔纷纷          眼泪滴纷纷 Mwngz  vih  dou  caux  roen      儚为侸造踚          你为我们修路 Mbouj  raen  mwngz  ndaej  byaij 踎腀儚礼挀          不见你得走啊                                                                     Daej  mwngz  coenz  daihngeih    渧儚誫第二          哭你第二言 Diendeih  laep  caencaen         大地黸阵阵          大地黑沉沉 Mwngz  cuengq  bauq  caux  roen  儚奘炮造踚          你爆破修路 Bauq  caem  mwngz  mbouj  dauq   炮沉儚踎辺          炮声停你不返回                                                                     Daej  mwngz  coenz  daihsam      渧儚誫第三         哭你第三言 Dahvan  daej  soxsox             �j弯渧唆唆          弯河悲切切地哭 Vih  dou  ndaej  duet  hoj       为侸礼脱苦          为我们得到脱贫 Mwngz  caux  loh  mbouj  ma      儚造路踎麻          你修路不见回还                                                                     Daej  mwngz coenz  daihseiq      渧儚誫第四          哭你第四言       Ndaundeiq  yaep  linlin          脳脮曀粼粼          星星频频闪耀 Vih  dou  ndaej  duet  binz      为侸礼脱贫         为了我们得到脱贫 Mwngz  caux  roen  vutmingh      儚造踚扤命          你因修路牺牲了                                                                               Daej  mwngz  coenz  daihhaj      渧儚誫第吓          哭你第五言         Gangj  vah  mbouj baenz  coenz   讲话踎捹誫          说话说不成句 Mwngz  daj  iq  gietsim          儚打吚决心           你从小就有决心 Vih  cungqvunz  caux  fuk        为众倱造福          为群众造福 Daej  mwngz  coenz  daihroek     渧儚誫第坴            哭你第六言 Vunz  huk  bienq  vunz  ndei     倱嚄变倱婑            愚人变成好人 Vih  hagseng  lauxsae            为学生老师            为了学生和老师  Mwngz  simgei  yungh  caenh    儚心机用尽            你呕心沥血 Daej  mwngz  coenz  daihcaet     渧儚誫第七           哭你第七言 Dou  sim  ndaet  youh  in       侸心埿又瘖          我们的心好好悲痛 Mwngz  mbaet  yungh  mbaet  gwn 儚嘧用嘧哏          你省食俭用 Gien  ok  ngaenz  fanh  haj     捐噁银万吓          捐出钱万五 Daej  mwngz  coenz  daihbet      渧儚誫第八          哭你第八言 Sim  get  lumj  mid  camz       心癤啉劘刬          心痛如刀割 Mwngz  vih raeuz  lwglan        儚为偻勒岚           你为了我们子孙万代 Ndek  ranz  mbouj  ndaej  goq    铥兰踎礼顾          丢下家庭不得照顾 Daej  mwngz  coenz  daihgouj    渧儚誫第九            哭你第九言 Caem  laeuj  rwed  din  bya     斟溇洜蹾岜            斟酒浇山脚  Mwngz  bang  dou  daihgya      儚帮侸大家             你帮助我们大家 Gaemz  caz  mbouj  sij  ndoet    咁茶踎舍氼            一口茶也不肯喝 Daej  mwngz  coenz  daihcib      渧儚誫第十            哭你第十言 Ronghrib  caez  diemj  daeng     朖咅斗点灯            萤火虫来点灯 Riep fong  geij  cib  caengz     猟紡几十层            蚊帐缝补几十层 Mwngz  gwn  haemz  gvaq  hoj    儚哏詪卦苦            你吃苦好艰辛 Gijmaz  haij  nyaenx  laeg       叽嘛海荵勒            什么海这样深 Gijmaz  naek  baenz  bya         叽嘛靹捹岜            什么重如同山 Cunz  doh  daengx  dienyah       巡趓墱天下            找遍整个天下 Nanz  ra  mwngz nyaenx  soh      难罖儚荵愬            难找你这样忠实的人                      （待续）

david

	This is a very nice story. We should learn a lot from Wang Renguan.

david

	Wang Renguang's story really impresses me. we really need such kind of great man along the way to construct our Guangxi.

浪人

	我看过电视剧《苦楝花开》（好象是这个名字，记不很清楚，不好意思啊），是不是说的就是他的故事！

路漫

	是的。该电视剧我也看过了，改编改动比较大。本诗侧重于事实，依据于新闻报道，接近于一首悲壮的歌；电视剧侧重于“人情”，依据于“合理想象”，接近于一篇纪实散文。

路漫

	[ngeih]   LAEB  CEIQHEIQ  GIETSIM                AEU  GAIJ  MBWN  VUENH  DEIH          【呓】立壮志决心      殴改天换地           【二】自幼立红志     要改天换地 (1)  Daj  Iq  Couh  Roxsoq   打吚就鲁素      自小就通情达理                                                                                 Daj  mwngz  youq  seiz  iq   打儚呦时吚      自从你孩提时候                     Roxsoq  lij  coengmingz      鲁素哩聪明      通情达理又聪明                   Doegsaw  gig  yunghsim       读书极用心      在校读书极用心 Lauxsae  in  youh  haenh     老师瘖又詪      老师疼爱夸不停                                                                 Mwngz  yaek  doeg  gaucung   儚捳读高中      你将要读高中的时候 Ndaw  ranz  gungz  youh  hoj 禸兰穷又苦      家里好好穷苦 Nuengx nyaeq mbouj vunz goq  侬嬟踎倱顾      弟妹小没人照顾 Meh  caeuq  boh  geqgoem     姆奏侼喈嗊      父母老迈还要看护                                                                 Swnghcanjdui  seizhaenx      生产队时拫      还是生产队那个时候 Ngoenz hong ngaenz song gak  昀揘银双角      一天的工钱区区两毛 Muengh  mwngz ma  dingj  rap 望儚麻顶揦      盼望你回来顶起重担 Ndaej ciengx bak ciengx ranz 礼养兡养兰      支撑家庭挽住潦倒                                                                 Mbouj  youz  gwn  dava       踎油哏咑花      营养不良双眼花 Mbouj  vwnzva  vunz laet     踎文化倱悷      没有文化蠢巴巴 Yaek  dawz  gungzhoj  baet   捳嘚穷苦揊      要想扫除穷和苦 Noix  sawmaeg  ndi  baenz    内书墨尼捹      缺了知识是白搭                                                                                 Mwngz  gangjfug  bohmeh      儚讲服侼姆      你说服父母 Dauhleix  gej  faenmingz     道理誱分明      理由说分明 Ndaej  bohmeh  doengzcingz   礼侼姆同情      父母理解你 Caiq  haeuj  singz  bae  hag 再逅城呸学      再复学回城 Mbouj ngaenz bae hai haeux   踎银呸开糇      无钱交伙食 Daiq yangz daeuj guh gwn     带咉斗抇哏      带玉米当餐 Hwnj  bya  bae  dwk  fwnz    佷岜呸徳枌      上山去砍柴 Gai  aeu  ngaenz  gyau  feiq 賅殴银交费      卖要钱交费 Bwnh  lai  haeux  cix  fag   喯赖糇茲瞂      肥多粮就丰 Gaenx  hag  rox  cix  gvai   勤学鲁茲乖      勤学即聪明 Vunz  doegsaw  siengj  caiz  倱读书想财      人家读书求发财 Mwngz baenzcaiz dauq rungh   儚捹才辺硦      你成才返山区 Dauq  rungh  vih  vunzmbanj  辺硦为倱板      返山区为父老乡亲 Dauq  rungh  banh  saehndei  辺硦办事婑      返山区办好事 Mwngz  simndat  lumj  feiz   儚心燵啉萉      你心热如火 Haeuj maez gaij dieg rungh   逅迷改坻硦      入迷改变山区  (2)   Doegsaw  Gaenx  Gvaq  Vunz  读书勤卦倱  读书比别人勤奋 Mengz  da  nanz  bae  haw    眳咑难呸圩      眼瞎难赶街 Mengz  saw  laepnyibnyib     眳书黸叺叺      书盲黑压压 Youq  yozyau  hagsib         呦学校学习      在学校学习 Mwngz  cikgig  gvaq  vunz    儚积极卦倱      你比谁都勤奋     Ndoeng mwn faex cix coek     岽菛棐茲脨      森林茂盛木茁壮 Ndoi  laeg  guk  cix  hung   垖嘞狜茲宏      山深虎就猛 Sawmaeg  dauhleix  doeng     书墨道理通      知识理论精通 Mwngz roengzsim hoj  doeg    儚躘心苦读      你用心苦读                                                                       Saeseng  gamjcingz  naek     师生感情靹      师生感情深厚 Lumj  goep  mbouj  liz  naz  啉蛐踎离那      仿佛蛙离不开田 Saeseng  gamjcingz  na       师生感情搻      师生感情厚重 Lumj  bya  mbouj  liz  raemx 啉鲃踎离淋      犹如鱼离不开水

路漫

	(3) Gyaez Hag Youh Gyaez Yungh 好于学而勤于用 Mwngz soqlaiz gyaez saw 你从来爱书 Bae haw raen couh cawx 上街一见就买 Mboujguenj gyae rox gyawj 不管远处或者近邻 Cungj sawj vunz sim gingq 总是让人尊敬 Rom sam bak lai bonj(saw) 积存有三百多本 Lij mbouj suenq cazci 这些还不算杂志 Ningznyienh gwn hoj di 宁愿吃得苦一些 Saw ndi ndaej noix cawx 书籍不能少买 Mwngz miz bonj bitgeiq 你有一本笔记 Saeh hung saeq sij caez 事情大大小小都记下了 Ndaem ciengx yw bingh baez 种养治病疗疮 Yienghyiengh meiz(miz) liux doh 样样无所不包 Son vunz dwk vafeiz 教别人怎样施化肥 Daengz reih bae saeq gej 到田地边详细讲解 Dwk noix miuz heih geq 施放少了庄稼容易枯黄 Dwk lai nyex miuz boz 施放多了会造成疯长 Ranz lawz doihduz bingh 哪一家牲畜病了 Mwngz ndi cingj hix daengz 没人请你也会到 Fan bitgeiq ndaw fwngz 翻开手中的笔记 Yw het baeng couh singj 拿药来一敷就治好了 Ranz lawz vunz ndang ndaiq 哪一家有人发病了 Mwngz daiq bitgeiq bae 你带上笔记找上门 Dan yw hai ndaej caez 药方开得齐备 Bingh couh ndei gvaqdaeuj 病情就很快好转 Bitgeiq mwngz bonj bauj 你的笔记是一个宝 Cungj gyauq mwngz rox caez 教会你方方面面 Bitgeiq mwngz bonj ndei 你的笔记是一件好东西 Bouxboux caezsing haenh 人人都齐声赞叹

Stoneman

	以下是引用david在2003-7-13 13:27:56的发言： This is a very nice story. We should learn a lot from Wang Renguan. david, welcome you to visit 『Sonhag Sawraeuz 僚文教学』. david beixnuengx, angqcoux mwngz daeuj 『Sonhag Sawraeuz 僚文教学』 doxcunz.

路漫

	（4）Sim Hoengh Gaij Dieg Rungh 热心改硦场 Runghnyieg ndoi bya geiz 额硦山岭秀 Gingj ndei va hix moq 景美花也鲜 Hoisik daiq gungz hoj 可惜太穷苦 Roen lingq loh gumzgaz 路陡山道坎坷 Lij iq sij cozvwnz 小时候写作文 Gietsim gaij dieg bya 决心改造山区 Dienhdaeng dem denva 电灯加电话 Laeuz daz laeuz baenz lad 楼房排成行 Ngeih geij bi gvaqbae 二十多年过去了 Dienh seizlawz doeng daeuj 电什么时候才通到这里 Roen lij dwg roen gaeuq 路还是以前那条老路啊 Raemx beij laeuj lij bengz 水比酒还要珍贵哇 Mwngz hwnz ninz mbouj ndaek 晚上你睡不着啊 Fanfoek naemj ndaw sim 反反复复在心里思考 Dienh raemx caeuq diuz roen 电、水以及道路 Sam aen neix aeu gaij 这三件事情一定要改变 Buek cix buek ciuh neix 拼搏就拼搏这辈子了 Laeb ceiqheiq gietsim 立下雄心壮志和决心 Vih mbanjranz cungqvunz 为了家乡的父老乡亲 Aeu gaij mbwn vuenh deih 一定要改天换地 Mbouj dwg loq fangzhwnz 这不是白日做梦啊 Mbouj dwg ninz guh moengh 这不是睡在床上瞎想 Vih cauxfuk dieg rungh 为了山区硦场造福 Mwngz sim hoengh baenz feiz 你心中的热情似火

wenliqan

	好帖呢，路漫比侬，什么这么晚才接呢。

路漫

	Daegvoen,seizneix mwngz youq gyawz? Ngonz gvaq bonj fwen neix cingj mwngz lailai ceijdiemj.

wenliqan

	Raemxda ndik faenfaen 淋咑坔纷纷 眼泪滴纷纷 faenfaen 纷纷？？我们上林应该有这个词的吧，应该是：ca'ca（沙沙）的音。

路漫

	是，上林壮话的壮读，标准语没有。这里用上“上林壮话”说法，为的是照顾用“韵”的。

路漫

	(5)Yawz Biek Ndaej Mbanjranz 如何能别离家乡 Daxau daengq vah ma 叔叔把话嘱咐回来说 Dava miz hong guh 大化这里有工作做啊 Dang gvanjlij ganbu 这工作就是管理干部 Ndwen ngaenz guj song cien 月工资大概两千元 --------------- Dingjlingz youq ngoenzneix 恰恰就在今天 Yanghdangjveij roengz faenz 乡党委下了文件 Nyaemh cihsuh hawj mwngz 任命你当党支书 Ndwen ngaenz haj cib haj 月工资五十五元 ---------- Bae Dava ngaenz lai 去大化的工资多呀 Youq daih gai nauhnyied 住在热闹的大街上 Dienhdaeng ronghriegrieg 电灯亮堂堂的 Raemx seuqsek gag daengz 自来水净澄澄的 ------------------ Yawz lumj raeuz gungx rungh 哪里像我们这山硦角落里 Goengq dem goengq ndoi bya 山峰一座连着一座 Gwn haeuxyangz namzgva 吃的是玉米南瓜 Raemx gwn ra mbouj doiq 连吃的水也难找得到啊 ---------------- Mwngz siengj bae siengj dauq 你反复地思量啊 Ndaw sim nyauj baenz nya 心里面乱成一团乱麻 Aungeih aemq raemx ma 看见二叔背水回来 Raemx guh caz cingj ndoet 就用那冷水当茶请你喝 -------------- Mwngz raen ndaeng baez soemj 你一看鼻子顿时发酸 Bang aemq raemx dauq ranz 默默地帮二叔把水背回家 Aen sim lumj mid camz 心里仿佛挨了刀刺一般 Mbanjranz aeu gaijbienq 家乡一定要改变才成啊 --------------- Duzroeg ceng gaemz gwn 鸟儿都会争一口吃的 Guh vunz ceng gaemz heiq 做人应当要争一口气 Vih gungx rungh gyaqseiq 为了这山角落能兴旺起来 Mwngz cawjeiq dawz ndei 你心中暗暗拿定了主意 ----------------- Sawq cam yah Yisenh 试试问一下妻子玉仙 Senj ndi senj Dava 要不要迁去大化 Baihrog dwg suenva 外面的世界是花园一般呀 Ndaw bya cix dieg nywj 山硦这里却是荒山草坡 --------------------- Yisenh rox sim mwngz 玉仙最懂你的心 Cuengq fwngz hawj mwngz dingh 放手给你拿定主意 Sim caeuq sim doxringh 心与心相连啊 Mingh caeuq mingh doxlienz 命和命相依 [此贴子已经被作者于2005-6-2 16:13:40编辑过]

路漫

	(6) Miz Feiz Cix Caez Byoq 有火共同烤 ------------------------- Ngamq gvaq ndaej song bi 刚刚过了两年 Ndaw yangh miz hong moq 乡里有了新工作 Baij mwngz daiq ranz hoj 指派你带领贫苦家庭 Loeg cib hoh buen ranz 一共六十户搬家 -------------------------- Mwngz daiq gyoengq yizminz 你带领众移民 Caezsim hwnj mbanj moq 齐心建设新村 Doeng raemx dienh bu loh 通水通电又铺路 Cungj miz doh miz caez 样样都有齐全 ----------------------------- Miz densi dienhvah 有了电视电话 Saedceij gvaq cingq hwng 日子过得正兴旺 Daegbied dwg ranz mwngz 尤其是你的家庭 Youh yaeng hwnj ranz lengj 正在商量建设漂亮的家 --------------------------------- Cingqndei youq seizneix 恰恰在这个时候 Gyoengq beixnuengx siengj mwngz 众乡亲想到了你 Senjgij cunhcujyin 选举你当村支书 Caezsim heuh mwngz dauq 同一心声呼唤你回来 -------------------------- Faex hung cix baenz bauj 树大就是财宝呀 Vunz hauj bouxboux gyaez 好人大家敬爱啊 Mwngz vunz soh sim ndei 你是正直诚实的人 Seizseiz ndaej vunz niemh 时刻得到人们记挂哇 --------------------------------- Saenqnyaemh mwngz baenzneix 这么对你信任啊 Mwngz youh heij youh you 你是既喜欢又是担忧 Ndek mbanj moq ranz laeuz 丢下新村新楼 Yah rox naeuz rox ndaq 不知道妻子有什么说道哩 ----------------------------- Gungx rungh dauqcawq dat 山硦旮旯里到处是岩石 Gaem gvak mbouj giz ding 拿起锄头找不到下锄的地方 Gizneix gvangq youh bingz 新村这里宽阔平坦 Lumj haw singz ityiengh 和城里大街一模一样 -------------------------------------------- Yah naeuz coenz saedcaih 妻子说出了实在话 Mbanjranz daiq mbouj baenz 我们老家确实太不像样了 Byaij loh lumj hwnj mbwn 走路好像登天一样啊 Bin daengz gwnz heiq cied 爬到顶上就喘不过气来 --------------------------------------------- Yungh raemx hoj youh hoj 食用的水更加艰苦呀 Saeg buh caiq swiq din 洗了衣裳再拿来洗脚 Leuxcih hawj vaiz gwn 然后还要拿来喂牛 Beij raemx gim lij gviq 真的比金水还珍贵啊 ---------------------------------------------- Cam yah aeu coenz han 向妻子讨一句回话 Mbanjranz heuh gou dauq 老家叫我回去啊 Cam yah aeu coenz hauq 问妻子要一句回答 Dauq mbouj dauq cix naeuz 你说看看该不该回乡呢 ------------------------------------ Miz feiz cix caez byoq 有火一起烤 Miz hoj cix caez dang 有难大家当 Gizneix van cix van 新村这里美是美呀 Dandan raeuz gag yiengj 但仅仅是我们自己享受啊 ------------------------------------- Beixnuengx nyaenx naek gou 乡亲们这样看重我 Engq aeu caez cawz hoj 我更加需要和他们共同除贫 Ndek mbanjranz mbouj goq 如果丢下家乡不管 Doiq diegcoj simvei 对祖先、家乡会欠下良心债啊 ----------------------------------------- Yah naeuz mwngz miz sim 妻子说，你有这份心愿 Namh bienq gim hix heih 把土变成金也容易了 Yah naeuz mwngz miz ceiq 妻子说，你有这份志气 Dat ndaem faex mbouj nanz 在岩石上种树也不难了啊 ------------------------------------- Mwngz caeuq yah gaem gen 你和妻子手挽手 Dauq benz ma gungx rungh 再一次爬回到山硦旮旯 Daiq mbanjranz daengx gyoengq 带领家乡众弟兄啊 Caez hoengh gaij dieg bya 一起热热闹闹改变山区面貌 [此贴子已经被作者于2005-6-14 10:12:23编辑过]

路漫

	[sam] MBAW HEU VA CIX MOQ YAH SOH GVAN CIX MAENZ 红花衬绿叶 妻贤夫伟绩 (1) Maenzmaenz Gien Caux Loh 每一元钱都捐出修路 Sing bauq yiengj goenjdat 开炮声轰轰地响 Hap doh rungh doh bya 山山硦硦回响不停 Coih roen goksasa 修路搞得热火朝天 Daihgya cungj vuenheij 大家都非常高兴 -------------------------------------- Mwngz laep ok laep haeuj 你天未亮就出去黑定才回家 Ngoenzngoenz douh bangx bya 天天都攀登在山崖 Saek seiz menh di ma 一时回家迟一些 Haih baz mwngz gvaqniemh 害得你妻子很是挂心 -------------------------------------------------- Heiq cag cug ndi gyaemz 担忧绳子挂得不牢靠 Fwt lot baenzlawz ndei 突然甩脱可怎么办啊 Heiq bauq yiengj ndi caez 担心万一有哑炮 Lauq saek feiz sieng mingh 漏下一火可人命关天 ------------------------------------------------- Caj daengz sing bauq caem 等到炮声都沉寂了 Mwngz yamq din haeuj hongh 你跨进自家院子里 Raen yah heuh coenz dongx 看见妻子亲切招呼 De cij cuengqsim roengz 她才把久悬的心放下 --------------------------------------------- Haetnaengz mwngz romh hwnj 每一天你都早早起床 Cacoemj cix okdou 急急忙忙就出门了 Haemhneix mwngz simfouz 今天晚上你似乎心神不定 Bak gwj naeuz gwj gangj 老找话头说个没完没了 ---------------------------------------------------- Yah nda rek cawj souh 妻子摆放锅头要煮粥 Mwngz daek haeux daeuj fou 你马上舀米来淘洗 Yah hai riengh gueng mou 妻子打开猪栏要喂猪 Mwngz ganj aeu doengj mok 你连忙拿来潲桶 --------------------------------------------- Bineix haeuxyangz fag 今年玉米要丰收啰 Lwg raeuz hag baenz gvai 咱们的孩子学业越来越好 Mwngz bakdeih vah lai 你唠叨个不停 Yaek nai yah aeu vah 就是以好话逗妻子说话 -------------------------------------------------- Yah roxsoq cinglingz 你的妻子懂事伶俐 Cai simcingz mwngz ok 把你的心情猜出来了 Noix ngaenz mwngz gyaeujdot 她说，缺钱你在头疼呢 Yaek cot hong dwg mbouj 将要停工了是不是 ----------------------------------------------- Baz caeuq gvan rox sim 妻子和丈夫就是知心啊 Aeu gim nanz vuenh ndaej 就是黄金也换不来呀 Baz rox gvan simsaeh 妻子如此深知丈夫的心事 Miz maz beij nyaenx caen 还有什么比这样还亲呢 ------------------------------------------------ Seiq duz mou bizbwd 四头猪肥噜噜的 Yah dwgrengz geijlai 妻子不知花了多少辛劳 Ngoenz lawz dawz bae gai 哪一天拿猪去卖了 Caj cienz mbai daeuj yungh 等着钱掰来用啊 ----------------------------------------------------- Lwg hwnj hag yungh ngaenz 孩子上学要用钱 Meh baenz bingh aeu yw 母亲的病要治疗 Ranz vaihvad yaek fwz 屋子破烂得要荒芜了 Mbouj ngaenz lw ngaenz hoengq 哪里还有一点点剩余的钱 --------------------------------------------------- Caux roen yaek dingz hong 修路就要停工了 Mwngz ninz congz mbouj ndaek 你晚上睡都睡不着呀 Gvanbaz gamjcingz naek 只因夫妻感情深厚 Yah ngaek gyaeuj gai mou 妻子终于点头卖猪了 -------------------------------------------------- Hoj cix hoj mbat ndeu 妻子说，苦就苦这一次吧 Mou gai deuz caiq ciengx 肉猪卖了还可以再养 Danh hab mwngz sim siengj 只要满足你的心愿 Roen maqmuengh caeux baenz 盼望道路能早早建成 ---------------------------------------------- Ciq baz aeu ngaenz mou 借了妻子卖猪的钱 Ciqdiuz aeu hawj yah 写了借条递给妻子 Roen baenz mbanj bienqvaq 等到路修好家乡变化了 Baenzfouq gvaq caiq boiz 致富有钱了就把钱还 ---------------------------------------------- Yah dawz mbaw ciqdiuz 妻子接过那张借条 Baez ndeu nu guh ndaek 一下子就揉成一团 Vutvag gyangz sing naek 丢过一旁深深叹了口气 Got ndaet mwngz cix naeuz 紧紧抱住你才把话说 ------------------------------------------------ Ciqdiuz gou mbouj ngah 我不稀罕你的借条 Hix ndi hah ngaenz mou 也不把卖猪的钱留下 Cijaeu mwngz nem gou 只要你答应不离开我 Cijaeu raeuz doxyouq 只要我俩永远不分离 ------------------------------------------------ Sauh gwnz song cien haj 第一批猪钱二千五元 Sauh laj seiq cien maenz 下一批猪钱有四千元 Yah ciengx mou caen baenz 妻子养猪真的很来钱呀 Maenzmaenz hawj caux loh 卖得的钱每一元都用来修路 -------------------------------------------------- Ngaenz mou mbouj gaeuq yungh 但养猪得的钱还是不够用啊 Gyang rungh bauq youh caem 山硦里的炮声又沉寂了 Da yawj roen caengz baenz 眼看着修路没法完成 Mwngz simyou fouzbeij 你无比的忧虑啊 -------------------------------------------------------- Yisenh haq daengz neix 玉仙嫁到你这里 Caengz ndaej dauq buh ndei 还没有得到一套好衣服 Ranz meh in youh gyaez 娘家爱呀疼呀 Hawj cienzrei haj bak 给了五百元的私房钱 ------------------------------------------------- Haemh ninz caez doxgangj 晚上睡觉一起聊天 Yah angq cix lwnh mwngz 妻子心里高兴就告诉你这事 Mwngz sim luenhsaengsaeng 你心中好烦乱啊 Dauq mbouj faengz mbouj ndwet 倒反没有一点高兴的样子 -------------------------------------------------- Yah raen mwngz ndi w 妻子看见你一言不发 Cam mwngz rwz nyi mbouj 问你听见我说了什么 Mwngz fonj ndang gvaqdaeuj 你翻身转了过来 Cix nyaeuq naj gej naeuz 才愁眉满面解释说 --------------------------------------------------- Nyi yah miz cienzrei 听见爱妻有了私房钱 Gou seizseiz sim’angq 我时时刻刻为你高兴 Caux roen ngaenz cingq vangq 修路的经费正紧缺哩 Siengj gangj coenz ciq aeu 想说一句借来如何 --------------------------------------------------- Ranz mehdaiq hix hoj 我娘家也艰苦呀 Vih gyoh mwngz haq gou 为了同情你才把我嫁过来 Mbaet geijlai gyuyouz 不知道节俭了多少油盐 Cij couz ndaej haj bak 才筹得这五百元钱啊 ----------------------------------------------- Mbouj cienz hawj mwngz yungh 没有钱给你用 Dauq yungx mwngz ciq ngaenz 反而紧着向你借钱 Daengz laeng vunz gangj coenz 到以后人们讲起闲话来 Yawz gamj raen mehdaiq 如何敢面对岳母啊 ------------------------------------------------------- Yah nyi mwngz nyaenx naeuz 妻子听见你这么说 Raemxda louz dikdak 眼泪滴滴答答流下来 Het diemj daeng ronghsag 立刻点灯拨走了黑暗 Ndenq haj bak cienzrei 把五百元私房钱递了过来 ----------------------------------------------------- Mbaw heu va cix moq 有绿叶才有鲜花啊 Yah soh gvan cix maenz 妻子贤慧丈夫才出色呀 Sou doxgangj baenz hwnz 你们俩聊了通宵的话 Coenzcoenz cungj dwg ndiep 每一言一语都蕴藏着深深的爱 [此贴子已经被作者于2005-6-17 16:10:25编辑过]

路漫

	(2) Sam Beixnuengx Doengzsim 三兄弟同心 Simhai loh cix gaed 心中舒畅路就短 Simgaek roen cix raez 心中焦急路就长 Haemhhaenx sou hong seiz 今晚收工回来时 Daengz ranz feiz gaenq hoengh 回到家灶火正旺 _________________________ Song daeg nuengx ma ranz 两个弟兄回到家 Riu gok canz yaek biengj 笑声响亮阳台将要翻 Mwngz baez raen song nuengx 你一看到两弟兄 Fwt siengj bit cienz ndeu 突然想起一笔钱 ___________________________ Bihaenx vunz daeuj iu 那年有人来相邀 Naeuz miz diuz loh fouq 说有一条致富的路 Cawx ci bae yinh huq 买车来搞运输 Saedcaih ruq fatcaiz 实在很快发财啊 __________________________ Cawx ci mbouj miz ngaenz 想买车没有钱呀 Haeuj singz raen song nuengx 进城去见两个弟弟 Songde yienznaeuz gongj 他们两个虽然也很困难呀 Hix sim suengj bang mwngz 但却很爽快答应帮你 ___________________________ Daegngeih ciengzseiz byaej 老二平时很节俭 Caebcomz ndaej song cien 东拼西凑得了两千 Daeghaj cix noix cienz 老五可缺少现金啊 Seiq cien maenz ciq daeuj 也借到了四千元 _____________________________ Ngaenz cawx ci dawz ma 买车的钱拿了回来 Cingq ra cienz caux loh 凑巧筹钱修路 Vut cawx ci mbouj goq 把买车的事丢过一边不顾 Mwngz soh dawz guh roen 你直接拿钱投入修路了 ____________________________ Gwn caeuz gingq laeuj gvaq 吃晚饭敬过酒罢 Dawz vah lwnh nuengx nyi 就把话说给弟兄知道 Guh beix caengz cawx ci 做哥哥的没有买到车哩 Gyonj cihciz caux loh 把你们的钱都支持修路去了 ____________________________ Suenq sou daeuj bang gou 就算你们来帮助我吧 Docih sou beixnuengx 感谢你们弟兄了 Daengzcog mbanj bienqyiengh 将来家乡大变化了 Beix ciuqyiengh boiz ngaenz 这钱哥哥照样还给你们的 __________________________________ Song daeg nuengx het naeuz 两个弟弟马上说话了 Gaej aeu gangj coenz neix 千万不要说这样的话呀 Guh nuengx cihciz beix 当弟弟的支持哥哥 Cingq hableix habcingz 正是合情合理的事情呀 _______________________________ Sam beixnuengx doengzsim 三兄弟同一条心 Doengzseiz caem boi laeuj 同时斟了一杯杯酒 Sam beixnuengx doengzbouh 三兄弟同走一条路呀 Caez daeuj hwnj mbanjranz 共同齐心建设自己的家乡

路漫

	(3) Gou Mbouj Dwg Goengdaeuz 我不是工头 Swhgeij miz di ngaenz 自己有一点点钱 Mwngz faenfaen gien ok 你每一分都捐了出来 Dan dwg youz dwk dok 单单是开炮用的润滑油 Mwngz gyop yungh baenz cien 你一共用了上千元 ---------------------------------------- Veiz lauxsae da raen 韦老师亲眼看到了 Faenfaen geiq roengz bouh 每一分都记在了登记簿 Daengz roen caux baenz haeuh 等到道路修成以后 Liemx cienz daeuj boiz mwngz 敛大家要钱来还给你 ------------------------------------------ Mwngz dwgrengz mbouj suenq 你辛辛苦苦这还不算 Lij gag nyienh demh cienz 还要自愿垫出钱来 Cungqvunz saed simnden 众人看到了实在心不忍啊 Bouxboux gien cienz ok 每一个人也把钱捐出来 ------------------------------------------ Veiz lauxsae comz ngaenz 韦老师负责把这些钱收集起来 Daeuj raen mwngz gejgangj 找到你解释这些钱的由来 Neix sim’eiq vunzmbanj 这些都是众人的心意啊 Mwngz cienfanh sou roengz 你千千万万要收下来啵 ------------------------------------------ Mwngz miz di mbouj angq 你有点不高兴 Haenq gangj Veiz lauxsae 狠狠地批评了韦老师 Vunzcungq daih gou ndei 众人对待我这么好 Gou dei neix suenq roet 我做出这点点算个屁呀 --------------------------------------- Veiz lauxsae youh naeuz 韦老师又说 Yungh youz mbouj dwg raemx 用油可不是用水呀 Cungqvunz sim ndi nyaenx 众人心里接受不了啊 Laemxsim docih mwngz 真心实意感谢你的呀 -------------------------------------------- Sou yiengq vunz liemx ngaenz 你们向众人敛钱 Caen mbouj baenz dahraix 实实在在是不应该的 Daihgya gunnanz lai 大家困难还是很多很多呀 Mbouj wnggai nyaenx guh 实在不应该这样做啊 ------------------------------------------- Gou dwg cunhcihsuh 我是一个村支书 Mbouj dwg guh goengdaeuz 可不是当工头呀 Ok cienz cawx di youz 出一点点钱来买油 Yawz youh naeuz mbouj ngamj 怎么说不合适呢 ------------------------------------------ Veiz lauxsae fouznaih 韦老师很是无奈 Cijndei daiq ngaenz deuz 只好把众人的钱带回去了 Yienz deng nungq can ndeu 虽然被批评了一顿 Hoeng heiq siu sim raeuj 但是气顺了心里更暖了 [此贴子已经被作者于2005-6-29 16:25:22编辑过]

路漫

	(2) Vih Lwghag Naemj Siengj 为学生着想 Mwngz bae hai hoih dauq 你去开会转回来 Mbwn laepngauq laepnyoq 天色已经漆黑漆黑的了 Hagdangz youq henz loh 学校就在路旁 Daeng cix myox feizfang 灯光暗暗的仿佛鬼火一样 --------------------------------------- Bae hai hoih gaxgonq 在去开会之前 Gaenq duenq cang dienhdaeng 已经约定好要装电灯 Laihnaeuz senq ronghsaeng 你以为灯光老早雪亮了 Yawz daengyouz lij diemj 为何还是点油灯呢 ---------------------------------------- Mwngz mbouj goq bae ranz 你顾不得回家了 Muengz bae cam yaucangj 连忙去询问校长 De cix danqheiq gangj 他就叹了口气说 Vih vangq ngaenz naihhoz 因为缺钱又耐其何 ---------------------------------------- Cawx dienhganj dienhsienq 购买电杆电线 Lij yiemq cien lai maenz 还欠缺一千多元 Raen lwgnyez daeng yaem 眼看孩子的灯光昏暗 Mwngz sim’in fouzbeij 你是无比的心痛啊 --------------------------------------- Yamq din baez haeuj ranz 迈步走进了家门 Couh cam baz aeu vah 就找话向妻子试探 Song duz mou hab gaj 那两只肉猪可以宰了 Lij caj daengz seizlawz 还等到什么时候呀 ------------------------------------------- Baz cimh bak han naeuz 妻子顺着你的话题说道 Song duz mou cai mok 那两只猪不肯吃潲 Ngoenzbonz gaenq gai ok 前天已经卖掉了 Ndaej ngaenz hob cien lai 刚刚得了一千多元 ------------------------------------------ Dingqnyi coenz vah neix 听到了这一句话 Mwngz haengjheiq dangqmaz 你是无比的高兴啊 Caiq yawj ndangdaej baz 转过来看看妻子的身体 Bak youh gaz nanz gangj 要说的话难以说得出口呀 ------------------------------------------ Yah ndang byom youh reux 妻子的身体又瘦又弱 Buhvaq seuj geij caengz 衣服补了一层又一层 Ciengx mou ndaej di ngaenz 养猪得了这点点钱 Maenzmaenz mbouj sij yungh 每一元都不舍得用啊 ----------------------------------------- Hagdangz daeng mbouj rongh 学校的灯光不好 Lumj cim mbongq dwk sim 好像针刺着心一样疼呀 Gou dangjyenz cwzyin 我肩负党员责任 Wng vih minz naemj siengj 应该为民着想啊 ----------------------------------------- Vah ndei gangj baenz daeuj 好言说了一斗斗 Vih daeuh maex haidoeng 为了请求妻子思想开通 Lwgnyez dwg vahoengz 孩子是红花呀 Vunzhung aeu goqhoh 我们大人要好好照顾 ------------------------------------------ Yah cix doiq mwngz naeuz 妻子听了就对你说 Gaej aeu gangj vah heux 别绕弯弯说那么多了 Dauhleix gou roxyiuj 这些道理我都明白 Raeuz siuj yungh goj baenz 咱少用些钱也是可以的 ------------------------------------------- Yah dawz ngaenz dwk fwngz 妻子把钱递进你手里 Heuh mwngz hawj yaucangj 交代你拿去给校长 Lauxsae bouxboux angq 老师看见了个个高兴 Hagseng langh sing riu 学生看见了欢天喜地 ------------------------------------------ Mbouj nanz cang ndei daeng 不久电灯安装好了 Haemhnaengz ronghsagsag 每个晚上都亮堂堂 Sing doeg saw goksat 学生的读书声洪洪亮亮 Caez hap rungh hap bya 回音回旋在山山硦硦

AAAAAyingj

	Guh Hwng Mbanjcuengh Guh fwen dangq gangj goj , Dwg Lohmanh laux sae ; Doengh uk vaenq sim gae , Sij saeh haenh vunz raeuz ! Vunz raeuz boux hauxseng , Aeu hag de yiengh neix ; Dawz diegcuengh seqveiq , Guh vuengh heiq hwnj daeuj !