FWEN BAZGOH 拔哥山歌

Lwgyungh

	GAEB AEU LWGDOG DAWZ BAE GAJ Song fwngz bangxij(dengcug) bae lizlinz Meh heuh daengh din mbouj ndaej caj Gaeb aeu lwgdog dawz bae gaj Coq cien ngaenz gyaq duh mbouj i Rag gen mbouj bae bien youh fad Aeu faex hamh bak cungq ma nyingz Song fwngz bangxij(dengcug) bae lizlinz Meh heuh daengh din mbouj ndaej caj Gaeb aeu lwgdog dawz bae gyaeng Raemxda meh roengz rim benq naj Gaeb aeu lwgdog dawz bae gaj Coq cien ngaenz gyaq duh mbouj i

Lwgyungh

	LAUX GUNG CIT RANZ BAE CIB MBANJ Minzgoz cib seiq lab ngeih sam Laux Gung* cit ranz bae cib mbanj Gyahvuz mozsouh ciz saujgvangh Lwglan banhsanq mbouj miz ranz Gaj vunz cit ranz bouxminz liux Heuhnaeuz gyoengq caiq(raeuz) gveih Bazdangj* Minzgoz cib seiq lab ngeih sam Laux Gung cit ranz bae cib mbanj Youh bae Sanhsiz diuh aeu bing Cit ranz bouxminz bae cib mbanj Gyahvuz mozsouh ciz saujgvangh Lwglan banhsanq mbouj miz ranz ____________________________ *Laux Gung dwg Gungh Souyi. *Bazdangj couh dwg Bazgoh dih dangj.

Lwgyungh

	BING CIX MA DUET EK Bouxlawz gyau yez fei Lingh aeu gvae De yaek ndaej raeq naz Raeuz dawz duz hwnjma Caengz daengz naz Bing cix ma duet ek Ce gyangdoengh hwnj em Caem(saw) ngaenz cienz Ce naz bingz hwnj faex Bouxlawz gyau yez fei Lingh aeu gvae De yaek ndaej raeq naz Hwnjma bing hix laeh(gyaep) Lingx aeu fei Raeuz caiz ndei bae naz Raeuz dawz duz hwnjma Caengz daengz naz Bing cix ma duet ek _________________ *1928 nienz,bingcaeg youq Nguxcienh gauj cizcunghyingz,bik bouxminz Dunghlij Nazlez bae daengz mbanj Bahyoz gyonjyouq,vut nazreih mbouj ndaej raeq.Bazgoh youq mwhhaenx yawjraen yienghneix couh sij ok diuz go neix hawj vunz ciengq.

Lwgyungh

	MBOUJ NGEIX YUNLINZ DAUQ HENGZ FANJ Gaj gaeq gwn lwed gyaemh vix mbwn Gag mwngz Hizsungj* naeuz mbouj saenq Gonq gangj boux dai boux cunz(vanz) mingh Mbouj ngeix Yunlinz* dauq hengz fanj Bouxlawz fanjdui mbwn lawz rox Cungq deng gyaeujhoq ram coq mbung(lazhaeux) Gaj gaeq gwn lwed gyaemh vix mbwn Gag mwngz Hizsungj naeuz mbouj saenq Gonq gangj beixnuengx mbouj doxce Cungq deng ga gvez cauz(couh) roxnyinh Gonq gangj boux dai boux cunz(vanz) mingh Mbouj ngeix Yunlinz dauq hengz fanj _______________________________ *Hizsungj Yunlinz gyonj dwg mingz boux vunz ndeu,de caeuq Bazgoh gaj gaeq gwn lwed vix mbwn gvaq,doeklaeng guh banduz deng raeuz nungzginh dwk sieng.

Lwgyungh

	GWZMING  HWNJ NDWEDFEH Veiz Meijbangh* Mbanjbyau Ndi lau sou cix ngveh(nyiengh) Gwzming hwnj ndwedfeh(nauhyied) Sou yaek ngveh guh lawz I gaiq mwh bi'gvaq Maexyah naeuz mbouj lau Veiz Meijbangh Mbanjbyau Ndi lau sou cix ngveh I gaiq sou hingzseiz Mbouj ngeix deuz hwnj ceh (dingj bya) Gwzming hwnj ndwedfeh Sou yaek ngveh guh lawz

lwgyungh

	CAUHNEIX DEUZ RANZ CE MBOUJ YUQ Sou gwn nohlab dauq seih van Cauhneix deuz ranz ce mbouj yuq Veih gyoengq hawgwnz bang ranz Du Deuz ce mbouj yuq guh mbanj fwz Gyoengqsou haeuj rungh vunz cix daej Gaeb aeu bit gaeq gyaemh cit ranz Sou gwn nohlab dauq seih van Cauhneix deuz ranz ce mbouj yuq Gonq sou hengz oz(yak) gwn cienzngaenz Cauhneix mbwn raen sou geij bux Veih gyoengq hawgwnz bang ranz Du Deuz ce mbouj yuq guh mbanj fwz

lwgyungh

	DAENGX BIENGZ CAEZ HUT(NDAQ) VANGZ SOUJSENH Daengx biengz caez hut Vangz Soujsenh De daeuj Nguxcienh gwn bouxminz Ciq Liuz Vazdangz* geij bak bing Cukcaij(caudab)bouxminz raeuz guh luenh De lij dok dongh youq Dunghlanz Duzma raeuq canz caen lij ienq Daengx biengz caez hut Vangz Soujsenh De daeuj Nguxcienh gwn bouxminz Buen(dwen) de bouxhak dauq lij gungz Dauq aeu bouxwnq daeuj guh cin Ciq Liuz Vazdangz geij bak bing Cukcaij(caudab)bouxminz raeuz guh luenh ___________________________________ * Liuz Vazdangz dwg lijcangj bingcaeg.

lwgyungh

	DUNGZCI NAEKSIM HENGZ GWZMING Huzcamj gaihgiz gwzmingdangj Bwnjce(sij ndaej) niujranz mbouj sangzsuenq Gaiqboux youjcanj simdaeuz luenh Raen raeuz hingzswenq(gwzming) de hozhaenz Dungzci naek sim hengz gwzming Mbouj yungh gwj siengj dauq bae ranz Huzcamj gaihgiz gwzmingdangj Bwnjce niujranz mbouj sangzsuenq Liuzyez hihswngh dih(lawh) bouxminz Raeuz doengz caez sim byaij bae gonq Gaiqboux youjcanj simdaeuz luenh Raen raeuz hingzswenq de hozhaenz

lwgyungh

	DUJDI BAEN BINGZGINH Sizhingz Gungcanjdangj Minz boux an boux faenh Naz sang daz(boiq) naz daemq Doengz miz faenh guh caez Dujdi baen bingzginh Mbouj cinj boux douhlanj Sizhingz Gungcanjdangj Minz boux an boux faenh Baen reih gyaemh baen naz Miz gaiqmaz cwnghlwn Naz sang daz naz daemq Doengz miz faenh guh caez

lwgyungh

	GAJ MWNGZ GWN NOH LIUX YAEK LUMZ Gonq dou gwn cieng mboujcaengz net Ndwenlab ngeih bet cauz(cij) ndaej mwngz Ndaej youq Nguxaiq sauq baihgwnz Beh baenj(caeuz) ndaej mwngz cix mbouj lix Cit ranz guh faenh gyaemh guh cien Ngoenzneix boiz ien mwngz bouqbet Gonq dou gwn cieng mboujcaengz net Ndwenlab ngeih bet cauz ndaej mwngz Sizhingz Sanhgvangh ceiq cix oz Gaj mwngz gwn noh liux yaek lumz Ndaej youq Nguxaiq sauq baihgwnz Beh baenj ndaej mwngz cix mbouj lix

lwgyungh

	SWYOUZ GEZVWNH CINH SIUHSAJ Swyouz gezvwnh cinh siuhsaj Cuizyi lwgda raeuz gag leh Gauneix mbouj aeu coenz bouxgeq Haemq dez haemq meh guh gaiqmaz Gonq sou vanzging cin ozlez Mbanj ranz boux geq ddoengz daeuj yaz Swyouz gezvwnh cinh siuhsaj Cuizyi lwgda raeuz gag leh Mwh gonq gyaeqeh(gyaeqnding) dingh cix aeu Gauneix mbouj yungh ei boh meh Gauneix mbouj aeu coenz bouxgeq Haemq dez haemq meh guh gaiqmaz

lwgyungh

	GONQ NDUJ LWNZLIJ DINGH MBOUJ NDI Gonq  nduj lwnzlij dingh mbouj ndi Vihliux funij mbouj miz gienz Gyangzbwz vwnhyinh guh ndaej bemz(cied) Naih siengj ngougi coq ciuh vunz Dawz guh cwz vaiz daeuj gandai Baenz boux doeknaiq ndij souhgvi Gonq  nduj lwnzlij dingh mbouj ndi Vihliux funij mbouj miz gienz Dez meh danhdoh ndaej ngaenz cienz Gai deng mbouj deng de mbouj siengj Gyangzbwz vwnhyinh guh ndaej bemz Naih siengj ngougi coq ciuh vunz

lwgyungh

	VWNHYIH SWYOUZ RAEUZ GAG RA Gonq nduj dez meh haq cix bae Cib bouxlae gouj boux ienq Dawz lwg mehmbwk guh lanhcienh Ngaemx yienq sawmingh hawj gaiqvunz Danh ndaej boux vunz de lingzbienq Dez meh mbouj siengj raeuz hix gyaez Gonq nduj dez meh haq cix bae Cib bouxlae gouj boux ienq Raeuz hengz swyouz raeuz gag ra Ndaej mbouj dwgda raeuz mbouj ienq Dawz lwg mehmbwk guh lanhcienh Ngaemx yienq sawmingh hawj gaiqvunz

红棉树

	下面引用由lwgyungh在 2004/01/22 02:28pm 发表的内容： Cib bouxlae gouj boux ienq ... 整首诗歌都是七言诗，但这句话只有六个字，是不是少了一个字？

lwgyungh

	BAENZ CIUH VUNZ NGOUGI Gonq cij fuz(dungx) veiz vwnh Miz ngoenzlawz soengyoengz Saenq dez meh gangj coenz Baenz ciuh vunz ngougi Mouj roxyiuj gyaeuj bi Iq bouxmoiz daeuj dwnq(yaeuh) Gonq cij fuz(dungx) veiz vwnh Miz ngoenzlawz soengyoengz Maij baenz dawh ndaw gok(gyok) Dog cix ndaej hawj yinz Saenq dez meh gangj coenz Baenz ciuh vunz ngougi

lwgyungh

	五十三楼是少了一个音节，应该是cib boux roengzlae gouj boux ienq。

lwgyungh

	DAJBO GIU LIJGYAU Song coiq(raeuz) funij daeuj senhconz Si hawj beixnuengx gyaemh boh'au Dajbo giu lijgyau Goengdauh youq funij Dez meh gaemh(bik) mbouj i(ei) Hawj funij miz gienz Song coiq funij daeuj senhconz Si hawj beixnuengx gyaemh boh'au Dez meh gaemh roengzbae Dingh mbouj bae nauqnauq Dajbo giu lijgyau Goengdauh youq funij

lwgyungh

	CAUHNEIX YAUZYOUJ NDAEJ GAIJFANG Cauhneix yauzyouj ndaej gaijfang Caez haeuj hagdangz bae doeg saw Yunghdi minzcuz raeuz gahrwz(dingqgangj) Doengzcaez hwnj haw bae gwih max Miz rap miz yom(ram) cix gag dawz Bouxlawz cingj hu(fou) cix duihfanh Cauhneix yauzyouj ndaej gaijfang Caez haeuj hagdangz bae doeg saw Mbouj bae dawz giuh hawj lezsinh Mbouj guh sanj dingh mbouj guh hu Yunghdi minzcuz raeuz gahrwz Doengzcaez hwnj haw bae gwih max

lwgyungh

	MBANJ NEIX VUNZ SIM NDI(NDEI) Aangh(docih) mbanj neix sim ndi Mouj si(gangj) bouxlawz rox Dawz Canghswngh* bae yo Lox naeuz bwnj(cungj) mbouj raen Bae diemj daeng youzgyaeuq Yaeuh de ndaej sam bi Aangh mbanj neix sim ndi Mouj si bouxlawz rox Daengx mbanj vunz sim ndi Mbouj si vunz mbouj rox Dawz Canghswngh* bae yo Lox naeuz bwnj mbouj raen

lwgyungh

	BOUXBOUX DOENGZ MIZ SIM Canghswngh daeuj neix yuq(youq) Buxbux(boux) doengz miz sim Dawz de diem guh ngaenz Ngwn(nyengh) naeuz de mbouj yuq Angh(docih) beixnaeungx mbanj ranz Caez daeuj bang caugu Canghswngh daeuj neix yuq(youq) Buxbux doengz miz sim Angh gyoengqde doengz meh Bouxgeq doengz miz sim Dawz de diem guh ngaenz Ngwn naeuz de mbouj yuq _______________________ *1927 nienz caet nyied daengz 1928 nienz seiq nyied mwh gwzming dihcauzhaenx,boux canyouj Veiz Bazginz heuh Cwnz Soujhoz(mingzhauh heuh Canghswngh,doeklaeng de banben)daeuj daengz Fungsanh Bonzyangz yangh mbanj Bahbonz ndoj youq, aenvih ndaej vunz ndaw mbanj yo de,cij mienj deng haih.Gwzming hingzsi cienq ndei le,Veiz Bazginz daiq cib lai boux dungzci bae mbanj Bahbonz guh gunghcoz,couh youq gizhaenx bien fwen hawj senhconzyenz yienjciengq,docih vunzlai yenjhu."MBANJ NEIX VUNZ SIM NDI"caeuq"BOUXBOUX DOENGZ MIZ SIM"couh dwg ndawde dih song hot fwen.