FWEN BAZGOH 拔哥山歌

Lwgyungh

	DOENGYIZ LUENH YOUQ CWNZ BINJSANH Doengyiz cix luenh ndiz(youq) Binjsanh* Doenglanz cix lanh ndiz Lungzbuj Mbouj miz geij lwg lezsinh sou Biengz mbouj saej fouz baenz daengjneix Roeksauq Doenglanz vih lawz guj(hoj) Binjsanh Lungzbuj gwn lwed hanh Doengyiz cix luenh ndiz Binjsanh Doenglanz cix lanh ndiz Lungzbuj Cauhneix gyoengqsou cix naeuz haenq Miz ngoenz mbwn raen sou geij boux Mbouj miz geij lwg lezsinh sou Biengz mbouj saej fouz baenz daengjneix ___________________ *Binjsanh:Cwnz Binjsanh mwhde dwg boux gizdungj Dunghlanz Yen Duhyizgih.

Lwgyungh

	BOUX CAE NAZ GYANG CEIQ HOZHAENZ Raih naz gyang doengh gvangq dauq gvangq Vei doihbangx Boux cae nazgyang ceiq hozhaemz Dungx iek hozgan guh hong baenz Daiq goenq sim Baen sam* haeuxvaen duj mbouj ndaej Bouxhoj naih siengj naih ij daej Daih cizgveih Lij hawj soengq haeux bae daengz ranz Raih naz gyang doengh gvangq dauq gvangq Vei doihbangx Boux cae nazgyang ceiq hozhaemz Raeuz daenj buh sik de daenj moq Bouxboux rox De gwn laeuj noh raeuz gwn raemz Dungx iek hozgan guh hong baenz Daiq goenq sim Baen sam* haeuxvaen duj mbouj ndaej _________________ *Baen samawz gij haeux baen guh sam faenh,boux nazcawj ndaej song faenh, boux raeqnaz ndaej faenh ndeu.

Lwgyungh

	GOZMINZ GWZMING NDAEJ HANGOUJ Gvangjdungh cunghyangh miz yenzcu Namzningz dangjbu lij bang raeuz Gozminz gwzming ndaej Hangouj Beksingq gyoengqraeuz miz liyiz Ndi lau gaiqraeuz guh mbouj hingz Vwijyenz daiq bing hwnjdaeuj buj(bujcungh) Gvangjdungh cunghyangh miz yenzcu Namzningz dangjbu lij bang raeuz Daj den bae hawj Vangzveijbai* Youh daiq swjdan daeuj hawj raeuz Gozminz gwzming ndaej Hangouj Beksingq gyoengqraeuz miz liyiz _________________________ *Vangzveijbai dwg boux dwzbaiyen, daj Gvangjdungh gwzming cwngfuj baij daeuj, de singq vangz.

Lwgyungh

	SWNJ HUNGZYINGH DAEUJ BIENGZ Swnj Hungzyingh daeuj biengz Cauh diuz ien neix daeuj Loengz Coengyiz* sim gaeuz Hwnjdaeuj duq gamjgaej(gamj Lezningz) Lungz Yenjyinz* sim yak Gag nda rap gag guenz(gonz) Swnj Hungzyingh daeuj biengz Cauh diuz ien neix daeuj Dawz veijyenz bae gyaeng Gangj ngaenz youh mbouj hawj Loengz Coengyiz sim gaeuz Hwnjdaeuj duq gamjgaej(gamj Lezningz) ____________________ *Loengz Coengyiz couh dwg Lungz Yenjyinz.

Lwgyungh

	BOUXLAWZ FANJ GWZMING Bouxlawz fanj gwzming Haemq Dwzcingh Lajgeng* Ndij Gungh Loz*doengz riengz Bwnj hengz fanj gwzming Diuz laux Gungh hwnj ma Hai cungq yaz(haep) nungzminz Bouxlawz fanj gwzming Haemq Dwzcingh Lajgeng Coemh ranz raeuz beksingq Diuh bing daeuj Doenglanz Ndij Gungh Loz doengz riengz Bwnj hengz fanj gwzming ____________________ *Lajgeng dwg mingz mbanj.Dwzcingh dwg Vangz Dwzcingh,ranz youq Mbanj Lajgeng. *Gungh Loz:Gungh dwg Gungh Souyi boux ginhfaz donzcangj,Loz dwg Loz Sunghgangh boux ginhfaz yingzcangj,song boux de dwg boux gvaiswjsouj cinyaz Dunghlanz Fungsanh gwzming yundung.

Lwgyungh

	LEZSINH HAEUJ RUNGH BAE FAENZ HAEUX Lezsinh haeuj rungh bae faenz(raemj) haeux, Haemq sou seng daeuj gwn gaiqmaz? Beh naeuz dou famh sou cix ra , Haeux beu(famh) gaiqmaz hawj sou ndiz? Duz vunz seng daeuj youq laj mbwn, Swz ndeu mbouj gwn mbouj ndaej daeuz(dingj). Lezsinh haeuj rungh bae faenz(raemj) haeux, Haemq sou seng daeuj gwn gaiqmaz? Dou youq geh rungh gyang ndoengfaex Sou miz bonjsaeh cix hwnj bya. Beh naeuz dou famh sou cix ra , Haeux beu(famh) gaiqmaz hawj sou ndiz?

Lwgyungh

	DE GYAJCANG GWZMING Vangz Cujyi* yenjgyangj De gyajcang gwzming Daeuj gyanggai gaem inq Naeuz beksingq mbouj diuz(deng) De youq swngj dangjbu Naeuz yenzcu Doenglanz Vangz Cujyi yenjgyangj De gyajcang gwzming Gouhgez Vangz Mingzyenj* De hengz sim mbouj cingq Daeuj gyanggai gaem inq Naeuz beksingq mbouj diuz ______________________ *Vangz Cujyi 1926 nienz youq Doenglanz dang vei yencangj. *Vangz Mingzyenj,dwg ginhfaz yingzcangj,dwg cinyaz Dungh-Fung nungzminz gwzming yindung dih gvaiswjsouj.

Lwgyungh

	GWZMING GIJYI YOUQ GUENGJDOENG Sunying sigai dih cauzliuz Naih ciuq(yawj) ciuhneix yax(hix) mbouj doengz Gwzming gijyi youq Guengjdoeng Daengzlaeng baenzgoeng sou yax rox Gizgiz gwzming cienz daeujdaengz Gaiqboux daengzlaeng sou guenj ciuq Sunying sigai dih cauzliuz Naih ciuq ciuhneix yax mbouj doengz Gaiqraeuz cienghlaiz ndaej fanhsinh Bouxlaux bouxnding caez vuenyungz Gwzming gijyi youq Guengjdoeng Daengzlaeng baenzgoeng sou yax rox

红棉树

	Aen dieb neix ndei. Aeu daeuj dang gyauqcaiz Sawcuengh goj ndaej a.

壮族万岁

	个人感觉这些歌曲词汇和语法都有过于汉化的倾向，这样的山歌我觉得不是太好。僚语的山歌、诗歌应该尽量运用自己民族词汇的精髓，而不是老是尽量应用汉语借词。

Lwgyungh

	  这是拔哥领导农民革命运动时用方块壮字创作的山歌，尽管汉借词多了一些，我觉得保留原本的唱词借音是正确的，这样也符合学术研究的原则。

Lwgyungh

	GWZMING FUNGHCAUZ GIZGIZ MIZ Gijcuh Ngozgoz hengz gwzming Biengz de yinzminz ndaej raen ndi(ndei) Gwzming funghcauz gizgiz miz Gyoengqraeuz raen ndi bae coh geq Cijsiuh yizcez mbouj bingzdwngj Gyoengqraeuz da raen yax couh sinq Gijcuh Ngozgoz hengz gwzming Biengz de yinzminz ndaej raen ndi Daihgya caezsim hengz gwzming Cienghlaiz itdingh doengz raen ndi Gwzming funghcauz gizgiz miz Gyoengqraeuz raen ndi bae coh geq

Lwgyungh

	BEH SUNH CUNGHSANH MBOUJCAENGZ DAI Beh Sunh Cunghsanh mboujcaengz dai Bineix gyanggai mbouj baenz nix Beh Sunh Cunghsanh goj lij lix Cauhnix biengzdih mbouj saej fouz Minzgoz cib sam hengz gwzming Yienghyiengh sinhoj suenq raeuz lai Beh Sunh Cunghsanh mboujcaengz dai Bineix gyanggai mbouj baenz nix De naeuz gwzming caengz daengz giz Gozgai donzdij caez nujliz Beh Sunh Cunghsanh goj lij lix Cauhnix biengzdih mbouj saej fouz

Is-peiq

	不知道還有沒有當時的方塊壯字原文紀錄呢？

Lwgyungh

	   我手头上只有一本广西民族出版社1981年出版的壮文版《FWEN BAZGOH》。

Lwgyungh

	GIUH(RAM)BOUQ ROENGZ GAI BAE LOEK MUMH Giuh bouq (Du Baz) roengz gai bae loek mumh Naih ciuq gutgungq lumj duzma Lumj duz vuhgveih daenj buhsa Daenj mauh yumhya dawz gingqfaex Aeu faex dang gen caemh dang ga Guh(cix) lumj duzma dam(vangh) gyaengh ndugq Giuh bouq  roengz gai bae loek mumh Naih ciuq gutgungq lumj duzma Aeu gi(gei) guh giuh hawj de naengh Ngoenzneix najdaemq lumj duzma Lumj duz vuhgveih daenj buhsa Daenj mauh yumhya dawz gingqfaex

Lwgyungh

	CAUHNEIX GOENG YEZ MBOUJ CINJ HEUH Dajdauj digoz ij ginhfaz Banhgonh dujba mbat ndeu ciz(cawz) Dajbo gyangzgenz caemh dicij Cauhneix goeng yez mbouj cinj heuh Caemh gaiq lezsinh dih coujgouj Bouxlawz famh mbaeu cix ce naj Dajdauj digoz ij ginhfaz Banhgonh dujba mbat ndeu ciz Gizlawz lezsinh aeu caengz ndaej Laeb nungzminzvei youq lai giz Dajbo gyangzgenz caemh dicij Cauhneix goeng yez mbouj cinj heuh

Lwgyungh

	DIENZ MBOUJ RIM NDAW ROENGQ Caetyez ndij Betyez* Ndij Cwnyij* guh gyoengq Duza ndij duzlaemh Doengz guh gyoengq ndeu mbim Gwn yinzminz lwedhanh Ngoenz lauh mbanj gak giz Caetyez ndij Betyez Ndij Cwnyij guh gyoengq Gwn vunz daengz noh nding Dienz mbouj rim ndaw roengq Duza ndij duzlaemh Doengz guh gyoengq ndeu mbim

Lwgyungh

	DAJDAUJ LEZSINH DINGH NDAEJ HINGZ Nduj raeuz cix luenh ndij Lungzbuj Vih de gwn du(dou) boux beksingq Gyaeb(gyaep)  Mungz Yenzcaij* cix liux mingh Dajdauj lezsinh dingh ndaej hingz Vih Mungz Yenzliengz* dih(bang) de suenq Vih Loz Sunggangh biengz cix fouz Nduj raeuz cix luenh ndij Lungzbuj Vih de gwn du boux beksingq Raeuz yaek youq ndei gyaemh(youh) soengzyoengz Caez sim doengzcoengz fanj lezsin Gyaeb(gyaep)  Mungz Yenzcaij cix liux mingh Dajdauj lezsinh dingh ndaej hingz ___________________________ *Mungz Yenzcaij Mungz Yenzliengz dwg mingz vunz.

Lwgyungh

	LUNGZBUJ SOU CIENZ GUH GAIQMAZ Lungzbuj sou cienz guh gaiqmaz De aeu song baz caemh sam maex Bouxhoj boux ndeu dauq mbouj ndaej Lungzbuj aeu maex rim gyangranz Cug dez cug meh coq goek saeu Lezsinh coujgouj wngdang gaj Lungzbuj sou cienz guh gaiqmaz De aeu song baz caemh sam maex Lezsinh cit ranz caemh gaj vunz Bouxminz ienq de cien nienz daej Bouxhoj boux ndeu dauq mbouj ndaej Lungzbuj aeu maex rim gyangranz