壮文翻译作品：有车的烦恼！

pcy109

	Cawx Ci Simfanz                                  Caengz cawx ndaej giuhci seizhaenx, raen vunz miz giuhci hai, swhgeij hix “fwngzhwnz yaek dai”, fangzhwnz cungj siengj gag miz gyaq ci hai. Daengz swhgeij cawx ndaej gyaq ci ma le, siengj mbouj daengz miz ci hai hix “simfanz dangqmaz”. Vunz ndawsingz cawx ndaej giuhci, cawx ndaej ranzmoq hung le, couh suenq dwg boux guh ndaej bae lo.Cawx ndaej giuhci cawx ndaej ranzmoq le, lijmiz maz saeh simfanz?  Dingq gou gangj le mwngz couh rox lo, boux miz giuhci hix miz gij saeh simfanz, gij saeh neix gangj okdaeuj mbouj ndei dingq ne. Sien gangj “ciengx” ci la, gyaq ci he ndwen ndeu aeu yungh bae cien daengz song cien maenz ngaenz. Gij soqmoeg neix mboujsuenq noix ha, vunzraeuz ndwen gunghswh ngamq ndaej cien lai song cien maenz. “Ciengx ci” miz geij yiengh neix aeu sai cienz: Baujyiemj、 nienzsaemj、 coih ci、 gya youz. Ndawde, ceiq simfanz dwg heiqyouz ngoenz beij ngoenz bengz, gij gyaqcienz heiqyouz couh lumj gij ranzlaeuz Nanzningz, cij miz hwnj gyaq mbouj miz doek gyaq. Danghnaeuz guekrog daezsang gij gyaqcienz heiqyouz, guekraeuz byonghhwnz couh gaen vunz daezgyaq; guekrog heiqyouz doekgyaq le, guekraeuz youh cang huk mbouj rox, ciuqyiengh gai bengz dai. Gij vunz bae gyayouz bouxboux cungj ienq heiqyouz bengz lai, yienghneix couh miz boux hak okdaeuj gangjvah lo: “Heiqyouz mbouj suanq bengz, caeuq guekrog beij lij cienh ne.” Ced meh de cungj vunz neix gangjvah lumj duzbit ok haex ityiengh luenh ok, de naengh ci guekgya mbouj yungh swhgeij cawx heiqyouz, dangyienz mbouj raen bengz. Dawz raeuz caeuq guekrog beij, fatbag lo, raeuz ndwen ndaej cien lai song cien maenz ngaenz, vunz guekrog ndwen ndaej fanh lai song fanh maenz, beij beij diuz viz. Cawx giuhci aeu sai cienz lai, hoeng lij lingh miz saeh aeu mwngz simfanz ne: Daih’it, gwnz loh ci lai simfanz. Seizneix, gijmaz vunz cungj cawx ci, lumjnaeuz miz gyaq ci le, couh dwg boux fatcaiz lo. Miz saek ranz vunz, gwn byaeksoemj cungj aeu ciq cienz bae cawx ci. Yienghneix  vunz cawx ci lai le, hai ci couh nanz lo. Youq ndaw singz hai ci, miz seiz saek ci, byaij loh beij hai ci lij vaiq. Daihngeih, deng fadcienz simfanz. Gou gingciengz hai ci bae lingh aen cwngzsi guhcaemz, hoeng baez lawz cungj aeu deng fadcienz: Vunz dauqma daengz ranz geij ngoenz le, gij saenq fadcienz hix geiq daeuj daengz lo. Vihmaz deng fadcienz? Couh dwg hai ci vaiq lai deng gyauhgingj ingjsiengq roengzdaeuj. Gangj gou hai ci vaiq, gou caen miz di mbouj fugheiq, lumjnaeuz youq gwnz loh gauhsuz hai ci, aen siujsiz he ceiq vaiq mbouj ndaej ciugvaq 120 goengleix, gou couh hai 115 goengleix, hoeng siengj mbouj daengz diuz loh mbouj dwg seizseiz cungj gvidingh 120, miz saek duenh loh dwg gvidingh hai 100 goengleix, miz saek duenh loh youh ngamq hawj mwngz hai 80 goengleix. Bang vunz guh gvidingh haenx youh simdoeg dai bae, mwngz hai ci baenzlawz siujsim cungj geiq mbouj ndaej baenzlai, baenzlawz siujsim cungj aeu deng fad geij bak maenz ngaenz. Daihsam, vunz aeu dap ci simfanz. Miz vunz yienghneix gangj naeuz, gyaq ci couh lumj aen rug swhgeij. Vah neix gangj ndaej deng, rug swhgeij mbouj ndaej seizbienh hawj vuzn haeuj bae lo. Daenghnaeuz aeu dap vunz, daegbied dwg dap gij vunz “mbouj roxsoq” haenx, ndawsim caen nyapnyuk. Miz baez he, gou couh dap gvaq boux vunz “mbouj roxsoq”. Ngoenzhaenx, gou daj lajmbanj dauqma Nanzningz, miz boux vunz he swnhloh aeu dap ci gou. Gou raen de aeu dawz song duz gaeq hwnj ci, ndaw sim couh nyapnyuk lo: Gaxgonq ci gou cang gvaq duzgaeq le, ndaw ci haeu dai,baenzlawz swiq ci cungj lij haeu, aeu gvaq baenz geij ndwen cij mbouj haeu. Gou mboujnaengz gangj gaeq de haeu, couh yienghneix gangj de: “Duzgaeq cuengq youq ndaw giuhci, ndaw ci gaeb lai rox maetheiq dai lw.” Boux vunz haenx hanbak gig vaiq:“ Mbouj lau mbouj lau, giuhci vunz ndei gvaq aen mwngz, gou ciuqyiengh daiq duzgaeq hix dai mbouj ndaej. Ci gauhgiz caen mbouj doengheiq geijlai, ci mwngz  dauqcawq doengheiq, gaeq baenzlawz dai ndaej?” Meh de nw, ci gou mbouj dwg ci gauhgiz, couh cingqhab daeh gaeq de la? Lijmiz baez ndeu, gou caeuq mehyah bae ciep boux caencik yahlaux he.Yahlaux hwnj ci le, sikhaek couh duet liengzhaiz, song fajdin ndaemndwt couh gaq hwnj gwnz daengq bae. Daengq dwg aeu baengz dauq hwnjdaeuj, geij ngoenz gonq ngamq saeg seuq. Gou cingq siengj  banhfap daezsingj bouxlaux, hoeng bouxlaux youh yienghneix gangj lo: “ Duenh seizgan neix nyaengq dai lo, nyaengq daengz mbouj ndaej hoengq raed ribdin.” Gangj sat le, de dawz faggimz raed ribdin okdaeuj, “Dazdazdaz” sing yiengj dangqmaz raed ribdin de, raed liux le, youh aeu faggimz deu ndaw ribdin gij uq ndaemndwt haenx okdaeuj vut youq gwnz daengq…… Bouxlaux haenx roengz ci le, mehyah gou deng gip gij ribdin ndaw ci haenx hwnjdaeuj dawz bae gveng. Ngoenzhaenx, mehyah naeuz sam donq gwn souh cungj siengj rueg…… 有车的烦恼                     买车之前，见别人开车心里是“十分艳羡”。 买车之后，才发现有车其实是“乐并烦恼着”。 城里人一旦有房有车，也该属于“成功一族”了。俗话说“饱汉不知饿汉饥”，没车没房的人才烦恼呢，有了车还烦恼啥，莫不是“自寻烦恼”？别急，买车人还真有说不出的烦恼。 先说养车费用吧，每月花费少则一千多则两三千。这费用不算少吧，相当于一个普通员工的月工资了。这些费用主要有：保险费、年审费、维护费、汽油费，一样都不能少。其中，最让人气不过的是汽油费。人家国外汽油涨价，咱们国内汽油价格一定跟着涨得飞快；人家国外汽油大跌了，咱们国内汽油却偏偏“坚挺”跌不下来。甚至官方还说，国外油价跌，咱们还在考虑是否涨价，因为国内油价还没有跟国际接轨。这不是拿国人开玩笑嘛，油价要跟国际接轨，而工资却不要接轨。 买车除了要花大笔费用令人心痛外，其它的烦心事儿也不少。 其一，遇到堵车烦人。如今，买车的人猛增，城市道路日益拥挤。中国人喜欢赶时髦，有钱人买车，不稀奇，而经济并不宽裕者，也要提前“享受生活”，凑热闹买辆车来“享受享受”。鄙人也属于后者，也是爱凑热闹。中国人本来就多，爱凑热闹买车的人多了，路上车子自然变得拥挤起来。如今开车，有时去开会、赴宴，为“装门面”而驾车，结果在路上遇上堵车，还不如走路前去还快。 其二，开车出一趟远门回来，没几天罚单也追随而到。开车上高速路，偶尔会有超过最高限速120公里的时候，这就要被罚款200元以上了。后来吸取教训，再不开超过120公里。然而，一不留神间，道路维修段限速60公里、弯道狭窄处限速80公里……让你防不胜防，每次出行少不了要中招。 其三，让人搭顺风车，心里常有不畅快的。有人说，私家车属个人私密之地。因此，被迫搭载外人，已属无奈。若遇到个别“不懂事”的，更是一肚子不爽。一次从外地返回，朋友搭顺风车时，还要买当地土鸡带回。我曾有过教训：鸡鸭放在尾箱，那臭味弥漫在车厢久久难消。于是，我便委婉地说：“活鸡放在尾箱会闷死的。”那朋友并不领会，立刻接口道：“不会不会，别人的高级车我都带过，你这车密封不比高级车好，更加没问题。”无语啊，感情我这车不高级，活该就是要捎鸡带鸭的？ 又有一次，一位长辈亲戚搭顺风车。上车后，她立马脱掉凉鞋，将两只脏脚盘在座位上。座套刚买不久，老人这般坐相让我刚要皱眉，不想立刻又被迫“瞪大了眼”——她说：“最近做生意忙死了，都没有时间剪指甲。”说着，从口袋里摸出指甲钳，“哒哒哒”剪起手指甲，然后，又“哒哒哒”剪起脚趾甲，接下去，用指甲钳将脚趾甲间隙的污垢挖出，再将指甲钳往座位上敲让污垢掉出…… 过后，妻子屏住呼吸把掉在座位上、车厢里的指甲拾起，装进垃圾袋扔掉。她说，那天喝玉米粥不仅毫无味道，还一个劲儿想呕吐。 [此贴子已经被作者于2011-7-27 15:28:08编辑过]

gangjdoj

	Mehmbwn ha, gou seizlawz cij ndaej cawx ci, siengj cungj mij gamj siengj. Miz ci le lij nyapnyuk, boux mbouj miz ci haenx engq nyap.

游过。。

	呵呵。。。。确实。。。。