Bohsae:恩师:
Mwngz ndei!您好!
Ngoenzneix raiz saenq hawj mwngz, cij siengj lwnh mwngz gienh saeh he. Gou gag nyinhnaeuz neix dwg gienh saeh ndei, doiq hong Sawcuengh, hong fwencuengh raeuz daeuj gangj dwg cungj maqmuengh ndeu!
今天写信给你,只想告诉你一件事.我自认为这是件好事,对壮文的工作,对我们壮族的山歌来说是一种希望.
Geij ngoenz gonq, Hwzlungzgyangh miz daegnuengx ndeu heuh guh Veiz Gvangjhanz(*** vunz Dava) haenx dwk dienhvah hawj gou, gangj de miz boux beixnuengx seizneix youq Daihhag Honglauxsae Guengjsae (广西师范大学) doegsaw, vunz Hozciz, hag lizsij, cohsaw heuhguh Veiz Swngveih, cohnoix heuhguh Hizcuz(日族), de gig maij guh beij eu fwen. De yawj daengz seizneix hawfwen ngoenz noix gvaq ngoenz, vunzcoz hix mbouj maij guh beij lo, sevei hix mbouj yawjnaek fwen beij Bouxcuengh raeuz lo, gamjnaeuz sim’in lailai, lumj deng cim camz yienghneix.
几天前,黑龙江有一个老弟叫做***(大化人)打电话给我说他有个兄弟现在在广西师范大学读书,河池市人,学历史,名字叫做韦胜辉,小名叫日族,他极喜欢做比唱山歌.他看到现在歌圩日少过日,青年人也不喜欢做山歌了,社会也不看重我们壮族的山歌了,感觉心若绞痛.
Song ngoenz gonq Hizcuz daegnuengx dwk dienhvah hawj gou, song raeuz yungh Vahcuengh gangj ndaej feihdauh raixcaix, yaep ndeu cix baenz song boux beixnuengx ndei lo. De naeuz seizneix de youq hagdangz cingq daiqlingx 4、5 boux doengzhag guh aen goqdaez yenzgiu fwencuengh ndeu. Gaxgonq de hix mbouj daiq gvansim fwencuengh, hix mbouj rox Sawcuengh dwg gijmaz. Hoeng, daj de yenzgiu fwencuengh le de couh gig maij dingz vwnzva neix lo. De yawj daengz seizneix fwencuengh raeuz nanz ndaej hwngvuengh, ngoenz “caem” gvaq ngoenz, youh miz bang vunz mbouj liujgaij vwnzva minzcuz haenx luenh gangj luenh vad, naeuz fwencuengh doeklaeng lai lo, mbouj miz maz neihanz, de hozndat dangqmaz, caemh simget lailai.
两天前日族老弟打电话给我.我们两个用壮语讲得feihdauh?很多,一下子就成了两个好兄弟了.他说现在他在大学带领4.5个同学做一个研究壮族山歌的课题.以前他也不很关心山歌,也不知道壮文是什么.但是,自从他研究山歌后他就极爱这个文化了.他看到现在山歌不兴旺,一天比一天消沉,又有一些人不了解民族文化而乱说乱骂,说山歌太落后了,没有什么值得珍惜,他很是生气而且心很不是滋味.
Bigonq youq Hwzlungzgyangh, Gvangjhanz daegnuengx caeuq gou hag Sawcuengh, seizneix gaenq raiz ndaej gig raeuz, caemh hainduj hag sij faenzcieng Sawcuengh lo. De fat siusik dinj hawj Hizcuz cungjdwg yungh Cuengh Gun song cungj sawcih, de caeuq Hizcuz naeuz Sawcuengh baenzlawz ndei, lwgcoz Bouxcuengh wnggai baenzlawz bae swnjciep dingz sawcih neix.
去年在黑龙江,**老弟跟我学壮文,现在他已经写得很流利,还开始写壮文文章了.他发短信给日族总是用汉壮两种文字,他跟日族说壮文怎么个好法,壮族的青年应该怎么去继承这种文字.
Hizcuz doeg gij saw neix, yienznaeuz mbouj hag gvaq saek cih, hoeng hix doeg ndaej ok dingzlai daeuj, de simmaez lo, siengj hag Sawcuengh, yungh Sawcuengh daeuj geiq fwen son fwen. De sikhaek bae hagdangz ra lauxsae gouzaeu sawson Sawcuengh, hoeng miz boux gyausou mboujdanh mbouj bang de, lij riu de naeuz: Mwngz hag Sawcuengh miz maz yungh? Sawcuengh dingz saw neix dwg sawcih mbouj miz yungh ndeu. Sawcuengh ndaej cauh ok, dwg seizhaenx guekgya gyaeuj ngunh cix luenh cauh okdaeuj hawj Bouxcuengh hag. Sai ngaenz youh sai mwh……Hizcuz daegnuengx baez dingq gij vah gyausou de, hoz cungj yaek ok feiz bae, simgoenj foedfoed, sikhaek dingj naeuz: “Gou dwg Bouxcuengh, mwngz vihmaz yienghneix gangj?
日族读这些文字,虽然没有学过哪个字,但是也读出大部分来,他心甜了.想学壮文,用壮文来记载山歌教授山歌.他曾经去学校找老师学习壮文,可是有的教授不但不帮忙,还笑他说:你学壮文有什么用?壮文这种文字是一种没有用的文字.造出壮文来是因为当时国家头脑有问题而乱造出来给壮族学,浪费金钱又浪费--?.....日族老弟听到教授的这番话,脖子就要生出火来,心潮起伏, ? ( ) 说”我是壮族人,你为什么这么说?
Mwngz mbouj bang cixbah, vihmaz aeu yawjyaez Sawcuengh raeuz?” Hojsik seizhaenx Hizcuz hix mbouj daiq rox Sawcuengh, cix mbouj gamj caeuq gyausou de gyangq roengzbae, mboujnex de dingh aeu baij ok sojmiz gij dauhleix daeuj gangjmingz Sawcuengh miz yungh, caemh daibyauj gij cingsaenz Bouxcuengh ciuhneix, lij aeu boux gyausou haenx “nyinhloek”.
你不仅不帮助,为什么要看轻我们壮文?”可惜那时日族还不太了解壮文,也不知道怎么去和教授争下去,不然他一定摆出所有道理来表明壮文有用,同时代表壮族现在的精神,还让那个教授自己”认错”.
Mbouj caenndang bae gamjsouh cix mbouj rox hongsaeh Sawcuengh raeuz, hongsaeh vwnzva Bouxcuengh raeuz dwgrengz “hojlienz” a! Daj seizde hwnj, Hizcuz engq gyaez fwencuengh, engq maij Sawcuengh lo. De gig muengh ndaej vunz son’gvai, gig muengh miz bang banlaux canghhag daeuj sonyinx. Bohsae, lajneix dwg duenh vah de fat hawj gou haenx, cingj mwngz yawjyawj:
不全身心的去感受就不知道我们壮文的工作,我们壮族文化工作辛苦可怜啊!从那时起,日族更爱山歌,更爱壮文了.他很希望别人能教他,很希望有一些(…….?),恩师,下面是一段他发给我的话,请您看看:
Hizcuz daegnuengx caeux rox cohhung mwngz lo, gaxgonq youq gwnz Intert net de cix gag ra gvaq haujlai swhliu mwngz. Yienghneix ngoenzde gou gaisau mwngz hawj de, de baez dingq cix maengx lo. Cinz lauxsae, gou naemj daeg neix caemh dwg faenh ligliengh hongsaeh raeuz a. Seizneix hong Sawcuengh caeuq fwencuengh raeuz ngoenz rengz nyieg gvaq ngoenz, haemq wnggai son ok bang bouxcoz daeuj swnj.
Doenghboux daihhagseng neix raeuz wnggai bangcoengh gyoengqde.
日族老弟也知道您的大名了,以前在网上他就自己找过你的好些资料.这样那天我介绍你给他,他听到后就( ? ),覃老师,我想这个人一样是一份我们工作的力量啊.现在我们壮文工作和山歌一天比一天力量薄弱,我们应该教出一帮青年来继承.这些大学生我们应该帮助他们.
Gyoengqde miz sim miz cingz miz rengz youh miz caiz, yienghneix gou
cix nyienh bang gyoengqde hag Sawcuengh, seizneix Daihhag Cinghvaz(清华大学), Daihhag Minzcuz Cunghyangh（中央民大）, Daihhag Minzcuz Guengjsae（广西民大）, Daihhag Guengjsae（广西大学）, Daihhag Dajveh Cezgyangh(浙江美院), Daihhag Gihsih（鸡西大学） daengj daihhag gaenq ok buek vunzcoz lo, gyoengqde gag dauqcungz ngeixnaemj gvansim caeuq hag Sawcuengh. Doenghgij vunzcoz neix gaenq gou baenz beixnuengx ndei, gou caemh ciengz gaisau lauxsae mwngz hawj gyoengqde, gyoengde gig haenhndei mwngz, gig ndiepgyaez mwngz, muengh saekseiz ndaej mwngz son’gvai.
他们有心有情有力又有才,这样我就愿意帮助他们学习壮文,现在清华大学,广西民族大学,广西大学,浙江美术学院,鸡西大学等大学已经出来一些青年了,他们自己关注思考和学壮文,这些青年已经和我成了好朋友,我也介绍老师您给他们,他们很赞扬你,很爱戴你,希望什么时候能得到你的教诲.
Seiging Baeuqroxdoh naeuz gvaq“cib rij gap baenz dah, cib dah gap baenz ni, cib ni gap baenz haij, cib haih gap baenz ciuz”, fwencuengh raeuz hix eu naeuz “va mbouj miz ndit va mbouj moq, goj mbouj miz raiz goj mbouj diemz, lauxsae mbouj son vunz mbouj yienz, bouxboux cix yiemz boux ngawhngwd.” Daegliuj baezneix cij muengh gaisau doenghboux lwgcoz neix hawj mwngz, muengh mwngz boux canghhag vwnzva Bouxcuengh okmingz raeuz ndaej vangq seiz naengz lai son’gvai di gyoengqde, coi gyoengqde hwnjgaep, ganq gyoengqde baenzcaiz. Yienghneix, hong Sawcuengh raeuz cix lai miz muengh lo!
布洛陀经诗说过”十条溪水汇成河,十条河水汇成江,十条江水汇成海,十个海水汇成洋.”我们壮族的山歌也是这么唱:”花没有蕊?花不嫩,故事没有?故事不动听,老师不教人不会,人人都?苯”阿柳这次就介绍这个青年给你,希望你作为一个我们壮族文化的大家能多教他们,督促他们争气,培养他们成材.这样,我们壮文的工作就多些希望了!
Doeklaeng, gou daigyauj Hizcuz, Gvangjhanz daengj beixnuengx vunzcoz caeuq gou bonjfaenh gyo’mbaiq mwngz gonq. Lajneix Daegliuj daihdamj yienhcouj sawq eu hot fwen daeuj danq bohsae, hix yungh de daeuj hohfuk mwngz:
最后,我代表日族,**等青年兄弟和我自己问候你先.下面阿柳斗胆唱一首山歌给恩师,也用它老祝福你:
Bohsae Siengzcouh lumj yuenzding,
Sinhoj ndaem faex youh ganq va.
Hagseng baenz caiz rim dienyah,
Rahrah mbouj ndaej lumz lauxsae.
恩师祥周像
? ,
辛苦种树又护花,
学生成材满天下,
?
不得忘老师.
发表于 2008-4-24 00:49:00
QQ空间
腾讯微博
腾讯朋友
微信
转播
淘帖
分享
收藏
支持
反对
发表于 2008-4-28 14:33:00
发表于 2008-4-24 19:17:00
