[原创]路漫文集：壮文的散文

bracwx

	1NAUHCUNG DASANG Daegmingz yaek bae hwnjhag lo,daxmeh daegdaengq hawj de cawx ndaej aen nauhcung he 请教一下这个daxmeh的dax，这个单字的意思。

路漫

	Gou Yo Ndei Feigeiqcienz Mwngz Bakdou miz aen diemqcabhuq he,bouxcawj singq Vuengz. Ngoenz he gou bae cawx gyu,dah Vuengz mbouj youq, cix dwg daeg hauxseng he youq haenx.Gou seizbienh cam:”Vuengz lauxbanj mbouj youq?”Daeg hauxseng yawjyawj gou,vaddaeuz fanj cam:”Gou mbouj lumj laux banj?”Gou riuriu:”Mwngz beij lauxbanj engqgya laux banj.” Geij coenz vah le,gou caeuq de couh seizbienh ging hwnjdaeuj lo. Laxlawz de dwg biujnuengx dah Vuengz,singq Veiz,gou couh heuh de go Veiz.De gaucung bizyez gauj mbouj hwnj daihhag,couh daeuj neix banghong. Miz baez ndeu,gou bae cawx doxgaiq,raen de boemz youq gwnz gvihdaiz sij gijmaz,couh laeglemx byaij gvaq bae,,de muengz sou bitceij hwnjdaeuj.Gou riu de naeuz: ”Sij cingzsaenq ne!”De riungoemx naeuz:”Song fwngz byouqbyangq,baelawz miz simgei gyau youx ha!” Gangj sat,dawz mbaw ceij haenx ndenq hawj gou.Lax lawz de dwg sij gauj!Gou baez yawj de dwg sij geij hot vahriu,couh daez yigen naeuz，dawz gijneix gyonj hwnj daeuj,dwg cit goj ndei he bw!Aenvih gaenq sug lo,de naeuz:”Dak mwngz lo,Gou doengxngoenz nyaengq seng’ eiq,doengxhaemh mbouj miz daizsaw,mwngz bang gou gaij ba!” Haemh haenx gou gyaban dawz cit goj neix gaij ndei, ngoenzlaeng couh dawz bae hawj de yawj.De gig angq, guengzliklik gaem dawz fwngz gou,cien docih fanj docih. Gvaq geij ngoenz,de angqfaengzfaengz lwnh gou,cit goj haenx de ra bause,benhciz dangq naj de naeuz,”louz yungh”,heuh de sij roengz diegyouq,gvaqlaeng ndei geiq bauqceij caeuq cienzgauj.Gou cix gig angq,dauqdaej cit goj haenx gou gaij gvaq,”ginjgunghcangh”miz de mbiengj he,hix niz gou mbiengq he.De angqsangj naeuz, dangyienz.Cienzgauj daeuj le,gou caeuq mwngz caez bae ndoetlaeuj! Danhseih,”saeh ndei mbouj raez”aen diemq biujcej de ciengx mbouj ndaej de,de cijndei gag bae ra gwn,bae Gvangjcouh dajgoeng lo. Hix caen ngamj,de bae mbouj geij ngoenz,cienzgauj cit goj haenx geiq daeuj daengz ndaw diemq dah Vuengz. Dah Vuengz heuh gou bae,naeuz mbouj miz swnhfwn cwng de,baenzlawz bae lingx ndaej cienzgauj ne?Gou hix mbouj miz banhfap,gaem dawz mbaw feigeiqcienz, song fwngz saenzdigdig bae,raemxda couh rim gvaengz lo. Dah Vuengz raen le couh naeuz:”Gou daj dienhvah hawj de,De naeuz:Cit goj haenx cujyau dwg mwngz sij baenz, hawj mwngz bae lingx cienzgauj ba------Feigeiqcienz mwngz couh dawz bae ba.” Raemxda mbouj cengheiq haenx ndik roengz,gou vuengz mungz dawz feigeiqcienz oet haeuj daehbuh,lumj guh caeg  nei buet ok diemq daeuj…… Gizsaed,gou hix rox,gou hix lingx ndaej cienzgauj,aenvih gwnz feigeiqcienz sij coh go Veiz,,mbouj miz sinhfwn cwng de ,hix lingx cienz mbouj ndaej.Hoeng,gou yaek ndeindei yo ndei de,couh lumj yo faenh cingz he……