lwgyungh
发表于 2004-2-24 21:34:00
FWNGZ GAEM FWNGZ MBOUJ CUENGQ<p>Dajdingh raemx dumh mbwn<br>Fwngz gaem fwngz mbouj cuengq<br>Doxgyaez lumj beixnuengx<br>Rox guh yienghlawz lumz<p>Guenyaem ndij saenzfuz(baed)<br>Bux(boux) baengh bux guh vunz<br>Dajdingh raemx dumh mbwn<br>Fwngz gaem fwngz mbouj cuengq<p>Lij nding goengh bau ien<br>Doxyien(raen) mbouj gyaez cuengq<br>Doxgyaez lumj beixnuengx<br>Rox guh yienghlawz lumz
lwgyungh
发表于 2004-2-25 08:21:00
SONG RAEUZ VUENH SAENQ COQ NDAWHOZ<p>Beix naeuz cinjdingh cix cinjdingh<br>Song raeuz vuenh saenq coq ndawhoz<br>Gaiq yungh uengjfeiq lwg bouxcoz<br>Hot vah ndawhoz mbouj hawj lumz<p>It daengq ngeih daengq duz nuengx bengz<br>Coenz vah bouxhenz gaiq yungh saenq<br>Beix naeuz cinjdingh cix cinjdingh<br>Song raeuz vuenh saenq coq ndawhoz<p>Go lumj lwgbya youq dahlaux<br>Go lumj lwgnyauh ndaw raemx mboq<br>Gaiq yungh uengjfeiq lwg bouxcoz<br>Hot vah ndawhoz mbouj hawj lumz
lwgyungh
发表于 2004-2-25 08:30:00
BEH BEIX VID MEH CIX VID MWNGZ<p>Beh beix vid(vut) namh cix vid mbwm<br>Beh beix vid mwngz cix vid meh<br>Song fwngz vix mbwn hawj mwngz deq(yawj)<br>Song baih siuzsij(mieng) bet cib nienz<p>Song raeuz raiz saw coq gyaeujhoq<br>Youh raiz mingzcoh coq gyangfwngz<br>Beh beix vid namh cix vid mbwm<br>Beh beix vid mwngz cix vid meh<p>Beix aih bae gyawj gyaemh bae gyae<br>Yax lij gyaez mwngz lumj dez meh<br>Song fwngz vix mbwn hawj mwngz deq<br>Song baih siuzsij bet cib nienz
lwgyungh
发表于 2004-2-25 08:40:00
SONG RAEUZ DOXGOENGH SIUJ DEIHFUENG<p>Song raeuz doxgoengh siuj deihfueng<br>Doxliz gij ndwen mbouj raen naj<br>Ndwen sam cib ngoenz dauq ndi gvaq<br>Hot vah doxdaengq mbouj hawj lumz<p>Mbouj un goengh canz(liengzdaiz) gyaemh goengh cangq(cuengq)<br>Danh ndaej goengh mbanj gyaemh goengh biengz<br>Song raeuz doxgoengh siuj deihfueng<br>Doxliz gij ndwen mbouj raen naj<p>Nuengx swh roeg'enq mbin gvaq bya<br>Beix swh roegya mbin gvaq baq(ndoi)<br>Ndwen sam cib ngoenz dauq ndi gvaq<br>Hot vah doxdaengq mbouj hawj lumz
lwgyungh
发表于 2004-2-25 08:51:00
NUENGX SIM AEU DAWZ BINGZ<p>Beix yaek bae hagdangz<br>Nuengx manh dawz sim bingz<br>Byaij Gyauzyenz* bae dingz<br>Ngeix daengz mwngz goz nuengx<p>Ndaem va coq gwnz singz<br>Muengh rumz gim bae ganq<br>Beix yaek bae hagdangz<br>Nuengx manh dawz sim bingz<p>It daengq ngeih youh daengq<br>Youzcaih raemx faen bingz<br>Byaij Gyauzyenz bae dingz<br>Ngeix daengz mwngz goz nuengx<br>___________________<br>*mingz aenbya.
lwgyungh
发表于 2004-2-25 08:56:00
SIM LIJ VAN LIJ GYOH<p>Beix ok rog bae nanz<br>Sim lij van lij gyoh<br>Roen gyae cien leix loh<br>Gyoh geiq saenq nanz daengz<p>Ngux nyied dauq baih neix<br>Beix dingh dauq bae ranz<br>Beix ok rog bae nanz<br>Sim lij van lij gyoh<p>Roen gyae loh youh gyae<br>Beix gyaez mwngz mbouj rox<br>Roen gyae cien leix loh<br>Gyoh geiq saenq nanz daengz
lwgyungh
发表于 2004-2-26 08:20:00
MANH GIET DIUZCINGZ MBOUJ HAWJ DUENH<p>Beix ngoenz byaij gwnz youh byaij laj<br>Dohse nuengxdaz hab guenyaem<br>Youq ranz geij bi mbouj bienq sim<br>Guhcaemz gouj cin mbouj hawj duenh<p>Raeuz ndaej cib bet cix gangj cin<br>Manh giet diuzcingz naek baenaj<br>Beix ngoenz byaij gwnz youh byaij laj<br>Dohse nuengxdaz hab guenyaem<p>Nuengx ndaej daeuj goq cix daeuj goq<br>Gaej guh dazfouh lanh daej bwnz<br>Youq ranz geij bi mbouj bienq sim<br>Guhcaemz gouj cin mbouj hawj duenh<br>
lwgyungh
发表于 2004-2-26 08:23:00
NUENGX GAQ GIUZRIN HAWJ BEIX RAIH<p>Nuengx gaq giuzrin hawj beix raih<br>Haethaemh ndaej byaij cunz nuengx ranz<br>Raemx lae roengz dah bya rongz dan<br>Sim beix bonjsuenq daeuj boiq mwngz<p>Yijgaiq sim gyoh hoz youh gyaez<br>Siengj ndij nuengx bae doengz gip vaiq<br>Nuengx gaq giuzrin hawj beix raih<br>Haethaemh ndaej byaij cunz nuengx ranz<p>Ndij nuengx doengz soengz gwnz giuzrin<br>Song baih aencingz mbouj hawj sanq<br>Raemx lae roengz dah bya rongz dan<br>Sim beix bonjsuenq daeuj boiq mwngz
lwgyungh
发表于 2004-2-26 19:25:00
GAEUJ YOUH GAEUJ MBOUJ RAEN<p>Gaeuj youh gaeuj mbouj raen<br>Mwh lawz daengz liux nuengx<br>Ce gaiqmaz gwq conq(niengh)<br>Gwq muengh youh mbouj raen<p>Ce gaiqmaz gwq ciuq(muengh)<br>Heuh youh heuh mbouj daengz<br>Gaeuj youh gaeuj mbouj raen<br>Mwh lawz daengz liux nuengx<p>Ce gaiqmaz gwq siengj<br>Buenz muengh mwngz guh nuengx<br>Ce gaiqmaz gwq conq<br>Gwq muengh youh mbouj raen<p>
lwgyungh
发表于 2004-2-26 19:35:00
BEIX NAENGH LAJ RIEP RAEMXDA ROENGZ<p>Liz duz saihoz* ndaej cib ndwen<br>Haethaemh baez dwen simdaeuz get<br>Youh aeu coenz vah mwngz daeuj ndiep<br>Beix naengh laj ndiep raemxda roengz<p>Mbouj fug dauq bae hawj vunz guenj<br>Youh lingh dauq suenq ndaej geij ndwen<br>Liz duz saihoz ndaej cib ndwen<br>Haethaemh baez dwen simdaeuz get<p>Gyanghaemh baenzhwnz raen ndeigyaez<br>Mbouj beij doengz gyaez sim yax net<br>Youh aeu coenz vah mwngz daeuj ndiep<br>Beix naengh laj ndiep raemxda roengz<br>____________________________<br>*Youq neix dwg naeuz maexyah dwggyaez de.<br>
lwgyungh
发表于 2004-2-26 20:16:00
SWZSWZ NIENMH DAENGZ GAEJ YUNGH LUMZ<p>Uengjfeiq bouqyah(gvanbaz) raeuz souhgvei<br>Raeuz doengz hengz ndei hawj vunz haenh<br>Ei gaiq coenz vah raeuz doxdaengq<br>Swzswz niemh daengz gaej hawj lumz<p>Raeuz gaej yungh saenq coenz bouxwnq<br>Baih fwz hozhwn fwz cix si(gangj)<br>Uengjfeiq bouqyah raeuz souhgvei<br>Raeuz doengz hengz ndei hawj vunz haenh<p>Mbouj miz mingzyi swh boux dai<br>Daengq duz nuengxgvai dawz sim maenh<br>Ei gaiq coenz vah raeuz doxdaengq<br>Swzswz niemh daengz gaej hawj lumz
lwgyungh
发表于 2004-2-26 20:26:00
NDWENCIENG CO SAM BING CIX NDAEJ<p>Ndwencieng co sam bing cix ndaej<br>Yangzhau lij coi dawz bae gyaeng<br>Ngeix gaiq baenznyaenx daiq goenq saem<br>Nuengx bae ciengx nyungz gyaemh gwn namh<p>Bouxcaeg vaijdaeuj raeuz hwnj bya<br>Hwnj bae byalawz de hix laeh<br>Ndwencieng co sam bing cix ndaej<br>Yangzhau lij coi dawz bae gyaeng<p>Bawx Cwnz Suswnh daeuj soengq souh<br>Gyanggai miz boux lij dacaengz<br>Ngeix gaiq baenznyaenx daiq goenq saem<br>Nuengx bae ciengx nyungz gyaemh gwn namh<p> (sat)<p><br>