lwgyungh
发表于 2004-2-16 17:05:00
LAEH CAEG OK DOENGLANZ<p>Caez hwnjdaeuj lenzloz<br>Raek bozgoz coq ndamg<br>Laeh caeg ok Doenglanz<br>Menh caux ranz raeuz youq<p>Laux Gung daeuj cit ranz<br>Hwnj bya sang bae ndoj<br>Caez hwnjdaeuj lenzloz<br>Raek bozgoz coq ndamg<p>Beixnuengx mbouj yungh hiq(heiq)<br>Lij miz gungcanjdangj<br>Laeh caeg ok Doenglanz<br>Menh caux ranz raeuz youq<br>
lwgyungh
发表于 2004-2-16 17:12:00
MBOUJ YUNGH LAU DIZYINZ<p>Daengq goz yangh daibyauj<br>Mbouj yungh lau dizyinz<br>Lez sinh aih boq singz<br>Raeuz itdingh hingz ndaej<p>Raeuz ninz geh baqlingq<br>Vih gwzming goenglauz<br>Daengq goz yangh daibyauj<br>Mbouj yungh lau dizyinz<p>Lezsinh aiq naeuz haenq<br>De miz ngoenz liux mingh<br>Lez sinh aih boq singz<br>Raeuz itdingh hingz ndaej<br>
lwgyungh
发表于 2004-2-16 20:28:00
LOX BEIX CAJ GAUNGOENZ<p>Ndwencieng bae cib haj<br>Lox beix caj gaungoenz<br>Nuwngx miz gaiqmaz haen(gaenj)<br>Miz coenz mbouj hawj rox<p>Laep daengz Gemhgoraeu<br>Ban mwhcaeuz cix caj<br>Ndwencieng bae cib haj<br>Lox beix caj gaungoenz<p>Ngoenzde beix gag youq<br>Ngix(siengj) youx raemxda roengz<br>Nuwngx miz gaiqmaz haen<br>Miz coenz mbouj hawj rox
lwgyungh
发表于 2004-2-16 21:44:00
DAEUJ DAWZ DOG GUH BENGZ<p>Beh(danghnaeuz) nuengx ndaej gaiqbix(beix)<br>Swh(lumj) duz(boux) meh ndeu seng<br>Daeuj dawz dog(nuengx) guh bengz<br>Ngoenz gaem gen liuh mbanj<p>Duz vunz ciengx duz vunz<br>Amh gwn baenz mbouj hiq(heiq)<br>Beh nuengx ndaej gaiqbix<br>Swh duz meh ndeu seng<p>Swz mingh coq dij loengx<br>Swh boux coengq cangyenz<br>Daeuj dawz dog guh bengz<br>Ngoenz gaem gen liuh mbanj<p>
lwgyungh
发表于 2004-2-19 11:25:00
BEH NDAEJ NUENHX GUH YAH<p>Doengz naengh fwngz gaem fwngz<br>Doengz soengz(ndwen) gen banq mbaq<br>Beh ndaej nuengx guh yah<br>Swh boux vax daengngoenz<p>Ndaej ndij nuengx guh huh(baenz doiq)<br>Beix goj net liux gim<br>Doengz naengh fwngz gaem fwngz<br>Doengz soengz gen banq mbaq<p>Coenz vah naeuz baerix(yienghneix)<br>Giq(geiq) coq dungx nuengx daz(gyaez)<br>Beh ndaej nuengx guh yah<br>Swh boux vax daengngoenz<br>
lwgyungh
发表于 2004-2-19 11:35:00
SONG RAEUZ DOXLIZ BAEN MBOUJ NDAEJ<p>Bet nyied cib haj raemx dumh yaemh(haenzdah)<br>Song raeuz doengz naengh mbouj hawj liz<br>Dez meh ngwn gaj bae dawzndij(hixndei)<br>Song raeuz doxliz baen mbouj ndaej<p>Ngoenzlawz doiqbangx roengzdaeuj cunz<br>Lumj baenz duzdoengz roengz gwn raemx<br>Bet nyied cib haj raemx dumh yaemh<br>Song raeuz doengz naengh mbouj hawj liz<p>Song raeuz doengz naengh mbouj hawj sanq<br>Doengz saemh doiqbangx mbouj hawj liz<br>Dez meh ngwn gaj bae dawzndij<br>Song raeuz doxliz baen mbouj ndaej
lwgyungh
发表于 2004-2-20 08:48:00
GYOH DAENGZ MWNGZ NUENGX CIX DAUQMA<p>Bazgoh:Buenq(danghnaeuz) beix ok rog bae langhbuengq<br> Gyoh daengz mwngz nuengx cix dauqma<br> Mbouj dwg gyoh daemz rox gyoh naz<br> Go yaeng dauqma daengz biengzneix<p> Beh youq gizlawz hix lajmbwn<br> Beh gwn gizlawz hix beixnuengx<br> Buenq beix ok rog bae langhbuengq<br> Gyoh daengz mwngz nuengx cix dauqma<p> Beix aih(suihyenz) ok rog bae guh guen<br> Sim swh lij cuenh(niemh) daengz nuengx daz<br> Mbouj dwg gyoh daemz rox gyoh naz<br> Go yaeng dauqma daengz biengzneix<br>
lwgyungh
发表于 2004-2-20 08:55:00
SONG RAEUZ DOENGZ YOUQ SWZ SUENQ SWZ<p>Song raeuz doengz youq swz suenq swz<br>Swh boux roengz haw bae guhbuenq<br>Liz mwngz byag mwngz liux goz nuengx<br>Ra boux muengh beix hix mbouj miz<p>Song raeuz guhcaemz laj dienhah<br>Dwen daengz nuengxdaz sim cix fuz(fouz)<br>Song raeuz doengz youq swz suenq swz<br>Swh boux roengz haw bae guhbuenq<p>Ij ndij nuengx dox caux ranz gwn<br>Lajndang beix lwnz bouxlawz muengh<br>Liz mwngz byag mwngz liux goz nuengx<br>Ra boux muengh beix hix mbouj miz
lwgyungh
发表于 2004-2-20 09:02:00
CUENQ DAENGZ BEIX ROX MIZ<p>Aih deuz hoj deuz bing<br>Dwen gim simdaeuz luenh<br>Youq gizlawz liux buengh(nuengx)<br>Siengj daengz beix rox miz<p>Deuz caeg sim aih luenh<br>Lij cuenq daengz nuengx gim<br>Aih deuz hoj deuz bing<br>Dwen gim simdaeuz luenh<p>Youq gizlawz ij gyaez<br>Bae gizlawz ij muengh<br>Youq gizlawz liux buengh<br>Siengj daengz beix rox miz
lwgyungh
发表于 2004-2-20 09:16:00
MBOUJ SAENQ DUNGX NUENGXGVAI<p>Bazgoh:Mouj saenq dungx lwgfwz(bouxwnq)<br> Vaen ndwq lox naeux ngaiz<br> Mbouj saenq dungx nuengxgvai<br> Biq naiz lox naeuz ndaej<p> Mbouj saenq doengh fag liemz<br> Ciuq(yaepndeu) gvej em gvej nywj<br> Mouj saenq dungx lwgfwz<br> Vaen ndwq lox naeux ngaiz<p> Mbouj saenq dungx guh dawh<br> Ciuq nyaep souh nyaep ngaiz<br> Mbouj saenq dungx nuengxgvai<br> Biq naiz lox naeuz ndaej<br>
lwgyungh
发表于 2004-2-20 09:26:00
BEH DIUH CIX DAI LIUX<p> Cinz Caijyez:Beh beix mbouj saenq saem(sim)<br> Ndaep daeng hawj go ciuq<br> Raemj yieng doiq naj miuh<br> Beh diuh(vut) cix dai liux<p> Beh bix naeuz mbouj sinq<br> Dingh ndij beix raemj ngaenz<br> Beh beix mbouj saenq saem<br> Ndaep daeng hawj go ciuq<p> Beh mbouj gyaez beixgvai<br> Nuengx dingh dai lauqciuh<br> Raemj yieng doiq naj miuh<br> Beh diuh cix dai liux
lwgyungh
发表于 2004-2-20 09:34:00
MBOUJ NGIZ DAENGZ LAENG AEU MBOUJ NDAEJ<p>Ngoenz beix naengh ranz baenz doeknaiq<br>Youh bae bingzsaih(henzdah) ciuq va meuz<br>Gonq gangj dinghciuh gaiq(hawj) song raeuz<br>Mbouj ngiz daengz laeng aeu mbouj ndaej<p>Gonq gangj ciuhnamh boiq ciuhrin<br>Daengz laeng gimcingz boiq hazgyaiq<br>Ngoenz beix naengh ranz baenz doeknaiq<br>Youh bae bingzsaihciuq va meuz<p>Gwnaeuz(laihnaeuz) guenyaem mbouj siuseq(seiq)<br>Lox naeuz dez meh mbouj hawj aeu<br>Gonq gangj dinghciuh gaiq song raeuz<br>Mbouj ngiz daengz laeng aeu mbouj ndaej
lwgyungh
发表于 2004-2-24 08:58:00
MIUH SAMGAIQ DINGH DAWZ<p> Caijyez:Mbouj gyaez duj mauxdan<br> Miuh bya sang dingh gyaiq<br> Beh ce(ndek) mwngz dahraix<br> Miuh samgaiq dingh dawz<p> Aeu gim ngaenz guh dwngx<br> Vaij(gvaq) laj inq bouxyongz<br> Mbouj gyaez duj mauxdan<br> Miuh bya sang dingh gyaiq<p> Beh nuengx ce beix gim<br> Miuhlawz raen cix gvaiq<br> Beh ce mwngz dahraix<br> Miuh samgaiq dingh dawz
lwgyungh
发表于 2004-2-24 15:30:00
HAIZ GUHLAWZ MBOUJ VAIH<br> ----Bazgoh caeuq yah de doiq ciengq<p>Bazgoh:Haiz guhlawz mbouj bweng(mbongq)<br> Laep ndwen go cix byaij<br> Haiz guhlawz mbouj vaih<br> Vih beix byaij gyanghwnz<p> Vunz yaek vaij(gvaq) lohlaux<br> Lau ginhdui rox cuengq(nyangz)<br> Bazgoh:Haiz guhlawz mbouj bweng<br> Laep ndwen go cix byaij<p> Fwn doek beix lawh(hix) bae<br> Byaijraez go lawh byaij<br> Haiz guhlawz mbouj vaih<br> Vih beix byaij gyanghwnz<br>
lwgyungh
发表于 2004-2-24 19:04:00
YAEK SIENGJ DAUQ RANZ RAEN MWNGZ NUENGX<p>Bing(dangbing) beix roengzlaj bae Namzningz<br>Mboujcaengz daengz ging go cix muengh<br>Yaek siengj dauq ranz raen mwngz nuengx<br>Gyauyenz mbouj cuengq beix lawh gungz(gunnanz)<p>Beix aih ok rog bae guh guen<br>Sim swz lij cuenq daengz nuengx gim<br>Bing beix roengzlaj bae Namzningz<br>Mboujcaengz daengz ging go cix muengh<p>Beix aih ok rog beix bae gyae<br>Dwen daengz nuengxgyaez simdaeuz luenh<br>Yaek siengj dauq ranz raen mwngz nuengx<br>Gyauyenz mbouj cuengq beix lawh gungz<p>
lwgyungh
发表于 2004-2-24 19:17:00
GO BAE DEUZ BIENGZ SAU BAE NDIJ<p> Lanzfwnh:Beh beix bae sengj nuengx bae riengz<br> Go bae deuz biengz sau bae ndij<br> Vih nangz doxgyaez daengz cauhneix<br> Dingh ndij Youxngeih(coh'iq Bazgoh) caux ndeu ranz<p> Danh ndaej ndij go mwngz doengz naengh<br> Dez meh aih daengq mbouj dauq biengz<br> Beh beix bae sengj nuengx bae riengz<br> Go bae deuz biengz sau bae ndij<p> Meh sau haq sau hix mbouj bae<br> Simhoz lij gyaez ndij Youxngeih<br> Vih nangz doxgyaez daengz cauhneix<br> Dingh ndij Youxngeih caux ndeu ranz<p>
lwgyungh
发表于 2004-2-24 19:28:00
NINZNDAEK ROXNYINH GAIQ YUNGH LUMZ<p>Cin duz meh seng gou cix geq<br>Cienbuen yizcez ce gaiq mwngz<br>Ninzndaek roxnyinh gaiq yungh lumz<br>Ganq guh ranz mwn caj gou dauq<p>Yizcuj Yizcungh* lij lwgnyez<br>Haet haemh son de gaiq yungh leh<br>Cin duz meh seng gou cix geq<br>Cienbuen yizcez ce gaiq mwngz<p>Hong reih hong naz ce mwngz ganq<br>Liuh* bae hagdangz ce gaiq mwngz<br>Cin duz meh seng gou cix geq<br>Cienbuen yizcez ce gaiq mwngz<br>______________________<br>*Yizcuj Yizcungh dwg lwg yah gonq Bazgoh.<br>*Liuh dwg Veiz Cinh,nuengx Bazgoh.
lwgyungh
发表于 2004-2-24 19:38:00
AEU SAENQ DAEUJ GAEUJ SIMDAEUZ GET<p>Liz duz nuengxgvai ndaej geij ndwen<br>Haet haemh gwj dwen simdaeuz get<br>Gaeuj saenq baenz lengq sim mbouj net<br>Guhlawz sim get baenz neix lai<p>Gwnz mbwn boux sien huh(sueng) doiq huh<br>Laj deih loengznawx yuenz doiq yuenz<br>Liz duz nuengxgvai ndaej geij ndwen<br>Haet haemh gwj dwen simdaeuz get<p>Rox mwngz youq ndei mbouj youq ndei<br>Beix gag ndaejnyi simdaeuz get<br>Gaeuj saenq baenz lengq sim mbouj net<br>Guhlawz sim get baenz neix lai
lwgyungh
发表于 2004-2-24 21:20:00
BEH BEIX OK ROG BAE DANG BING<p>Buen beix ok rog bae dang bing<br>Daengq mwngz nuengx gim youq ranz caj<br>Daengq mwngz youq ranz gaej yungh nyaz(heiq)<br>Ganq bouq ganq yah guh ndeindei<p>Yizcuj Yizcungh yax lij iq<br>Manh(menh) goeng naiq guenj lwg gim<br>Buen beix ok rog bae dang bing<br>Daengq mwngz nuengx gim youq ranz caj<p>Beh beix ok rog liz bae gyae<br>Bae ndaej geij bi yaek vuiz vah<br>Daengq mwngz youq ranz gaej yungh nyaz<br>Ganq bouq ganq yah guh ndeindei
lwgyungh
发表于 2004-2-24 21:25:00
OK ROG SIM CIX VAN<p>Ok rog sim cix van<br>Ndij gonhcangj guh gyoengq<br>Roengz doengh bae coh doengh<br>Dingh aeu byoengq daengz giz<p>Baih naj roen aih hoj<br>Mbouj gyoh daengz baih ranz<br>Ok rog sim cix van<br>Ndij gonhcangj guh gyoengq<p>Aih byaij loh roen gyae<br>Ndij vunzndei guh gyoengq<br>Roengz doengh bae coh doengh<br>Dingh aeu byoengq daengz giz