[原创] Youz Diegcuengh Baksaek (7)

AAAAAyingj

	-------------------Bae Dwz Bauj  CamGya   Fwenhoih  --------------     Gou naengh Banci bae Dwz Bauj , aen ci hai haeuj dieg gyaiq   yienh Denzyangz  cin Nazboh haeuh , song mbiengj roen couh lengh dwg  aen lienz aen bya rauh ,aen ceiq sang miz haj roek bak mij ,aen daemq cungj miz bak lai mij , it loh roen bae cungj dwg yiengh haenx,  doengh aen bya rauh haenx ,gak aen  gak hingz ,aen aen cungj miz daek diemq, miz aen lumj doengh duz sae duz , miz aen lumj doeng yiengh sae yiengh ,mbouj miz saek aen dwg dox lumj , caemh mbouj miz aen  yak yawj raixcaix , cienz bouh dwg  saugyaeu hingz , caemh naih yawj , yawj mbouj mbwq . Aen gyaeuj gou ngeux gvaq baih swix ,youh ngeux gvaq baih gvaz , yawj saek buenq aen lai cung ,gij bya rauh haenx cungj mbouj sat ,yawj dwk caen hoz naet lo , couh dawz aen gyaeuj ngeng hwnj aen eij bae yawj .Gou dang seiz siengj , yaek yawj sat gij ndoi haenx , naengh cizswngh Feihgih rox naeuz aen Giuzheiqmbou rox naeuz  aen Sanjdoenghlig haenx cij yawj ndaej caez liux , hoeng  ,gou caemh geiz heih ,diuz roen gig bingz ,daengx diuz roenaen ci  gig noix byenz lingq rox naeuz roengz lingq  , aen lingq sam cib doh cungj gig noix ! Song henz mbanj cuengh daih bouh faenh dwg ranz cien suijneiz  caep baenz, ranz louz caemh loq lai ,daih bouh faen cungj hwnj liux song caengz , miz giz dieg raeh dieg naz caemh gvangqlangh , daih bouh faenh  doengh naz cungj caep miz  aen gvih rom  raemx fwn  ,yawj yiengh neix , Dwz Bauj yienz dwg youq Dieg bya ndaw de, hoeng ,gihbwnj gwndaenj gaenq ndaej gvaq gvan !     Gou youq gwnz loh naemj ,dang naeuz  miz vunz vaih ndoj haeuj doengh ndaw bya haenx bae , ok   fanh bing bae gaemh  cungj hoj gemh  ndaej dawz de .       Aen ci daengz cinq  Sanghlungz seiz ,aen vih aeu bienq lwgngez gvaq roen,  gaenj gip cap caeh ,aen ci gyaeuj ngaiz gaenj gip  vanngat   ,ngaiz bik hai roengz  diuz roen henz mieng ,aen cih doq dingz doq  mbat ngeng fan roengz  diuz mieng , gou dang seiz   yawj dwk gig cing cuj ,song fwngz hix gaem ndaet baih naj  eijgauq  ,aen vih Swhgih  caij  caeh ndaej  heih , aen ci cij dwg dingh le cij fan  roengz mieng ,mbouj dwg doq fan doq bae , yiengh haenx ,vunz gwnz ci raeuz mbouj miz vunz siengnaek , gou daih it boux  daj congh cueng aen ci ndonj ok daeuj  ,yienz haeuh caiq bang gyoengq ndaw ci it boux it boux rag  daix ok daeuj ,  miz mbangj boux ngaiz bungq  sieng saek di ,hoeng mbouj miz maz naih ! Aen ci caemh mbouj vaih , geij Bouxvunz dawz aen ci nyoengx cingq le ,caiq  lanz aen ci  raghoq ndeu  rag hwnj mieng , yiengh haenx , raeuz cij ndaej  dauq  hwnj ci ,caiq bae DwzBauj !       Yaek daengz Dwzbauj seiz ,aen mbwn couh caiq doek fwn iq , goeng swhgih doq hai doq saenz ,hai dwk gig menh , cungj suenq youq ban ringz yaek  cib ngeih diemj lai cung   bae daengz  Yienhsingz DwzBauj !     Caen yungyiemj , diuz mingh ca di couh satseuq !