[原创] CET YOUZ DIEGCUENGH (4)

AAAAAyingj

	Ciep bien gonq ;           Cet youz diegcuengh Boengzciengz ---Youjyiz Gvanh --Bujsaiq           Raeuz naengh ci dik cig so daengz gwnz gvan , roengz ci youq ndaw bak gvan ,couh doq raen henz de miz doengh ranz  gouq  ndeu , hoeng gij yiengh sik gi daeg bied ,mbouj lumj ranz  guek raeuz , aen ran yienz dwg cien vax daj caep , hoeng miz soujlangz ,miz vaxgok ,soujlangz miz dingj doengx , miz cueng va gyaeu gyet ,yawj dwg lumj  Ouhcouh  funggek .Byaij gaenh yawj , caen dwg Guekfap yangz louz ! aen yangz louz haenx hai miz cib geij gan fuengz ,ndaw de baij di dox gaiq hawj vunz yawj ,hoeng gij doxgaiq gaenq mbouj raen lu, lij lw baj baiz saw  hawj boux youz yawj . Raeuz baenq aen yangzlouz haenx gvaq doh le ,couh ok daeuj. Youq naj ranz yangzlouz ,dwg anj dieg hoengq gvangq bingz ndeu , miz  seiq haj moux dieg gvangq baenz neix ,caiq yawj gvaqbae couh dwg aen  louzgvan  lo . Daj  gyae yawj aen louzgvan hwnj daeuj , aen louzgvan  haenx  saeb youq song mbiengj bya ndaw de ,song mbiengj bya dat niuniu, aen baih swix miz  bak lingz mij sang yiengh neix ,aen baih gvaz miz song bak lai mij sang baenz neix( ceh da gou dangh rau mbouj ndaej  cinj geij lai ) . Raeuz menh menh  byaij haeuj laj louzgvan bae liuq yawj  , Aen louzgvan baih laj giek  dwg  aeu rinbya dikgok caep baenz ,gonj gonj seiqfueng raez ,caep dwk hung gvaek raix caix ,  cungqgyang laeuz miz  congh byaij ,congh byaij caemh hunghung gvangq gvangq, sang miz saek  cib lingz mij ,gvangq ndaej song aen Giqceh dox bienq ,raez miz sam seiq cib mij  , louz giek gwnz de dik geij cih saw seiqfueng ,couh dwg : [Youjyiz Gvanh ] Cenz Yi daez .  Louzgvan  giek daej baih gwnz dwg aeu cien caep baenz  sam gyaengj  ranz louz  , louz dingj naep miz diuz geiz raeuz mbin yagyag ! Gvan louz rog de miz hauj lai dan daj hai ,boux youz caemh ndaej youq giz haenx doq yietnaiq doq siengq  yawj aen louz gvan haenx !  Dang naeuz aen Louzgvan  neix baez caet fung congh  byaij  haenx , vunz ci couh  mbouj miz ban fap bae dauq , baiq bing hwnj gwnz louz caeuq song mbiengj bya baez souj ,byawz yaek gvaq gvan  cungj gig nanz , yiengh haenx ,aen louz gvan gij yungh cawq couh ok daeuj lo ,caen dwg :                                    Hawj boux souj ndei souj ,                                    Hawj boux gung nanz gung ;                                    Boux dog dawz danz gung ,                                    Roeg cungj nanz mbin gvaq .     Yawj sat aen louz gvan , rox rinh mbouj gvaq nyaenx ,raeuz giet dingh byenz hwnj gwnz louz gvan caeuq song mbiengj bya bae yawj , daj sang yawj ywaj daengx aen louz gvan  seiq lengq dieg caeh gingj ceiq !     ( mbouj caengz sat )

AAAAAyingj

	so --soh          ran-- ranz         dangh rau -----dag rau

展翅高飞

	是什么文字啊？？我也是壮族，可是对壮族文化根本就不了解，上了大学好多人因为我是壮族都显得很惊讶。。。

越僚

	以下是引用展翅高飞在2005-2-3 13:53:43的发言： 是什么文字啊？？我也是壮族，可是对壮族文化根本就不了解，上了大学好多人因为我是壮族都显得很惊讶。。。 多来这里了解，