[原创] CET YOUZ DIEGCUENGH

AAAAAyingj

	[Ciep bien gonq ]      Cetyouz  diegcuengh Boengzciengz-- Youjyizgvanh -- Bujsaiq                                    (2)     Raeuz song boux daj Boengzciengz Sinhvaz suhdenq okdaeuj ,Gausa caemh gwn sat lo ,daeg doih naeuz :[Boengzciengz Gausa ndei gwn !]  Gou han :[ Dungx yiek gwn gij maz mbouj feih? ] ,Doih naeuz :[ mbouj dwg ! Gou rox nyinh gij Gausa neix gwn hwnj daeuj ngamj bak raixcaix, yaek gangj de gij maz vaih vah cungj hoj ,guh ndaej ndei ! Feihdauh ! Yawj gyoengq de baij baenz gai baenz gai Gausa guh hai ,it dingh dwg dieg fueng miz mingz doxgaiq !] Gou han : [Yiengh haenx caiq bae cawx di ma gwn ], Doih naeuz : [Gij haenx gwn mbouj ndaej imq ,bae gwn haeux le couh vaiq bae Youjyiz gvanh  , ngoenz cog lij miz laeuj gwn ! ]     Raeuz gwn haeux ringz le couh co aen ci dik ndeu bae Youjyiz gvanh .     Daj Boengzciengz daengz Youjyiz gvanh ,cib lai faen cung . Boux hai dik aeu cib haj maenz . it loh roen ,diuz roen  haenx cingq caih coih ,boenq foenxfoenx ,diuz roen song henz dwg lengq aen lengq aen mbanj cuengh ,mbanj rog dwg raeh naz ,suen mak,dieg yaengq dieg ywj , dieg hoengq hwnj doengh go faex cab oenfengj  rimrim muenxmuenx   , caiq gvaq bae couh dwg doengh dongq bya rauh ,mbouj daemq mbouj sang, geij cib mij daengz song bak mij sang dox dauq , lienz baenz hongh baenz hongh . Dieg cuengh daih bouh faenh dwg yiengh haenx , mbouj geiz heih . Raeuz it mienh yawj gingj ,itmienh caeuq goeng hai dik gangj goj .     Goeng hai dik dwg vunz  Seiqcien ,  dang gvaq bing ,bi 1979 dwk hoenx gvaq Yeznam, de dang bing ok ma le raen Boengzciengz ndei ,couh youq Boengzciengz guh sengeiq ,ndaej cienz couh cawx aen dik ma dap hek . Gou aeu vah Bujdungh cam de : [Vih maz bi 1979  aeu dwk hoenx Yeznamz ? Cik saeh  haenx gou youq gwnz muengx yawj lai lo,gou sawq de yawj rox mbouj ro !  De han gou : Vih liu yaek gungjciq  Vunzcuengh ,yiengh haenx Cunghyangh couh giet dingh aeu dwk hoenx Yeznamz !]  Ndaw sim gou miz di doek saet , hoeng gou mbouj loh ok daeuj ,cang guh mbouj haeuj sim dwk caiq cam de : [OO , Vih gij maz aeu gungj ciq  Vunzcuengh ne ?]  De aen vih yawj mbouj ok raeuz dwg Vunzcuengh ,rox naeuz caemh mbouj lau daekcoih Vunzcuengh , couh han raeuz  gangj : Mwngz mbouj rox ! Dang seiz , Daengq Siujbingz guh  Cunghyangh ginh veij cujsiz ,Veiz Guekcing dwg Cunghyangh ginhveij cangzveij giem Misuh cangj ,Daengq Siujbingz  yaek lingjdauj daengx guek ,couh aeu guh fug Vunzcuengh ,guh fug  Gvangjsih  , dang seiz  ,Yeznamz caeuq Vunzcuengh doxgiet ndaej ndaet raix caix , Bya lienz bya,saejndw daep saejndw ,beixnuengx  dem  beixnuengx couh dwg daj laeng Vunzcuengh ok daeu ,Yeznamz baih baek lij miz hauj lai Vunzcuengh ,gyoengq de mbouj faen bien gaiq ,caez bienh bae dauq Guek raeuz , mbouj souh Guekgya hamh caeh ,Daengq Siujbingz vih liux raemj  gat Vunzcuengh caeuq Yeznamz dox dam , yiengh haenx it dingh youq Yeznamz bien gaiq nauh saeh , Dwk hoenx Yeznamz ,giz saed couh dwg dwk hoenx Vunzcuengh ,guh fug Vunzcuengh ,mbouj hawj gyoengq de youq Yeznamz bangcoh laj nauh gag laeb ,Doengz seiz ,Daengq Siujbingz caemh caiq rag Vunzcuengh hwnj daeuj haeuj youx de , daez liux hauj lai Vunzcuengh bae bang de ,gij haenx couh dwg Cunghyangh doiq Vunzcuengh saed hengz diuz cwngqswz  Youh hoenx youh rag  ! Mwngz rox mbouj rox ?     Gou hix saenq hix mbouj saenq ,hix mbouj miz seiz gan caeuq de lwnh ,couh yaek daengz Youjyiz Gvanh lo !

Stoneman

	Ayingj, mwngz sij ndaej ndei! Caj yawj Youz daihsam mwngz. Gausa dwg gij maz doxgaiq? Dwg aen mak? [此贴子已经被作者于2005-2-2 8:48:01编辑过]

AAAAAyingj

	Gausa dwg cungj dox gaiq gwn ndeu , de dwg aeu caet faen haeuxcid caeuq sam faen haeux ciem nienj mienz le ,laz aeu gij mba ,gyaux beg dangz ndau ndei ,yienz haeuh cuengq haeuj buenz bae cwng, aen buenz aeu boiq sa demh ndei ,cwngcug le gat baenz gaiq baenz gaiq dwk dawz bae hai ! Sawgun dwg 沙糕 !

特田栏钟

	Ayingj, gij  vah  goenghaidik  dwg  caen  ha ?  Danghnaeuz  dwg  caen, caen  hawj  vunz  dwglau  hw! Hojsik  haujlai  Bouxcuengh  raeuz  cungj  mbouj  rox  saek  gaiq  nginhnganh,  caen  doeknaiq!!!

黄连山

	正在学壮文（标准语），希望1、2个月后能看懂。

特田栏钟

	Raeuz  caj  mwngz  beixnuengx !

AAAAAyingj

	Daeg denz ,gou baenzlawz rox caen gyaj ,de couh dwg caeuq gou yiengh neix gangj ! Saeh bi 1979 hoenx dwk Yeznamz dwg saeh caen ! Baenz lawz dwk vih gijmaz dwk ,boux vunz ndwn youq gokfueng mbouj doengz ,yawj fap couh mbouj doengz ! Bouxcuengh raeuz caeuq Yeznamz lizsij gwnz dwg Beixnuengx dem Beixnuengx caemh dwg caen !

Stoneman

	以下是引用AAAAAyingj在2005-2-1 13:54:34的发言： Gausa dwg cungj dox gaiq gwn ndeu , de dwg aeu caet faen haeuxcid caeuq sam faen haeux ciem nienj mienz le ,laz aeu gij mba ,gyaux beg dangz ndau ndei ,yienz haeuh cuengq haeuj buenz bae cwng, aen buenz aeu boiq sa demh ndei ,cwngcug le gat baenz gaiq baenz gaiq dwk dawz bae hai ! Sawgun dwg 沙糕 ! Ayingj, gou rox lo. Youq dieg dou haenx gij gwn neix dou hemq guh "ceizhaeux" cixnaeuz "ceizhau". Gou gig gyaez gwn cungj ceiz neix bw.

黄连山

	以下是引用特田栏钟在2005-2-1 19:53:12的发言： Raeuz caj mwngz beixnuengx ! Se lai，beixnuengx caj gou.

特田栏钟

	以下是引用AAAAAyingj在2005-2-1 23:03:22的发言： Daeg denz ,gou baenzlawz rox caen gyaj ,de couh dwg caeuq gou yiengh neix gangj ! Saeh bi 1979 hoenx dwk Yeznamz dwg saeh caen ! Baenz lawz dwk vih gijmaz dwk ,boux vunz ndwn youq gokfueng mbouj doengz ,yawj fap couh mbouj doengz ! Bouxcuengh raeuz caeuq Yeznamz lizsij gwnz dwg Beixnuengx dem Beixnuengx caemh dwg caen ! Beixnuengx mwngz gangj ndaej deng.

特田栏钟

	以下是引用黄连山在2005-2-2 12:12:54的发言： Se lai，beixnuengx caj gou. Se lai = ???