有没有南壮文的教材？

bbc

	左江语   大新    天等    隆安布泉  屏山  都结  一带的壮文

红棉树

	据我所知，还没有南壮文的正式教材面世。越南的岱侬语文字方案是由越南官方仿造越南文来创制的，由于岱侬语实际上与南壮语是同一种语言，因此也可以看作是南壮文的一种方案。我自己也根据标准壮文方案和汉语拼音方案创制了南壮文德靖土语方案，虽然早已经制定出来，但是离编辑教材还很远。德靖土语与左江土语差别不大，基本上可以通话，因此也许这个方案对左江土语方案也有点参考作用。以后我会在壮族在线的壮语文在线教学中公布这套方案。

Stoneman

	Go Faexleux, gangjdaengz aen 南壮文德靖土语方案 mwngz, gou miz aen naemjfap. A. Danghnaeuz gij coenz vah daengxbiengz cijmiz 100 aen cih, danghnaeuz Vahcuengh baihbaek caeuq Vahcuengh baihnamz miz 60% doxdoengz, danghnaeuz gij gyoebfap Sawcuengh caeuq gij gyoebfap 南壮文德靖土语方案 mwngz mbouj doxdoengz, baenzneix: Saw Cuengh Baihbaek (gij saw gyoeb sij Vahcuengh baihbaek haenx): miz 100 aen cih Saw Cuengh Baihnamz (gij saw gyoeb raiz Vahcuengh bahnamz haenx): miz 100 aen cih Yienghneix, gij saw Bouxcuengh couh miz song dauq gyoebyaem fap, aeu yungh 200 aen cih daeuj gangj 100 cungj eiqsei. Danghnaeuz miz boux vunz ndeu yaek hag rox sat gij saw Bouxcuengh, de couh aeu hag song dauq gyoebyaem fap caeuq 200 aen cih. Bouxcuengh baihbaek yaek hag rox sij/yawj Saw Cuengh Baihnamz, de couh aeu daj gonq bae hag lingh aen gyoebyaem fap moq caeuq 100 aen cih moq. Doiq Bouxcuengh baihnamz hix baenzneix. B. Danghnaeuz gij coenz vah daengxbiengz cijmiz 100 aen cih, danghnaeuz Vahcuengh baihbaek caeuq Vahcuengh baihnamz miz 60% doxdoengz, danghnaeuz gij gyoebfap Sawcuengh caeuq gij gyoebfap 南壮文德靖土语方案 mwngz hix doxdoengz, baenzneix: Sawcuengh-Baihbaek: miz 100 aen cih, 60 aen cih caeuq gij cih Sawcuengh-Baihnamz doxdoengz, 40 aen cih mbouj doxdoengz Sawcuengh-Baihnamz: miz 100 aen cih, 60 aen cih caeuq gij cih Sawcuengh-Baihbaek doxdoengz, 40 aen cih mbouj doxdoengz Baenzneix, gij saw Bouxcuengh gungh miz it dauq gyoebyaem fap, aeu yungh 140 aen cih daeuj gangj 100 cungj eiqsei. Danghnaeuz miz boux vunz ndeu yaek hag rox sat gij saw Bouxcuengh, de cij yungh hag it dauq gyoebyaem fap caeuq 140 aen cih. Bouxcuengh baihbaek caeuq baihnamz cij yungh caiq hag lai 40 aen cih couh rox sat Sawcuengh. Sojyij, gij gyoebyaem fap 南壮文德靖土语方案 mwngz danghnaeuz ndaej caeuq gij gyoebyaem fap Sawcuengh doxdoengz, gou roxnyinh yienghneix guh doiq dung'it Sawraeuz ndaej vaiq di. Gangjdaengz gij gyoebyaem fap 南壮文德靖土语方案 mwngz caeuq gij gyoebyaem fap Sawcuengh doxdoengz, aen naemjfap gou dwg baenzneix: Danghnaeuz gij yaem caeuq yijdiuz geijbonj doxdoengz, lumjbaenz "gou" (baek) caeuq (gau), vih fuengbienh daengzcog dung'it saw dieg Cuengh, yungh "gou". Hoeng, lumjbaenz "sij" (baek) caeuq "raiz" (namz) 100 mbouj doxdoengz, "diendeih" (baek) caeuq "tiendeih" (namz) suk heiq soengq heiq mbouj doxdoengz, mwngz caiq yungh gij yaem baihnamz (gyoebyaem fap Sawcuengh + k, p, t cuengq youq cih naj) daeuj gyoeb raiz gij Sawcuengh-Baihnamz, baenzneix ne, seiq aen cih cungj suenq dwg cih Sawcuengh, cungj wng souhaeuj Sawloih Sawcuengh bae. Yienghneix, Bouxcuengh baihbaek caeuq baihnamz cijaeu hag rox gij cih mbouj doxdoengz haenx, song boux couh doxgyau ndaej hwnjdaeuj. Lumjbaenz: Sawcuengh-Baihbaek Sawcuengh-Baihnamz doxdoengz gou gou mwngz mwngz mbouj doxdoengz cwz moz docih gyombaiq sij raiz diendeih tiendeih Daengz seizhaenx couh miz aen ciengzging lumjbaenz lajneix: Bouxcuengh Baihnamz: Beixnuengx Baihbaek, gou sam ngoenz gvaqgonq raiz fung saenq hawj mwngz, mwngz sou daengz mijcaengz? Bouxcuengh Baihbaek: Mwngz gangj gijmaz? O, mwngz sij saenq hawj gou ha, caengz raen soengq daengz gizneix bw. Gou seizneix youq gwnz ndoi cuengq cwz, haemh neix baema daengz ranz caiq caz yawj. Bouxcuengh Baihnamz: Mwngz youq ndoi cuengq duzmaz, O, gou rox lo, mwngz seizneix cuengq duz moz. Beixnuengx baezlaeng caiq doxraen. Gyombaiq. Bouxcuengh Baihbaek: Beixnuengx caiq doxraen. Docih. Gangj ndaej mbouj deng cingj son'gyauq. [此贴子已经被作者于2004-9-21 7:13:00编辑过]

红棉树

	Stoneman beixnuengx, gou roxyiuj gij naemjfap mwngz. Geibonj doengzeiq mwngz. Danh dwg, gou nyinh naeuz gij gyoepyaem fap Sawcuengh Biucunj miz haujlai deihfueng wngdang gej couh baenz. Baenzlumj, ae→ay, au→ao, aeu→au, daengjdaengj. Lij miz, gij diuhhauh 新借词 caeuq diuhhauh itbuen wngdang baen hai biujsi, baenzlumj Sawyaej（布依文）couh dwg baenzneix guh. Gij yigen gaijgwz gyoepfap Sawcuengh gou aeu youq 德靖土语方案 daezok.

Stoneman

	Baenzneix gangj le, gou couh muengh ngoenzlaeng gij gyoebfap Sawcuengh ndaej byaij diuz roen gaijgwz mwngz daezok haenx, baenzneix yiengh ne, Sawcuengh couh miz 60% daengz 70% caeuq  德靖土语方案 doxdoengz, Bouxcuengh baihbaek baihnamz cij yungh caiq hag lingh 30% daengz 40% couh doxgyau ndaej lo. Daengz seizhaenx, Bouxcuengh couh miz Sawraeuz lo.

Stoneman

	Gou vihmaz miz aen naemjfap yaek aeu gij gyoebfap Sawcuengh caeuq gij gyoebfap 德靖土语方案 mwngz doxdoengz neix ne, aenvih gou couh lau ngoenzlaeng Bouxcuengh couh miz song cungj saw, miz song diuz roen coh mbouj doengz fuengyiengh byaij; gou couh lau song diuz roen yied byaij songde yied liz gyae, mbouj seih yied byaij yied comz gyaej. Danghnaeuz baenzhaenx, gij saw Bouxcuengh fanjdauq nanz dung'it ha. [此贴子已经被作者于2004-9-22 6:35:28编辑过]

chinjingh

	不好意思！借一下地方。路漫老师，可以帮我寄壮文的教材过来吗？如可以，我将把我家的地址寄到你的信箱中，谢谢！