[原创]Fwen Hai Ndwen Ngux [五月诗集]

Ayingj

	Fwen Hai Ndwen Ngux 1 Baujhoh Sawcuengh Vwnzvaq Sau: Gwn haeux guh saw cuengh, Raeuz muengh ok ngoenz moq; Ndaej ngoenz moq vunz gungz, Sawcuengh bouxlawz guh? Sai: Caux ndaej ngoenmoq raeuz, Sien aeu guh gwn daenj; Miz gwn youh miz daenj, Guh Sawcuengh mbouj haw! Cienz dwg youz vunz ngaenq, Miz genz goj caux cienz; Bouxcuengh caez dox giet, Dued genz guh caux cienz. Sau: Miz vunz mbouj miz genz, Cienz daj gizlawz aeu; Boux gun hamhcaeh raeuz, Guh Sawcuengh mbouj fouq. Bouxcuengh ngaiz dwk sanq, Vunz rengz hangz caenx raeuz; Gvaeg raeuz youh naenx raeuz, yaek dawz raeuz bienq gun. Sai: Raeuz aeu dox bauj hoh, Sam vunz dox bang hoh; Guh gwndaenj guh loh, Caez doxgiet buek dai. Miz vunz daeuj hangz raeuz, Raeuz couh caeuq de douq; Guh gung caiq ngvanh souj, Bauj hoh cwngzgoj raeu. 2 Fwen cam Lohmanh Ngvanh fwen doengh ukgyaeuj, Gwn louj manh dungxsaej. Cam lohman laux sae, Fwen sae miz ma dij? 3 Yawj Fuk Veh Gveiqlaemz Guh Fwen Lwg cuengh geiq roengz cienfanh daih, Gveiqlaemz byaraemx dwg aen raeuz, Ndaej hoengq bae daengz gveiqlaemz youz, Aeu veh Sawcuengh guh geiq hauh. 4 Haenh Fwenvuengz Ngvanh fwen ngvanh ndaej akq, Leux bak couh ok coenz, Gaemz myaiz ndwnj caengz roengz, Coenz laeng couh yaek ok 5 Yawj Fukveh Goeng Laux Bouxcuengh Daenjndaem Guh Fwen Bouxdoj daenj ndaem vunz mbouj ndaem , Fwngz gaem lemcax muengh saemsaem ; Dangnaeuz miz caeg gen baih laeng , Fan ndang couh dawz lem muet bae ! 6 Naj Moq Rongh Saksak 新面貌,亮堂堂 Caemh dangq sau gyaeu vuenh buh moq, 好象新娘化新装, Baez hai ok daeuj rongh saksak ; 打开盖头一朵花; Boux hai xienq raeuz sim hai langh , 进入在线心欢喜 Gyaez dwk haengj heiq haenh ok bak! 个个爱的齐夸口, Ndei ! ndei! Ndei ! 好! 好! 好! 7 Fwen Haenh Vahcuengh Sawndip caeuq fwencoj , Daihdaih louzcienz daihdaih guh ; Bouxcuengh giet sim doengzcaez gung , Mbouj lau fwnrumz byaraez dek ! Gung roengz cekfwen Boux Roxdoh , Caiq caez guh doh saw fapleix ; Lwgcuengh rox coj youh rox leix , Daih caez coengmingz Daih caez ak ! Yawj raen dah goeng guh dwg rengz , Gaemz gyaeuj ngeng bit sij sawfwen ; Lwg cuengh dangnaeuz mbouj gen rwenz , Coj goeng lwed hanh couh beg bae . Raeuz aeu geiq ndei gyoengq au neix , Lei lwed lei hanh coih fwen coj ; Bouxcuengh daihdaih aeu cienz goj , Dawz au sinhoj rwenz lwg lan . A.Cauyingj.Vangz ngvanh guh Cingj dinghcingq Bi 2004 \5 \28 8 Bya Raemx Cing Gyaeu Dieg cuengh byaraemx gyaeu , Hek daeuj youz ndindi ; Daeg mbauq caeuq dahniq , Dox ying fwngz bae langh . Caj daengz ngoenz ndaej hoengq ! Daz daengxgyoengq bae youz ; Yawj byaraemx baenz gyaeu , Caen gyaez sim raixcai x . 9 Doeng lanz bya raemx Dieg doenglanz raemx dah, Miz ndoi bya miz ranz; Goeng dwk bya diuq lamz, Ngoenz rap bya guh yaengq. Henz dah miz mak gyoij , Naz hai coij gig soh , lwg ngyez dox guh doih, Henz loh ingjsiengq louz. A.Cauyingj.Vangz Bi2004 \6 \16 [em23][em23][em23][em23][em23][em23]

凌波仙子

	诗歌是不是应该放在书香文苑呢？

Ayingj

	yes!