BETSIENSAIH¡ª¡ªºÎºÉ

ºìÃÞÊ÷

	£¨ÕâÔ­±¾ÊÇ×÷ÕßÔÚ׳×åÔÚÏßÎÄѧƪÀïµÄÒ»¸öͶ¸å£¬ÒòÖ÷Ìâ·ûºÏÁÅÈ˼ÒÔ°ÏàÓ¦°æ¿é£¬ÌØ´ËתÔØ¡ª¡ªºìÃÞÊ÷£© BETSIENSAIH¡ª¡ªºÎºÉ Betsiensaih dwg yienh Fouxsien ¡°bet gingj¡± ndawde aen gingj ndeu.Aen gingj neix youq gak baihnamz yienhsingz, youzyih liz singz gyawj(haj goengleix), gingjsaek gyaeu, bi daengz haemh vunz bae youz mbouj duenh.Aen gingj neix gyaeu cix gyaeu youq dingjbya dab miz bet gvaenq bya lumjbaenz bet dahsau doxhomh, bet gvaenq bya cunggyang miz aen huz he, gvangq bak sam seiq mij, raez bak roek caet mij, laeg cib lai mij, seiqhenz nywj heu va hoengz, haet daengngoenz hwnj bya, yawj gwnzhuz, lumjbaenz gimngaenz samj gwnzdeih ingj da myabmyab, saeq yawj ndaw raemx, daengngoenz ¡¢fwjhau biu doengh fetfet, gyawz dwg mbwn gyawz dwg deih, sawj vunz yaepndeu faen mbouj ok; haemh ronghndwn hwnjdaeuj, gwnzhuz mok gyeujneuhneuh, saeq yawj ndawhuz,mumjmumj gyumjgyumj raen miz bet dahsau ciuq gingj cangndang, sawj mwngz laihnaeuz dwg loqfangzhwnz, youh laihnaeuz caen dwg gwnmbwn saenzsien roengz biengz daeuj dajcaemx. Geizheih dwg huz Betsiensaih youq gwnz gyanghbya, mbouj dong mieng mbouj rangh dah, fwn hung raemx mbouj raenx, mbwnrengx raemx mbouj hawq, it bi seiq geiq raemxsaw raen daej. Riuznaeuz doengh bibi haenx, rangh Yinznanz Gveicouh laebdaeb mbwnrengx, namhdaemz rauj yaek douh ndaej feiz, haujlai vunz cungj yien lwg yinx maex bae dajrumh, miz boux Ranzcieng he yinx bet dah lwg, daj Gveicouh daeuj daengz Fouxsien Maxbouh fatsa bae mbouj ndaej lo. Bihaenx, Fouxsien ranghneix hix gig rengx, gizgiz dah hawq naz dek, mbouj miz haeux gwn, vunzmbanj yienznaeuz siengj bang ranz vunz neix, danhseih fwngz raez gen buh dinj, siengj bang hix nanz bang. Mbouj geij ngoenz laux Ranzcieng haenx couh dai lo. Bet dahnuengx humx henz ndang daxboh raemxda doeksohsoh baenz fwn, doek dwk gwnznamz cungj dumz lo.Ndaw haij duz saevuengz youz biengz youz daengz neix ninzndaek mbouj geiq baema, ndiu dauq gizgiz dah rauj naz dek, siengj baema hix bae mbouj ndaej lo, seizneix hozhawq dangqmaz,ra rengz raiz cungj mbouj miz lo. Cingq ngamj bet dahnuengx raemxda doek roengzdeih doek deng ndaw bak de, saevuengz baez ndaej gwn raemx couh miz rengz lo, saevuengz siengjdauq couh siengj raih baema, danhseih de raen bet dahnuengx daej gig siliengz, couh siengj baenzlawz hix aeu bauqdap gyoengqde. Yienghneix saevuengz couh aeu gumq mbon dieg, mbouj geijnanz couh mbon baenz aen mboq he. Aen mboq neix raemx yied bauq yied lai, yenzlaiz henz mboq cienz reihfwz, miz raemx le, bet dahnuengx couh gvak reih guh naz , doengh bouxhoj yenzlaiz mbouj miz naz, seizneix hix cungj ndaej dawz reih gaij guh naz ndaem haeux, youzyih aen mboq neix raemx ndei, gij haeux ndaem roengzbae cungj maj ndaej gig ndei. Vihnei doenghboux hoj bouxboux cungj gig gyaez bet dahsau neix, cungj dawz de dang vunzcaen banh. £ £  Mbanjgwnz reihfwz gaij guh naz, mbanj laj nazboengz lij ciuqyiengh dek. Mbanjlaj miz ndaek caizcawj ndeu miz cienz miz seiq, couh siengj gyaep bet dahnuengx haenx deuz, ha aeu benq naz haenx, hoeng mbanjgwnz gyawz doengzeiq?Ha aeu naz mbouj baenz, caizcawj youh siengj ciengj aeu raemx, de baij haujlai vunz ngoenzngoenz bae vat aen mboq haenx,siengj vat congh mboq hung le hawj raemx lu okdaeuj lai di. Hoeng, gyoengqde vat aen congh caiq hung, ndaw congh mboq miz aen sae he hix ciuqyiengh maj hung, cungj dawz congh mboq saek dwk, sawj gij raemx lu okdaeuj caeuq bingzciengz ityiengh mbouj lai hix mbouj siuj. Caizcawj hozndat lo, cingj bouxmo bouxdauh bae henz mboq nam geiz ngoenz, youh baij vunz rap sighoi daeuj dauj roengz mboq. Baezneix mbouj ndei lo, sighoi dauj roengz mboq, ndaw mboq raemx fan goenj bumbum, hoenz hau gyeujlatlat, aen sae ndaw congh mboq deng raemxhoi ip dai lo. Sae baez dai, mboq cix mbouj caiq bauq raemx, benq naz da raen yaek ndaej sou, youzyih mbouj miz raemx ciemhciemh roz lo. Bet dahnuengx caeuq vunz mbanjgwnz hozndat dangqmaz, bouxboux vax faexhanz hozca bae mbanjlaj ra caizcawj buekmingh. Gyoengqde moeb le haj hwnz haj ngoenz, cozdaeuz song ngoenz mbanjlaj moeb saw lo, ngoenz daihsam, caizcawj aeu cienz bae sieb guen, cingj bing caez daeuj moeb, mbanjgwnz buekbingh youh moeb le song ngoenz, hoeng gyawz guh ndae gvaq bing, ngoenz daihhaj couh deng bing gyaep gaj yaek dai leux. Gaenlaeng cij laeuh bet dahnuengx, hix deng gyoengq bing gyaep ma daengz henz mboq. Gyoengq bing yied gyaep yied gyawj, bet dahnuengx laemxsim couhsuenq dai hix aeu dai youq henz mboq, yienghneix bet dahnuengx fwngz gaem fwngz veiz youq henz mboq mbouj bae lo. Seizneix gyoengq bing gaenq gyaep daengz baihnaj, cingqdangq bet dahnuengx ra giz muengh mbouj miz, aen sae daj ndaw coengh mboq fouz hwnjdaeuj, dahcej mbouj guenj sam caet ngeihcib it, vax dawz aen sae baeuh bae coh gyoengq bing. Yaepyet deih saenqratrat, aen sae bienqbaenz lad gya he, dawz gij vunzyak cungj dimz youq laj bya. Bet dahnuengx hix bienqbaenz bet goenq bya ngoenz hwnz hen aen mboq neix.