[原创] Dingq Liengz Hancangh guh Baugao

08Ayingj

	Dingq Liengz Hancangh guh yozsuz baugauq  guh gei                  Bi 2008 nd.8 ng.3 ban haemh bet diemj ,gou daj  Vujmingz  yungh song aen cung  ganj daengz  Si Namzningz  dwegcuengh vwnzva dingh aen daih banhgoeng louz sam louz , dingq  Liengz Hancangh lauxsae guh daengx  dwegcuengh vunzcuengh vunz laj mbanj raeuz  daenj gij buh gij vaq  gij yisuz   yiengq daengxgyoengq guh ingjsiengq diucaz  cwngzgoj  baugau !  Youq aen ciengz neix miz hauj lai vunz raeuz boux  lingjdauj caeuq miz hauj lai boux haengj guh ingjsiengq ,boux guh hong  yisuz ,boux guh buh guh va ,boux gai buh gai vaq ,boux daj sij  daj geiq ,boux youq hoengq youq langh  gungh haj cib lai vunz dox comz youq giz haenx caez dingq  goeng Liengz  aeu daih  ingjbingz  doq boq doq gangj !     Goeng Liengz dwg dwegcuengh boux haengj guh hong caz yawj vunz raeuz sevei ndeu ,de yungh geij bi seiz gan byaij doh dwengcuengh  seiq  miemh bet fueng :   Huznamz ,Yunznamz ,Gveicou  Gvangjdoeng  gak dwegcuengh cungj bae daengz seuq !  De aeu aen ingjsiengq geiq roengz  caez  daeng dweg cuengh vunz laj mbanj  raeuz  vunz hung vunz iq ,vunz sai vunz mbwk ,vunz oiq vunz hauxseng vunz laux  vunz geq daenj gij buh vaq  gag yib gag guh deu  guh ndaej gig ggyaeu ndei haenx !      Raeuz daj laeng goeng Liengz gij ingjsiengq  boqgangj  ndaw de  ,yawj raen Vunz cuengh laj mbanj raeuz hauj lai mbanj vunz daenj gij buhvaq gag yib haenx ,caen dwg guh ndaej gyaeu ndei ,gij goenh  fwngz goenh ga ,gij venj hoz  venj rwz ,gij  nungjnangj venj buh venj vaq ,gij duk gyaeuj gop gyaeuj ,  yiengh yiengh gag guh cietgeih gij deu veh  duj va ,deuveh   doih  go , deuveh  doih duz, deuveh aen  fueng ,deuveh diuz  sienq ,deu  gok deu doz ,cungj  deu veh  ndaej gig  caen gig yinz yiengh gig gyaeu ndei !  caen dwg deu yiengh maz lumj yiengh maz , saenz hingz mbouj ca hauz leiz !   Vunzcuengh laj mbanj vunz mbwk gyoengq de caen dwg uk  cing  fwngz seuq ! gyoengq de gwn daenj aeu gouz mbouj danh ngamj gouz aeu  miz daenj miz gwn ,lij aeu gouz gwn ndei daenj gyaeu cij fug sim ! Youq neix gou caen da yawj gvaengx gak dweg vunzraeuz  aeu fwngz  yib buh yiub vaq deu veh gak yiengh gij hong mbouj yeiz gvaq daengx byiengz gak aen minzcuz wnq ,miz mbangj  lij dwg  aen minz cuz wnq  guh beij mbouj gvaq dem !     Dwegcuengh laj mbanj vunzcuengh gag yib gag deu veh gij canj binj lij dwg gag guh gag yungh , aeu ma guh gai fat caiz lij dwg gig nanz , aen vih moix guh it dauq buh vaq caeuq gij deuveh gak yiengh guh ok gig menh , mbouj miz hauhik couh mbouj miz leih ! Vunz vaih guek  vunz cuz wnq couh dwg yawj beg diuz neix ,leih yungh vunz raeuz  guh buhvaq hauhik daemq ,mbouj miz daih leih canh diuz ca neix , youq sigij gonq sam sei cib nienz daih couh yungh gihgiq  caux ok hauj lai boiq yaenq va  yaenq doz daeuj ciemq muenx dwegcuengh gak sicangz ,sawj dwegcuengh vunz raeuz gij buh vaq fwngz yib haenx bienq baenz mbouj miz sicangq mbouj miz leih canh !    Dwegcuengh sevei daengz seiz neix , daenj gij buhvaq  gaenq ngaiz aeu haeux  aeu cienz bae vuenh dweg wnq guh caux gij boiq ma yib ,rox naeuz aeu haeux aeu cienz bae vuenh vunz vaih cuz vaih guek yib ndei gij buh vaq haenx !  Moix bi ,vunz vaih guek cuz wnq yungh buhvaq daeuj dwegcuengh canh bae soq bak ik cienz ngaenz ,Vunz Gvangj dungh dungh  canh ndaej ceiq lai ! Mwngz mbouj saenq cingj bae Nanzningz  Bak hoq daih louz yawj yawj ,99.9%gij hoq cungj dwg vaih dweg hoq !    Dwegcuengh daemj boiq yib buh yibh vaq guh hong vihmaz  baenz doeklaeng vaih guek cuz wnq ne ? gij neix couh dwg vunz cuengh mbouj miz cih saw vwnzvaq doek laeng caux baenz di !    Cih saw vwnz vaq caeuq yib buh yibh vaq hong saeh miz maz  dox dam ne ?    Miz gvan haeh gig daih !   Ciuq gou rox , Youq veh guh hong saeh fueng mienh ,hagyungh Saw meh vwnz vaq beij hag yungh  Sawgun  vwnz vaq gyoengq vunz caen  lai coengmingz  hauj lai !   Vh gij maz ne ?   Aenvih Vunz hagh cih sawmeh  daj lij iq aen uk couh daj laeng cih saw meh ndaw de yaenq roengz  miz cingzsug duz hingz duz anq ! Vunz hag Sawgun ,cih sawgun san luenh mbouj miz gveih liz ,souh bitveh san luenh ingjyangj ,daj iq aen uk mbouj laeb miz cingzsug duz hing duz anq , aen uk vunz daengz maj hung le ,gyoengq hag Sawgun doiq duz hingz duz anq gaiq niemh lij mbouj baenz hing ,yiengh neix couh sawj boux vunz aen uk raeuz couh saet bae liux  gag veh gag ngvanh caux gak dox gaiq gij gihbwnj naengzlig !  Vunz vaih guek beij vunz Cungguek youq daj caux fuengmienh guh ndaej lai maenh ak lai coeng mingz   coenz vah couh ok daeuj lo ! Daengz seizneix Cungguek daj caux fuengmienh doeklaeg vunz vaih guek dwg saedsaeh ! Dangyienz ,vunz cuengh youq fueng mienh neix engq doeklaeng ! Aeu gaijbienq yiengh doeklaeng nei ,couh aeu vunzcuengh lwgnyez daj iq couh aeu hag Sawmeh sawcuengh !

08Ayingj

	Gaij cih Loek Dingq Liengz Hancangh guh yozsuz baugauq guh geiq Bi 2008 nd.8 ng.3 ban haemh bet diemj ,gou daj Vujmingz yungh song aen cung ganj daengz Si Namzningz dwegcuengh vwnzva dingh aen daih banhgoeng louz sam louz , dingq Liengz Hancangh lauxsae guh daengx dwegcuengh vunzcuengh vunz laj mbanj raeuz daenj gij buh gij vaq gij yisuz yiengq daengxgyoengq guh ingjsiengq diucaz cwngzgoj baugau ! Youq aen ciengz neix miz hauj lai vunz raeuz boux lingjdauj caeuq miz hauj lai boux haengj guh ingjsiengq ,boux guh hong yisuz ,boux guh buh guh va ,boux gai buh gai vaq ,boux daj sij daj geiq ,boux youq hoengq youq langh gungh haj cib lai vunz dox comz youq giz haenx caez dingq goeng Liengz aeu daih ingjbingz doq boq doq gangj ! Goeng Liengz dwg dwegcuengh boux haengj guh hong caz yawj vunz raeuz sevei ndeu ,de yungh geij bi seiz gan byaij doh dwegcuengh seiq miemh bet fueng : Huznamz ,Yinznamz ,Gveicou Gvangjdoeng gak dwegcuengh cungj bae daengz seuq ! De aeu aen ingjsiengq geiq roengz caez daengx dweg cuengh vunz laj mbanj raeuz vunz hung vunz iq ,vunz sai vunz mbwk ,vunz oiq vunz hauxseng ,vunz laux vunz geq daenj gij buh vaq gag yib gag guh deu guh ndaej gig ggyaeu ndei haenx ! Raeuz daj laeng goeng Liengz gij ingjsiengq boqgangj ndaw de ,yawj raen Vunz cuengh laj mbanj raeuz hauj lai aen mbanj gyoengq vunz daenj gij buhvaq gag yib haenx ,caen dwg guh ndaej gyaeu ndei ,gij goenh fwngz goenh ga ,gij venj hoz venj rwz ,gij nungjnangj venj buh venj vaq ,gij duk gyaeuj gop gyaeuj , yiengh yiengh gag guh cietgeih gij deu veh duj va ,deuveh doih go , deuveh doih duz, deuveh aen fueng ,deuveh diuz sienq ,deu gok deu doz ,cungj deu veh ndaej gig caen gig yinz yiengh gig gyaeu ndei ! caen dwg deu yiengh maz lumj yiengh maz , saenz hingz mbouj ca hauz leiz ! Vunzcuengh laj mbanj vunz mbwk gyoengq de caen dwg uk cing fwngz seuq ! gyoengq de gwn daenj aeu gouz mbouj danh ngamj gouz aeu miz daenj miz gwn ,lij aeu gouz gwn ndei daenj gyaeu cij fug sim ! Youq neix gou caen da yawj gvaengx gak dweg vunzraeuz aeu fwngz yib buh yib vaq deu veh gak yiengh gij hong mbouj yeiz gvaq daengx byiengz gak aen minzcuz wnq ,miz mbangj lij dwg aen minz cuz wnq guh beij mbouj gvaq dem ! Dwegcuengh laj mbanj vunzcuengh gag yib gag deu veh gij canj binj lij dwg gag guh gag yungh , aeu ma guh gai fat caiz lij dwg gig nanz , aen vih moix guh it dauq buh vaq caeuq gij deuveh gak yiengh guh ok gig menh , mbouj miz hauhik couh mbouj miz leih ! Vunz vaih guek vunz cuz wnq couh dwg yawj beg diuz neix ,leih yungh vunz raeuz guh buhvaq hauhik daemq ,mbouj miz daih leih canh diuz ca neix , youq sigij gonq co couh sawj gihgiq caux ok hauj lai boiq yaenq va yaenq doz daeuj ciemq muenx dwegcuengh gak sicangz ,sawj dwegcuengh vunz raeuz gij buh vaq fwngz yib haenx bienq baenz mbouj miz sicangz mbouj miz leih canh ! Dwegcuengh sevei daengz seiz neix , daenj gij buhvaq gaenq ngaiz aeu haeux aeu cienz bae vuenh dweg wnq guh caux gij boiq ma yib ,rox naeuz aeu haeux aeu cienz bae vuenh vunz vaih cuz vaih guek yib ndei gij buh vaq haenx ! Moix bi ,vunz vaih guek cuz wnq yungh buhvaq daeuj dwegcuengh canh bae soq bak ik cienz ngaenz ,Vunz Gvangjdoengh canh ndaej ceiq lai ! Mwngz mbouj saenq cingj bae Nanzningz Bak hoq daih louz yawj yawj ,99.9%gij hoq cungj dwg vaih dweg hoq ! Dwegcuengh daemj boiq yib buh yib vaq guh hong vihmaz baenz doeklaeng vaih guek cuz wnq baenzlai ne ? gij neix couh dwg vunz cuengh mbouj miz cih saw vwnzvaq doek laeng caux baenz di ! Cih saw vwnz vaq caeuq yib buh yibh vaq hong saeh miz maz dox dam ne ? Miz gvan haeh gig daih ! Ciuq gou rox , Youq veh guh hong saeh fueng mienh ,hagyungh Saw meh vwnz vaq gyoengq vunz beij hag yungh Sawgun vwnz vaq gyoengq vunz caen lai coengmingz hauj lai ! Vh gij maz ne ? Aenvih gyoengq vunz hag cih sawmeh vwnzvaq daj lij iq aen uk couh daj laeng cih saw meh ndaw de yaenq roengz miz cingzsug duz hingz duz anq ! gyoengqvunz hag Sawgun ,cih sawgun bit veh sanq luenh mbouj miz gveih liz ,souh bitveh san luenh ingjyangj ,vunz daj iq aen uk mbouj laeb miz cingzsug duz hing duz anq , aen uk vunz daengz maj hung le ,gyoengq hag Sawgun doiq duz hingz duz anq gaiq niemh lij mbouj baenz hing ,yiengh neix couh sawj boux vunz aen uk raeuz couh saet bae liux gag veh gag ngvanh caux gak dox gaiq gij gihbwnj naengzlig ! Vunz vaih guek beij vunz Cungguek youq daj caux fuengmienh guh ndaej lai maenh ak lai coeng mingz coenz vah couh ok daeuj lo ! Daengz seizneix Cungguek daj caux fuengmienh doeklaeg vunz vaih guek lailai dwg saedsaeh ! Dangyienz ,vunz cuengh youq fueng mienh neix engq doeklaeng ! Aeu gaijbienq yiengh doeklaeng neix ,couh aeu vunzcuengh lwgnyez daj iq couh aeu hag Sawmeh sawcuengh ! Hawj vunz raeuz daj iq couh beij vunzgun coeng mingz cij dwg hwng cuengh daih saeh ! ( Youq Namzningz sij gaenj gib lai ,miz cih lauq loq lai ,cingj boux yawj yienz liengh )