[原创] Dieg Saenq Cainanh Guh Gouq

08Ayingj

	(  Sawq ngvanh )                    Dieg Cuengh Raeb Daengz Daih DiegSaenq Cainanh  Guh Gouq Ban Fap                                 Dieg Saenq  couh dwg aen Digiuz  ndang humz sanjdanx gag caux baenz  saenqrwd ,aen ndang Didiuz Saenqrwd couh sawj vunz raeuz youq gwnz dieg hwnj gij ranz gij daj caep  ngaiz daemqlak ,ranz daemq lak vunz youq ndaw ranz  couh ngaiz cien vax ,suijniz banj  yaz gaeb haem moek , caux baenz vunz gyoengq dai mingh !    Seizneix ,Guekraeuz doiq aen Digiuz ndang Saenqrwd lij mbouj miz ban fap bae  rox  gonq de yaek youq mwh  lawz Saenq, , cij dwg caj de Saenq  le raeuz ndaej  rau ok de Saenq geij lai gaep ,Saenq rengz dwg geij lai !    Ciuq Vunz raeuz ndaej gij gingniemh , Saenq gaep youq Roek - Caet gaep seiz ,couh ngaiz caux baenz Ranz louz ceg aq ,ngengngaux ,aen ranz louz mbouj  daemq lak . Saenq gaep youq Caet gaep dox hwnj ,Saenq rengz youq gouj daengz cib doh seiz couh caux baenz ranz louz Daemq lak ,Vunzmingh yungyiemj ngaiz dai ! Youq Yienghneix , vih liux caenh vaiq ndaej gouq ok ngaiz moek youq ndaw ranz ngaiz mok  gyoengq vunz , raeuz guh ok yiengh laj neix guh gouq ban fap :    1 : Raeb daengz dieg Saenq seiz ,raeuz aeu caenh vaiq caz rox Saenq gaep caeuq Saenq rengz , Saenq gaep youq roek gaep dox hwnj couh aeu bae caz yawj  giz Saenq cungsim miz mbouj miz ranz  ceg caeuq ranz ngeng ,son vunz raeuz guh ndei coih fuk hong saeh !        2 : Raeb Daengz Caet gaep dox hwnj diegsaenq , saenq rengz gouj doh dox hwnj miz vunz bauq naeuz miz ranz Daemq lak  yiengh neix couh dwg naeuz miz ok DiegSaen daih cainanh lo ,vunz raeuz couh aeu  vaiq bae guh cujciz Vunzlai dox gap guh gouq  mingh hong saeh lo !Guh gouq hong Saeh aeu gangj vaiq gangj gohyoz gangj gouq ndaej cieddaej !      DiegSaenq Daih Cainanh guh gouq ban fap :     1) : Sien aeu maj sangq caz rox DiegSaenq caux baenz ranz louz daemq lak gvaenglaengx :       Yungh Veisingh ingjsiengq rox naeuz Yungh Feihgih youq gwnz mbwn ingj siengq dwg caz rox ceiq vaiq ban fap ! vih bien hauh guh laeb gouq ciengz guh cunjbeiq !it ban youq dieg saenq houh cib sam aen cungdouz ndaw de caz cing !     2 ): Caz rox  diegsaenq dieggei gak cungj gihbwnj cingzgvangq  : Aen vih  youq DiegSaenq  dieggei , vunz ngaiz moek youq ndaw ranz ,dingz den dingz raemx ,den vaq souj gih mbouj doeng ,fwndoek bya reiz bya big mbouj dingz mbouj caenh ,roen gat roen caet , giuz daemq  ndoi lak cingzgvangq ,cungj  aeu caenhvaiq  caz rox , cim mbwn langh aeu feih gih soengq vunz haeuj bae caz yawj dwg hangh hong ceiq youqgaenj  ndeu !        3 ):Youq ciep daengz Dieg saenq caux baenz daih cainanh siusik le ,aeu sikhaek baiq vunz  bae caz cing ranz louz daemq lak gan soq , aeu hauh bien hauh geiq  hauh dwg hangh hong gig youq gaenj ndeu ,caemh ndaej aeu ceij rox naeuz aeu benj sij hauh geiq hauh .aen vih cuj ciz vunz raeuz haeuj ciengz gouq vunzsieng vunzmingh couh aeu ciuq bien hauh bae baij vunz baij hong gaiq ,yinh soengq  gij gwn gij youq gij  ci gouqhoq caeuq  canghyw  huq sw !  Miz liux bien hauh ,raeuz couh ndaej maj sangq suenq ok yaek baiq geij lai vunz haeuj ciengz guh gouq ,gyoengq vunz bae gouq caemh rox soh bae giz hauh lawz guh gouq , mbouj langq fei seiz gan caeuq vunzlig  ! Mbat Seicien Vwnzcien diegsaenq neix aen vih guh gouq seiz ,doiq gouq ciengz mbouj guh bien hauh ,yiengh neix ,gyoengq vunz bae gouq mbouj ndaej haeuj ciengz ndaej vaiq ,moix aen gouq cieng mbouj dwgvunz lai cix naeuz dwg vunz noix , gouq vunz mingh seiz yaek gya rengz gya vunz mbouj miz ban fap guhgya ,gouq ciengz gig luenh , miz hauj lai gouq ciengz mbouj miz vunz fuswz ,gouq ndaej caenh rox naeuz mbouj caenh hix mbouj rox , yaek baij vunz aeu aen damq mingh bae damq ,aen vih mbouj bien hauh ,yiengh neix aen lawz damq gvaq rox naeuz mbouj damq gvaq hix mbouj rox ! dang naeuz moix aen louz daemq lak cungj bien miz hauh ,miz gyoengq vunz fuswz ,yiengh neix , moix aen gouq ciengz youq haj ngoenz ndaw de cienz bouh ndaej byeujcengh fan daej  moix aen daemq lak ranzloux ,gouq ok soj miz vunz haemmoek dwg wng dang ndaej guh daengz , seiz neix ,youq Vwnzcienh miz hauj lai daemqlak ranz louz cij dwg yungh mon congh ban fap gouq vunzmingh ,,yiengh neix gouq fap dwg gouq ndaej mbouj liux mbouj cengh ,miz hauj lai ranzlouz daemqlak mbouj miz vunz bae cingleix fandaej ,cij dwg gouq ndaej gyoengqvunz mbouj  ngaiz ranz daemq lak haemmoek  haenx , miz hauj lai Yangh Cin mbouj miz ban fap gouq ok ngaiz haem gyoengq vunz dwg caeuq mbouj guh gouq ciengz bien hauh miz gig daih gvanheih ! aen vih gyoengq cungjcij veih mbouj rox aeu baiq geij lai vunz haeuj ciengz ,gyoengq haeuj c iengz bae aen hauh lawz gou .muzbyauh mbouj cing couh mbouj ndaej gaenj gaep youq mwh ngamj saenq seiz baiq vunz haeuj ciengz cij miz yungh !     4: Moix aen louz daemq lak bien aen hauh ndeu ,couh laeb baenz aen gouq ciengz ndeu : Doiq moix aen bienhauh gouq ciengz  aeu baiq  song sam boux fuswz cij veih ,youz boux cijveih fuswz guh ok gouq ciengz soj yungh vunzgoeng ,hong gaiq ,it buen moix aen louz daemq lak sien baiq 30-50 vunz guh gouq ,caiq yiengq cijveih cungjbu heuh baiq  diuqci ,canj ci gaen laeng haeuj ciengz , gak yiengh  hong gaiq : Canj ,faggeuz ,cib bangq cuiz , aen gawq ganghginh ,fatden gih ,cien gaen dingx doengh gij honggaiq neix cungj aeu youz boux fuswz bae laeng yiengq gouqnanh cungjcijveih buq heuh diuq ! Doengz seiz yiengq cungjcijveih diuyinh gij gwn gij youq rox naeuz gya vunz gya rengz !  Gouq nanh cunghcijveih buq bingzseiz aeu cuengq miz it dingh soqmoeg gouq caih honggaiq ! Gouq ciengz boux cijveih bingzseiz aeu guh lienh ,rox suglienh sawjyungh gak yiengh  gouq ciengz honggaiq ,caeuq guh gouq hongloh !     5 : Gouq ciengz bienhauh bu hai le ,moix aen gouq ciengz aeu miz vunz fuswz daengz daej ,dang naeuz hong sat cienq ciengz aeu yieng cungjcij veih guh gangj ,gangj cing moix aen gouq ciengz guh gouq cingzgvangq !     6 : Youq diegcuengh ,doibya sanghung  yungyiemj mbouj lai ,roen giuz loq lai , Daih diegSaenq caux baenz roen gat giuz daemq dwg gouq caih diu vunz haeuj ciengz hang hong nanz hoj ndeu , bingz seiz aeu cuengq miz gak giuz hong gaiq !     7 : Dieg cuengh gouq cai cungjcijveih bu aeu doiq diegsaenq cainanh gouq ciengz boux cijveih ciengz seiz guh lienh , hawj gyoengq de youq mwh ngamq ok seih seiz couh vaiq di ganj daengz gouqciengz ,daenj  daiq ndei gouciengz  cijfeih gengvaengx !        8 : Diegsaenq daih cainanh miz ok le ,cungj miz vunz vaih dieg caih guek cujduiq daeuj bang guh gouq , yiengh neix ,couh aeu guh laeb ciepdai gihgouq , ciuq gouq ciengz fat ok aeu vunz saenqsik hawj gyoengq de vaiq di bae gak aen hauh guh gouq !          9 : Gak yienh gak aen cin cungqsim aeu hai miz  Cingzswngh feihgih giz hwnj roengz , fuengz miz cainanh seiz baih aen feih gih ndaej youq giz haenx hwnj roeg cuengq dingz Cizswngh feih gih !     10 ：Diegcuengh bingzsiengz aeu cuengq miz cib-ngeih cib buq gouq cai Cizswngh feihgih !     11:  Diegcuengh gak dieg  cungj aeu lienh miz Gouq cai gouq  ciengz  boux cijveih  ,mbouj lwnh gij maz cainanh cungj aeu bae daengz gouq ciengz guh gouq gonq  ! Boux cijveih aeu rox cujiz vunzgoeng guh hong gingniemh !               ( Miz loek loeng ,ndaej hoengq menh gaij )

08Ayingj

	Yawj rox !

一知半解

	Gou nyinhnaeuz "dieg saenq" yungh ndaej mbouj ngamj geijlai. aenvih "dieg"eiqsei dwg gizlawz,bijlumj: diegneix;diegde;diegcuengh, miz "deihfueng"di eiqsei.wngdang yungh "deih saenq" "namh saenq" roxnaeuz "deih dek" "namh dek" ngamj di.

一知半解

	Gou nyinhnaeuz "dieg saenq" yungh ndaej mbouj ngamj geijlai. aenvih "dieg"eiqsei dwg gizlawz,bijlumj: diegneix;diegde;diegcuengh, miz "deihfueng"di eiqsei.wngdang yungh "deih saenq" "namh saenq" roxnaeuz "deih dek" "namh dek" ngamj di.