[原创] Dieg Cuengh Aen Singz

AAAAAAAyingj

	Fanj deiq  Vunzgun Dawz Diegcuengh AenSingz  Bienq baenz  Aen Singz Vunzgun   Vunzgun youq diegcuengh aen singz raeuz comzyouq ,baq guh gak hangz ,baq dawz genz lig ,aeu Sawgun vwnzvaq at naenx vunzcuengh ,baizcawz vunzcuengh ,lwgcuengh daj iq couh ngaiz vunzgun dawz bae son gyauq ,lwgcuengh daj iq couh ngaiz vunzgun dawz bae swiq uk ,lwgcuengh bienq ngawz bienq huk ,mbouj ndaej hix mbouj rox aeu bonj faenh cih saw vwnzvaq bae mbe fat bonj minzcuz hong saeh ,diegcuengh cwngci ,ginghsiq vwnzvaq ngaiz vunzgun baj dawz !Vunzcuengh daengx aen minzcuz ciengzseiz yiengh neix roengz bae ,couh cienz bouh bienq baenz vunzgun cizminz dungjciq  dieg gei ,youq diegcuengh ,vunzcuengh couh cienz bouh bienq baenz boux hoiq(boux nuzdiq) vunzgun !   Seizneix Diegcuengh raeuz gak aen singz cungj dwg youz vunzgun yungh vunzgun vwnzvaq baj dawz genzlig ,Vunzcuengh vwnzvaq youq gak aen singz mbouj miz diegvih ,vunzcuengh raeuz youq ndawsingz ngaiz bik aeu vunzgun vwnzvaq guh gak yiengh hong saeh ,vunz ndawsingz caeuq vunz lajmbanj dox gek ndaej gig cing ,vunzgun youq ndaw singz souhouj gig sang, ndwen lingx song sam cien maenz ngaenz ,dingxndaej haj moux raeh naz baenz bi  soucwngz ! Gak aen singz baih rog  dwg mbanj cuengh ,mbanj cuengh ndaw de dwg vunzcuengh ,gyoengq de moix ndwen sou houj gig noix ,daih bouh faenh mbouj miz cingqcangz souhouj ,mbangj boux moix ndwen sou houj mbouj daengz bak maenz . diegcuengh gak singz souh vunzgun vwnzvaq hamhcaeh caeuq at naenx  ,mbefat gig menh .Vunz gun aen vih miz vwnzvaq ,yiengh neix ,gyoengq de couh ndaej leih yungh gij vwnzvaq de bae gaem guenj ndawsingz gak hangh genz lig ,diegcuengh gak aen singz cungj miz daih liengh vunzgun daeuj comz youq baq guh gakhangz , diegcuengh gaksingz gaenq bienq baenz aen singz vunzgun !     Vih gaijbienq diegcuengh gak aen singz vunzcuengh caeuq vunzcuengh vwnzvaq ngaiz at bik baiz cawz yiengh yakheiq neix ,vunzcuengh raeuz aeu cujciz hwnj daeuj ,aeu vunzcuengh vwnzvaq bae ciemq muenx gak aen singz ,mbouj hawj vunzgun vwnzvaq youq  diegcuengh gaksingz mbefat daiq mengx ,gaij bienq diegcuengh vunzcuengh cwngqciq ginghsiq vwnzvaq youq ndawsingz diegvih , Aeu vunzcuengh vwnzvaq dued dawz aensingz raeuz dauq ma !    Baenz lawz guh ?    1):Sien cujsiz  laj mbanj canghfwen moix haemh bae ndaw singz  giz  dieg gvangq dieg langh ,giz vunz byaij baedauq haemq noix haenx guh fwen eu fwen ,yinxvunz raeuz daeuj comz .    2): Cujciz  vunzcuengh canghfwen  lai ndaem va  , hawj gyoengq de it mienh gai va it mienh doq guh fwen eu fwe !Gai va ciengx fwen dwg it cungj ndei ban fap !    3): Guh ndei henho : Aen vih vunzgun mbouj yienh hawj Vunzcuengh vwnzvaq youq diegcuengh ndawsingz roengz rag did mbaw ,gyoengq de cungj haengj yungh gak cungj soujduenq ma boenq bangx Vunzcuengh vwnzvaq ,lumj aeu singzguenj   boenq bangx vunzcuengh raeuz ,lumj aeu  ndawsingz liuzmangz  vunzyak bae nauh saeh ,guh caeg ,mo haxbau  ,caux baenz ciq anh likluenh le ,hawj Gingjcaz bae boenq bangx vunzraeuz ,raeb daengz yiengh saeh yak neix ,vunzraeuz geij lau ,daih caez goengz yoengq roengz ma ,gyadgyux  lajdieg mbouj deuz ,roxnaeuz ra songsam boux vunzlaux caeuq haoxseng laengz gyoengq de ,mbouj hawj gyoengq de boenq ,dangnaeuz gyoengq  vunz boenq de doengh dwn fwngz ,daih gya couh doxcomz bae daengz yienhcwngq fuj bak dou dinghnaengh !bik goeng ak ok daeuj gangj vah !yiengq siqcangj ,yienhcangj gauq gyoengq  de hoenx vunz ,gouz hawj sicangj yienhcangj  cujlij gyoengq hoenxvunz haenx !    Mbouj yiengh neix guh ,diegcuengh aen singz raeuz couh bienq baenz  aen singz vunzgun anonj fatcaiz ,anonj atnaen vunzcuengh ,anonj yaenqcienz  caqgwn diegcuengh caizfouq aen singz yak ndeu !

vaiz

	Fwen离我实在太远了。。。