[这个贴子最后由红棉树在 2002/10/27 0109pm 编辑]
Vahbeij(S--Y)壮族谚语、歇后语集锦（三）
V. Faexndukageq
S
Sajlwt baenq doxbae,
Lwgraez baenq doxdauq.
Saeyez mbouj ndei vaih hak.
Saej humz mbouj rox gaeu.
Saetsaet diuqdiuq daengx ndang mbaeu,
Mbouj ning mbouj byaij ciengz baenz bingh.
Saidoengz youq baihsae,
Laemzseiz fwn couh doek;
Saidoengz youq baihdoeng,
Gyangngoenz cingx ndit ndat.
Sam cib duz vaiz miz roek cib gaiq gaeu,
Sam cib boux vunz miz sam cib diuz geiqmaeuz.
Sam faen ndaem,
Caet faen guenj.
Sam liengx ndang,
Caet liengx bak.
Samnyied caux goek,
Loegnyied dungx imq.
Samnyied mbouj caux goek,
Loeg nyied bae lawz aeu.
Saw mbouj gvaq raemxmboq,
Soh mbouj gvaq lwgnyez.
Sawzminz rag yienz saeq,
De engq ndaej naih rengx;
Gobiek rag baenz benq,
Ndit genq mungz couh roengz.
Duzmaet yienznaeuz iq,
De vanzlij haeb vunz;
Duzciengh yienznaeuz hung,
Ndoj duznyungz mbouj gvaq.
Seizcin beij dwk bwnh,
Seizcou lwnh soucingz.
Seiz iq gaenx lienh ndang miz rengz,
Geq le ndang genq noix baenz bingh.
Seizcin mbouj ndaem naz,
Seizhah ndaw mbung hoengq.
Seiz sou muengh reih lai,
Seiz ndai muengh reih noix.
Seiq liengx noh gaj duz vaiz.
Seiqnyied bat,
Raemx naz bonghyatyat.
Seiqnyied ndit fwn daeuj,
Ndwenlab raeuj fwn daengz.
Soengq noh bae coh heng.
Soengq noh coh bak ma,
Soengq bya haeuj bak meuz.
Soengq gyaeuj bae doq ndat.
So dag mbouj baenz gumz.
Son lwg son mwh saeq,
Gip haex aeu hwnj caeux.
Song boux doq bouxgvan,
Ranz baenzlawz mbouj nyungq.
Song faj fwngz roengz namh,
Mbouj canh goj doh gwn.
Song fwngz caux baenz gim,
Song cim mbouj baenz ciuh.
Son lwg heuh hoz hawq,
Mbouj beij guh hawj yawj.
Song sam “dok”(roeg heuh) roengz gyaj,
Seiq haj “dok” ndaem naz.
Sien gangj laeng mbouj luenh,
Sien suenq cog mbouj vueng.
Siengj aeu siengj bae gyae,
Gaej caenh goq dangqnaj.
Siengj aeu vunz roengz raemx,
Bonjfaenh sien duet haiz.
Siengj daenj naengh hwnz,
Siengj gwn hwnq romh;
Siengj daenj ndei ninz hwnz,
Siengj gwn ndei hwnq romh.
Siengj gwn meiq mbouj soemj.
Siengj gwn noh ciengx mou,
Siengj gwn haeux ndaem naz.
Siengj lai uk cix gvai,
Yungh lai dungx cix lingz.
Sipndangj ok congh,
Raemxhongh yaek lae.
Sim’angq bak gaen mbaeu,
Nyaeknyaeu cib gaen naek.
Sim ndei dihloh gvangq,
Sim gvangq daengq raen gaeb.
Simlai dai vunz,
Vah unq hab vunz.
Swiq naj gven daengz da,
Swiq ga gven gyaeujhoq.
Swiq ndang aeu raemx gyoet,
Mbouj lau nit caeuq bingh.
V
Va hom rwi daeuj coh,
Simsoh baengyoux lai.
Va moegmienz hai,
Hanz nit mbouj lai.
Va rang duzrwi coh,
Noh haeu duznengz ciuz.
Va rang yinx rwi daeuj,
Noh haeu nengznyaen ciuz.
Vaiz biz gauq rum oiq,
Mou biz gauq raemz soiq.
Vaiz dwg coh ndeij (vih) gaeu.
Vaiz gaeuj heuj,
Vunz ngonz sim.
Vaiz geq lau gingcig,
Vunz geq lau heuj lig.
Vaiz gwn daemz mbouj mboek,
Vunz dang hek mbouj gungz.
Vaiz laux mbouj rox nengz gaeu,
Duzbaeu mbouj rox byaij cingq.
Vaiz laux rox soq,
Max laux rox loh.
Vaizlwg mbouj rox naj guk,
Rwz nuk mbouj rox byaj raez. Vaizlwg riengz laeng raeq,
Gaeqlwg riengz laeng haen.
Vaiz maeuz nywj doek lak,
Vunz dam bak doeklaeng.
Vaiz mbouj gwn nywj gaej gaemh gaeu,
Mou mbouj gwn mok gaej gaemh bak.
Vaiz mbouj raen vaiz gaeu daj,
Max mbouj raen max naj raez.
Vaiz(ndi) rox raeq cix vang raeq,
Vunz mbouj rox leix cix vang ganj.
Van mbouj gvaq gaiq noh,
Soh mbouj gvaq lwgnyez.
Vanj ndaw ringj ciengz doxgop,
Heuj ndaw bak ciengz doxhaeb.
Vat daemz ciengx bya,
Caux ndoeng ciengx naz.
Ved(raeuz) lumj bya’nouq.
Vumzvauz raen mbouj ndaej nditndat,
Duzsap raen mbouj ndaej daengngoenz.
Vunz aeu son cij gvai
Fai aeu coih cij naenh.
Vunz bak yak dwgcaengz,
Ga mbouj laeng oen cub.
Vunz cang red doxbae,
Mwngz cang saez doxdauq.
Vunz daemjrok baenz baengz,
Mwngz cij fong laxsaj;
Vunz dwk daemz yaek gvaq,
Mwngz cij vax rubsaeng.
Vunz dwk daemz yaek gvaq,
Mwngz cij ra dieg saeng.
Vunzfouq sim yak,
Vunzgungz sim soh.
Vunz gaenx dieg ok youz,
Bouxgik reih hwnj rum.
Vunzgaenx lau mbwn laep,
Vunzgik haiq mbwn rongh.
Vunzgaenx reih ok gim,
Bouxgik naz hwnj rum.
Vunz gangj mbwn yaek dek,
De aeu rek goeb rwz.
Vunzgik dawz naek,
Bouxcaeg dawz lai.
Vunz gik hong mbouj miz gwn,
Roeg mbouj ra gwn iek gwnz faex.
Vunz gungz mbouj ndaem haeux,
Vunz fouq ndi miz ngaiz.
Vunz hoj sing saeq,
Ma byoem bwn raez.
Vunz huk ienq baengzyoux,
Boux gvai naeuz bonjfaenh.
Vunz lai dumq gyaeuj vaiz mbouj cug.
Vunz lau byoengqdaej,
Faex lau bok naeng.
Vunz lau leix,
Ma lau bien,
Duznyungz lau hoenzien.
Vunz mbouj son mbouj rox,
Gyong mbouj roq mbouj yiengj.
Vunz ndaej cauh ngaenz,
Ngaenz mbouj ndaej cauh vunz.
Vunzrwix gyaeu ngoenz ndeu,
Vunzbiengz nanh bi ndeu.
Vut noh coh bak ma,
Vut bya coh bak meuz.
Y
Yaxmonz laeg lumj haij,
Gveijgvaiq lox gvaq mbwn.
Yaek aeu gwn daenj ndei,
Gaenx gvej haz oemq bwnh.
Yaek aeu vunz roengz raemx,
Bonjfaenh sien duet haiz.
Yaek gwn manh ndaem gieng,
Yaek gwn dangz ndaem oij.
Yawj faex guh ranz,
Yawj hanz dawz rap.
Yawj ma haeb yiengz.
Yawj rek cawj haeux,
Yawj laeux cang dangz.
Yawj sau yawj ndwenlab,
Yawj mbauq dag faenz rauq.
Yawj vunz yawj cihgeij,
Beij vunz beij bonjfaenh.
Yo gyaeuj hangx ok.
Youz bae daeng mbouj rongh.
Youz dwk byaek cix unq,
Haj dwk dungx cix lauz.
Youz mbuq gip lwgraz,
Baz dai ndiep yahdaiq.
Youq laj congz cuengq fwjyiuh.
Youq laj congz bag gyap.
Youq ranz baengh ndaw gyok,
Ok rog baengh vunzlai.
Yied doj yied laeg,
Saw cix guh caeg.
Yied gungq ndang yied cengx,
Yied lengx aek yied raeuj.
Yied saw yied doj,
Yied doj yied saw.
Yiemz dwg maij,
Soeng dwg haih,
Mbouj guenj mbouj son couh bienq vaih.
Yinx doj baihgya,
Vunz yawj lumj ma.
Yungh cien fanh coenz vah nai vunz
Mbouj yawz yungh
saedsaeh hengzdoengh bangcoh vunz.
Yungh “faexdwngx” moeb vunz,
Mbouj yawz yungh dauhleix fug vunz.
Yungh seiqlig haep vunz,
Mbouj yawz yungh cingz bae gamjdoengh vunz.
Yungh vahhaeu vahsoemj gangjbaeh daehhoengz vunz,
Mbouj yawz gag haenqrengz guh ndaej mauhgvaq vunz.
——————摘自[壮侗语言文化网] 
:
发表于 2002-10-27 12:59:00
QQ空间
腾讯微博
腾讯朋友
微信
转播
淘帖
分享
收藏
支持
反对
发表于 2004-11-10 13:06:00
发表于 2004-12-12 10:47:00
