Vahbeij(I--R)壮族谚语集锦（二）

红棉树

	[这个贴子最后由红棉树在 2002/10/27 0107pm 编辑] 壮族谚语、歇后语集锦（二） V. Faexndukageq   I Ij aeu vunz roengz raemx, Bonjfaenh sien duet haiz. Ij siengj gwn byaseng, Daih roengzrengz cij ndaej. Iek maz ndi gwn haeuxceh Hoj maz ndi gai buh vaq Iek mbouj gwn haeuxgyaj, Ngah mbouj gaj gaeqmeh. Iek mbouj gwn haeuxceh, Ngah mbouj gwn gaeqmeh. Ing faex hung gwn raet, Haet ndaej gwn haemh ndwi. It raen cat, Bak raen ngeiz.     L Lajeiq oemq haeuxdaeq, Dek baenz bauq ranz saeq. Lajmbwn cien fanh loh, Miz diuz soh diuz gaeuz. Lah bo cuengq yiengz. Laebcin naengh fwn doek, Aemq gyaep daengz cingmingz. Laeuj aeu noix ndoet, Saeh aeu lai guh. Laeuj dingh boh, Noh dingh beix. Laeuj ndei mbouj yungh gwn lai cenj, Vah ndei mbouj yungh gangj lai coenz. Laeuj siu gvenq rox nyaemq(cimz), Vunz youq gvenq rox sim. Lai caengz fa cix raeuj, Lai bouxgyawj cix ndei. Lai lwng lai aen bak, Lai rek lai faenh haz. Lanh dwk lanh doj, Mbouj dai goj hoj. Lau baenz duzlinh, Linj baenz duznanx. Lau ngwz yaeng bin faex, Bin faex dauq bungx ngwz. Lauxsaed lumj moegyawz. Lauxsaed miz vunz gyaez, Rox leix miz vunz maij. Lauxsaed ndei cod ciuh, Gangj gyaj liux seiq vunz. Lij iq caeg cim, Hung le caeg gim. Lij iq mbouj hag, Hung le cix ienq. Lieg(genj) gyaeq gyang rongz. Liemz raeh cix vuet gaeu, Gaej bae ngaeu haz oiq. Liengh dungx guh ngaiz, Liengh ndang caiz buh. Linx gaeq caemh dwg noh, Gyaeujhoq caemh dwg ga. Loh youq gwnz bak, Mak youq gwnz go. Loegnyied lwg lau ngaiz, Seiqnyied vaiz lau nywj. Loeng roen lij rox dauq, Loeng coenz hauq nanz sou. 498.Lom mou haeuj rongz Lwg biek doxlawh guh meh, Bouxvunz doxlawh dang seiq. Lwgfwngz mbouj doxnep, Cim hix geb ndaej maenh. Lwg gonq ndaej baengz, Lwg laeng ndaej vaj. Lwg laeng gwn sam donq, Lwg gonq caengz raen ngaiz. Lwg loek cix he, Lwg boek nanz rex. Lwg maet dingj mbouj ndaej fan denz, Roegdaebreih dingj mbouj ndaej mbwn. Lwg mbouj son mbouj baenz vunz, Naz mbouj guenj mbouj ndaej sou. Lwgminz ndi ndaem reih, Vuengzdaeq haeb goenq nduk. Lwgnyez maij gyaeq, Bouxsaeq maij ngaenz. Lwgnyez mbouj lau nit, Duzbit mbouj lau fwn. Lwgnyez mbouj lau nit, Loegcib mbouj lau dai. Lwgraez doengz daj baenq. Lwg raeuz gwq ndaq coh, Lwg vunz gwq lox gwq deuz. Lungz gwn daengngoenz ok, Haetcog fwn couh roengz; Lungz gwn daengngoenz doek, Raemx mboek roengz gyangdah.     M Ma bi rieng, Yiengz bi mumh. Ma bieg caeg raemz, Ma ndaem dwg dub. Ma byom ninz gwnz cah, Maih ngah goj mbouj gwn. Ma byom gaen yiengz biz. Ma dai maet caez dai. Ma doxhaeb cix nyaeuq, Vunz doxdaeuq cix hoj. Ma doek dat mbouj lau gaz yoenq oen, Vunz hag ndei mbouj lau gonq miz loek. Ma lwg baengh meh raeuq, Lwggyax baengh vunz bang. Ma lwg baengh meh raeuq, Meh dai saenznyaeunyaeu. Ma mbouj ndaej caeuq meuz guh doih. Ma mbouj rox dai ra faexgyaengh. Ma mbouj yiemz cawj gungz, Lwg mbouj yiemz meh couj. Ma raeuq boux ndang vaih, Vunz maij boux miz cienz. Max buet ndaej vaiq beij mbouj ndaej rumz ci vaiq, Boux maenh’ak lij liz mbouj ndaej gyoengqvunzlai. Max gaenj mbouj ndaej haeuj singz. Max geq roxnyinh loh gaeuq, Duzbaeu mbouj rox byaij cingq. Maxlaeuz dwk haij. Max ndaej fad bien buet engq vaiq, Siengj hawj lwg gvai naihsim gyauq cij baenz. Max ndei bouxcawj maij, Vunz ndei baengzyoux lai. Maex ndiengq baengh gvan, Lwg gyan vih boh. Maenz ndi gvaq beg(loh), Meg ndi gvaq cou(faen). Maenz ngaenz sam ciengh laeg, Ra yaek cix ndaej aeu. Maenz yied reuq yied van, Vunz yied gan(gik) yied iek. Maeuz siuj ndaep daih. Makdoengj caeuq makgam, Gak aen van gak yiengh. Makmoiz rim go aenaen soemj, Makgoi go aen aenaen van. Mak youq gwnz go, Loh youq gwnz namh. Maij mou ndi maij mok, Maij rog ndi maij ranz. Mbaet gwn mbaet daenj. Mbaek dog mbouj baenz lae, Faex dog mbouj baenz ndoeng. Mbangj roeg rox heuh mbouj rox cauh rongz, Mbangj vunz gangj byangz banh mbouj baenz saeh. Mbei hung miz max gwih, Mbei saeq ndwi haeux donq. Mboenj gyu baenz non. Mbouj byaij roen gyae gvaq, Mbouj rox vax daengq nden. Mbouj gangj gwn noh guk, Rwz gaej nuk couh ndei. Mbouj lau gungz, Ceiq lau sim mbouj doengz. Mbouj lau hag mbouj baenz, Couh lau mbouj naihsim. Mbouj lau leix mbouj hingz, Couh lau sim mbouj cingq. Mbouj lau mbwn bik, Couh lau vunz gik. Mbouj lau mbwn daeuj goeb, Doxgiet it diuz sim. Mbouj lau miz loekcak, Couh lau loek mbouj gaij. Mbouj lau miz saetbaih, Couh lau sim doeknaiq. Mbouj lau nyangz guk song sam duz, Caenh lau vunz raeuz song sam sim. Mbouj lau ndit lau fwn, Couh miz gwn miz daenj. Mbouj miz cai vunz ciengx faex, Mix cai le faex ciengx vunz. Mbouj raen meh bae haq, Hix raen nax guh bawx. Mbwn gvangq roeg guenj mbin, Haij rim bya guenj bongh. Mbwn rengx cix vih rumz, Mbwn bumz cix vih fwj. Mbwn rengx muengh fwn, Mbwn bumz muengh nit Meg cix miz song cin, Vunz maz miz song ciuh. Meuz bae cou, Nou guh’angq. Meuz gwn rum, fwn yaek roengz; Meuz gwn raemx, mbwn rengx nanz. Meuz gwn raemx ndit ndat, Gaeq dak fwed fwn doek. Meuz laux lij doek ringj, Duzlingz lij doek dat. Meuz miz seiz doek ringj, Lingz miz seiz doek dat. Meuz ninz nou guh’angq. Meuz raen bya ndaej youq? Miz bingh bae gouz saenz, Bingh mbaeu dauq deng laemz. Miz bingh bae siu yieng, Fangz dawz bae engq bieng. Miz cix gwn’guk, Mbouj miz cix gwn goenq nduk. Miz cix gwn’guk, Mbouj miz cix henx goenq nduk Miz couh baen boux naed, Hoj couh gaet boux donq. Miz ceiq mbouj lau cien leix gyae, Fouz ceiq roengz lae lij naeuz hoj. Miz denz ranz caemh rongh, Mij denz ranz caemh rongh. Miz gingq ndei ciuq naj, Miz yah ndei siengliengz. Miz gim caemh daej loengx, Mbouj yungh bienqbaenz luengz. Miz gwn baengh dinfwngz, Gungzhoj gaej gvaiq mingh. Miz gwn mbouj lumz gungz, Miz yungh mbouj lumz hoj. Miz haeux gaej luenh gwn, Miz fwnz gaej luenh byaeu. Miz haeux gaeq cix ma, Miz bya meuz cix daeuj. Miz leix gangj vahsaed, Fouz leix gangj vahbyangz. Miz loek gaej ienq mbwn, Fouz gwn gaej ienq vunz. Miz lwg aeu son, Miz gwn aeu mbaet. Miz meuz mbouj raen meuz dij cienz, Fouz meuz cij ienq souh nou haih. Miz yienz cien leix sim doxlienz, Fouz yienz gek ciengz lumj gek haij. Moed beuj ranz, Fwn mbouj nanz. Moed buen gya,dangh(ngwz) gvaq loh, Fwn hung yaek daeuj doh.   Moed buen gya, Miz fwn raq. Moed daeh baenz rongz. Mou bak gaen mbouj lau mid. Mou lai mok saw, Lwg lai meh haw. Moumeh gaej riu naj max raez. Mou sam gaen rox maj, Gax haj gaen rox hed. Muengzcungq fwn doek raemx dumh rungh, Muengzcungq fouz fwn feiz coemh rungh. Muengh lumj muengh meh bae haw ma. Mwhcin mbouj ndaem naz, Seizhah ndaw mbung byouq. Mwngz mbouj caeuq gou naengh, Mbouj rox daengz gou nden.      N Naz mbouj laux gyaj laux. Naz mbouj ndaem couh nya, Da mbouj gyaez couh vaih. Naj moh caeq bit youh caeq gaeq, Mbouj beij lij lix bwnq gaemz souh. Naek baengh naq baenz loux, Boux baengh boux baenz biengz. Naenz lai mbouj rox humz. Naengj et mbouj cug ngaiz nem fwngz. Naengh gwn bya loemq. Naengh gwn ninz gaet, Mbouj rox haet lawz. Ndaq duzgaeq, Baeh duznyaen. Ndaej byai fwngz siengj aeu goekgen. Ndaej gwn noh duznanx, Rox canj geijlai ndoi; Ndaej gwn gaiq noh moiz, Rox coi geijlai vah. Ndaem biek mbouj gvaq cingmingz, Ndaem hing mbouj gvaq goekhawx. Ndaem faex muengh baenz ndoeng, Coih roen muengh vunz byaij. Ndaem va muengh va rang, Viq rangz muengh baenz faex. Ndai rum ndi ciemz goek, Beg dawz bwnh bae boek. Ndaij saeq laenz baenz cag, Ndaej rag cien gaen naek. Ndaundeiq rim mbwn, Mbouj beij aen ndwen dog rongh. Ndaw naz coq bwnh lai, Haeux cix fag daengz byai. Ndaw hoz miz haex. Ndawlab ndit bengz, Bouxhoj rengz cienh. Ndaw ranz miz ngaiz naengj, Youh siengj faengx gwnz haw. Ndi sij roengz dah, Nanz ra ndaej sae. Ndiengq doiq aeu raen haeux, Haq lwg aeu raen gwiz. Ndit mbouj ndat lumj feiz, Beix mbouj ndei lumj meh. Ndit ndat mbouj lumj feiz, Mauh ndei mbouj lumj liengj. Ndit yied dak yied sauj, Vunz yied laux yied gvai. Ndo mbouj baenz vaih ndwq. Ndok raek mbouj hawj naeng boed. Ndwenlab gaenx hwnq caeux, Seizhah haeux rim cang. Ndwenlab sam gaen fwnz raeuj gaen raemx, Samnyied gaen fwnz raeuj sam gaen raemx. Ngah mbouj gaj gaeqmeh, Iek mbouj gwn haeuxceh. Ngeih sam nyied souh maet, Loeg caet nyied souh nyungz. Ngoemx hix dwg fagcax, Bax hix dwg bouxvunz. Ngoemz ci rumz doeng, Fwh doek sam ngoenz. Ngoenzcin byaj maenj rengx bak ngoenz. Ngoenzgonq gangj bae ging, Ngoenzlaeng ninz mbouj hwnj. Ngoenz mbaet gwn saek gaemz, Sam bi baenz bak daeuj. Ngwzhau ok congh. Ninz gwnz rin byoq ndit, Ngoenz raeuj hwnz deng nit. Ninz laep hwnq caeux haeux rim cang, Hwnq gyang laeuzlangh gyangz dungx iek. Nit mbouj ciengj buhgoeb, Iek mbouj caeg vunz gwn. Niuj gyaq congz ok raemx. Noix rong nanz suek faengx, Noix raemx nanz guh ceiz. Nou daeq meuz miz lwg. Nou gaet cag meuz. Nou haeb nou cix raeg, Caeg gaj caeg heih dai. Nou mbouj rox dai gaet cag meuz. Nou roengz gang deng dai, Vunz simlai vaih ciuh. Nyaeb sip haeuj rwz, Gaeb ngwz haeuj ndang. Nyaen deuz cij dwk naq, Roeg gvaq cij bengq gung. Nyaenx bak mbouj dawz caiq, Nyaenx heiq gya mbouj baih. Nyinh ngux nyinh loeg, Gak yiengh sou cuk. Nye gwnz raek miz nye laj daix, Buhrog vaih miz buhndaw dangj. Nyienh gwn myaiz duzguk, Mbouj gwn mug duznyaen. Nyienh ndwn dwk dai, Mbouj nai dwk lix. Nywj seng reih bouxgik, Haeux maj naz bouxgaenx.      O Oenciq ndaw boengz. Oet cienz mbouj dwg gyaez, Son leix cij dwg caen. Ok dou baengh baengzyoux, Youq ranz baengh bohmeh. Ok loh mbouj daiq ranz, Bungz nanz baengh vunz bang. Ok roet hawj ma maengx. Ok rog danh raek cax, Lau ndaej gaj fangzsieng; Ok rog danh raek rieng, Lau youh nyangz bya laux. Ok loh dongx sing “go”, Byaij loh noix heux bo. Oij raek hoh nanz dam, Rangz raek hoh nanz swnj.      R Raed genbuh fong mbaq, Raed dinvaq fong dangz. Raemj faex roeb dwg rumz, Buh dumz deng fwn rwed. Raemxfwn gyonj roengz haij, Fanh daih mbouj rox hawq. Raemx hawq bya yienh. Raemx hwnj ruz caemh hwnj, Ngwz hung congh caemh hung. Raemx hwnj ruz sang, Fwnz lai feiz vuengh. Raemx mboek raen rin, Raemx dinj(feuh) raen bya. Raemx mbouj cung mbouj saw, Vunz mbouj naeuz mbouj rox. Raemx mued mbouj gvaq ruz, Fwngz cw mbouj gvaq dah. Raemx yiemhranz ndik roq ranz. Raen bya mbouj gaeb bae gip sae, Ndaw saez mbouj goq goq ndaw dah. Raen dawz gei ciq haeux, Ndi vid daeux ciq saw. Raen vah cix rox boiz, Raen vah cix rox hoiz. Raen nywj ngeix daengz vaiz, Raen ngaiz ngeix daengz lwg. Raeuj mbouj gvaq feiz, Ndei mbouj gvaq meh. Raix haeux youh mboengj yaenz, Cungj mbouj lw saek naed. Raih haenz naz doxbungz. Rangz biu sang baenz faex, Raemx lae gye baenz dah. Ranz cib duz vaizdon, Mbouj guh hong hiengh byouq. Ranz maz ranz mbouj roh, Boh maz boh mbouj dai. Ranz miz cib gogyaeuq, Mbouj you cienz gyu youz. Ranz roh raed fwn doek, Ruz boek youh youh roeb rumz. Ranz roh deng fwn doek, Ruz boek deng rumz raq. Rap bwnh haeuj, Rap haeux ok. Rek ndaem bungz hek, Vaq sek bungz doengz. Rengx sam bi dai mbouj daengz duzbyaj, Rengx haj bi dai mbouj daengz dezngieg. Rieng max dozcug. Rinbaenz youq doiqnaj, Gik muz cax caemh ngoemx. Rinbaenz youq doiqnaj, Gik baenz cax hix myaex. Riu mong mbouj riu meh fong. Rox cix naep hwet, Mbouj rox cix rim gwed. Rox couh mbaeu baenz ceij, Mbouj rox naek baenz rin. Rox mbaet rox yungh, Lumj rinluenx laj fai. Rox mbaet rox yungh, Haeux cienz fanh loengx. Roeb vunz mbouj doxdongx, Bouxlaux lumj lwgnyez. Roeg dam gwn heih dai, Vunz dam caiz haih mingh. Roeglaej bak bi, Baezbaez baenz de. Roeglaej gwn raemx daemz. Roeglaej gwn raemxdaemz mbouj mboek, Nyengznyaen haeb din vaiz mbouj in. Roeg mbin coh dieg rongh, Vunz bongh coh vuen yungz. Roeg mbin sang mbouj miz noh, Vunz gangjboq mbouj miz caiz. Roeg mbouj miz fwed nanz mbin, Vunz sim mbouj ndei nanz byaij. Roen youq ndaw bak, Mak youq gwnz go. Roengz raemx doxbaeuh, Baenzlawz mbouj mbaeq. Rom couh lai, Mbai cix noix. Ronghndwen dawz liengj ciengx vunz gik, Daengngoenz dawz liengj cik vunz dai. Ronghndwen gang liengj fwn cix doek, Ronghndwen daenj gyaep mbwn cix rengx. Ronghndwen rongh cix rongh, Mbouj ndongq beij daengngoenz. Rwznuk euq vang, Dafangz euq raeh. Rwi mbouj liz va, Bya mbouj liz raemx. Rwi ndi douh oenmeuz, Roeg ndi ciuz va doek. Rwi ndi ciuz va doek, Roeg ndi ciuz oenmeuz. ——————摘自[壮侗语言文化网]            :

越色僚人

	经典不可尘封啊。