[原创] Youz Diegcuengh Baksaek (17)

AAAAAyingj

	------ Bae NazBoh Mbanjcuengh Cet Youz ------ Gangjdaengz Mbanj Dungqhanq daih it gaiq ciet fwen denjlij couh yaek hai lo , daih bouh faenh vunz hek faen haeuj gak gya bae gwn ringz sat , cungj caez comz youq giz Siujyoz lanzgiuz cangz . Henz giuzcangz baij daiz baij eij ,gwnz daiz baij miz bingz raemxmboq , gyoengq lingj dauj, vunzhek naek cungj cingj hwnj gwnz daiz cujsiz bae naengh ,Mbanj Dungqhanq boux Cunhcangj Lauj Veiz guh cujsiz denjlij , diemj bauq angq hoh lex, caiq hawj baih gwnz boux lingjdauj caeuq gak aen mbanj lingj dauj gangj vah , Lauj Veiz ceiq haeuh dawz aen vahdoengz gyau hawj gou , hawj gou gangj vah , yiengh haenx ,gou ciep gvaq vahdoengz couh riengz gyoengq de yungh vahcuengh youq gwnz hoih gangj geij coenz : Gyoengq beixnuengx raeuz ndei ! Gou dwg vunz Vujmingz ,dwg boux daeuj cetyouz , gou byaij liux geij aen yienh ,ngoenz neix raen gyoengq beixnuengx sou ,caen dwg gyoengq ceiq vuen heij ,gyoengq ceiq angq hei ndeu ! Do cih daih gya ! (Bek fwng !) Gou gangj geij coenz lex ,couh dawz aen Vahdoengz gyau boiz Lauj Veiz , gou aeu vah cam song boux naengh henz gou : Sou dingq rox mbouj rox gou gangj gij maz ? Song boux haenx dwg ndaw Cin boux lingjdauj ,caemh dwg vunz bonj dieg , song de cungj naeuz dingq ndaej rox , aen sim gou caen angq raix caix .Gou youq naj daengx gyoengq aeu vahcuengh gangj vah mbouj dwg daih it baez , gou youq Vujmingz laj yangh cinq guh gisengh ,guh cujsiz gauj yinzgouj dungjgi gij hong loh ,cienz bouh dwg aeu Vahcuengh gangj ! Hoeng ,youq yienh baih rog aeu vahcuengh gangj ,vunz raeuz dingq ndaej rox ,hawj gou caen dwg angq raix caix ! Yaep ndeu , gyoengq guh fwen couh hai daiz lo ,gou dingq gij fwen gyoengq de , caen ndaej gvaq nyaenx ,sim angq caemh guh geij hot : 1 Ngoenz neix daeuj Dungqhan, Sim angqyangz guh fwen , Boux gaen boux eu rwenz , Ciengq daengz ndwen rongh mbwn ! 2 Ngoenz daeuj Dungqhan youz , Baengzyoux bu muenx bo ; Ndwn rim dieg rim loh , Caez ngengj hoz dingq fwen . 3 Boux eufwen sim angq , Raeuz dingq sangj raixcaix ; Dangq gaujvaq ndaej caiz , Maengx yaek dai yaek lix . 4 Docih beixnuengx raeuz , Hawj gou ngoenz angq heiq , Sim vuen ndaej baenz seiq , Daengxseng geiq ndaej sou ! Gou youq giz haenx dingq fwen ,rox nyinh gij fwen gyoengq de cungj dwg eu gij gwn youq gyoengq de ,daih bouh faenh dwg fwen rom rox naeuz ciuq fwen rom ma gaij ciengq ,caemh miz geij coenz eu ndaej gig ndei ,hoeng mbouj ndaej aeu saw geiq roengz ma ,gyoengq eu fwen haenx daih bouh faenh dwg mbouj rox Sawcuengh ,hix mbouj rox Sawndip , baengh bak cienz uk geiq ,guh gij fwen hamz ei mbouj laeg ,mbouj gvangq , caemh mbouj ndaej louz roengz daeuj guh baenz vwnzvaq caizfouq ,caen hoj sik ! Yiengh haenx gou couh dang ciengz youq dangq naj gyoengq de aeu Sawcuengh dawz gou guh gij fwen haenx sij ok daeuj , hawj gyoengq de yawjyawj dwg baenz lawz aeu Sawcuengh geiq fwen . Sij sat ,gou caiq dawz gij fwen doeg ok daeuj , caiq aeu fwen diuh Vujmingz ciengq ok daeuj , gyoengq de gig angq gyaez , cungj ceng naeuz , raeuz vih maz mbouj ndaej hag Sawcuengh ne ? Doengz caez dwg Vunzcuengh ha ! Doq ceng doq rag meh funij Cujyinq ndeu daeuj bingz leix ! Meh haenx cij riu mbouj ok sing ! Gou caemh mbouj rox baenz lawz han gyoengq de ! caen dwg ,gyoengq eu fwen haenx cij caen dwg Vunzcuengh boux cien guh vwnzvaq hong saeh ndaw mbanj cuengh ,hoeng ,gyoengq de ndaej mbouj daengz bonj minzcuz cih saw vwnzvaq ciuq goq ,lij guh gij vwnzvaq mo laep haenx ! Haemh lo ,mbwn hix yaek laep lo , gyoengq de yiu louz gou youq haemh ,bau miz congz ninz ,miz haeux gwn ,doengz seiz hix miz geij boux mbouj duenh cam gou doengh cik saeh Sawcuengh ,lumj : Baenz lawz cij ndaej hag Sawcuengh , Sawcuengh nanz mbouj nanz hag ? Gou naeuz , gou mbouj dwg boux son Sawcuengh ,gou cij dwg daeuj cet youz ,gou yienheiq ngoenz laeng ndaej hoengq daeuj neix son Sawcuengh , mbouj aeu sou saek faen cienz ,cij aeu sou haengj hag ! Gou caeuq gyoengq de dox biek ok mbanj , mbanj Dungqhan geij boux fwen youx doq eu fwen doq soengq raeuz ok ma ,cingz gamj caen gig doengh vunz ! Beixnuengx ! Baibai lo ! Raeuz caeuq gyoengq de doq vad fwngz doq henj ci ma yienh singz Nazboh . Ngoenz daih ngeih ban haet ,gou naengh ban ci daj Nazboh daengz Cingjsih,caiq cig naengh ci daengz Denzdungh ,caiq naengh ci cienq daengz Bingzgoj ,caiq cienq ci daengz Vujmingz ,co gouj ban haemh roek diemj cung couh daengz ranz lo !

Stoneman

	Ayingj, gou bang mwngz gaij baenz lajneix. Yienghneix, gij saw mwngz couh ndaej yawj haemq lai lo. Youz Diegcuengh Baksaek (17) ------ Bae NazBoh Mbanjcuengh Cet Youz ------ ---Ayingj Sij--- Gangjdaengz Mbanj Dungqhanq daih it gaiq ciet fwen denjlij couh yaek hai lo , daih bouh faenh vunz hek faen haeuj gak gya bae gwn ringz sat , cungj caez comz youq giz Siujyoz lanzgiuz cangz . Henz giuzcangz baij daiz baij eij ,gwnz daiz baij miz bingz raemxmboq , gyoengq lingj dauj, vunzhek naek cungj cingj hwnj gwnz daiz cujsiz bae naengh ,Mbanj Dungqhanq boux Cunhcangj Lauj Veiz guh cujsiz denjlij , diemj bauq angq hoh lex, caiq hawj baih gwnz boux lingjdauj caeuq gak aen mbanj lingj dauj gangj vah , Lauj Veiz ceiq haeuh dawz aen vahdoengz gyau hawj gou , hawj gou gangj vah , yiengh haenx ,gou ciep gvaq vahdoengz couh riengz gyoengq de yungh vahcuengh youq gwnz hoih gangj geij coenz : Gyoengq beixnuengx raeuz ndei ! Gou dwg vunz Vujmingz ,dwg boux daeuj cetyouz , gou byaij liux geij aen yienh ,ngoenz neix raen gyoengq beixnuengx sou ,caen dwg gyoengq ceiq vuen heij ,gyoengq ceiq angq hei ndeu ! Do cih daih gya ! (Bek fwng !) Gou gangj geij coenz lex ,couh dawz aen Vahdoengz gyau boiz Lauj Veiz , gou aeu vah cam song boux naengh henz gou : Sou dingq rox mbouj rox gou gangj gij maz ? Song boux haenx dwg ndaw Cin boux lingjdauj ,caemh dwg vunz bonj dieg , song de cungj naeuz dingq ndaej rox , aen sim gou caen angq raix caix .Gou youq naj daengx gyoengq aeu vahcuengh gangj vah mbouj dwg daih it baez , gou youq Vujmingz laj yangh cinq guh gisengh ,guh cujsiz gauj yinzgouj dungjgi gij hong loh ,cienz bouh dwg aeu Vahcuengh gangj ! Hoeng ,youq yienh baih rog aeu vahcuengh gangj ,vunz raeuz dingq ndaej rox ,hawj gou caen dwg angq raix caix ! Yaep ndeu , gyoengq guh fwen couh hai daiz lo ,gou dingq gij fwen gyoengq de , caen ndaej gvaq nyaenx ,sim angq caemh guh geij hot : 1 Ngoenz neix daeuj Dungqhan, Sim angqyangz guh fwen , Boux gaen boux eu rwenz , Ciengq daengz ndwen rongh mbwn ! 2 Ngoenz daeuj Dungqhan youz , Baengzyoux bu muenx bo ; Ndwn rim dieg rim loh , Caez ngengj hoz dingq fwen . 3 Boux eufwen sim angq , Raeuz dingq sangj raixcaix ; Dangq gaujvaq ndaej caiz , Maengx yaek dai yaek lix . 4 Docih beixnuengx raeuz , Hawj gou ngoenz angq heiq , Sim vuen ndaej baenz seiq , Daengxseng geiq ndaej sou ! Gou youq giz haenx dingq fwen ,rox nyinh gij fwen gyoengq de cungj dwg eu gij gwn youq gyoengq de ,daih bouh faenh dwg fwen rom rox naeuz ciuq fwen rom ma gaij ciengq ,caemh miz geij coenz eu ndaej gig ndei ,hoeng mbouj ndaej aeu saw geiq roengz ma ,gyoengq eu fwen haenx daih bouh faenh dwg mbouj rox Sawcuengh ,hix mbouj rox Sawndip , baengh bak cienz uk geiq ,guh gij fwen hamz ei mbouj laeg ,mbouj gvangq , caemh mbouj ndaej louz roengz daeuj guh baenz vwnzvaq caizfouq ,caen hoj sik ! Yiengh haenx gou couh dang ciengz youq dangq naj gyoengq de aeu Sawcuengh dawz gou guh gij fwen haenx sij ok daeuj , hawj gyoengq de yawjyawj dwg baenz lawz aeu Sawcuengh geiq fwen . Sij sat ,gou caiq dawz gij fwen doeg ok daeuj , caiq aeu fwen diuh Vujmingz ciengq ok daeuj , gyoengq de gig angq gyaez , cungj ceng naeuz , raeuz vih maz mbouj ndaej hag Sawcuengh ne ? Doengz caez dwg Vunzcuengh ha ! Doq ceng doq rag meh funij Cujyinq ndeu daeuj bingz leix ! Meh haenx cij riu mbouj ok sing ! Gou caemh mbouj rox baenz lawz han gyoengq de ! caen dwg ,gyoengq eu fwen haenx cij caen dwg Vunzcuengh boux cien guh vwnzvaq hong saeh ndaw mbanj cuengh ,hoeng ,gyoengq de ndaej mbouj daengz bonj minzcuz cih saw vwnzvaq ciuq goq ,lij guh gij vwnzvaq mo laep haenx ! Haemh lo ,mbwn hix yaek laep lo , gyoengq de yiu louz gou youq haemh ,bau miz congz ninz ,miz haeux gwn ,doengz seiz hix miz geij boux mbouj duenh cam gou doengh cik saeh Sawcuengh ,lumj : Baenz lawz cij ndaej hag Sawcuengh , Sawcuengh nanz mbouj nanz hag ? Gou naeuz , gou mbouj dwg boux son Sawcuengh ,gou cij dwg daeuj cet youz ,gou yienheiq ngoenz laeng ndaej hoengq daeuj neix son Sawcuengh , mbouj aeu sou saek faen cienz ,cij aeu sou haengj hag ! Gou caeuq gyoengq de dox biek ok mbanj , mbanj Dungqhan geij boux fwen youx doq eu fwen doq soengq raeuz ok ma ,cingz gamj caen gig doengh vunz ! Beixnuengx ! Baibai lo ! Raeuz caeuq gyoengq de doq vad fwngz doq henj ci ma yienh singz Nazboh . Ngoenz daih ngeih ban haet ,gou naengh ban ci daj Nazboh daengz Cingjsih,caiq cig naengh ci daengz Denzdungh ,caiq naengh ci cienq daengz Bingzgoj ,caiq cienq ci daengz Vujmingz ,co gouj ban haemh roek diemj cung couh daengz ranz lo !