[原创]Byaij Haeuj Gi Yinzminz Gvangjbo Den Daiz

AAAAAyingj

	Byaij Haeuj Gih Yinzminz Gvangjbo Dendaiz (1) [ ciep] Gangj daengz gou youq aen funghranz Dunghlenz goh bungq raen dah sau Vahcuengh boqyaem Vangz Lenzcingh , dah sau haenx gig sim angq , lumj raen bohlungz daeuj ne sim ndat heuh gou naengh , aen vih daih caez dwg vunz vujmingz , yiengh haenx , couh gij maz vah cungj ndaej gangj lo ! Gou cam gyoengq de ,vih maz siu cied Vahcuengh dendaiz bae ne ? Vih maz gaij hangz guh daj cab ne ? De han gou : Vahcuengh Gvangjbo cujciz gihgouq youq bi 1994 cix ngaiz siucied ,hoeng Vunzlij youq , Gvangjbo mbouj caengz dingz ! Gyoengq de ngamqngamq cujciz bang vunzmax guh ndaej denci lienz boq Vahcuengh banj [ Sediuh ingyungz cienz ] seiz neix cingq caih boq ,hoeng miz mbouj miz vunz yawj ,miz mbouj miz vunz bingz hix mbouj rox ! Mbouj ndaej ok bae caz yawj gij sou yawj cinggvangq ! Gou gaen naeuz : Miz vunz yawj lai bw ,youq laj mbanj Vujmingz , lienz meh laux bet gouj cib bi cungj yawj dwk meizcih ! Gou cam de : Dauq vunzmax guh hoiz sing [ Sediuh ] haenx cungj lij youq ba ? De han : Mbouj youq lu , dwg doq guh doq ciu daeuj , guh sat vunz caemh sanq lu , raeuz seiz neix dwg dingq vunzgun an baiz ,de hawj mwngz guh cij ndaej guh ,mbouj hawj mwngz guh , mwngz couh mbouj miz ban fap guh , Guh Vahcuengh gvangj boq seiz , gyoengq de mbouj miz boux bien,mbouj miz boux sij ,mbouj miz boux gicej ,cienz bouh dwg bae dawz gij gauj Vunzgun Gicej sij gij siusik haenx doq yawj doq aeu vahcuengh doeg , Vahciq gun naek raix caix ! Gou cam : Vih maz mbouj ciuq gauj Sawcuengh ma doeg ne ? De han : Mbouj miz vunzbien ,mbouj miz vunzsij ! Gou cam : Minzcuz Yozyen , Cunghyangh Minzyen gyoengq Vunzcuengh daih hag haenx ne ? De han : Gyoengq de ndaej daeuj guh ha ? Yaek faen boiq haeuj den daiz guh hong ,cungj dwg vunzgun baj dawz , yienz naeuz raeuz miz boux yungh Sawcuengh ,sij Sawcuengh ndaej ndei ,hoeng gyoengq de mbouj miz ban fap ndaej haeuj Dendaiz ,Densi daiz , yiengh haenx , Sawcuengh Vahcuengh gvangjboq yinzcaiz couh mbouj miz ban fap haeuj daeuj , Sawcuengh vahcuengh Gvangjbo couh yiengh haenx ngaiz venj hozgingj ,yaekdai mbouj dai ,yaek lix mbouj lix ,dauq cawq dwg Vunzgun gvaq daih baiz gvan haeh haeuj daeuj guh buek guh bang ,ciemq vih ciemq cijbiuh ciuq lingx cienz ,mbouj vih Vunzcuengh guh hong saeh ! Hoeng gyoengq de bae laeng Cwngfuj aeu cienz ,daj bauq gauq hix sij baenz lawz baenz lawz Vih diegcuengh beksingq fuzvu ! Gou yaek cam : Siucied Vahcuengh Gvangj boq cujciz gih gouq dwg hangh saeh famh fap ,sou vih maz mbouj bae yiengq fazyen gauq gyoengq de ! Hoeng bonj Sawcuengh [Yenfaz ] lij youq ndaw fwngz gou , baenz lawz ndaej hawj gyoengq de rox yiengh hongsaeh haenx famh diuz fap lawz ? Gou couh dawz bonj Saw [Yefaz ] Sawcuengh banj ndenq hawj de , hawj gyoengq de bang bang yawjyawj hoiz ndaej swnh mbouj swnh ,dangnaeuz hoiz ndaej swnh , gou couh lai yaenq geij bonj ,soengq bae daengz Gih yinzminz Cwngfuj ,Gih Yinzdaq ,Gih gaugaep Fapyen ! Gou mbouj saenq Vunzgun gamj yungh Sawgun Vwnzvaq siu mued Sawcuengh Vwnzva cujciz gih gouq ! Vunzcuengh couh yiengh haenx ngaiz vunzgun gaem guenj hangz ciemq ,vunzraeuz ngaiz souh vwnzvaq cai nanh lij mbouj rox dwg vihgij maz saeh ,cij rox yienq mingh raeuz mbouj ndei ! Gou youq ndaw fungh ranz ndaw de ,raen miz song boux gangj vah gun caeuq dah sau Lenzcingh gangj vah ,ndaw hoz gou naemj ,couh dwg doengh goeng haenx ngoenzngoenz gaem guenj Vunzcuengh boux boq yaem ,ngoenz ngoenz aeu vahgun ma cimq yex gyoengq de , hawj boux Vahcuengh boqyaem ciemhciemh ngaiz vahgun swiq uk ! Doengh goeng vunz gun dox caemh caeuq Boux Vahcuengh boqyaem it heij doengz fungh ranz youq guh saeh haenx ,cij dwg boux vunzgun sim ceiq doeg ndeu ! Gij hong de couh dwg Vunzgun cujciz an baiz de guh vaq vunzcuengh Bouxboq hong saeh ! Vunzcuengh raeuz baenz lawz cij ndaej henhoh ndeih boux vahcuengh boq yaem mbouj ngaiz Vahgun cim haih ne ? Saed dwg , youq ndaw Gih yinzminz gvangjboq den daiz , miz bang vunzgun caez liux youhcaq cwngq fuj cienzngaenz vaih , lij leih yungh genzlig dawz cwngfuj cienz ngaenz bae guh sengei fat caiz ma dox faen , gyoengq de cienz bouh mbouj guh hong beg sing , dwg bang vunz youhcaq beg singq cienz ngaenz ndeu !