本帖最后由 pcy109 于 2013-8-15 08:59 编辑
Bi’neix Gvaq cieng Mbouj Gwn Caeuzndaep
Caen siengj mbouj daengz,bi’neix gvaq cieng mbouj gwn caeuzndaep. Youq neix gangj gij caeuzndaep, dwg gangj gwn ngaiz goenggya.
Vihmaz mbouj miz gwn? Cingj yawj donjsin:“Gaengawq Cunghyangh caeuq Swcigih mizgven cingsaenz, aen danhvei raeuz gak cusiz caeuq cizsuz danvih bouxdaeuz youq ndaw ciet mbouj ndaej sou laex;mbouj ndaej yungh cienz goenggya cingjhek,hix mbouj ndaej ciepsouh vunz yungh cienz goenggya cingj swhgeij gwn.”
Mbouj ndaej sou laex mbouj miz maz gangj, mbouj ndaej yungh cienz goenggya luenh gwn hix doiq. Hoeng miz vunz gangj, bi daengz byai raezrangrang,ndaw danvih gwn donq ndeu,neix suenq gvaqbouh ha? Gaej gaenj, naihsim dingq gou gangj gwn caeuzndaep goenggya miz gijmaz “mbouj ndei”.
Bi’gvaq yaek daengz cieng, danhvei dou youq fanden “ranzbakbya” gwn caeuzndaep.Bibi miz gwn,nohbya ndeigwn.Cingq dajsuenq soeng gyaeujvaq gwn donq imq ndeu,liuh mbouj daengz, miz boux dungzci gaenq duiyouh he, de dawz aen cenj laeuj hwnjdaeuj, mienh gangj vah mienh daejsaekwk. Laxlawz,boux de siengj daengz ndaw danvih miz boux lingjdauj ngamq gvaqseiq haenx. Boux lingjdauj haenx nienzgeij lij coz, gvaqseiq ngamq ndaej geij ngoenz,seizneix daihgya angqheij, siuj boux baengzyoux le,byawz mbouj siengsim. Cingq gangj daengz neix, youh miz saeh rwix lo. Miz vunz daj dienhvah daeuj naeuz, youh miz boux baengzyoux hix ngamq gvaqseiq. Boux baengzyoux hix dwg lij coz, de guh vunz gig huzsienh, maij gyau baengzyoux, seizneix cungj vunz sienh neix mbouj lai……Donq ngaiz caeuzndaep neix nanz gwn lai, gwn ndaej di ndeu cungj mbouj van, daihgya mbouj gwn geij gaemz cungj siengsim sanq bae.
Song boux baengzyoux gvaqseiq, lumjbaenz caeuq gwn caeuzndaep mbouj miz maz gvanheih.Gizsaed loek lo, dwg miz gvanhaeh.Baihgonq boux lingjdauj haenx, aenvih dwg guh di lingjdauj, gingciengz aeu bae dakdaih gwn laeuj,daegbied dwg daengz yaek gvaq cieng gwn caeuzndaep,cungj dwg aeu gwn fiz cij gvaqyinx,laeuj fiz le cungj aeu vunz rex cij ma ndaej ranz.Boux baengzyoux gangj baihlaeng haenx, de gig gangj cingzeiq,caeuq baengzyoux gwn laeuj coengzlaiz mbouj guh gyaj, couh suenq gwn vaih ndang swhgeij hix mbouj naengz vaih cingzeiq baengzyoux.Yienghneix daeuj gangj, song boux baengzyoux lij coz couh gvaqseiq caeuq gwn laeuj lai miz gvanhaeh.Moix bi yaek gvaq cieng gwn caeuzndaep laeuj fiz, cungj aeu sieng ndang.
Gangj sat baengzyoux le, caiq gangj swhgeij gwn caeuzndaep dwg baenzlawz “souh sieng”.
Ndangdaej deng sieng, cungj he dwg aenvih gwn donq lienz donq, gwn daengz baegnaiq raixcaix.Ndaw danvih、ndaw hidungj、gij danvih gvanhaeh ndei、gij lingjdauj ranzmbanj ndaw yienh daeuj baiqnienz……Mbangj bi gvaq cieng, siuj aeu gwn geij donq,lai aeu gwn cib geij donq caeuzndaep.
Ndangdaej deng sieng, lingh cungj he dwg deng gwn laeuj lai,sieng dungx sieng daep.Aenvih vunz ranz gou cungj gwn mbouj ndaej laeuj,boh gou gwn wanj laeujvan ndeu cungj fiz.Bingzseiz gou gwn song sam cenj laeuj le, hix dwg gyaeuj ngunh da va,saek seiz miz dahsau gyaeundei byaij gvaq dangqnaj, gou yawj bouxde lumj miz song caengz louz sang bae. Aenvih gwn laeuj mbouj ak,bingzciengz gou naengz ndoj couh ndoj, ndoj mbouj ndaej gwn di ndeu, yienghneix guh lai le, miz vunz youq baihlaeng gangj gou “siujheiq”，lij deng vunz dawz daeuj baizmingz,naeuz gou daj laeng dauq geq “baizmingz daihngeih”. Suenq lo, vunz bak lai hawj de gangj bae, mingh dwg mingh swhgeij, danghnaeuz vih aeu aen mingzdaeuz ndeidingq gwn fiz gwn dai bae, daengz seizhaenx byawz bang ndaej mwngz,daej dai daej lix cungj dwg vunz ranz swhgeij. Gou baenzneix lau laeuj lo,hoeng doenghbi gwn caeuzndaep lij deng fiz baez daengz song baez. Ceiq nanz ndoj couh dwg gij lingjdauj ranzmbanj ndaw yienh daeuj baiqnienz,lauxyieng doxraen, mwngz gingq gou cenj he,gou gingq mwngz boi he,seizlawz fiz cungj mbouj rox.
Gangj mbangjbi gwn ngaiz goenggya baenzlai “mbouj ndei”,cingq siengj dingz roengzdaeuj, liuh mboujdaengz miz boux lingjdauj he yawjraen gou sij gij neix, de naeuz: Mwngz sij bien faenzcieng neix, aeu daezsang aen cungsim swhsiengj,couh dwg “mbouj gwn caeuzndaep,dwg gimq aeu cienz goenggya luenh gwn,veizhu dangj raeuz lenzcwng gensez”.
Gij vah de gangj ndaej gig doiq, gig miz faenhliengh ha.
今年不吃年夜饭
真没想到，今年没有年夜饭吃了。此年夜饭，专指吃公家的。
为何没有？请看短信：“根据中央和自治区有关精神的要求，本委机关各处室及直属单位负责人在节日期间不能收受包括土特产在内的礼品；不得用公款进行请吃及健身、娱乐等活动，也不得接受公款请吃和健身、娱乐等活动”。
不得收受礼品无话可说，不得公款请吃也说得在理。可有人说，一年长长到头，单位里聚餐一下，似乎不为过吧？且慢，请耐心听我以己为例，说说年夜饭的种种“不是”。
去年春节前，单位在“百鱼庄”吃年夜饭。年年有余，大鱼味美。正欲大快朵颐，不料单位里一位老同志却举起酒杯，哽咽着说话，接着将杯里的酒倒在地上。原来，老同志想到单位里一位去世的同事，这位同事曾经是单位里的领导，英年早逝，刚刚去世，尸骨未寒。此时举杯欢庆，却不见好友，不禁悲从中来。而恰在此时，又有噩耗传来，有一位虽不很熟悉，但不时在酒桌上相遇的朋友突然猝死。此友为人豪爽，待人以礼，只见一面，便给人感觉可以交往且无须提防，这种人现今已不多……这一顿年夜饭，吃得最沉重、最没胃口，不欢而散。
这两位朋友之死，似乎与年夜饭无瓜葛。非也。前一位当点小领导的朋友，少不了应酬，饭桌上少不了喝酒，尤其是在每年的公家年夜饭宴会上，常常是一醉方休，他自己用美妙的诗句形容，那叫“家家扶得醉人归”。后一位豪爽的朋友，在酒桌上宁伤身体不伤感情，也时常为了朋友交情喝个不醉不归。可以说，这两位朋友的早逝，与经常喝醉不无关系。而每年年夜饭之醉，即为其中一醉。
说完朋友说自己，自己在年夜饭上也曾经“很受伤”。
受伤之一，乃饭局不断，疲于应付。单位的、系统的、友好单位的、家乡的县领导来拜年的……据不完全统计，往年年夜饭少则几餐，多则十几餐。
受伤之二，不胜酒力，伤胃伤身。由于鄙人家族遗传原因，对于酒精较为敏感，家父在世时，老人喝一小碗甜酒，都会醉倒在床起不了身。而我也是三杯两盏淡酒，便会头昏眼花，眼前走过一位婀娜美女，我却会把她看成万丈高楼的庞然大物。于是乎，一直以来，酒桌上能躲就躲，不能躲就“浅尝辄止”，久而久之，给人以小家子气印象，也因此被人暗地里排名酒风“倒数第二”。罢罢罢，身体是自己的，若为了酒风高尚喝毙了自己，到头来哭的还不是自己的家人。然而，有时候却是“在劫难逃”。往年的年夜饭，我时常被喝醉一两次。最难逃的，乃家乡父母官来拜年时，老乡们一年才团聚一次，大家彼此相见甚欢，加上我的家乡为苗乡，同胞们素好酒，畅饮前又喊酒，“呀——呜”喊酒声此起彼落，让你情不自禁，一醉方休。还有，当一位老乡举杯过来说“老乡，我敬你一杯”，此时不干杯，能说得过去吗。
列举了往年公家年夜饭的种种不是，正想就此结尾，不料被一位觉悟较高的领导看到，他指出：你这篇东西，必须要提高到“不吃年夜晚，是杜绝公款吃喝铺张浪费，维护党风廉政建设”的高度。
可谓高屋建瓴，一语中的。
发表于 2013-8-15 08:55:10
QQ空间
腾讯微博
腾讯朋友
微信
转播
淘帖
分享
收藏
支持
反对
