 | 本故事在僚-壮族民间广为流传，贵州布依，广西南北布壮，云南布壮，越南布岱侬等民间均有传播，是2200多万僚人的创世神话。
这篇文章和我几年前在隆安教育论坛里面发表的创世神话是一样的，但是这里采用标准土语记录下来。也许只有有缘人再能看得懂，但是，谁是热爱民族文化的有缘人呢？
僚-壮族的神话传说是中国民族传统文化中不可缺失的一部分，对透过僚-壮族先民的无限遐想、研究僚-壮族的民族历史有重要的参考价值！
故事的梗概：
天地神灵雷伯和父白干戈不断，天神雷伯阴谋策划围堵银河来个水漫凡间，地神父白揭露真相并智擒天神。黑皋暗中搞鬼致雷伯面临性命危险。父白出走之际，子女伏羲女娲误使天神冲出金罩，临走之际留下葫芦牙救二人性命。稍后银河崩溃凡间泽国。伏羲女娲兄妹联婚再造人类新种族。其父母的灵魂在积水沉金之地为雷电劈中，偶然成为能升天入地的新物种--神龙，游离打斗过程中形成武鸣河、锣圩河及周围众多山脉。后来双双为雷伯铁链捕获。预言铁柱开花之时即可自由。海鸟落粪致神龙翻滚，引发空前绝后的地震。神龙在大海获得自己的领地并继续繁衍，伏羲女娲教会祭拜先祖神龙，雷伯则寻找黑皋雪耻。
Mbwn caeuq deih ndek liux, vuengz gwnz'mbwn heuh'guh roiz'boux; vuengz laj'deih heuh'guh boh'bieg. song boux neix yaeng naeuz: mbwn haeuj roiz'boux, boh'bieg ner de couh guenj laj'deih gak'cungj gak'yiengh. roiz'boux youq gwnz'mbwn miz byaj'raez, gyong'laz mbat hiengj, huj'fwj doenq'foed, rumz daengz byaj'raez hiengj, aen biengz neix lumj yaek lig'lag nir. Seiz de vunz aeu gyaeuj'gaeq bae baiq cauq-gwnz'mbwn. liux ner aeu gyaeuj'mou daeuj dwk'cuengq boh'bieg .
Nangh’dwg song boux cauq neix dox'dongx dox'liep, aen biengz gwnz'haw laj'mbanj boux’boux doq ndaej onj’gwn onj’youq, hoeng mboiq’mboiq mbouj dwg hauh’neix. gij'lai baez vunz'biengz raih'naeuz roiz'boux youq gwnz'mbwn hwnj rumz guh fwn fawh de, dwg song boux'vuengz neix dox'dwk dox'dad, sauh dwk mbouj rox hwnz'ngoenz. yauq'neix baih roiz'boux saw, yauq'laeng baih boh'bieg saw. dwg'rengz leix dwg laj'mbwn gyoengq vunz neix. youq gwnz'haw daengz laj'mbanj; youq mbiengq neix daengz mbiengq de ---- bak aen mbanj raemz, cien aen haw sanq; dongh'neix mbit baih'swix, dongh’wnq gyod baih'gvaz; gwnz'bam boek dauq laj, ranz'laj fan daengz gwnz .
song boux'vuengz neix dox'sauh ngoenz dam ngoenz bi dam bi, vunz'laj haemz’haemz hoj’hoj mbouj rox hauh'lawz dwen. vunz baih’laj mbouj rox har ---- miz ngoenz ndeu, aen byaj'raez dwg'lau ndeu senq’cih caj de gvaq lor .
ngoenz'ciet miz noh, couh mbouj lumz goeng'boh. ngoenz ndeu nir, vunz'lai rom aen gyaeuj'mou doek'laeng ndeu daeuj dwk'cuengq ae, liux couh dwen daengz laj'mbwn yiengh'lawz yiengh'lawz lengx, hauh'lawz hauh'lawz lo. boux'daeuz ciengq daengz----" byawx bae dah dai dah, yah youq ranz dai ranz; byawx bae dah dai hat , yah youq ranz dai lengx; lwg'cin mbouj bae bauq, laux raen lan mbouj dongx ……"
“sam bi lor, sam bi mbouj doek saek'caek fwn, duz roiz'boux neix guh'maz saeh ner ?” boh'bieg ngeix bae ngeix dauq, de rox’naeuz mbat saeh neix haenq lai gvaq lor, gvaq cau laeur, de couh mbin hwnj gwnz'mbwn bae yawj mbat ndei .
de dingq mbin, dingq mbin. yup'yap, baih'naj couh dwg geu dah gwnz'mbwn lor. mbouj yawj mbouj rox , mbat yawj dwg'lau lailai. " guh'yawz, guh'maz geu dah neix…… dai lor; geu dah gwnz'mbwn deng boux'lawz saek hwnq'daeuj gvaq lor !"
geu dah gwnz'mbwn deng byawz saek gvaq , song mbiengq hamq doq deng boux'lawz dimz sang hwnq’daeuj. mwh'gonq leix gyo congh'raemx giek'dah doek fwn; mwh'gonq fwn doek couh dwg youq congh’raemx neix roenq roengz bae, seiz'neix yawj mij raen ngaeuz gvaq lor. boh'bieg youq baih gwnz'dah yawj bae yawj dauq, cau ndeu yawj'raen miz ndaek'gauh lwg'nyez gvaq daeuj, de couh ndoj haeuj ndaw huj'fwj bae .
raemx dah gwnz'mbwn deng gyoengq lwg'nyez neix boz gvaq bangh'henz, liux gyoeng de aeu ndaek'gauh boengz laeur daeuj saek congh'raemx. daq bak daq cien boux lwg’nyez, nez bae nez dauq, gyaengh'neix gyaeng'de. bang lwg'nyez neix, mwh'gonq dwg youq ndaw dah neix ndau’boengz mbouj hawj congh’raemx saek, seiz'neix bang'neix dauq'bonj ma nez congh’raemx, luenh daeuj ! gyoengq lwg neix dwg luenh daeuj ! baih'laj sam bi mbouj doek fwn, yenh'daeuj dwg yiengh'neix baenz. de hoz'ndat yaek dai, vit faj huj'fwj liux bongh daengz gyang'naj gyoengq lwg'nyez neix. bang lwg'nyez raen boh'bieg yaek saeux vunz, guh'muengz deuz bae. hoeng boh'bieg din'fwngz gaenj'cat, gaemh dawz boux ndeu .
“gou leix ngeix'naeuz baih’laj vih’maz sam bi mbouj doek saek’caek fwn, cau'cau couh rumz hung geuj'foet, daemz'naz dek'dak. sou rox mbouj rox, baih'laj dai hat dai lengx, sou dwg mbouj dwg yiemz gou mingh raez lai har, sou dwg mbouj dwg naemq uj dai gou bae. mwngz mbouj gangj ndei gou couh youq gwnz'mbwn neix vit mwngz roengz laj'biengz bae !”
"ngah vit, ngah vit; dwg, dwg roiz'boux, dwg de hawj raeuz yiengh'neix guh ." boux lwg’nyez neix mbouj rox guh'lawz ndei, bak mbat ning couh gangj ok'daeuj ----" roiz'boux naemq caj geu dah neix muenx couh dumx baih'laj liux bae. goeng lengj yah lengj rim doh'deih, goeng leix yah leix dai doh'biengz; mbouj hawj saek'caek raemx yaem daengz laj, yaek gaj boh'bieg caux mbwn'moq !"
boh'bieg nir mbouj nyi couh ndei, nyi liux bwt de doq yaek conh ok daeuj. boz lwg'nyez deuz, liux aeu din'fwngz ciz mbaengq ciz mbaengq. geu dah youh miz raemx'fwn lih roengz baih'laj boiz. guh neix liux de couh riengz raemx'fwn roengz daeuj lor. caengz ndaej song'mbat baih'laeng lwenz’fwngh couh gyong'laz gyuk'foed .
"mbouj ndaej, roiz'boux daengz laeng gvaq !" boh'bieg ngeix daengz neix , mbin daengz henz'ranz mbaet mbaw'gyoij goemq hwnj gwnz'ranz, aen ndang mbat iet mbat sup couh haeuj ndaw ranz bae ndoj. bumh'bamh mbat ndeu! roiz'boux naengh geu byaj'raez bag roengz daeuj, boux'lawz rox'naeuz laj'din mbat conj, aen ndang couh lingx roengz laj'loq bae .
"gah'baenh, gah'baenh raen boux gwn gyaeuj’mou neix youq gwnz'ranz nda doh'yiengh, boux'lawz rox baenz'lai wenj, mbat laeng " roiz'boux ngamq yaek deuz couh deng boh'bieg aeu aen'camj camj dawz. mbat neix har, de beiq mij ndaej lor .
gaemh dawz roiz'boux, boh'bieg angq yoek'yoek, de riu dwk da'raep. liux gangj'naeuz ----" gou heuh laj'namh hwnj go neix heuh’guh go'gyoij gor , go'gyoij ak lai, roiz'boux caij dawz doq deng laemx !" roiz'boux faj'naj nyouj'nyauj, mbouj gamj ndwet youh mbouj gamj nyap. de rox'naeuz boh'bieg dungx hung, gangj mbouj ndei, de boux ndeu doq mbouj gaeuq boh'bieg gwn guh caeuz ! deng boux'caeuz gaemh dawz, mingh lumj gyoq'rab deng rumz baet nir, cau nyieg cau rongh, seiz'seiz dai doq ngaih .
gaeb dawz roiz’boux, boh'bieg angq bae angq dauq. ngangx gyaeuj ndomq gvaq seiq cawq, fwn’doek foed'foed. laj'deih mbouj miz baenz'lai ndat lor, aeu bat daix fwn cau baenz bunz. mbiengq'neix duz'dungz hoij byai’bya; henz’nya duz’rwi nyaengq mbaet va. seiz'neix ner de couh dwg boux'cauq gwnz'mbwn laj'deih, yiengh'lawz cih "angq" ndeu ndaej dwen .
youq roengz'daeuj hauj'lai nanz seiz'gan, boh'bieg dingq heuh roiz'boux guh ndaek'gauh saeh laeur, haenh'naeuz nangh’dwg de guh ndaej ndei, couh hawj de hwnj gwnz'mbwn bae boiz; youh raiz'saw yaeng’naeuz mbat'laeng mbouj dox'sauh dem.
roiz'boux deng yiengh'neix guh, de rox'naeuz gaiq fouz'fap de it'diq it'diq naiq roengz bae, de doq deng yiengh'neix guh. guh bae guh dauq daengz gienh'saeh doek'laeng lor ----gienh'neix ner couh dwg heuh roiz'boux bienq'ok gim'ngaenz dong rim sam aen rug. yiengh'neix liux roiz'boux cix bienq cix bienq, cix bienq cix bienq. guh'lwg ndoet’heiq gvaq bae sam ngoenz. boux'lawz rox gyang'roen youh miz duh heiz'gau saet ok'daeuj caeg gim'ngaenz de bae liux. Duz neix heuh'guh duz-heiz'gau, duz-heiz'gau lumj duz goep nir. doek'laeng sam ngoenz gvaq bae, de saeh youh guh mbouj ndei, gim'ngaenz youh bienq mbouj ok; ngeix bae ngeix dauq, mbangj de yaek deng boh'bieg gaj lor .
"mwngz mbouj dwg baengh boenj'saeh ak har, guh'maz seiz'neix sam rug gim'ngaenz bienq ndiq ok !" roiz'boux linj faengh'faengh, ngamq yaek naeuz yien lai, boh'bieg doq vwd gen'buh ok'bae lor. heuh youh heuh mbouj dauq. roiz'boux gau'neix dwg heuh mbwn mbwn mbouj yaeng, dwen deih deih mbouj hoiz.
mij rox boh'bieg ok’bae guh'maz lor, ndaw ranz couh lw song boux lwg’nyez ---- daeg'mbauq neix nir heuh'guh "fuk'ei"; dah'sau nir heuh guh "neiq'moih ."
boh'bieg goq mij rox miz maz saeh yaek daeuj. youq ndaw camj'gaeq mboet dwk mbouj ndaej ning, ngamq'ngamq miz diq rengz ngongx mbat gyaeuj laeur, liux couh raen song boux lwg'nyez aeu lwg'da caengz de ngauh'ngauh. Roiz’boux doek'saet dwk yat. gvaq cau liux de naiq-niemq'niemq cam song'boux neix ----"sou ndaej mij ndaej aeu diq raemx'seuq laeur daeuj hawj gou gwn har ?"
“ae'boh raeuz bae haw cawx gangq'gaq, baz'meh bae laj baux lwg'cin. mwngz doq yaek deng vunz’lai gwn lor, guh'maz leix miz baenz'lai saeh !” fuk'ei ngeix cau ndeu naeuz, "leix miz, ae'boh gou ok'dou fawh'de daengq gvaq, roiz'boux cam cax sou gaej hawj, roiz'boux cam fouj sou gaej han, roiz'boux cam raemx sou gaej ndwet, rox caengz ?”
Coenz’unq coenz’van, leix naemj youq bak lwg'nyez neix cam ok maz, ae'lawz rox'naeuz yup'yap couh ndaej nyi gag'geij yaek deng gaj lor ! ngeix daengz neix. de cix naemj cix vei, daengz doek'laengz ner, daej dwk loek'aw bae. daej daengz mbwn'deih giengz, daej daengz lueg'bya saenz .
Song boux lwg’nyez neix ndaej nyi roiz'boux daej dwk baenz'lai haenq, de goq doek'naiq. liux cam'naeuz ----"boh gou ok'dou fawh'de daengq'naeuz mij hawj mwngz gwn raemx, de goq mij naeuz gaej hawj mwngz gwn raemx'mok. mwngz gwn mij gwn mok har ?"
roiz'boux naj loj hoiz diq , bak'bak naeuz "ndei"
youq ndaw camj'gaeq gwn raemx hoj lai, roiz'boux son de aeu rong'daij gienj hwnj daeuj liux ndienq haeuj ndaw camj bae, de ak ndaek bak youq ndaw’camj daix ----
gaemz daih'it , de naeuz "ndaej gaij'hat lor ;"
gaemz daih'ngeih , de naeuz "dungx miz diq cengq ;"
gaemz daih'sam, de naeuz "song boux lwg sou veq deuz gyae diq ."
daeggik
| |
发表于 2013-2-25 20:37:41
QQ空间
腾讯微博
腾讯朋友
微信
转播
淘帖
分享
收藏
支持
反对
发表于 2013-2-26 09:34:23
