[原创]路漫文集：壮文的山歌

路漫

	“人生七十古来稀”，当今社会上把这句话当做笑谈了，可以说七八十岁的比比皆是了。本人有幸跨进“古来稀”了，想想日后的日子不多了，应该把自己的文字拿出来“晒晒”，让贝侬们当做“文字”撩撩翻翻，也不失它的“价值”了。贝侬们翻过撩过，有什么话要说，尽量提出来，让我在“盖棺”之前有所了解。谢谢！ 这是壮文的山歌部分——路漫文集：壮文的山歌     1SIENGJMUENGH BAUQ SAWCUENGH Lij  Faz Ngeih cib bi gvaqdaeuj             日子过来二十年， Raeuz sim raeujruprup             心里暖来心里甜； Bauq Sawcuengh dauq fuk          喜庆复刊壮文报，          Raeuz cibcuk simhai               万分高兴喜连连！ Diuz loh gvangq youh gyae         一条大路宽又宽， Caeuq vunz caez ganj loh           赶路心情不一般； Vunz cix siengj vamoq             人家欣赏鲜花景， Gou dan rox siengj mwngz          惟独我想壮文版！ Siengj mwngz siengj daengz bingh    想你想到一身病， Ienq mingh gou lailai               怨天怨地怨我命； Siengj mwngz siengj daraiz          想你想到双眼花， Hoz hawq myaiz daeuj ciengx        口水解渴难安宁！ Dawz ien siengj habfeiz             手拿香烟想到火， Dawz ceiz siengj haeuxnah          手拿糍粑想糯禾； Siengj mwngz gvaq siengj yah       想你赛过想老婆， Ndaej doeg gvaq simhai             得读壮文乐呵呵！ Duzmbaj cix siengj va              蝴蝶想花想入迷， Duzbya cix siengj raemx            鱼儿想水想到底； Gou siengj dai siengj laemx          想死想活为哪般？ Ngoenz lienz haemh siengj mwngz    日日夜夜总想你！ Vunz siengj baz siengj nuengx        人家想妻想情人， Gou siengj Cuengh siengj faenz       我想壮家想壮文； Vunz gyaez nuengx ngaemngaem      人家爱妹要发呆， Gou gyaez faenz ndiepndiep          我爱壮文要丢魂！ Muengh lai da rox in                天天盼望眼睛痛， Byaij lai din rox get                 天天走路脚发肿； Mbouj siengj sim mbouj net          不想心里不踏实， Siengj gouj bet cib cingz             九分心情十分用！ Vunz lienh baz cib ngoenz            人家想妻只十天， Gou ndiep faenz baenz ciuh           我想壮文不变迁； Baz geq yiemz naj reuq               因为妻子会变老， Faenz yied yiuq yied van             壮文越看越新鲜！ Gaeu gaeu cungj benz faex          哪根藤儿不攀树， Maex maex cungj siengj gvan        哪个妻子不想夫？ Buz lawz mbouj siengj lan           哪个奶奶不爱崽， Dandan gou siengj Cuengh          我爱壮文心不孤！ Duzmeuz cix siengj bya             哪个猫儿不想鱼， Duzma cix siengj noh              哪个狗儿把肉忌？ Mbauqndei siengj yahmoq           哪个俊男不想妻， Gou hoj siengj bauq raeuz           我想我报要发痴！ Ndaejnyi soengq bauq daengz        听见送来了报纸， Sim faengz lumj va langh           心花怒放好欢喜； Gou cix buet cix gvangh            连奔带跑去迎接， Lumzlangh gou singq maz          忘了姓名忘自己！ Caengz cawj sien nda daiz          未曾煮饭先摆筷， Sim gip lai gip raeuh              心急好比火烧街； Ngoenzngoenz muengh bauq daeuj   天天渴望日日盼， Noh laeuj mbouj ngah gwn         美味佳肴味不开！ Sam bak haj cib ngoenz            一年三百六十天， Baenzbaenz siengj raen bauq        想看报纸心如煎； Muengh bae youh muengh dauq      盼来盼去不自在， Muengh mbauq mbouj nyaenx in     比妹盼哥更可怜！ Doek hanh dwg vih maz            辛苦流汗为哪门， Ndaem naz muengh sou haeux       种田盼有粮万斤； Gou siengj lai siengj raeuh          我左盼来再右盼，          Vih ndaej gaeuj bauq raeuz          看报就要看壮文！ Daj caeuq mwngz doxraen          自从和你得相见， Baenzbaenz mbouj sij cuengq       不舍放手深情牵； Banjbanj dwg Sawcuengh          壮文排满个个版， Da cix rongh cix hai               双眼发亮乐颠颠！ Daj caeuq mwngz doxndei          自从爱上壮文报， Seizseiz siengj mbouj gaeuq         时时不舍真需要； Haemh ninz caez doxraeuj          晚上睡觉共被窝， Hwnjdaeuj yawj mbouj dingz       白天相处是相好！ Daj caeuq mwngz doxndei          自从和你成相好， Seizseiz mbouj sij ndek          日日夜夜总拿到（着）； Saenqsik daeng cien bek(bak)      信息丰赡容量大， Diuzdiuz lek dangqmaz            篇篇都是漂亮稿！ Daj caeuq mwmgz doxnaek        自从和你交深情， Da laep bienq da hai              瞎子换来亮眼睛； Cihsiz rox lailai                 如饥似渴求知识， Fatcaiz miz monzloh             致富路上见光明！ Daj caeuq mwngz doxndiep        自从和你结相亲， Hagseng het baenz gvai           学生天资添几分； Daengzcog ndaej baenzcaiz        将来成才传捷报， Baengh mwngz lai bujdauj         你的辅导有一因！ Dungx iek cix siengj haeux        肚饿想饭是常理， Hoz hawq couh siengj caz         口干想茶不足奇； Simfanz siengj gijmaz            心情烦恼想什么？ Muengh ra Bauq Sawcuengh       盼壮文报下一期！ ------2002.8.1 Gvangjsih minzcuz bau [此贴子已经被作者于2009-11-22 23:12:43编辑过]

路漫

	docih!saedcaih docih mwngz lai lo!

沙南曼森

	1楼贴出的山歌显示有点乱，试编辑如下： 1 SIENGJMUENGH BAUQ SAWCUENGH Lij  Faz Ngeih cib bi gvaqdaeuj             日子过来二十年， Raeuz sim raeujruprup              心里暖来心里甜； Bauq Sawcuengh dauq fuk            喜庆复刊壮文报， Raeuz cibcuk simhai                万分高兴喜连连！ Diuz loh gvangq youh gyae          一条大路宽又宽， Caeuq vunz caez ganj loh           赶路心情不一般； Vunz cix siengj vamoq              人家欣赏鲜花景， Gou dan rox siengj mwngz           惟独我想壮文版！ Siengj mwngz siengj daengz bingh   想你想到一身病， Ienq mingh gou lailai              怨天怨地怨我命； Siengj mwngz siengj daraiz         想你想到双眼花， Hoz hawq myaiz daeuj ciengx        口水解渴难安宁！ Dawz ien siengj habfeiz            手拿香烟想到火， Dawz ceiz siengj haeuxnah          手拿糍粑想糯禾； Siengj mwngz gvaq siengj yah       想你赛过想老婆， Ndaej doeg gvaq simhai             得读壮文乐呵呵！ Duzmbaj cix siengj va              蝴蝶想花想入迷， Duzbya cix siengj raemx            鱼儿想水想到底； Gou siengj dai siengj laemx        想死想活为哪般？ Ngoenz lienz haemh siengj mwngz    日日夜夜总想你！ Vunz siengj baz siengj nuengx      人家想妻想情人， Gou siengj Cuengh siengj faenz     我想壮家想壮文； Vunz gyaez nuengx ngaemngaem       人家爱妹要发呆， Gou gyaez faenz ndiepndiep         我爱壮文要丢魂！ Muengh lai da rox in               天天盼望眼睛痛， Byaij lai din rox get              天天走路脚发肿； Mbouj siengj sim mbouj net         不想心里不踏实， Siengj gouj bet cib cingz          九分心情十分用！ Vunz lienh baz cib ngoenz          人家想妻只十天， Gou ndiep faenz baenz ciuh         我想壮文不变迁； Baz geq yiemz naj reuq             因为妻子会变老， Faenz yied yiuq yied van           壮文越看越新鲜！ Gaeu gaeu cungj benz faex          哪根藤儿不攀树， Maex maex cungj siengj gvan        哪个妻子不想夫？ Buz lawz mbouj siengj lan          哪个奶奶不爱崽， Dandan gou siengj Cuengh           我爱壮文心不孤！ Duzmeuz cix siengj bya             哪个猫儿不想鱼， Duzma cix siengj noh               哪个狗儿把肉忌？ Mbauqndei siengj yahmoq            哪个俊男不想妻， Gou hoj siengj bauq raeuz          我想我报要发痴！ Ndaejnyi soengq bauq daengz        听见送来了报纸， Sim faengz lumj va langh           心花怒放好欢喜； Gou cix buet cix gvangh            连奔带跑去迎接， Lumzlangh gou singq maz            忘了姓名忘自己！ Caengz cawj sien nda daiz          未曾煮饭先摆筷， Sim gip lai gip raeuh              心急好比火烧街； Ngoenzngoenz muengh bauq daeuj     天天渴望日日盼， Noh laeuj mbouj ngah gwn           美味佳肴味不开！ Sam bak haj cib ngoenz             一年三百六十天， Baenzbaenz siengj raen bauq        想看报纸心如煎； Muengh bae youh muengh dauq        盼来盼去不自在， Muengh mbauq mbouj nyaenx in       比妹盼哥更可怜！ Doek hanh dwg vih maz              辛苦流汗为哪门， Ndaem naz muengh sou haeux         种田盼有粮万斤； Gou siengj lai siengj raeuh        我左盼来再右盼， Vih ndaej gaeuj bauq raeuz         看报就要看壮文！ Daj caeuq mwngz doxraen            自从和你得相见， Baenzbaenz mbouj sij cuengq        不舍放手深情牵； Banjbanj dwg Sawcuengh             壮文排满个个版， Da cix rongh cix hai               双眼发亮乐颠颠！ Daj caeuq mwngz doxndei            自从爱上壮文报， Seizseiz siengj mbouj gaeuq        时时不舍真需要； Haemh ninz caez doxraeuj           晚上睡觉共被窝， Hwnjdaeuj yawj mbouj dingz         白天相处是相好！ Daj caeuq mwngz doxndei            自从和你成相好， Seizseiz mbouj sij ndek            日日夜夜总拿到（着）； Saenqsik daeng cien bek(bak)       信息丰赡容量大， Diuzdiuz lek dangqmaz              篇篇都是漂亮稿！ Daj caeuq mwmgz doxnaek            自从和你交深情， Da laep bienq da hai               瞎子换来亮眼睛； Cihsiz rox lailai                  如饥似渴求知识， Fatcaiz miz monzloh                致富路上见光明！ Daj caeuq mwngz doxndiep           自从和你结相亲， Hagseng het baenz gvai             学生天资添几分； Daengzcog ndaej baenzcaiz          将来成才传捷报， Baengh mwngz lai bujdauj           你的辅导有一因！ Dungx iek cix siengj haeux         肚饿想饭是常理， Hoz hawq couh siengj caz           口干想茶不足奇； Simfanz siengj gijmaz              心情烦恼想什么？ Muengh ra Bauq Sawcuengh           盼壮文报下一期！ ------2002.8.1 Gvangjsih minzcuz bau

weijiaoxian

	路漫 发表于 2013-4-20 21:45 Lwgnyez dwg dujva Cazcaz cungj hai hoengh Lwgnyez gyaez miz moengh Beixnuengx raiz ndaej ndei gou yawj ndaej rox liux

路漫

	Lwgnyez dwg dujva Cazcaz cungj hai hoengh Lwgnyez gyaez miz moengh Seiqseiz cungj dwg cin Lwgnyez dwg vamoq Guekcoj dwg suenva Raeuz miz fuk dangqmaz Gizgiz va cungj ndongq Lwgnyez dwg va’nding Mboujlwnh singz rox mbanj Bouxboux caez guh’angq Simsangj youh vuenyungz Ciet lwgnyez ngoenzneix Doxcaeuq beij eufwen Mwngz angq gou engq vuen Sing fwen rwenz doh rungh

路漫

	Ngoenzneix daengz cingmingz Gizgiz hingq sauqmoh Bouxlawz mbouj miz coj Bouxboux goj niemh caen Gwn biek cix niemh mungz Haeuj ndoeng cix niemh cax Ngoenzneix raeuz ndei gvaq Caez niemh laj niemh gwnz

路漫

	Ngoenzneix raeuz gvaq cieng Hagseng gaenq cuengqgyq Daengx ranz caezcup caj Naj doiq naj byoq feiz Bauq gok gyong hix gok Daengx gyok hoh hai nienz Goengheij angq lienzlienz Fatcaiz cienz daihbaj Bouxlaux souh ndaej gyaeu Hauxseng aeu ndaej fuk Vuengh daemznaz loegcuk Lwgnyez doegsaw ndei

路漫

	Ronghndwen ronghcangcang Go’nyanx youq bakdou Mwngz dem de caeuq gou Gwn gvaq caeuz gangjgoj Doxcomz naengh gyanghongh Dajrongq daeuj guhcaemz Mwngz coenz gou hix coenz Sim faengz vunz cix angq

路漫

	Cajcaj ,gig vaiq couh miz swmj.

gangjdoj

	Dai lo, baenz lai lai,,gou yawj daengz heujvaemh cungj yawj mbouj liux..

路漫

	61.Gvaq Dwngj Gaej Lumz So Ngoenzneix ciet lauxsae Biengz ndei sim cix angq Faex mwn va engq rang Mbwn sang fwj cix moq Lauxsae raeuz ndeiraeuh Bouxboux cungj gingqgyaez Vih hawj lwghag ndei Simgei de yungh caenh Vih son hagseng gvai Deng geijlai causim Ngoenzlwenz gyaeuj lij ndaem Ngoenzneix byoem hausak Lwghag ndaej baenz caiz Sai geijlai hanhraemx Raeuz ciengzseiz geiq maenh Gvaq dwngj gaej lumz so ……----Gvangjsih Minzcuz Bau 1986 9 10

伤疤好咯

	seisaw neix ndei vw!lwg mbouj gyauq dwg boh coq.bouxlaux mbouj ndaej coengzcez lwg lai ,aeu son lwg douhleix guhvunz

路漫

	60.Cungh Lai Fanj Haih Lwg Byawz miz lwg mbouj gyaez Byawz baenz baez mbouj in Daengq bohmeh lajmbwn Ndiep lwg sim gaej hah Haethaemh ung nohbya Buhvaq caenh genj ndei Mbouj hag gvai son leix Gyangq baenz gaeq guenj gyok Doegsaw hag mbouj ndaej Lauxsae daeuj cunz ranz Mbouj son lwg gaij manz Fanj gvaiq lauxsae rwix Daj saeq langhbuengq saj Guenj gijmaz iucing Haidaeuz loek bak cim Daengz hung sim cix yej Cib sam hag caeg gaeq Cib seiq hag guh doj Cib caet bae bokloh Cib bet rox vetranz Ciengx lwg muengh baenz lungz Cungh lai fanj haih lwg Daengz gungh’anh daeuj gaeb Coegdungx ienq mbouj dauq ……Bauq Sawcuengh 1986 3 29

路漫

	55.Siengj…… Miz cienz cawx ndaej saw Cihsiz cawx mbouj ndaej Siengj uk gvai da raeh Roengzsim bae hagsib Miz cienz cawx ndaej gwn Ganjcingz cawx mbouj ndaej Siengj hawj vunz ndiepgyaez Lai bae guh saeh ndei Miz cienz cawx ndaej daenj Fukfaenh mbouj miz gai Siengj gya hwng fatcaiz Riengz dangj byaij cij ndaej

路漫

	56.Caez Caemh Loh Bae Hag Saia muengh coh baihnaj Gijmaz yaepmigmig Dwg ndaundeiq ronghgywg Dwg ronghrib guh haw Mbwk:Mbouj ndaundeiq ronghgywg Mbouj ronghrib guh haw Dwg vunz bae doeg saw Dawz dienhdoengz ronghsag Sai:Banh gijmaz hagdangz Vunz baenzneix angq hag Doeg le ndaej guh hak Roxnaeuz fat faenzsan Mbwk:Uk mwngz gaej hukhak Bak mwngz gaej luenh raeuq Banh ban Sawcuengh raeuz Bouxboux ceng bae hag Sai:Angq rox son Sawcuengh Gou simvuen ndawhoz Naengh nuengx mbouj ndek go Caez caemh loh bae hag Mbwk:Sawcuengh dwg bokfeiz Beij ndaundeiq lij ndongq Beix miz sim bae duengh Raeuz guh song caez byaij ----Bauq Sawcuengh 1986 1 25

路漫

	57.Sam Daih Vunz Buz gou mwh lwgdah(lwgsau) Ciengx vaiz laj dinbya Mbaw ngaeux gang guh liengj Cagfiengz guh saivaq Haethaemh siengj youh genx Hwnzngoenz ndwnj raemxda Hawj vunz dang vaizhoiq Hoj lai yaek diuq dah Meh gou mwh lwgdah Ciengx vaiz youq doenghnaz Liengjbaengz gang liengzsub Ndang daenj buh raizva Doengzdoih caez guh’angq Eu fwen goksasa Neix gou mwh lwgdah Ciengx vaiz henz suenva Liengjnizlungz rox gag haihaep Souhluzgih dwg song lazbah Daenj vunj dwk beizhaiz Gaem saw doeg denda Biengz ndei raeuz cix faengz Simmaengx hwnq seiqvaq ----Bauq Sawcuengh 1985 12 7

路漫

	58.Guh Maz Angq Baenz Haw boh meh cam: Sing riu yaek biengj ranz Guh maz angq baenz haw Yaemj din caeg bae yawj Raen lwg bawx dwk baiz Vunz bae hong goenjoj Doxsaiq guh rwenzcingz Songmwngz mbouj cukcingz Miz simcingz guh’angq Lwg bawx han: Boh meh ndeiriu lai Daraiz yawj loek liux Songdou geq ceijbiuq Sou luenh riuz dwk baiz Gonq gungz ranz seuqsat Simnyap cix dwk baiz Neix guh hong fatcaiz Raen cienz lai cix angq ----Bauq Sawcuengh 1985 10 26

路漫

	59.Danq Lauxsae Liuz Samcej rox fwen Ciengq sam ndwen hix byaiz Lauxsae goenglauz daih Fwen lai danq mbouj liux Laeuj ndei rang doh mbanj Dangz ndei van rim hoz Baengh lauxsae sinhoj Guekcoj ok yinzcaiz Ndit ndongq va cix rang Faex sang mak cix fag Baengh lauxsae sonhag Lwghag dungxcaiz gvai Guekcoj lumj suenva Baihnaj ndongq lumj man Baengh lauxsae doek hanh Ganq va cang seiqvaq Fwnz sauj feiz cix hoengh Namh mboeng faex cix mwn Baengh lauxsae roengzsim Yinzcaiz rim dienyah Fagbit lumj fagcae Mbaw ceij lumj nazdoengh Miux ndei haeux ndaej fung Baengh lauxsae roengz bonj ----Bauq Sawcuengh 1985 9 7

路漫

	53.Sim Raeujrub Lij Faz Raen it hauh vwnzgen* Seyenz angqlinlin Lumj daengngoenz seizcin Hawj sim vunz raeujrub Daengngoenz raeuj gwnz ndang Vah dangj raeuj ndawsim Ndit raeuj va cix nding Sim raeuj vunz cix angq Vwnzgen dwg dangdap Ronghsag ciuq ndaej gyae Lajmbanj daj neix bae Lumj max ndaej dem fwed Vwnzgen dwg vagim Hai rim dieg lajmbanj Gizgiz bauq cih “fanh” Ranzranz saiq fatcaiz Dangj caeuq minz doengzsim Miz gaen dangj caemh yamq Netsim haenqrengz ganq(guh) Fan it fan caeux daengz *It hauh vwnzgen couh dwg Cunghgung Cunghyangh bineix it hauh vwnzgen

路漫

	52.Raeuz simvuen cix ciengq ----Hoh Gozging Raeuz simvuen cix angq Reuz simlangh cix fwen Gozging sing go rwenz Raeuz simvuen cix ciengq Sam cib haj hopbi Daengx guek gizgiz hoengh(mwncup) Swva dwg miuz coek Lumj rangzndoek maj sang Dangj vix raeuz cauh fuk Gwndaenj cug ngoenz sang Gaen maenh dangjcunghyangh Raeuz sim’angq baenaj ----Bauq Sawcungh 1984.10.1