FAN GEIZ MBOUJ ROX LAEMX NDEU
Gou rox raeuz miz mbangj beixnuengx hemq naeuz yaek hwnjfap henhoh Sawcuengh,hoeng gou ndi rox aen hozdung “Fanh Vunz Raizcoh Aeu Laeb Fap Sawcuengh”youq geij bi gonq gaenq miz beixnuengx fathwnj gvaq,seiz boux fathwnj ndeu Cinz Vaizswngh goenggeq gvaqseiq liux gou het ndaej rox gaiq saenq neix,gou satdoengh lai,liux cix sim in……
Gaxgonq,gou ndi roxnaj Goengcinz,hix ndi rox coh de,saeh de,seiz gou youq Dieggangj Biengz Bouxraeuz raen beixnuengx gwnzmuengx gangj daengz gij saeh de haenx,gou cix naemj dingh aeu bae soengqsoengq Goengcinz,yienznaeuz gou caeuq de caengz doxraen mbaet ndeu nauq.Hoeng,gou gamjdaengz dou song boux doxnem lai,lumj caemh ranz ndeu hauhde doxnem.
……
Geiq ndaej ngoenzde, gou dwk dienhvah hawj Beixliuj,naeuz: “Mwngz dauq Namzningz bae ranzcai lwi? Gou ngoenzcog bae soengq Goengcinz.”Beixliuj naeuz: “Ndei,beixnuengx Bouxmanz gaenq fat saenqdinj hawj gou gvaq,raeuz ngoenzcog guhdoih bae.”
Beixliuj dem Goengcinz doxraen mbaet naj ndeu gvaq,de lwnh gou nyi Goengzcinz ndaej 50 geij bi het gag hag Sawcuengh,hag rox liux cix fat ok haujlai faenzcieng gvendaengz Vahcuengh Sawcuengh,de lij youq bi 2002 caeuq geij lauxgoenggeq doiqroengz haenx guhdoih fathwnj gij hozdung “Fanh Vunz Raizcoh Aeu Laeb Fap Sawcuengh”.Gou ndi rox dwg aenvih gijmaz,Goengzcinz daengz geq liux lij roengzrengz bae hag Sawcuengh,vih vah saw Bouxcuengh raeuz naemj hwnj naemj roengz,gwn youq ndi soeng,lij vih ceng’aeu gij gienzleih habfap vah saw minzcuz swhgeij buenq hwnj buenq roengz……Gou gamjdaengz Goengzcinz miz cungj rengz hawj vunz ginqcungh ndeu youq gwnz ndang de.
Seizneix,ndaw uk gou miz aen ciengzgingj ndeu fouz hwnj daeuj: Miz lauxgoenggeq bwngyaeuj hausaksak caetcib lai bi ndeu gwed fan geiz ndeu youq gyang rumzhaenq roengzrengz byaij bae’naj,de hemq ndaej hoz cungj hep lo,fan geiz ndaw fwngz de yaek laemx gvaq,hoeng baihlaeng de ngamq miz geij lauxgoenggeq riengzlaeng,vunzlai doih ne youq baihhenz gyoengqde ndi ning ndi doengh,gangj sam gangj seiq,yaengx fwngz neix yaengx fwngz de,youq henz ngangqngozngoz,riurere,lij miz mbangj vunz aj bak vet……Lauxgoeng neix cungj ndi guenj,ga ndi daengx,byaij hwnjbae,hoeng geq lai,lauxgoeng neix gen’ga saeuj gvaq,fan geiz de hix youq gyang rumz mbin bae mbin dauq menhmenh bae’naj……
Ngeix daengz neix,dungx gou cix miz cungj cingzseiliengz ndeu goenj hwnjdaeuj……
Dai gvaq dai gvaq!
Gyoengqcoz minzcuz raeuz ne? Nanzdauh doiq Cingzgvangq vahmeh swhgeij di ndeu hix ndi rox? Nanzdauh doiq vahmeh swhgeij di gamjcingz ndeu hix ndi miz? Vizmaz gyoengqcoz raeuz ndi bae hen ndei gij faenzvaq minzcuz raeuz,cij hawj lauxgoenggeq ndeu bae singsang hemq ne?
Goengzcinz bae gvaq. De dai hix ndi laepda ha,de dawz gij ngoenz mingh doeklaeng de ce hawj minzcuz swhgeij,ce hawj gij hongsaeh vah saw minzcuz. De dwg“vunz geq sim mbouj geq”, ndaej vunzlai haenh ak ha. Hoeng saehsaed dwg de geq dahraix, gijneix guhlawz ndi dwg cungj seiliengz ndeu ne? Goengcinz ha, miz sim hoeng ndi miz rengz ho……
Gou ngeixnaeuz langh Goengcinz lij coz seizde cix hag rox Sawcuengh nei,youq lij coz seizde cix doiq gienzleih vah saw minzcuz miz naemj miz ngeix,hauhde cingzgvangq cix baenz hauhlawz ne? Langh raeuz miz lailai bouxcoz bae yawjnaek bae gyaezmaij faenzvaq raeuz,cingzgvangq youh dwg hauhlawz ne?
……
Gou gag ngeix gag fiz. Hoeng,cungj fiz neix dinj lai,yaepyet cix gvaqbae lo. Gou soh dauq daengz aen seiqgyaiq fwt nit fwt ndat neix: Vunzlai Bouxcuengh raeuz yawjsiuj vah saw minzcuz raeuz,vit vah saw minzcuz raeuz,doiq cingzgvangq vah saw minzcuz raeuz yaek dai neix,gyoengqde cang guh ndi raen,gyoengqde maz gvaq,gyoengqde ninz gvaq……Gyoengqde ra gak cungj gak yiengh leixyouz ma hawj swhgeij gej ok gij coih ndi guensaeh haenx,gyoengqde langhcuengq swhgeij,gyoengqde riengz rumz luenh mbin,gyoengqde youq gyang vunzlai mbinmbangq louzlangh dauq ra ndi doiq roen,gyoengqde gaenq lumz gvaq goekrag swhgeij!
Dai gvaq dai gvaq!
Dai gvaq dai gvaq!
Dai gvaq dai gvaq!
Goengcinz bae gvaq,fan geiz de lij youq.Hoeng lij miz vunz daeuj ciep dawz lwi? Lij miz vunz lwi?
一面永远飘扬的旗帜
我知道我们一些族人在呼吁着要立法保护壮文，但我不知道“壮文立法万人签名”活动在几年前已经有贝侬发起了，当这个活动的发起人之一覃怀升老先生与世长辞后我才得到这个消息，我很震惊，接着就是悲痛。。。
在这之前，我不认识覃怀升老先生，也不知道他的名字，更不知道他的事迹，当我在壮族在线的论坛上看到网友对他的介绍以及追悼会的信息后，我就决定去给覃老送行，虽然我和他素未谋面，但是，我却感到我们很亲近，如一家人般的亲近。
我打电话给刘哥，说：“你回南宁参加追悼会吗？我明天会去给覃老送行。”刘哥说：“好，卜蛮贝侬已经发信息告诉我了，我们明天一起去。”
刘哥与覃老有过一面之缘，覃老是52岁才自学的壮文，学会后就马上发表了一系列关于壮语壮文的文章，并在02年和其他几个退休的老先生发起了壮文立法万人签名活动。我不知道是什么原因促使覃老已到古稀之年本应该无忧无虑、安心养老时还挺着一把老骨头去学习自己民族的文字、为自己民族语言文字的现状忧心积虑、茶饭不思，并为争取自己民族语言文字的合法权利而奔走疾呼，但我可以感受到覃老骨子里透出来的不屈不挠的骨气。
此时，我的脑海浮现出这么一个场景：一个七旬老翁举着一支旗在朔朔寒风中艰难行走，他深嘶力竭的呐喊，他手中的旗摇摇欲坠，他身后只零零星星的跟着几个老人，更多的人是在旁边无动于衷，在评头论足，在指手画脚，在观望，在讥笑，甚至还谩骂，攻击。。。老人全然不顾，依然前行，可无奈年事已高，老人手脚发抖，那一面旗也在风中摇曳着缓缓前行。。。
想到这，我胸中便有一股悲情涌然而升。。。
呜呼哀哉！
我们民族的青壮年呢？难道对自己的母语的艰难处境毫无察觉？难道对自己的母语已经毫无感情了？为什么我们这些青年不去担当这个捍卫民族文化的重任，而让一位已至古稀之年的老人嘶哑着嗓子振臂疾呼？
覃老走了，怀着遗憾到了天国，他把生命的最后时光留给了自己的民族，留给了民族语言文化事业，“老骥伏枥”让人钦佩，可这又何尝不是一种悲哀和无奈呢？虽然“志在千里”，但是年事已高，心有余而力不足啊！
我在想如果覃老在青壮年的时候就学会了壮文，在青壮年时对民族语言文化合法权利的捍卫态度，就有了他老年时的那份坚定和执着，那么情况又将会是什么样呢？而如果我们更多的族人在青壮年的时候就有了关注、爱护我们频临灭绝的语言文化的意识，那么情况又将是什么样呢？
。。。。。。
我在美好的设想中感到欣慰和自我陶醉，只是，这种欣慰和陶醉只是短暂的，白驹过隙，一闪而过，我立刻回到了冷酷的现实：我们更多的族人在漠视自己民族的语言文化，在抛弃自己民族的语言文化，面对自己民族语言文化频临灭绝的处境，他们视而不见，他们麻木了，他们沉睡了。。。他们在寻找各种各样的借口来为自己的不负责任而开脱罪责，他们放纵自己，他们随波逐流，他们已经在茫茫人海中失去信仰和方向，他们已堕落得忘记了自己的根！
呜呼哀哉！
呜呼哀哉！
呜呼哀哉！
覃老走了，那面旗帜还在，可还有人来接住这面旗帜吗？还有人吗？
附录：一：覃怀生简介：覃怀升，男，壮族，1930年2月出生于广西河池市金城江区东江镇龙友村崇蒙屯。中共党员。副研究馆员。结业于广西档案干部进修班。任职于南宁市档案局。主要贡献：参加工作以来，撰写论文有《关于壮文档案工作的几个问题》、《科技档案必须按专业实行统一管理》、《五圩人如何学好壮文》等，分别在广西少数民族语文学会年会、广西档案学会年会上宣读及印发。合著有150万字《中共南宁市组织史资料》、52万字《中国覃氏通书》、47万字《中共南宁市历次代表大会简介》、32万字《崇蒙人》等书；译文《中华人民共和国档案法》（全文汉译壮）。还多次在《广西民族报》发表文章，在广西大学、电大等学校讲授档案专业课程。文书、保密、档案、编辑工作50年。1999年获南宁市“老有所为”先进个人称号。2009年8月14日上午7时10分在南宁因病医治无效而逝世。享年80岁。
二：壮族在线专贴： 《纪念壮文义务推行员——覃怀升老师》，网址：http://www.rauz.net.cn/bbs/dispbbs_24_34888_1.html
[此贴子已经被作者于2009-10-27 9:20:44编辑过]
发表于 2009-10-26 11:14:00
QQ空间
腾讯微博
腾讯朋友
微信
转播
淘帖
分享
收藏
支持
反对
发表于 2009-10-28 14:00:00
