《麽经布洛陀》第六章《祈寿、赎魂、扶持、护佑经》

天地浪人

	<Mo Bouxroxdoh>cangh roek <Mo Souh geuj yo goemq> 《麽经布洛陀》第六章《祈寿、赎魂、扶持、护佑经》  Daihroek mo souh 祈寿经 Naeuz mwngz boux congznaengh,Naeuz mwngz baeuq daengqdoengz,Dap yiengh hoiq naeuz caez,Dap vae hoiq naeuz doh,geij loh geij naeuz liux,Yienghmaz souh hawj souh gaiq lwg,Yienghlawz genq hawj genq gaiq lwg,genq baenz loiz giengiengz,Souh baenz ciengz haklaj,saeu giengiengz haem namh rox nduk,ciengz haklaj caeg dwk rox doemq,Maix de doemq dauq cuk,nduk dauq haeuj diuz moq gaiq lwg,Souh baenz baed sambauj,yied laux naj yied maeq,Hawj lwg souh yienghneix,Souh baenz rinhaexroeg,rox doek ndi rox mbinq,Souh baenz inq seiqfueng,guenj biengz ndi rox vaih,Souh baenz bya baenz lingq,Souh baenz raemx mboq sang,Gvangq baenz doengh nazyienh,Lienz baenz gofaexngux,Rox raek ndi rox daux,rox laux ndi rox dai,Hawj lwg souh doh ciuz,Souh baenz raemx ndonj congh,Rongh baenz ndwen cibroek,Souh baenz roeggvenghgveiq,Souh baenz giq ciengzloux,Souh baenz youx guenyem,Souh cib langz gouj daih,Souh baenz cesammx,,Fah baenz ceh saihuz,Souh baenz boroekmiuh,Ciuh doq daih deng ndoi,hawj lwg souh yienghneix,Souh baenz baed sambauj,Souh baenz duzcienggun,Souh baenz deih bouxvuengz,Sou baenz ciengz bouxhak,Hawj lwg souh yiengh neix,Souh baenz ciengzbouxhak,Hawj lwg souh yiengh neix,Souh baenz song yiengh ndoi,Souh baenz doiq saeceij,Hawj lwg souh yienghneix,,Souh baenz bya baenz lingq,Souh baenz raemx haeuj dah,Souh baenz baq baenz ndoi,baenz goengndoi ciuqgonq,Souh gazlaeg souh ndwi,Souh miz dahmehmbwk,souh miz lwg bouxsai,Souh miz lwg youq gyang,Souh miz langh youq gvangq,Souh miz gwn miz goemq,Souh miz lwg youq byaij,Souh miz bawx youq ranz,Souh miz max miz vaiz,Hawj lwg souh doh ciuh,Hawj lwg souh yienghneix,Yiengh souh hoiq naeuz liux,Yiengh geuj hoiq ciuq naeuz.  Daih caet moq geuj赎魂经 Mdauq lwnh coenzlaeng,Ma dauq daengz langh geuj,Im roegguet geuj cienz,ngoenz geuj cangz song cangz,vunz gai ndang guh hoiq,Im roegvenz geuj haeux,ngoenz geuj cangz song cangz,Daengz giz coh gwn caengh,Naengh lawz ciengz geuj lawz,cib ngoenz geuj cib sak,bak ngoenz geuj bak cangz,Maenzcienz geuj ndaej doh,roen laux geuj vunz byaij,Hawj lwg geuj yienghneix,Dah haij geuj ruzcaz,Duza geuj bit gaeq,Hawj lwg geuj yienghneix,Daemz saeq geuj bya lai,Cwzvaiz geuj aennek,Roegfek geuj aengyoengz,Lingz gaeng geuj makvanj,Fagcax geuj aen heng,Hawj lwg geuj yienghneix,Geuj baenz eng geuj meh,Saugeq geuj mbauqndwi,Duzrwi geuj vamak,Geuj baenz sak bet geu,Roegsiqseuz geuj yiuh,Geuj doh ciuh doh bi,aengi geuj haeux maq,Sok dah geuj vunz lai,Hawj lwg geuj yienghneix,Ranzcawz geuj maxlag,Hab geuj haeux bae naz,Maeg geuj sa bouxdauh,singqgauq geuj bouxmo,So geuj nazdabraih,Geuj baenz gofaetmax,Geuj baenz gohajyuengz,Geuj baenz lwg riengz meh,lwg iq geuj meh vaiz,Hawj lwg geuj yienghneix,seiq nyied geuj bid laez,geuj baenz cae haeuj namh,Geuj baenz hanq aeuboux,Geuj baenz youx doxroeb,Geuj baenz goep seiq nyied,Haklaj geuj congzsaw,Hawj lwg geuj yienghneix,lazba geuj yienghiq,ndaundeiq geuj aenndwen,Yienghdaeg geuj yiengzcoh,Boh geuj meh dauq ranz,Geuj baenz gvangbaz moq,Geuj baenz doq haeuj rongz,Geuj baenz fueng haeuj doenj,Geuj baenz bya roengz leih,Geuj baenz doiq yaemyieng,Ndwencieng geuj sau mbauq,lwg bae doengh geuj bya,lwg bae naz geuj haeux,guhbuenq geuj ngaenzcienz,Yangj fwx youq ranz fwx,Geuj daeuj hawj raeuz dawz,hoiq fwx youq ranz fwx,Geuj ranz raeuz guh saeh,Laj riengh roengz vaizfaen vaizhanh,Gwnz ranz seng lwgsau lwgmbauq,Yiengh souh hoiq naeuz liux,Yiengh geuj hoiq naeuz doh,Geij loh geij naeuz liux.      Daihbet rangh mo yo扶持经 Mo dauq bauq coenz laeng,Mo dauq daengz rangh moq,Loh lawz yo hawj yo gaiq lwg,Gahaij yo gani,Mwngz yo lwg yienghneix,Daengxgiz yo sujsaeq,Mwngz yoq lwg yienghneix,Seiq saeu loek yo loek yienghlawz,Mwngz yo lwg yienghneix,Roek saeu leih yo leih,Seiq ga congz yo congz,Song ga daengq yo daengq,Mwngz yo lwg yienghneix,Seiq saeu yiuj yo yiuj,song giuj haiz yo haiz,Song sai mad yo mad,Fajdoenj yo fajlae,Gae ranz yo lajriengzh,Dongh benz yo dongh saj,Maxdaeglaux yo an,Mwngz yo lwg yienghneix,mehranz yo maxranz,hoiq naeuz loh yo liux,Hoiq naeuz loh geuj caez,Mo dauq lwnh doeklaeng,Mo dauq daengz rangh moq.  Daihgouj rangh mo goemq护佑经 Yienghlawz ywz hawj ywz gaiq lwg,Gizlawz goenq hawj goenq gaiq lwg,Ronghdaij goemq ronghmungz,Go faexrungz goemq cwx,Mbenq fwj goemq daengngoenz,Mwngz goemq lwg yienghneix,Fadou goemq fadangq,Fwed mbangq goemq fwed vauz,Sau duet gunz goemq mbauq,Aencauq goemq aengiengz,Aengyaep goemq aenbuengz,Congzgunz goemq congzbuh,Gwnzmbwn goemq lajdeih,Mwngz goemq lwg yienghneix,Fwx san lag humx naz,baeuq san lag humx naz,Fwx san fa daenz gaeq,Baeuq san fa daenz gaeq,Guk ndi daeuj dawz ma ranz neix,A ndi daeuj dawz bitgaeq ranz neix,Saeq ndi aeu ngaenzcienz ranz neix,,bauj suj buh baenz ndei,Bauj lwg mwngz baenz baeuq,Daengx giz yo suj saeq,Mwngz yo lwg yienghneix,Bauj ciuhlaeng hawj maj,Bauj ciuhnaj hawj ceh,bauj lwg noix baenz gwn,Bauj lwg mwngz doh ciuh,Bauj doh ciuz doh bi,Hawj laeg miz cainanh. [此贴子已经被作者于2009-10-19 18:53:06编辑过]

莫名

	可以汉译一下吗？我讲壮话，但不识壮文。谢谢

伤疤好咯

	请问是哪里的方言,我不大看得懂.

maniachhz

	还人真人演练，不错，呵呵

天地浪人

	应该是桂西北吧！我都能看懂，是90年出版的。 [此贴子已经被作者于2009-10-19 19:05:49编辑过]

毛毛虫

度莫

勒布巴哈

	我们的民族魂!!!!!!!!

贝侬班

	很珍贵的资料

土人香草

	有这么年轻的麽公呀?不错不错!

天地浪人

	图片忘了说明了，是某人在南宁时给某武鸣贝侬讲解壮族的圣经---《布洛陀经诗》（我认为翻译做《麽经布洛陀》更好）。 [此贴子已经被作者于2009-10-20 17:49:10编辑过]