妈的，AAAAAAyingj 的壮文错的很多，帮你改改！
Bi 2007 couh yaek gvaq bae , Bi 2008 couh yaek daeuj daengz . Youq seiz neix ,gou aeu Sawcuengh yiengq daengx gih gyoengq vunzcuengh raeuz gopfwngz guh baiq : Bi Moq ndeindei swnhswnh ! ndangdaej gyiencangq ,fatcaiz vuenhaej , singjsaenz angqyangx !
Bi 2007 vunzcuengh raeuz youq cwngci ,ginghsi ,vwnzva, gak fuengmienh guh ndaej bae radrad miz cingzcik bi ndaej lailai ndeu !
Youq cwngci fuengmienh :
1 ,youq ceng aeu minzcuz gag guenj genzlig fuengmienh ndaej miz di cingzcik , Loeg Bing ndaej gamj yungh cujciz genz lig bae vih bonj minz cuz hongsaeh caeuq vwnzvaq guh saehcingz ,yienz naeuz guh luxlax di lo ,hoeng gij neix lij suenq naeuz dwg miz di cinbu ,aeu rox , youq geij bi gonq , Vunzcuengh ganbu raeuz cungj dwg gig lau nyinh gangj bonj faenh dwg vunzcuengh , hauj lai ganbu cungj gig lau bae camgya bae guh hong saeh mizcuz , bi neix gvaq daeuj , cungjsuenq naeuz minzcuz gag guenj genzlig ceng ndaej gag gaem guenj ndaej di ndeu lo ! Youq aen siq soujfuj Namzningz , Maj Miuh gaem guenj namz ningz ,cungjsuenq ndaej hawj diegcuengh vunzcuengh ceng aeu ndaej di naj , hong , youq diegcuengh , gag Loeg Bing caeuq Maj Biuh geij boux Vunzcuengh ganbu ndaej camgya gaem guenj Diegcuengh Gvangjsih raeuz , yawj hwnj daeuj ,caen dwg gig danbueg lailai , Loeg Bing caeuq Maj Biuh wnggai miz genz lig lai rag geij boux Vunzcuengh ganbu weiz youq henz ndang , yiengh neix cij ndaej dem gyiengz dem ak minzcuz gag guenj genz lig , sawj diegcuengh lingjdauj guh gezswz seiz ,ndaej yiengq coh Vunzcuengh raeuz haemq lai ! 2 : Youq ceng aeu vwnzvaq yawj ngawz fuengmienh , Vunzcuengh raeuz caemh rox doiq boux aeu sawgun luenh sij vunzcuengh coj goeng Boux Roxdoh cungj saehcingz neix daez ok fanj duiq , gij neix caemh dwg vunzcuengh hangh cinbu ndeu ! hoeng ,aen vih mbouj miz aen giengzdaih vunzcuengh cujciz ndeu bae guh ceng , yauqgoj mbouj lijsiengj ! Boux aeu Sawgun luenh sij luenh gangj cojcuengh raeuz mbouj danh mbouj ngaiz caehcoih ,bonj saw haenx dauqfanj gai bae ndaej engq lai ! 3 : Vunzcuengh youq gag cujciz hai fat bonj faenh dangjbaiq fueng mienh lij mbouj miz vunz gamj guh !
Youq ginghsiq fuengmienh :
1 : Aen hoih Doengmwngz youq diegcuengh Namzningz ciuhai , ndaej hawj diegcuengh siqcangz lai hwngvuengh hauj lai , diegcuengh siqcangz gai cawx lai , doxgaiq youq gai baij lai , diegcuengh caeuq Doengmwngz cib guek doxgaiq caeuq vunzgyoengq dox gyau louz lai , couh ndaej hawj diegcuengh lai fouq lai miz cienz ! Hoeng youq diegcuengh vunzcuengh gag caux canhcienz sanjbinj lij loq noix ,cungj dwg vaih swngj doxgaiq daeuj diegcuengh canh ndaej cienz lai ! Diegcuengh cij dwg yaeb ndaej di loenq namh ! 2 : Diegcuengh dox gaiq hwnj gyaq gig maenh , gij gwn doxgaiq bengz vangh , daegbied dwg noh mou , gij neix hawj diegcuengh vunzcuengh boux mbouj miz souhaeuj haenx daiq daeuj gig daih nanhhoj , vunzcuengh boux gungz gwndaenj bienq engq gungz , hoeng dox gaiq gij gwn bengz ,doengz seiz caemh ndaej hawj diegcuengh vunzcuengh miz gih veiq , lai ciengx mou ciengx geiq ,lai guh gij gwn cungj dwg miz fatcaiz gihvei !
Youq vwnzvaq fueng mienh :
1 Sawcuengh vwnzvaq caemh miz cinbu , Sawcuengh siujcoz caemh miz vunz sij ,sawcuengh faenzciengh caemh miz vunz sij ,Vahcuengh densi caemh miz vunz guh , Vahcuengh go fwen caemh miz vunz cauxsij miz vunz bae ciengq , yienz naeuz mbouj lai geij lai , hoeng cungj dwg suenq naeuz did ok di ngaz lo ! 2 : Vahcuengh gvangjboq densi lij dwg gig iq , lij mbouj miz vunz bae vih vunzcuengh minzcuz vwnzva doeklaeng daengx seiqgaiq ,daengx guek lailai cungj hongsaeh neix bae guh hemq hat ,bae guh ceng guh gangqdingx ,lij dwg youzcaih vunzgun leih yungh sawgun vwnzvaq daeuj dungjciq aen minzcuz raeuz , guh ngawz aen minzcuz raeuz , lij youz caih vunzgun leih yungh vunzgun vwnz vaq ma ciengj aeu gij swhyenz raeuz ,ciengj aeu gij caiz fouq raeuz ,ciengj ciemq gij dieg raeuz , ciengj guh lingjdauj gyoengq vunzcuengh raeuz ,vunzcuengh raeuz youq diegcuengh lij mbouj miz swyouz ,soj miz hangz nieb cungj dwg vunzgun leih yungh vunz gun vwnz vaq gungjci , vunzcuengh yaek guh hangz lawz ,nieb lawz lij dwg ngaiz vunzgun hamh caeh ! Mbouj lwnh ndaw singz laj mbanj , Vunzcuengh hong saeh cungj lij dwg ngaiz vunzgun gam yawj caeuq gam guenj , vunzcuengh guh mbouj hab ngamj sawgun vwnzvaq , couh doq ngaiz siu med , rox naeuz aen gya ngaiz souh nanh souh cai haih !
Youq dijyuz fueng mienh :
Aen minzcuz raeuz cienz bouh ngaiz vunzgun hangz guh seuqsat , vunzgun hangz ciemq aeu aenz minzcuz raeuz gij cam gya mingzfenh bae cam gya gak hangh daengqx seiqgaiq ,daengxguek gak hangh moeg bijsaiq , Vunzcuengh mbouj ndaej miz gihvei gag laeb hangh gag son gyauq gij lwg ngyez raeuz hawj gyoengq de bae camgya gak hangh dijyuz bijsai ! lumj Dwk geizveiz ,cungjdwg vunzgun lingx diegcuengh cienz ngaenz bae daibiuj diegcuengh vunzcuengh bae lingx cienz bae camgya bijsai ,cungj dwg vunzgun ciengj ciemq Vunzcuengh mingzfenh bae cam gya gak hangh bijsai !
Youq diegcuengh gak hangznieb : Vunzgun dox gaep leih yungh vunzgun vwnzvaq dued ciengj vunzcuengh vanj haeux gij saeh yak neix dwg gig lai ! Lumj , Gvangjbo Denqsi boux boq yaem ,gyoengq vunz gun ciengz seiz gungdwk vunzcuengh gangj vahgun mbouj cinj , gyoengq de yiengh neix gangj couh dwg mbouj siengj hawj vunzcuengh guh vahgun boux boqyaem ! yiengh leih neix couh dwg aen leih ceiq denjhingz ndeu ! Youq diegcuengh ,Vunzgun leih yungh gyoengq de gag son ok gyoengq miz sang vwnzbingz gyoengq vunz haenx daeuj diegcuengh hangz ciemq gak hangz gak nieb lingjdauj aen vih caeuq gak danhvei gak hong aen vih ,gijneix caemh dwg hangh saeh yak gig denjhingz ndeu !
Lij miz hauj lai vah yaek gangj ,hoeng ,bi moq daeuj daengz lo , sien youq neix muengh vunzcuengh raeuz youq bi moq gakq hangz gakq yieb guh ndaej mbefat bae radrad , muegh vunzcuengh raeuz youq bi moq engq fouqak engq maenhleih !
AAAAAAAyingj
Bi 2008 ndwen 1 ngoenz 1
发表于 2008-1-1 00:09:00
QQ空间
腾讯微博
腾讯朋友
微信
转播
淘帖
分享
收藏
支持
反对
发表于 2008-1-1 20:23:00
发表于 2008-1-1 00:12:00
