王任光之歌（自学壮文阅读材料）

路漫

	王任光之歌（自学壮文阅读材料） 这是用拼音壮文正式发表的第一部叙事长篇壮语山歌，现加上“汉字壮读”和“汉意直译”作为网友自学壮文学堂的“课文”。 该作品发表于《三月三》（壮文版）2001年第4期（广西首届壮族歌师歌手壮文培训班纪念建党80周年作品专辑）。发表时加了《编者按》，照录如下： 【编者按】1999年6月30日，中共广西壮族自治区委员会作出《关于追授王任光同志模范共产党员、优秀党支部书记荣誉称号并开展向王任光同志学习活动的决定》。王任光同志是都安瑶族自治县大兴乡骨龙村党支部书记、村民委员会主任兼民兵营教导员。1999年1月2 日在带领群众劈山修路，执行危险地段爆破任务时，不幸坠下50多米深的悬崖以身殉职，为党和人民的事业献出了宝贵的生命。 王任光同志1958年3 月出生于一个壮族农民家庭，1990年3月加入中国共产党，历任村支书、村党支部书记、村民委员会主任等职，先后被群众推选为都安瑶族自治县第八、第九、第十、第十一届人大代表，三次被大兴乡党委评为优秀共产党员。1993年8月，他主动放弃到山外经营一家工厂的机会，挑起龙骨村党支部书记的担子，并立志做一名合格的党支部书记。多年来，他努力学习邓小平理论，组织带领全村群众，认真贯彻党在农村的路线、方针、政策，为早日改变龙骨村贫穷面貌，废寝忘食，倾注了全部心血。他认真实践全心全意为人民服务的宗旨，充分发挥党员、干部的表率作用，在修建家庭水柜、劈山修路中，既当指挥员，又当战斗员，既做爆破手，又当凿岩工，哪里最困难，哪里最危险，他就出现在哪里。为了工作，他无法顾及瘫痪的母亲体弱多病的妻子。在他的带领下，全村劈山凿岩修通了5条村级公路；建起了家庭水柜329个，解决了全村428户人、畜饮水难问题；架设15公里的高、低压输电线，户户用上了电灯；为了解决村中心小学危房问题，他与学校教师一起走村串户，先后集资4.1万元，建起了两幢540平方米的教学楼。他的家庭并不富裕，但对公益事业却慷慨捐助。几年来，为了修公路、建水柜、建学校、架设输电线路和支持贫困户，王任光同志省吃俭用并向亲戚借债，共捐助15400元人民币。王 任光同志还热心帮助邻里乡亲，为他们排忧解难，群众都称赞他是“我们的好支书”。为纪念中国共产党成立80周年，本刊特邀李从式同志根据《广西日报》有关王任光同志的系列报道和广西人民出版社出版的《王任光的故事》，编写此长诗。 CINGZ  MWNGZ  NAEK  GVAQ  BYA 情儚靹卦岜     深情重于山 _______Fwen   Danq   Vangz   Yin'gvangh  ——喚叹王任光      ——歌唱王任光            [it]   MWNGZ  BAE  MBOUJ  RAEN   MA                  DOU  RAEMXDA   DAEJ  CAENH                 儚呸踎腀麻      此去痛无回                 侸淋咑渧尽      悲泪雨纷飞 Gijmaz  haij  nyaenx  laeg       叽嘛海荵勒         什么海这样深 Gijmaz  naek  baenz  bya        叽嘛靹捹岜         什么重如同山 Mwngz  bae  mbouj  raen  ma      儚呸踎腀麻         你去不见回 Dou  raemxda  daej  caenh        侸淋咑渧尽         我们眼泪哭尽了                                                                               Daej  mwngz  coenz  daih'it      渧儚誫第一          哭你第一言           Raemxda  ndik  faenfaen          淋咑坔纷纷          眼泪滴纷纷 Mwngz  vih  dou  caux  roen      儚为侸造踚          你为我们修路 Mbouj  raen  mwngz  ndaej  byaij 踎腀儚礼挀          不见你得走啊                                                                     Daej  mwngz  coenz  daihngeih    渧儚誫第二          哭你第二言 Diendeih  laep  caencaen         大地黸阵阵          大地黑沉沉 Mwngz  cuengq  bauq  caux  roen  儚奘炮造踚          你爆破修路 Bauq  caem  mwngz  mbouj  dauq   炮沉儚踎辺          炮声停你不返回                                                                     Daej  mwngz  coenz  daihsam      渧儚誫第三         哭你第三言 Dahvan  daej  soxsox             �j弯渧唆唆          弯河悲切切地哭 Vih  dou  ndaej  duet  hoj       为侸礼脱苦          为我们得到脱贫 Mwngz  caux  loh  mbouj  ma      儚造路踎麻          你修路不见回还                                                                     Daej  mwngz coenz  daihseiq      渧儚誫第四          哭你第四言       Ndaundeiq  yaep  linlin          脳脮曀粼粼          星星频频闪耀 Vih  dou  ndaej  duet  binz      为侸礼脱贫         为了我们得到脱贫 Mwngz  caux  roen  vutmingh      儚造踚扤命          你因修路牺牲了                                                                               Daej  mwngz  coenz  daihhaj      渧儚誫第吓          哭你第五言         Gangj  vah  mbouj baenz  coenz   讲话踎捹誫          说话说不成句 Mwngz  daj  iq  gietsim          儚打吚决心           你从小就有决心 Vih  cungqvunz  caux  fuk        为众倱造福          为群众造福 Daej  mwngz  coenz  daihroek     渧儚誫第坴            哭你第六言 Vunz  huk  bienq  vunz  ndei     倱嚄变倱婑            愚人变成好人 Vih  hagseng  lauxsae            为学生老师            为了学生和老师  Mwngz  simgei  yungh  caenh    儚心机用尽            你呕心沥血 Daej  mwngz  coenz  daihcaet     渧儚誫第七           哭你第七言 Dou  sim  ndaet  youh  in       侸心埿又瘖          我们的心好好悲痛 Mwngz  mbaet  yungh  mbaet  gwn 儚嘧用嘧哏          你省食俭用 Gien  ok  ngaenz  fanh  haj     捐噁银万吓          捐出钱万五 Daej  mwngz  coenz  daihbet      渧儚誫第八          哭你第八言 Sim  get  lumj  mid  camz       心癤啉劘刬          心痛如刀割 Mwngz  vih raeuz  lwglan        儚为偻勒岚           你为了我们子孙万代 Ndek  ranz  mbouj  ndaej  goq    铥兰踎礼顾          丢下家庭不得照顾 Daej  mwngz  coenz  daihgouj    渧儚誫第九            哭你第九言 Caem  laeuj  rwed  din  bya     斟溇洜蹾岜            斟酒浇山脚  Mwngz  bang  dou  daihgya      儚帮侸大家             你帮助我们大家 Gaemz  caz  mbouj  sij  ndoet    咁茶踎舍氼            一口茶也不肯喝 Daej  mwngz  coenz  daihcib      渧儚誫第十            哭你第十言 Ronghrib  caez  diemj  daeng     朖咅斗点灯            萤火虫来点灯 Riep fong  geij  cib  caengz     猟紡几十层            蚊帐缝补几十层 Mwngz  gwn  haemz  gvaq  hoj    儚哏詪卦苦            你吃苦好艰辛 Gijmaz  haij  nyaenx  laeg       叽嘛海荵勒            什么海这样深 Gijmaz  naek  baenz  bya         叽嘛靹捹岜            什么重如同山 Cunz  doh  daengx  dienyah       巡趓墱天下            找遍整个天下 Nanz  ra  mwngz nyaenx  soh      难罖儚荵愬            难找你这样忠实的人                      （待续）

Stoneman

	Daxlungz mwngz dwgrengz lai lo!

路漫

	[bet] MWNGZ LIX YOUQ SIM VUNZ 永驻人心中 MWNGZ CUENGQSIM NDEI BYAIJ 放心身后事 Haethaenx mbwn caengz rongh 那天早上天还没有亮 Bakcauq bongh hoenz feiz 灶房烟火冲上天 Yah cawj ngaizromh ndei 妻子煮好了早餐 Mwngz gwn bae cuengq bauq 你吃了出去放炮 --------------------------------- Hai ndaej roek aen congh 开了六个炮眼 Dawz yinz cuengq cingjcaez 把引线安放整齐 Yienghyiengh cungj bwh ndei 每一样都准备好了 Caj diemj feiz coux yiengj 再点火就会爆炸 ------------------------------- Niemh gvaq aenaen bauq 检验过一个个炮眼 Daengq bouxlaux sien deuz 交代老人先撤退 Sou din fwngz haemq niu 你们动作比较缓慢 Mwngz boux ndeu daeuj cit 我一个人来点火就成了 --------------------------------- Youh daengq gyoengq hauxseng 又交代众后生 Sou gaej ceng cit bauq 你们不要争着来点火 Hong ndaek sou lai gauj 重活你们多干一些 Vaiq di dauqbae ranz 快点回家去吧 ---------------------------------- Seizneix ngamq cuengqhag 这时正好是放学时间 Yah cawj byaek gaenq ndei 妻子煮饭菜已经好了 Lwgda muengh gizgyae 眼睛望着远处 Yawj mwngz bae cit bauq 看着你去点火 ---------------------------------- Bauq yinx ngamq cit sat 炮的引线刚刚点着 Laj din dat baez soeng 脚下的岩石突然松动 Bauq fwt yiengj “bunglung” 炮忽然爆炸“轰隆”响 Mwngz doek roengz laj dat 你跌落下岩石去 ----------------------------------- Rin bya laebdaeb doek 山石继续地跌落 Dawz mwngz mboek dinbya 把你埋在山脚下 Lwg raen daejnganga 你的儿子见了哭啼啼 Baz nyi mbei cix lek 你的妻子听见了肝胆尽裂 ------------------------------------ Daegdingz sien buet daengz 特停首先跑到 Dawz mwngz gud okdaeuj 急忙把你挖出来 Lwed dumz ndang dumz gyaeuj 全身都是血淋淋的 Heuh gaenq mbouj rox han 呼叫你已经不知回应 -------------------------------------- Gyoengzvunz sim luenh loek 众人的心全都乱了 Raemxda doek yaiyai 眼泪纷纷地落下 Langh ndaej lawh mwngz dai 如果能够替代你去死 Haujlai vunz cungj nyienh 很多人都有这种心愿 ------------------------------------ Mbouj gamj saenq mwngz dai 不敢相信你会死 Cungj lai muengh mwngz dauq 都盼望你能够回来 Mboujlwnh coz rox laux 不管年轻人或是老年人 Sauhsauh bae ra yw 一批批地出去找药材 ------------------------------------ Gwnz ndoi miz vunz hemq 山上有人呼叫 Laj gemh miz vunz han 山坳下有人应 Bak heuh singsing sang 呼叫声一阵阵地高涨 Muengh canghyw vaiq daeuj 希望医生快点来到 ----------------------------------- Canghyw ganj daeuj yawj 医生赶着来看 Cawqcawq giemjcaz caez 每一处都检查清楚 De fwt daej maezgae 他突然哭着昏迷过去 Mwngz yawz bae nyaenx vaiq 你怎么走得这么快 ---------------------------------- Yah mwngz daejnganga 你的妻子哭啼啼 Sing hap bya hap rungh 声音在山里面不断回应 Bouxboux dungx yaek byongq 每一个人肝胆欲裂 Daengxgyoengq daejfaenfaen 大家都跟着纷纷地哭 ---------------------------------- Daej mwngz mbwn yaek loemq 哭你天将要塌下 Daej mwngz goenq saihoz 哭你喉咙都要断了 Mboujlwnh laux rox coz 不论老年人或是年轻人 Raemxda lu baenz dah 眼泪流得成一条河 ---------------------------------- Haemhneix laepnyibnyib 今晚上黑乎乎的 Ronghrib yaeplinlin 萤火虫一闪一闪的 Haj cib sam gyok vunz 五十三个村屯的人 Comz daeuj raen mbat sat 都聚来见你最后一面 --------------------------------- Miz song boux goeng geq 有两个老大爷 Saemxsex daengz lingzdangz 蹒跚着来到灵堂前 Raemxda rwed dumz ndang 眼泪淋湿了全身 Geq gangj geijlai goj 诉说了很多很多故事 ------------------------------------ Lungz Faenz fwngz swix caed 文伯左手残疾 Ndaw ranz saed hoj nanz 家里实在是困难 Mwngz hawj ngaenz daengz ranz 你把钱送到家里 Caez anbaiz swnghcanj 共同安排好生产 ----------------------------------- Neix lungz Faenz duet hoj 现在文伯脱贫了 Lohloh cungj bienq ndei 每一样都变好了 Siengj bauqdap mwngz baez 想报答你一回 Mwngz cix bae nyaenx vaiq 你怎样走得这样快 ------------------------------------ Ngoenzhaenx lwg Auvwnz 那天闻叔的儿子 Raemj fwnz deng ga raek 砍柴火被砍脚断了 Mbouj cienz yw najsaep 没钱医治正愁眉苦脸 Daengx ranz gip dangqmaz 全家人都急火火的 ----------------------------------- Mwngz rox cix simgaek 你知道了就心急心焦 Sikhaek bang ciq cienz 立刻帮忙去筹借钱 Lwgnyez ndei ok yen 现在孩子治好了已经出院 Mwngz cix sien bae gvaq 你却先走了一步 ----------------------------------- Comz daeuj bak lai vunz 汇聚来一百多人 Caez doxlwnz daeuj baiq 轮流共同来祭拜 Goj mwngz geq mbouj saix 你的故事数也数不完 Raemxda raix faenfaen 眼泪纷纷流下 ----------------------------------- Bouxboux gangj doengz coenz 个个讲的共同一句话 Bouxboux sim dox caemh 人人的心都是相同 Lai buenx mwngz it haemh 多陪你一个晚上啊 Lai doxcaemh gangj coenz 多共同讲一个故事 ----------------------------------- Daenggingh ronghmyabmyab 灯光闪闪的亮 Yienglab hoenzngeungeu 香蜡烟火袅袅 Lai buenx mwngz haemh ndeu 多陪你一个晚上啊 Muengh mwngz ndiu doxdauq 盼望你能够醒回来 ---------------------------------- Yah ndiep mwngz simndei 妻子爱你的善良 Yah gyaez mwngz simsoh 妻子爱你的忠实 Cihciz mwngz caux loh 支持你修路 Caiq hoj hix simgam 再苦也心甘 ----------------------------------- Gouh haiz daenj geij bi 一双鞋子穿上几年 Vaih ndaej ndi baenz yiengh 破坏得不像样子 Ngoenzneix mwngz bae mbiengj 今日你到另一个世界 Yied siengj yied sim’in 越想心里越痛 ---------------------------------- Lwg mwngz hung daengz neix 你的儿子长了这么大 Caengz ndaej geij faen ngaenz 从来没有得到几分钱 Vih caux roenz caeux baenz 为了早一点把路修成 Mwngz gien ngaenz fanh haj 你自己捐款一万五啊 ---------------------------------- Mwngz gaenq dapwngq gvaq 你曾经应允过 Daengj caj roen caux ndei 等到把路修好了 Mwngz cix daiq meh bae 你就把老妈带去 Yawj saek bae ndang bingh 看一次身体的病 ---------------------------------- Gangj byaij mwngz couh byaij 说走你就走 Ndek gou daiq siliengz 丢下我太凄凉 Raemxda doeklienlein 眼泪涟涟地落下 Yah youq biengz fouz baengh 妻子在人间无依无靠 ----------------------------------- Mwngz gaenq daengq gvaq gou 你曾经嘱咐过我 Caj loh raeuz guh sat 等到把路修完了 Mwngz cix yiet saek mbat 你就休息一次 Ndei ma gag buenx gou 好好地回来陪我 ----------------------------------- Gangj bae mwngz couh bae 讲走你就走 Mbouj miz coenz daeuj hauq 没有一句交代的话 Ndek lwg nyaeq meh laux 丢下年小的儿子年老的妈 Heuh yah gauq bouxlawz 叫妻子依靠哪一个 ----------------------------------- Bi sam bak haj ngoenz 一年三百五十天 Mwngz baenzbaenz mbouj hoengq 你就是没有空 Raen mwngz byom baenz gungq 看见你像虾子一样瘦 Daengxgyoengq cungj sim’in 众人都很心痛 ------------------------------------ Boux neix gaj gaeq caj 这个杀鸡等着你 Boux de daj laeuj caem 那个打酒等你斟 Siengj cingj mwngz daeuj caemz 想请你来玩一次 Caez gwn gaemz laeuj ndat 一起来吃一口热酒 ------------------------------------ Mwngz doi naeuz hong byungq 你推托说工作太忙 Ndaej hoengq caiq daeuj caem 有了空闲再来斟 Lienz caz mbouj gwn gaemz 连茶也不喝一口 Cix bae yaem caemrwg 就静静地走进阴间 ------------------------------------- Ngoenzneix ndaej duet hoj 如今得到脱贫 Gwn noh mbouj rox van 吃上肉也不觉味 Mwngz biek biengz vih mbanj 你离世为了我们村 Mwngz biek ranz vih cungq 你离家为了众人 ------------------------------------- Haet neix mbwn ngamq rongh 今天早上天刚刚放亮 Honghhongh langh bakdou 每一条巷子大开门口 Lwgnyez caenh dingq naeuz 孩子都很听话 Bouxhung couz okcaeq 大人筹备着出殡 -------------------------------------- Gonq miz vunz dai sieng 以前如果有人死在伤 Seiq ndwen yieng mbouj lab 四个月不烧香蜡 Ranzranz dawz dou sap 家家都把大门闩上 Naeuz baex yak baex cai 说是避邪避灾 ------------------------------------- Mwngz yienznaeuz dai sieng 你虽然也是死在伤 Hoenz yieng daemx dingjranz 香的烟火冲到屋顶 Mwngz vih minz vutndang 你为了人民牺牲 Baenz fangz raeuz engq gingq 成了鬼更得到我们尊敬 ------------------------------------ Hai dou daeuj soengq mwngz 开门来送你 Diemj daeng daeuj rongh loh 点亮灯来照路 Raemxda lumj raemxmboq 眼泪涌如泉水 Raix laeuj doh mwngz bae 斟酒把你度去 ----------------------------------- Yah lwg gvih henz faex 妻子儿子跪在棺边 Rox daej mwngz geijlai 不知道哭你几多 Beixnuengx cix caez nai 兄弟们一起来安慰 Vunz dai nanz ndaej dauq 人死了难得回来 ----------------------------------- Yawj yieng honzngeungeu 看着香火袅袅 Yah heuh mwngz ndei bae 妻子哭喊着你好走 Beixnuengx baenzneix ndei 兄弟们如此好 Ndaw ranz meiz gou goq 家里有我来照顾 ----------------------------------- Soengq mwngz gvaq dinbya 送你走过山脚下 Mbouj cap va mbouj hauh 没有插花没有鸣号 Sing daej rwenz gvaq bauq 哭声响亮过鞭炮 Caez daiq hauq hawj mwngz 共同为你来带孝 ----------------------------------- Soengq mwngz gvaq henz reih 送你走过畲地边 Sing daej hap gyaegyae 哭声回响得老远老远 Vunz soengq faex raezraez 送丧的人们排得长长的队 Miz gizgyae gizgyawj 有远处来的也有近处的 ----------------------------------- Soengq mwngz gvaq henz dat 送你走过岩石边 Din naeknak naekran 双脚都沉沉重重 Heuh mwngz mbouj raen han 呼叫你不听见应 Nam mwngz mbouj raen singj 呢喃你不看见醒 ----------------------------------- Mwngz lix guh lailai 你活着的时候做得太多太多 Mwngz dai fwngz byouqbyangq 你死后双手空荡荡的 Mwngz doiq ndaej hwnj dangj 你对得起了党 Mwngz mangx ndaej vunz gyaez 你的事迹得到人民的敬重 ---------------------------------- Mwngz caiq yawj dou baez 你再看我们一次吧 Mwngz caiq naeq dou mbat 你再见我们一次吧 Dienhdaeng ronghsaksak 电灯亮晶晶的 Roen gvangqgvak gvangqgum 马路宽宽阔阔的 ----------------------------------- Gijneix cungj mwngz caux 这些都是你修造的 Gijneix gauq mwngz baenz 这些都靠你才做得成 Mwngz lix youq sim vunz 你活在人们心里 Mwngz cuengqsim ndei byaij 你放心好走 （sat） （完）

路漫

	(4) Rox Gohyoz Simdingh 懂得科学心神定 Cuengq bauq mwngz daih’it 炸山你在先 Bauq ngoemx lwt ceiq lai 排除哑炮算你最多 Miz yiemj cungj mwngz baiz 有危险总是你来排 Vut cih dai gvaq mbiengj 把死字丢过一旁 --------------------------------- Baez he mbwn yaek laep 又一次天将黑 Yiengj caet bauq cix caem 响了七炮就沉闷了 Saeq geq lix lw aen 细算还是剩一个 Deq nanz caen mbouj yiengj 等久了真的不响 --------------------------------- Da yawj mbwn yaek ndaem 眼看天要黑了 Lij caemrwg mbouj bumh 还是沉闷不“嘭” Haengjdingh dwg bauq ngoemx 肯定是哑炮了 Daegdingz caemh bae cawz 特庭也一起去排除 ---------------------------------- Bae yaek daengz henz bauq 去将到炮口旁边 Diuz yinz dauq dawz feiz 引子反而燃起来了 Mwngz da raeh singjgae 你眼睛利有警惕性 Lienzseiz hemq vaiq ndoj 连忙叫喊快避开 ----------------------------------- Ngamq ndoj gvaq laj dat 刚刚躲过岩石下 Bauq cix fat yiengj “gung” 炮就突然响“轰” Meh rin lumj daiz hung 一块大石头如桌子一样 “Byala” cung roengzdaeuj “叭啦”就冲下来 ------------------------------------ Yungyiemj lai ho mingh 危险多呀命 Rin gingh gvaq gwnz ndang 石头滚过身上 Langh mbouj ndoj ndaej ngam 如果不躲避得合适 Cix raen fangz bae liux 就见鬼去了 ----------------------------------- Daegdingz iet linx naeuz 特庭吐着舌头说 Raeuz fuk hung mingh daih 我们福大命大 Mwngz naeuz mbouj ndaej yaij 你说不是的呀 Gaej laih mingh cauxbaenz 别以为命所造成 --------------------------------- Mbat saeh neix gvaqlaeng 这次事情过后 Mwngz nyinhcaen caz giemj 你认真检查 Rin honz cug cawq diemj 石头松动逐处点验 Mbouj louz yiemj saek giz 不给留有哪怕一次险情 ------------------------------- Ndaek rin he lumj daiz 一块石头像一张桌子 Dimz youq byai dingj dat 压在岩石顶上 Yaek lak cix mbouj lak 要说塌又不见塌 Mbak cix mbak mbouj ning 撬也撬不动 -------------------------------- Daegdingz naeuz yaek haemh 特庭说将要天黑了 Fanjcingq daemh mbouj lon 反正搞不松 Haetcog caiq daeuj ngonz 明天早上再来看吧 Honz di mbouj ngaih saeh 松动一点点不碍事的 -------------------------------- Moeb ngwz aeu moeb dai 打蛇要打死 Mbouj ndei ngaiz gvaq haemh 不好挨过夜 Langh ndi geuh rin laemx 如果不把石头撬倒 Sim ndaemq nanz baenz ninz 心中有事难睡得好 ------------------------------- Mwngz dawz fag gangciem 你拿着一杆钢钎 Baenq gien lwnzfan geuh 绕着那块石头不停地撬 Sawqmwh rin baez diuq 突然石头一跳 Faenx cix geuj daemx mbwn 灰尘一下子冲上天 ---------------------------------- Daegdingz ndwn bangx rik 特庭站在一边 Hwk dwk conh hanhheu 吓得出了一身冷汗 Gangciem deng dimz neuz 钢钎被压变形了 Cix euj baenz cikgak 当场弯成角尺一样 --------------------------------- Mwngz damzdingz cix naeuz 你安定地说 Guh maz aeu cingsingj 做什么都要清醒 Yungh gohyoz ndaej cingq 用科学用得正当 Sim cix dingh mbouj vueng 心就定不会发慌 -------------------------------- Dieg bauq youq bangx bya 炮口就在山旁上 Dauqcawq gyaz oen ndaet 到处刺蓬密密麻麻 Baihnaj dwg rij laeg 前面是深谷 Baihlaeng daeb dat sang 后面挡着高高的崖 ------------------------------- Youq gizneix cit bauq 在这里开炮眼 Roen doxdauq mbouj miz 回头的路都没有 Dieb din nanz ra giz 脚踩的地方也难寻呀 Congh bauq liz youh gaenh 炮口离得又近 -------------------------------- Mwngz ra giz dieg gumz 你找到一处凹处 Baihgwnz gyaq faexcuk 上面架着竹子 Vuet nya cw nanwt 割来杂草遮得厚厚一层 Guh gutgungq ndoj ndang 当着躬着身体躲险 -------------------------------- Bauq yiengj rin lumj fwn 炮一响碎石像雨一般 Doek youq gwnz “byabya” 落在上面“霹雳叭啦” Ndoj laj onj dangqmaz 躲在下面非常安全 Lienz faenx sa mbouj loenq 连灰尘砂子都不见 -------------------------------- Mwngz lwnh Daegdingz dingq 你告诉特庭知道 Neix danzsingq laizyouz 这就是弹性的理由 Ndaw vuzlij miz naeuz 物理里面有说 Cingj sou lai hag yungh 请你们多多学用 -------------------------------- Seizneix yaek duet hoj 如今将要脱贫 Aeu lai rox cihsiz 要多学知识 Hag rox di yungh di 学一点用一点 Couh vaiqvi baenzfouq 就能快点致富

路漫

	(3) Ngoenz Gvangh Cien Seiq Leix 日奔一千四百里 Caux roen guh cingq hoengh 修路正搞得轰轰烈烈 Hai mbouj doengh gihgi 可机器开不动了 Nguh ngoenz cix nguh bi 误一天就是误一年呀 Ciengeiz ndi ndaej yiet 千万不能停下来啊 -------------------------------------- Haet haenx mbwn caengz rongh 那天早上天还没有亮 Mwngz cix bongh okdou 你就飞奔出门 Lumh laep byaij roennou 摸黑走上羊肠小道 Ganj bae aeu lingzgienh 赶急出去要零件 ------------------------------------- Ganj daengz Ginhcwngzgyangh 赶到金城江 Dungx iekyangq iek lai 已经是饥肠辘辘了 Mwngz cix youq dang gai 你就地在大街上 Gwn ngaiz yangz guh donq 吃着玉米饭当餐了 -------------------------------------- Ngaiz yangz ndongj youh han 玉米饭又硬又干 Mwngz gwj gyan roengz dungx 你艰难地吞下肚子 Lingzgienh caj gip yungh 零件等着要急用啊 Mbouj hoengq yiet yaep seiz 没容得休息哪怕一个眨眼 -------------------------------------- Bam gvaq diemq youh diemq 问过一店又一店 Youh cienq gai dem gai 又转过一条街又一条街 Lingzgienh mbouj miz gai 零件没有卖呀 Mwngz gip lai gip raeuh 你心急得无法形容 -------------------------------------- Vunz naeuz Liujcouh miz 有人说柳州有卖的 Mwngz dap ci youh ganj 你马上搭车又赶去 Bae daengz Liujcouh camh 去到了柳州站 Dangngoenz hamj roengz bya 太阳已经要下山了 --------------------------------------- Cawx ndaej lingzgienh ma 终于买到了零件 Mbwn laeplaq laepcumh 天色已经黑得五指不见 Mwngz mbouj sij doz haemh 你舍不得住一晚旅社 Youh lumh bae dap ci 又摸黑出去搭车 ---------------------------------------- Caux roen caj lingzgienh 修路等着要用零件 Mwngz mbouj nyienh nguh hong 你实在不愿为此而误工 Aeu daengq naengh guh congz 坐在座位上就当床铺吧 Caiq song ngoenz deng iek 连连两天挨饿受饥 ---------------------------------------- Mwngz ganj ma daengz ranz 你到底赶回到家了 Gaeq haen sam haen seiq 公鸡已经叫过三遍四遍 Aen dungx gaenq ciengqheiq 肚子已经在唱戏了 Saiq geij gaemz ngaiz lw 急忙扒了几口剩饭 ---------------------------------------- Mbouj goq ninz saek seiz 顾不得睡上一下子 Youh bae coih congih 就出去修理钻机 Yah raen cix youhiq 你妻子见了就很担心 Mbouj siengj lix rox yawz 说你不想活了还是怎样的 ---------------------------------------- Mwngz cix riu gej naeuz 你笑着解释说 Cingq caj aeu gih yungh 正在等着用机器哩 Vih mbouj nguh daengxcungq 为了不耽误全局 Ganj caeux loengh gih ndei 赶着早点修好机器呀 -------------------------------------- Ngoenz he dap song haemh 一天加上两个晚上 Mwngz boenq cien seiq leix 你奔波了一千四百里 Vih cungqvunz banh saeh 为众人办好事情 Vut cihgeij bonjndang 牺牲了自身的利益

Haeuxseng

	好长啊，以后慢慢看，可惜我懂的壮语很少，新年回家再多向我daxmeh学学，我一面卖haeuxceh一面跟人说壮话！！！

路漫

	(2) Mwngz Geijlai Aek Gvangq 你的胸怀多么宽大 Daengx cunh haj diuz roen 整个村子五条路 Sien guh roen Runghmeij 首先修的是硦美的 Gyok mwngz ndi haengjheiq 你的那个屯不高兴了 Ndaq mwngz gyaeq doek fwz 责骂你是跌落在野地的鸡蛋 ------------------------------------------- Mwngz deng ndaq mbouj huj 你挨骂并不生气 Caengz guh cix naemj daengz 路还没修事先就考虑过了 Gyangfwngz goj dwg naeng 掌心也是皮呀 Laeng fwngz caemh dwg noh 掌背同样是肉啊 -------------------------------------------- Runghmeij roen ndei hai 硦美的路很容易修 Guh baenz lai yungzheih 很快就可以修好的 Vaiq baenz vaiq miz leih 修的快获利也就快 Engq sou ndaej cingzyau 更加容易收到成效 -------------------------------------------- Runghmeij roen guh baenz 硦美的路修好了 Ci hai daengz bak riengh 车可以开到畜栏的门口 Yinh ndaej lai youh riengj 运输装得多又快当 Gizgiz ciengj caux roen 处处于是抢着修路 -------------------------------------------- Hai diuz roen daih’ngeih 修筑到第二条路 Youh seih baiz lingh giz 又是安排到别处 Gyoengq vunz ndaq mwngz nyi 人们的责骂声你听到了 Mwngz ndi dwg gyok neix 说你不是这屯里的人 -------------------------------------------- Diuz ngeih baiz Bya’gyap 第二条安排到岜甲 Dieg yak gvaq gak giz 地形都比各地都差 Baihgwnz in gyoengqde 上级同情到他们 Cix bued miz conhgvanj 特定拨了专款 -------------------------------------------- Miz conhgvanj ndi yungh 有了专款不用 Ndek hoengq cix gvaq ndwi 丢下不用就落空了 Rungh lawz rungh mbouj ndoi 那座硦没有山呀 Ndoi lawz ndoi nyienh ndoq 那座山又愿意光秃秃呢 -------------------------------------------- Roen Bya’gyap guh ndaej 硦甲的路修好了 Gyok mwngz leix caemyam 你们的屯还是静悄悄的 Mwngz deng ndaq baez sam 你第三次又挨骂了 Naeuz mwngz bamz dahraix 说你真的愚蠢到家了 -------------------------------------------- Hai daengz roen Runghhangz 修筑到硦行的路 Neix bya sang dieg lingq 这里是高山峻岭 Guh baenz aeu buekmingh 要修好路一定要搏命 Hawj lingh giz guh mbei 这样能给别处做胆量 --------------------------------------------- Yien vaiz sien yien ndaeng 牵牛就是要牵牛鼻 San saeng sien san nduq 织网就是要先织网芯 Hong lawz hoj sien guh 哪件工作艰苦先做那件 Ndaej gujvuj daengx buenz 这样能够鼓舞全局 --------------------------------------------- Seiq diuz roen baenz gvaq 四条路全都修好了 Diuz daihhaj cij hai 第五条才计划修起来 Gyok mwngz ceiq doek byai 你那个屯安排到最最后 Mwngz geijlai aek gvangq 你的胸怀是多么宽大呀

路漫

	[caet]Cawz Yiemj Mwngz Caen Rox Yienghyiengh Goq Ndaej Daengz 排险现真功　全局在心中 (1) Hai Roen Vunz Simsangj　　　　修路人们兴高采烈 Caiq gangj daengz caux roen　　　　　再说到修路的事 Goj mwngz caen lai raeuh　　　　　　你的故事真是很多很多 Geq hix geq mbouj gaeuq　　　　　　　数也数不完不了 Gangj hwnjdaeuj mbouj yienz　　　　　说起来没法说完 ----------------------------------------------- Bihaenx ngamq hai hong　　　　　　　那年刚刚开工 Vunz cuengz ra saedceij　　　　　　　　人们商量找日子 Caux roen dwg daihsaeh　　　　　　　修路是一件大事 Yaek ndaej ra ngoenzndei　　　　　　　是应该要选吉日 ----------------------------------------------- Mwngz dingqnyi cix naeuz　　　　　　　你听见了就说 Gaej bae you gijneix　　　　　　　　　不要去操心这些 Roen doeng ndaej bienhleih　　　　　　　路修通了得到便利 Seih gitleih duh raeuz　　　　　　　　　就是我们的吉利 ----------------------------------------------- Gonq ciengz ra ngoenzndei　　　　　　　以前常常选吉日 Dauq seizseiz souh hoj　　　　　　　　　反而常常受苦 Aenvih mbouj caux loh　　　　　　　　　因为没有修路 Ngoenzngoenz goj gwn haemz　　　　　　天天老是吃苦头 ----------------------------------------------- Raeuz aeu saenq gohyoz　　　　　　　　我们要相信科学 Bouxcoz engq byaij gonq　　　　　　　　青年人更要带头 Vah gangj cix aeu suenq　　　　　　　　说了话就要算数 Vah duenq cix guh daengz　　　　　　　约定的话就要做到 ----------------------------------------------- Gangjvah aeu bak ndongj　　　　　　　　说话就要说硬话 Lumj haem dongh haem saeu　　　　　　犹如埋下木桩柱头 Vih lwgminz couzmouz　　　　　　　　　为人民谋利益 Gangj le aeu saedyienh　　　　　　　　　说了就要实现 ----------------------------------------------- Bauq yiengj singsing rem 烧起鞭炮声声响亮 Beij gvaq cieng lij angq　　　　　　　　　仿佛过春节那样高兴 Hai roen vunz simsangj　　　　　　　　　修路人们兴高采烈 Ciz gangj ngoenzneix ndei　　　　　　　　就说今天就是吉日

路漫

	(5) Naek vunz gvaq cihgeij 深爱别人胜过自己 bihaenx cieng co’ngeih 那年正月初二 Angq goengheij baiqnienz 庆贺恭喜拜年 Mwngz daengx ranz caezcienz 你们全家聚一起 Doxriengz bae laeng daiq 相随着去外婆家 ----------------------------------------- Sawqmwh miz vunz hemq 突然听到有人呼叫 Feizhaenq remj ranz Buen 潘家挨大火烧了 Mwngz buet okbae ngonz 你跑出去看望 Gyoengqvunz comz daeuj ndaep 人们聚来灭火 ------------------------------------------ Lungz Buen daejnganga 潘伯大声在哭喊 Yiengh maz dawz mbouj ok 一样东西都拿不出来啊 Engq sawj vunz simdot 更加让人痛心的是 Mehlaux dog youq ndaw 老母一个人还在里面呢 ----------------------------------------- Mwngz nyi cix caemq din 你听见了就跳起来 Heuh sing riengz gou daeuj 叫一声都跟我来 Sikhaek couh ngaem gyaeuj 连忙勾下头来 Soh cung haeuj ndaw feiz 直冲进大火里去 ---------------------------------------- Feizmbaw coemhhuhu 火焰呼呼地燃烧着 Hoenz laepmu laeplaq 浓烟黑压压的一片 Feiz coemh buh coemh vaq 火烧着衣服裤子 Mwngz cung gvaq ranzding 你冲进了厅堂 ---------------------------------------- Dik deng maz unqnam 踢到了什么软绵绵的 Mwngz muengz ram hwnjdaeuj 你急忙抬了起来 Gwed okrog baez gaeuj 扛出外面一看 Cix dwg ngouq mou dai 却是一只死猪 ----------------------------------------- Mwngz mbouj gib diemheiq 你来不及吸一口气 Cienq ndang laeh haeuj feiz 转身又奔火里去 Lumh dauq youh lumj bae 摸索着这里那里 Miz ndaek raez gwnz mbonq 感觉有一个长东西在床铺上 ------------------------------------------- Mboujguenj mbaeu rox naek 不管它有多少轻重 Umj ndaek saez couh ok 抱起这长东西就跑出来 Dawz daeuj daengz baihrog 拿出屋子外面 Laxlawz fod denzmienz 却原来是一床棉被 ------------------------------------------- Cung haeuj feiz baez sam 你第三次冲进火里 Mwngz sing sang hemq vah 高呼着喊叫着 Youq gyawz le mehbaj 伯母你在哪里呀 Youq gyawz ha meh Buen 潘妈妈你在何处 ----------------------------------------------- Bakcauq youq laeng ranz 厨房在屋子的背后 Miz sing han gyangznaek 有呻吟的声音在回应 Gyaenx fwnz haz rim ndaet 那里柴火茅草堆得满满的 Feiz baez cit couh dai 火一烧就完蛋了 ---------------------------------------------- Mwngz gipmuengz yat bae 你急忙跳跃过去 Seizneix feiz cingq haenq 这时候火势正很猛烈 Dingj ranz fwt deng daenh 屋顶突然震动一下 Vengzdiuz loenq roengzma 衍条跟着纷纷塌下来 ---------------------------------------------- Mwngz deng laengz youq ndaw 你被阻拦在屋子里 Vaz dawz daengq bae dongj 你抓起一张板凳就撞去 Moeb cueng vaih aen congh 打烂窗户开出一个洞口 Cijndaej bongh gvaqbae 终于冲闯了出来 ----------------------------------------------- Hemq singsing mehbaj 一声声呼喊着伯母 Mbouj nyi vah daeuj han 可听不到回应的声音 Hoenz oenq feiz youh gyamz 浓烟熏着火焰舔着 De gaenq yan muenhluenh 她已经惊慌得昏迷过去 -------------------------------------------- Mwngz aemq hwnj mehbaj 你背起伯母 Gvangh gvaq hoenz gvaq feiz 在浓烟里火焰里奔跑 Ngamq cung ok ranz seiz 刚刚冲出屋子的时候 Bakcauq feiz fwt lag 厨房突然燃起了大火 ------------------------------------------- Yiemj lai ho mehbaj 多么危险呀伯母 Ca di gvaq baenz fangz 差一点点就成了鬼 Mwngz unqrieg daengx ndang 你浑身都软绵绵了 Cix dangciengz laemx hoemj 当场就跌倒在地 ------------------------------------------- Bwnda coemh ndoqndat 眉毛被烧得光秃秃的 Ndang hwnj bop yaengyaeng 满身是水泡密密麻麻 Buh rengq lumj fan saeng 衣裤被烧得像鱼网一般 Mwngz da ndaeng mij liux 你满面被熏得黑不溜秋 ------------------------------------------ Yah lwg mwngz simyou 你的老婆孩子心忧忡忡 Mwngz riu naeuz mbouj ngaih 你笑着说不碍事的 Raeuz couh bae laeng daiq 我们这就去外婆家 Aeu baiqnienz hawj da 外公等着我们拜年哩 ------------------------------------------ Yah mwngz riu mbouj ndaej 你的老婆想笑笑不成 Lwg mwngz daej mbouj baenz 你的儿子想哭哭不出 Yiengh mwngz lumj mauhnyinz 你这个样子像个茅草鬼似的 Yawz bae raen da daiq 怎么能去面见外公外婆 ------------------------------------------ Ranz Buen coemh seuqset 潘家已经被烧得干干净净 Daejiekiek daengx ranz 全家人哭得凄凄惨惨 Mbouj haeux gwn guh can 没有一粒米来填肚子呀 Saed nanz gvaq saedceij 这日子是在难过啊 ------------------------------------------ Mwngz sikhaek daeuj nai 你立刻走过来安慰 Gaej fanz lai ha beix 不要这么烦恼啊兄弟 Cingj sou gaejbah daej 请你们千万别哭呀 Daihgya ndaej doxbang 我们大家都会来帮助的 ------------------------------------------ Mwngz daiqdaeuz gien ngaenz 你头一个带头捐款 Bouxboux gaen daeuj coengh 一个个都来捐助 Haeux buh caeuq ngaenz yungh 粮食衣服还有要用的钱 Yienghyiengh cungj gien miz 每一件东西都捐有 ------------------------------------------ Gwndaenj cengqndengj gvaq 生活勉强能度过了 Caiqlix caj guh ranz 再有就是等着建房 Noix ngaenz yienghyiengh nanz 缺少资金做什么都难 Simfanz mbouj diegyouq 没有地方住下让人心烦 ------------------------------------------ Ranz Buen mbouj ranz youq 潘家没有房子住 Mwngz aeuqheiq yaenyaen 你一直闷闷不乐 Dawz song cien haj maenz 你拿出二千五百元 Soengq daengz fwngz bae hawj 把钱递到潘伯的手里 ------------------------------------------ Ranz mwngz mbouj soengyungz 你的家境也不宽松呀 Neix lungz Buen cungj rox 这些潘伯都了解的 Maenzmaenz gien guh loh 家里每一块钱都捐出修路了 Gyawz daeuj fox lai ngaenz 怎么有这多的钱呢 ------------------------------------------- Mwngz cix hai bak naeuz 你就开口说出 Sien ciq aeu caencik 先向亲戚借来用吧 Camh dawz daeuj gaij gip 暂时拿来救救急 Seizlawz rup caiq boiz 哪个时候有钱了再还吧 ------------------------------------------- Lungz Buen mbouj hawj coux 潘伯不愿接过钱 Mwngz cix saeux de bamz 你就批评他怎样这么蠢 Dangjyenz bang gej nanz 我们党员帮你解决困难 Dwg wngdang dou guh 这是我们应该做到的 -------------------------------------------- Vunz nanh mwngz cix you 别人受难你就担忧 Vunz simyou mwngz heiq 别人心烦你就忧愁 Naek vunz gvaq cihgeij 深爱别人胜过你自己 Byawz beij ndaej mwngz caen 有谁比得上你这么亲切 -------------------------------------------- Dwg vunzcungq vunzcaen 你是人们的亲人 Dwg aenvunz beksingq 你是百姓的恩人 Bouxlawz boux mbouj gingq 有哪个人不敬重你呀 Caencingq ndaej vunz gyaez 你真真正正受人深爱

路漫

	(1) Mwngz Mbouj Goq Cihgeij 你顾不了自己 Ngoenz haenx cingq banngaiz 那天正是中午时候 Dingzlai vunz gaenq yiet 多数人已经休息了 Gyaeuj mbanj hemq sing sek 村头叫喊声很紧急 Swenj hozrep gouqvunz 喊哑了快快救人 --------------------------------------- Gyoengq vunz buet bae raen 众人跑出去看见 Gyaenx miz aen congh lak 那里有一个洞口倒塌了 Bak congh dimz rindat 洞口压着大石块 Ndawde gab miz vunz 里面压着人哪 ------------------------------------------ Gou nyaengqnyat geuh rin 我忙着撬开石块 De nyaengqnyin vat namh 他忙着挖开泥土 Muengz mbouj goq uet hanh 忙得顾不了擦汗 Bak congh ngamq bag hai 洞口刚刚被劈开 ------------------------------------------ Boux he lwed yaengyaeng 一个人满身血淋淋的 Naj ndaeng yawj mbouj ok 面目也认不出了 Muengz ram ok congh rog 连忙把他抬出洞外 Baez ngod raen dwg mwngz 翻过来原来是你 ----------------------------------------- Gyaeuj mwngz cix lwedyaeng 你的头血流满面 Naj mwngz cix lwedlad 你的脸血迹斑斑 Hwet hix deng dimz gyad 你的腰受了重伤 Mwnh bae bak mbouj han 昏迷过去叫也叫不应 -------------------------------------- Ram bae veiswnghyen 立刻把你抬到卫生院 Raeuz simsenz fouzbeij 大家无比的心痛 Cam bouxhaenx bouxneix 问了这个问那个 Dauqdaej seih vih maz 到底发生了什么事情 ----------------------------------------- Laxlawz youq banhaet 原来是在今天早上 Gyoengqvunz caep hagdangz 众人正在建筑校舍 Mwngz cix caez bae bang 你也一起到来帮忙 Aeu namh ranz vat congh 挖了个洞口取泥 --------------------------------------- Daihgya hong daengz gvaiz 大家工作到了中午 Yiet gwn ngaiz dauq mbanj 休息回村里吃午饭 Mwngz daengz ranz gaem vanj 你回到家里端起饭碗 Fwt ngvanh naeuz mbouj ndei 突然想起什么叫声不好 --------------------------------------- Cingq cuengqhag seizneix 现在正是放学时间 Gyoengq nyez ndaej haisim 孩子们是开心的时候 Langh haeuj congh bae caemz 如果他们进洞里玩耍 Loemq doem cix yungyiemj 洞口倒塌那就太危险了 ----------------------------------------- Mwngz gipmuengz cuengq vanj 你急忙把碗放下 Sikhaek gvangh bae ngonz 立即跑出去看看 Gyoengq nyez cingq doxcomz 孩子们正聚集在一起 Nauh gokrwenz ndaw congh 在洞里闹得翻天 ---------------------------------------- Ndaw congh miz yungyiemj 洞里存在着险情啊 Mwngz cix hemq sing ndeu 你就大声叫了一声 Gyoengq nyez fwt caemnyeu 孩子们突然沉寂下来 Dauq ndonj deuz congh laeg 反而跑进深洞里藏起来 ----------------------------------------- Mwngz simyou simgaek 你又担心又着急 Sikhaek ndonj haeujbae 立刻就钻进洞里 Nyez raen mwngz cix ngaez 孩子们见到你完全愣了 Doengzcaez got doxyouq 一起抱成了一团 ------------------------------------------ Mwngz hat de ok congh 你吆喝着他们快出洞去 Laih mwngz rongx guhcaemz 他们以为你吼着开玩笑 Yawj coh mwngz riunyaen 对你看着默默地笑 Mwngz naj ndaem baenz maeg 你吓得脸色都变了 ----------------------------------------- Mwngz youh gaex youh hat 你又推又喊着 Cug boux rag okbae 一个个把他们拉出去 Gyoengq nyez okdaeuj caez 孩子们都出去完了 Lienzseiz congh couh lak 当时洞口就倒塌了 ---------------------------------------- Gyoengq lwgnyez ndaej gouq 孩子们得救了 Dan mwngz mbouj ndaej deuz 就独独你没有逃脱 Namh dimz mwngz boux ndeu 泥土压着你一个 Vuenh diuzdiuz sengmingh 换回了一条条生命 -------------------------------------------- Bohranz doengzcaez daeuj 家长们一起来到了 Goemz gyaeuj docih mwngz 勾着头对你说谢谢 Lwgnyez hix caez daengz 孩子们也一起来到 Gaem fwngz couh roengz gvih 握着你的手就跪下来 ---------------------------------------- Mwngz mbouj goq bonjndang 你是奋不顾身 Goenglauz sang fouzbeij 论功劳是无比高尚 Mwngz mbouj goq cihgeij 你把自己置之度外 Vuenh ndaej cungqvunz gyaez 换来了众人的爱戴

路漫

	(1) Miz Daeng Raeuz Caez Diemj 有灯咱同点 Haemh he roengz fwnmwt 那天晚上下着绵绵细雨 Mbwn laepcup roen raeuz 黑沉沉的天泥滑的路 Mwngz lumh laep bongx dou 你摸黑去敲门 Bak naeuz ra Auveih 说声我找辉叔 ---------------------------------------- Auveih ninz gwnz mbonq 辉叔睡在床铺上 Dingq sing duenq dwg mwngz 听声音判断是你来了 Muengz roengz congz iet fwngz 连忙下床伸出双手 Rex mwngz haeuj ranz naengh 扶着你到屋里请坐 ---------------------------------------- Naeuz naengh cix caez naengh 说坐就一起坐吧 Caemh gonj daengq gangj coenz 同一张板凳聊起来 Baenz caeux au couh ninz 这么早叔叔就睡啦 Daeng hoenz hix mbouj diemj 灯火也不舍得点呀 --------------------------------------- Ninz caeux mbaet youz daeng 睡早可以节省灯油 Laepsaeng nyungz hix noix 黑乎乎的蚊虫也少一些 Vunz laux gaenq rwzboih 人老了耳朵不好使了 Nanz buenx doih ngauz hwnz 难以陪众人熬夜 ---------------------------------------- Banngoenz gou raen sou 白天我看见你们 Nyaengq goenjou gyaq dienh 忙乎乎的在架电线 Seizlawz dienh ndaej diemj 什么时候电可以亮呀 Daz sienq yaek daengz gyawz 拉线到哪里了呢 ------------------------------------------ Cingq daeuj lwnh au rox 正是来告诉你知道 Sienq yaek doq daengz ranz 电线就要拉到家了 Hoeng dienh lumj vaiz manz 但是这电如一头不听话的牛 Dungx iek ranz mbouj haeuj 肚子饿牠不肯进家哩 ------------------------------------------ Vaiz imq coengz haeuj riengh 牛肚子饱就肯回栏 Yungh dienh yaek sai ngaenz 用电可要花钱啊 Hoh sou bak haj maenz 每一户要收一百五十元 Duicangj gaenq gangj gvaq 队长已经通知过了 ------------------------------------------- Mwngz yawj ndaw ranz au 你看看叔叔我这家里 Ceij hau mbouj lai mbenq 白纸也不多出一片 Gou lumh laep gaenq gvenq 我摸黑已经习惯了 Mbouj dienh ninz dauq caem 没有电睡觉反而清静 ----------------------------------------- Au coenz vah neix loeng 叔叔你这话儿错了 Dienh neix goenglauz daih 这电功夫可大哩 Yendaiva aeu byaij 现代化这条路一定要走 Miz dienh vaiq baenzmiz 有了电就可以快点致富啊 --------------------------------------- Mbouj cienz raeuz caez yaeng 没有钱咱一起商量 Noix ngaenz daeng nanz rongh 少了钱电灯难得亮起来 Ngaenz au gou demh gonq 叔叔的钱我可以先垫上 Mbouj ndaej duenh goengcingz 可不能给工程停顿下来哟 --------------------------------------- Mbouj ngaenz raeuz caez ra 没有钱咱一起来挣 Lumjbaenz daz dienhsienq 比如这拉电线的活儿 Au bae henz daezdiemj 叔叔你到一旁指点指点 Ciuqyiengh hawj cienzhong 我们照样给你开工钱的 -------------------------------------- Auveih gig gamjdoengh 辉叔听了极其感动 Mbouj yungh mwngz demh ngaenz 说不用你垫钱的 Ranz mwngz hix haemq binz 你家里也是很苦呀 Meh youh baenz bingh naek 你母亲还重病在身啊 ----------------------------------------- Mwngz cix mbouj lai gangj 你就不再说什么 Vah sangj daengq au naeuz 很爽快地交代辉叔说 Ngoenzcog bae riengz gou 明天你就去跟我吧 Caez caeuq dou daz dienh 同我们共同架设电线 ------------------------------------------- Miz daeng raeuz caez diemj 有灯我们共同点亮 Miz dienh raeuz caez doeng 有电我们共同架通 Boux bang boux cix soeng 人帮人就觉得轻松愉快 Doengz bang doengz cix rongh 老同帮老同就看到光明无限

路漫

	(1) Duet Hoj Mwngz Sim’angq 脱贫你喜欢 Ronghndwen ronghdiengjdiengj　　　月亮明晃晃 Dienhdaeng lienghcancan　　　　　　电灯亮光光 Mbangj vunz saedceij van　　　　　　一部分人日子甜蜜了 Simfanz mbangj caengz fouq　　　　烦恼的是一部分人还不富 ___________________________ Ranz Daegboh gungzhoj　　　　　　特坡家里很穷苦 Hongloh mbouj rox ra　　　　　　　活路他不会寻求 Mwngz hwnj dou bae caz　　　　　　你上门去调查 Caeuq de nda monzloh　　　　　　　和他一起设想门路 ____________________________ Okrog bae ra hong　　　　　　　　　到外面去找工做 Guh song ngoenz cix sat　　　　　　做了一二天就没得做了 Raeuz youq rungh baengh dat　　　　咱们在山硦要依靠山崖 Hab gag gauq bonjndang　　　　　　　应该自己依靠自己本身 ____________________________ Lumjbaenz ciengx mou yiengz　　　　　比如养猪养羊 Runghciengz nywj daihbaj　　　　　　　硦场有大把的鲜草 Ranz mwngz vunz mbouj bax　　　　　你家里人并不傻呀 Sam haj cien goj baenz　　　　　　　　三五千块钱的收入也不难的 ____________________________ Daegboh dingq haeuj maez　　　　　　　特坡听了就入迷了 Lienzseiz naeuz doengzeiq　　　　　　　立刻点头同意你的意见 Mwngz cibfaen haengjheiq　　　　　　　你就非常高兴 Sikhaek daeq de muengz　　　　　　　　马上帮他忙乎起来 ____________________________ Muengz bae ra cungj yiengz　　　　　　　忙着去寻找羊种 Muengz dap diengz doq ruq　　　　　　　忙着搭起茅棚做好食槽 Yiengzhyiengh mwngz naemj doh　　　　　件件事情你都想到了 Gyauq de guh caezcienz　　　　　　　　　又教他如何干想得很周全 ____________________________ Ndaej bi he gvaqbae　　　　　　　　　　一年很快过去了 Mwngz bae raen Daegboh　　　　　　　　你就去看看特坡 De cix riuhohhoh　　　　　　　　　　　　他见了你呵呵地笑 Duet hoj lwnh mwngz nyi　　　　　　　　把脱贫的事一一告诉你 ____________________________ Sam duz mou ngamq gai　　　　　　　　　三只猪刚刚卖出去 Cien lai maenz haeuj daeh　　　　　　　　一千多快钱已经放进口袋 Daengz bineix nienzdaej　　　　　　　　　等到今年年底 Buek daihngeih youh hung　　　　　　　　第二批猪又长大啦 ____________________________ Ciengx yiengz buek daih’it　　　　　　　　养了第一批羊儿 Duzduz lek youh biz　　　　　　　　　　　只只长得又壮又肥 Sanj lwg deihriri　　　　　　　　　　　　频频地生产着羊仔 Daengz bilaeng daih canh　　　　　　　　　到后年就有大赚头了 ____________________________ Mwngz naeuz aeu bae yoj　　　　　　　　　你说你要去看看 Daegboh muengz daiq roen　　　　　　　　特坡连忙带路 Bak gangj nanz suenq caen　　　　　　　　嘴巴说难得算是真的呀 Da raen mwngz cij saenq　　　　　　　　　眼见了你才会相信 ____________________________ Duzduz mou bizbwd　　　　　　　　　　　只只猪肥噜噜的 Lwglwg yiengz ndeigyaez　　　　　　　　　只只羊都十分可爱 Daegboh saedceij ndei　　　　　　　　　　特坡生活好起色了 Mwngz goj caez sim’angq　　　　　　　　　你同他一样十分高兴

路漫

	[roek] NAEK VUNZ GVAQ CIHGEIJ BYAWZ BEIJ NDAEJ MWNGZ CAEN 你忘我舍身　谁胜似亲人 (1) Baenzbaenz Dwg Faenh Ndiep　真真是一份爱 Hai roen guh ndaej hoengh　　　　　　修路干的正火红 Daengxgyoengq nyaengq faenfaen　众人忙的不可开交 Ganj hong ganj daengz hwnz　　　　　赶工赶到深夜 Lumz gwn mbouj rox iek　　　　　　　　　忘了吃饭也不知道饿 -------------------------------------- Mbat he mwngz coih gih　　　　　　　　　又一次你在修机器 Gyoengq vunz cix humx henz　　　　　众人都围在一边看 Mwngz simsaeq fazyen　　　　　　　　　　　你细心地发现 Goeng Hanq ien mbouj cit　　　　　　　汉公公没有抽烟 ------------------------------------- Goeng Hanq boux yinx ien　　　　　　　汉公公是个烟瘾子 Gaemzgaemz lienzdaemh cit　　　　　　一口一口地连续抽 Seizneix bak cix mwt　　　　　　　　　　　现在却闲着嘴巴 Mwngz fwt cam vih maz　　　　　　　　　　你就问他为何不抽烟呀 ------------------------------------ Goeng Hanz gangj gazgwd　　　　　　　　汉公公说话磕磕巴巴 Naeuz dwk rin nyaengq lai　　　　　　说打石头活路太忙了 Ndi ndaej hoengq bae gai　　　　　　　没有时间上街啊 Hixnaengz cai cixbah　　　　　　　　　　　干脆戒烟算了 ----------------------------------- Vih ganj hong cauh roen　　　　　　　　为了赶工修路 Gyoengq vunz lumz cihgeij　　　　　　众人都忘了自己 Mwngz gamjdoengh fouzbeij　　　　　　你非常地感动 Gyoengq beixnuengx ndei lai　　　　这些乡亲们太好了 ----------------------------------- Dawz neix yo ndaw dungx　　　　　　　　你把这些放在心上 Dawz haenx rungx ndaw sim　　　　　　你把那些藏在肚子里 Okrog banh saehcingz　　　　　　　　　　　除外面办理事情 Bang gyoengqvunz dajcawx　　　　　　　就帮大家做采购 ------------------------------------ Mwngz cawx gaem ien ma　　　　　　　　　你买了一把烟回来 Dawz bae ra goeng Hanq　　　　　　　　　拿起来去找到汉公公 Sou mbouj hoengq ok mbanj　　　　　　你们没有空出去 Ien neix camh gaijhoz　　　　　　　　　　这些烟叶给暂时解解瘾吧 ------------------------------------ Gaem ien mbouj geij ngaenz　　　　　一把烟叶不值多少钱 Baenzbaenz dwg faenh ndiep　　　　　真真的是一份爱呀 Mwngz gyaez vunz yiekyiek　　　　　　你爱别人亲亲切切 Vunz get mwngz ngaemzngaemz　　　　别人疼你深深沉沉

路漫

	(5) Ndaej Mwngz Nyaenx Naengzganq 得你这么能干 Baihgwnz daeuj niemhsou 上级来验收 Couh yaek aeu niemh sat 就将要验完 Sam ngoenz nyaengqnyatnyat 三天忙得不可开交 Mwngz ciengz gag daeuj ceiz 你经常自己迟到 ------------------------------------- Beiz gohcangj rox nyi 裴科长看在眼里 Cix miz di ndatheiq 就有一些生气 Cam mwngz vih maz saeh 问你为什么事 Mwngz han seih nyaengq lai 你回答说太忙 ------------------------------------ Daeuj daengz ngoenz daihseiq 来到第四天 Mwngz gojleix daeuj ceiz 你还是迟到 Dawz caizliuh gyau caez 把材料交齐 Mwngz youh daez cingjgyaj 你又提请假 ------------------------------------ Gohcangj yawj caizliuh 科长看着材料 Mbawmbaw biuj denz caez 张张表填齐 Beiz gohcangj gig geiz 裴科长十分惊奇 Cix sim ngeiz ndaw dungx 心中窝着一个谜团 ----------------------------------- Doengxngoenz bae cuengq bauq 白天去放炮 Banhaemh dauq youh hwnz 晚上深夜才回来 Bae lawz miz seizsaenz 他哪里有时间 Daeuj guh baenz caizliuh 来完成这份材料 ------------------------------------- Laxlawz mwngz dauq ranz 原来你回家 Gyaban sij caizliuh 加班写材料 Cig guh daengz gaeq heuh 直做到鸡叫 Ninz saek ciuq youh hwnq 睡一会儿就起床 ---------------------------------- Beix gohcangj rox neix 裴科长知道这些 Raemxda maeq rim gvaengz 泪水就盈眶 Nanz ndaej mwngz nyaenx naengz 难得你这么能干 Diemj daeng nanz ra ndaej 点灯难找到 ----------------------------------- Mwngz naeuz gou haeuj dangj 你说我入党 Cix mbouj gangj gyaqcienz 就不讲价钱 Mwngz naeuz dang dangjyenz 你说当党员 Cienz sim vih beksingq 全心为了百姓

路漫

	(1) Vangzsiengh Ndaej Baenzcaiz 王相得以成才 Nuengx seiq mwngz Vangzsiengh 你的四弟王相 Mbouj siengj bae hagdangz 不想去学校 Ngoenz sim mbouj youq ndang 整天都心不在焉 Hagdangz heuh doiqhag 学校叫他退学 ----------------------------------- Mwngz rox cix ndatheiq 你知道了很生气 Uengjfeiq de guh vunz 枉费他做人呀 Hoenx ndang de mbouj baenz 打他肌肤是没有作用的 Fug sim de cij ngamj 让他心服才是最好的办法 ------------------------------------ Seizhaenx reih haeuxyangz 当时的玉米地里 Cingq nyangz binghdai ro 正在闹枯萎病 Gangj daengz yw doenghgo 说到治理植物的虫病 Suenq mwngz coz ceiq ak 算年壮力强的你最厉害了 -------------------------------------- Mwngz mbouj muengz roengz yw 你不忙去洒药 Sien ndek fwz ndaw reih 把地丢开一边不管 Heuh Vangzsiengh daeuj neix 招呼王相来到这里 Dauhleix daeuj sawq de 用道理来试试他 -------------------------------------- Daegseiq ha Daegseiq 老四呀老四 Gaiq reih neix duh mwngz 这块地就是你的啦 Haeuxyangz bingh saengsaeng 玉米虫病好厉害啊 Yawj mwngz baenzlawz banh 看你怎么办呢 ------------------------------------- Vangzsiengh naj saepsat 王相愁眉苦脸 Naj ndat mbouj rox han 脸上发烧不知如何回答 Mbouj rox saw vunz bamz 不读书的人会愚蠢的 Seizneix gan diuqgah 现在想用就白白为难 --------------------------------------- Mwngz dawz bingz yw daeuj 你把药瓶拿过来 Hawj de gaeuj cix caz 给他看了就问 Ndaw bingz dwg yw maz 瓶里是什么药呀 Yw bingh maz rox mbouj 治什么病你知道吗 ---------------------------------------- Vangzsiengh cix gaeu gyaeuj 王相就把头勾得低低的 De najcouj yaek dai 他丢脸得要死 Mwngz dawz bingz daeuj hai 你把药瓶打开 Faet gwnz byai haeuxdaeq 撒在玉米的枝叶上 ------------------------------------- Caj gvaq ndaej geij ngoenz 等到过了几天 Mwngz gaem fwngz Vangzsiengh 你牵上王相的手 Daengz henz reih bae muengh 来到地边上查看 Gaenq yienghyiengh heunau 所有的都已经绿绿油油 ------------------------------------ Boux vunz mbouj rox saw 一个人如果不读书 Uk ngawz maz mbouj rox 脑袋愚蠢什么都不懂 Ndaem haeuxyangz dai doh 种玉米遍地都会死掉 Ndaem duhnoh dai caez 种豆角也会死个干净 -------------------------------------- Vangzsiengj mbouj fug saw 王相还是不服输 Gou mbouj dawz hong reih 他说我不干地里的活 Vangzsiengh mbouj fugheiq 王相还是不服气 Gou muengh ndaej dangbing 他说希望能够去当兵 -------------------------------------- Bouz vunz mbouj faenzvaq 一个人没有文化 Vunz mbouj ngah dangbing 人家也不会给当兵的 Mbouj rox yawj dihingz 不会察看地形 Lienz nyingz cungq hix lot 就是打枪也会脱靶 --------------------------------------- Mbouj gangj bae dangbing 不要说去当兵 Haeuj singz hix baenz huk 进城去也会成个傻子 Dajgoeng deng vunz yoeg 打工挨人家欺骗 Naengh ci loek loeng roen 坐车都会走错路 ----------------------------------------- Dozcaengh mbouj suenq naek 秤砣不算重呀 Cix dwk hwnj cien gaen 但可称起上千斤 Aeu faexgyaengh geuh rin 用木棒撬起石头 Caemh yo rim dauhleix 这些都隐藏着科学道理 ----------------------------------------- Coenzcoenz lumj feiz daeng 每一句话仿佛点点火星 Rongh daengz sim Vangzsiengh 把王相的心照亮了 Gou gonq mbouj baenz yiengh 我当初不学好样 Neix caen siengj doegsaw 现在我真的好想读书 ----------------------------------------- Mwngz nyi sim cix hingq 你听见了心里非常高兴 Mwngz dingq naj cix hai 你听见了笑容大开 Vangzsiengh laeng baenzcaiz 王相后来读书成了才 Hwnj gyangjdaiz sonhag 上了讲台做教学工作

路漫

	(1) Dahniq Ndaej Hwnj Hag 小女孩上学了 Ngoenz he mwngz gvaq loh 有一天你路过 Raen lajroq henz dou 看见巷子里的门口边 Dahniq he ing saeu 一个小女孩倚靠在柱子上 Cingq gueng mou gueng gaeq 正在喂猪喂鸡 --------------------------------------- Seizneix gaenq haihag 现在已经开学了 De yawz gag youq ranz 她怎么一个人在家呢 Mwngz cix gvaqbae cam 你就走过去问 Dah ndi han yaek daej 她不回答却要哭了 -------------------------------------- Boh dah okdaeuj raen 她的父亲出来看见 Naj haem naeuz ranz hoj 沉着脸说家里穷啊 Lwgmbwk mbouj roxsoq 女孩子不怎么懂事 Aeu rox saw guh maz 要识书有什么用 -------------------------------------- Dingq coenz mbouj baenz vah 听到这句很不像话 Mwngz najlaep cix naeuz 你绷着脸就说 Sai mbwk cungj lwg raeuz 男女都是咱的孩子 Yawz mbaeu neix naek haenx 怎么能轻此重彼 ------------------------------------------ Mengz saw cix baenz huk 文盲使人愚蠢 Faex nduk mbouj baenz caiz 腐朽的木头不成材 Lumj mwngz hoj daengz dai 似你这样穷苦一辈子 Vih mbouj lai rox cih 就是因为没有多识字 --------------------------------------- Boh ngaek gyaeuj naeuz dwg 她的父亲点头说是 Goj muengh lwg gou gvai 我也希望自己的女儿乖 Cix vih ranz hoj lai 就是因为家庭太苦了 Nanz hai ngaenz haeuj hag 难以出钱给她进学校 ------------------------------------- Ngaenz bae rox caiq daeuj 钱财用去还会再来 Bi’ndaen mbouj dauqma 岁月去了不再回头 Lwgnyez dwg dujva 儿童是祖国的花朵 Seizcin gvaq cix sih 春天过去了花朵就谢了 ---------------------------------------- Mwngz gangj daengz myaiz hawq 你说得口水都干了 Gawqgawq dauhleix caen 每一句都是真道理 Boh ngaek gyaeuj naeuz baenz 她父亲点头说行 Mwngz cuengqsim cij byaij 你才放心离开 --------------------------------------- Caj daengz bi he gvaq 等到过了一年 Siengj hwnj dahniq de 又想起那个小女孩 Mwngz bae ranz cam yez 你到她家问她父亲 Lwgnyez lij vangqhag 看见那女孩还是失学着 -------------------------------------- Mwngz cix heiq cix huj 你非常的气愤 Ndaq boh de huk ngvanz 责备她父亲死蠢顽固 Boh danqheiq cix han 她父亲叹口气才回答 Hoj lai nanz bae hag 太穷了难得送小孩上学啊 --------------------------------------- Raen ranz de nyaenx ndoq 看见他家实在那么贫穷 Cij rox de hix nanz 才体会他也是真的困难呀 Mwngz cix mbouj caiq cam 你就不再说什么 Bae ranz ra yaucangj 到校长家去找校长 --------------------------------------- Yozyau hawj mienxfeiq 结果学校给了免费 Dahniq ndaej hwnj hag 小女孩终于可以上学了 Daengx ranz cungj vuenlag 全家人都很高兴 Sim ndat raemxda roengz 心头一热纷纷落泪

路漫

	（3） Yienghyiengh Causim Caenh 样样操心尽 Hagseng bak lai boux 学生一百多个 Vangz Van gaeuq diubiz 黄焕足够调皮 Hangz doengzhag boux iq 欺负小同学 Gizgiz ngah cauxsaeh 处处喜欢惹事 -------------------------------------------- Doengzhag raen de lau 同学看见他就害怕 Yozyau naeuz de gik 学校说他懒惰 Hagsib de simcit 学习上他消极 Dwkcik de cix maez 玩打尺子他就入迷 ------------------------------------------ Miz vunz lwnh lauxsae 有人告到老师那里 Vangz Van bae guhdoj 黄焕去参赌 Seiziq mbouj guenj goq 小时候不加管束 Daengzcog goj baenz ya 将来可要变坏啊 ---------------------------------------------- Lauxsae ra de gangj 老师找到他说道理 De cix ngangj gvaq gwnz 他就拗过一边去 Vah unq rwz gvaq rumz 说好话像耳边风 Dauhleix lumz seuqsat 说的道理忘得一干二净 --------------------------------------------- Lauxsae saed fouznaih 老师实在是无奈 Mbouj daih leix de dem 不怎么去理睬他了 Mwngz dingjlingz gvaq henz 你恰巧走过旁边听见 Cix simsenz fouzbeij 就无比的痛心 ------------------------------------------- Doekgonq cix baenz baengz 走在前面是块布 Doeklaeng cix baenz vaj 落在后面就成了烂布 Aeu Vangz Van bienqvaq 需要黄焕发生变化 Mwngz dajsuenq raen de 你打算见见他 -------------------------------------------- Hagseng son mbouj ndei 学生教得不好 Dwg lauxsae ceknyaemh 是老师的责任 Hoeng mwngz cix gag nyinh 但你却自己认为 Hix miz faenh duh mwngz 这责任也有你的一份 ---------------------------------------------- Guenj ranz youh guenj roen 操心校舍又要操心修路 Guenj gwn youh guenj daenj 操心群众的吃饭又要操心衣着 Yienghyiengh causim caenh 样样都操心到了 Byawz mbouj haenh mwngz ndei 有谁不赞扬你啊

路漫

	（2） Mwngz Aeu Ndang Guh Yiengh 你以身作则 Hwnj laeuz aeu yungh ngaenz 建教学楼要用钱 Baihgwnz bued ndaej mbangj 上级拨来一部分 Bae rog cingj bouxcangh 到外面请工匠 Nanz gangjgyaq ndaej baenz 在价格上难以成交 --------------------------------------- Haujlai vunz bonjdueg 本地有很多人 Ok rog bae dajgoeng 去到外面打工 Hag rox hwnj ranz hung 学会了建筑大楼 Miz goengrengz daihbaj 这里有大潜力呀 ---------------------------------------- Comz gyoengqde dauq mbanj 组织他们回到家乡 Yaek gangj hwnj ranz laeuz 说明要建筑教学楼 Ngaenz noix hong mbouj mbaeu 但钱少工程不小 Cix naeuz mbouj haengj guh 于是都说不肯接受 ----------------------------------------- Mwngz cix baij dauhleix 你于是就摆道理 Ngaenz noix seih saedcingz 钱少是个实际问题 Lwgnyez dwg va’nding 可是孩子是红花呀 Mbouj wng mbouj ranz youq 不应该没有房子住啊 ---------------------------------------- Ranz lawz mbouj lwgnyez 哪一家没有小孩 Nyez lawz dez mbouj ndiep 哪个孩子当爹的不心疼呀 Vih neix sied cix sied 为了这事吃亏就吃亏吧 Hozbiet ndoenq baenzlai 何必计算得这样多呢 ----------------------------------------- Bwnh cix dwk naz raeuz 肥料应该施放在自己的田地 Ngaenz dwg raeuz lwedhanh 金钱是我们的血汗呀 Cingj vunz rog daeuj banh 请外面的人来建造 Langhdangh hawj vunz riu 白白地给别人笑话呀 ---------------------------------------- Dauhleix doengh sim vunz 道理说得动了人心 Gangj ndaej coenzcoenz cingq 说的每一句话都很真切 Daihgya cungj haengj dingq 大家都很喜欢听呀 Gietdingh caez swngzbau 终于决定一起来承包 ------------------------------------------ Gunghcwngzdui hai hong 工程队开工的时候 Roq gyong cit bauqrengh 敲锣打鼓又燃放鞭炮 Mwngz aeu ndang guh yiengh 你自己却以身作则 Saehsaeh ciengj sien daengz 每一件事都冲在前头 ----------------------------------------- Dwk rin mwngz daih’it 打石头你第一个抢先 Gud gik youh hoed naez 挖草皮接着搅拌泥浆 Caep ciengz maenh youh ndei 你砌的墙牢固而且美观 Seizseiz guh hong naek 每时每刻都干着重活 ---------------------------------------- Naeuz mwngz dwg duicangj 都说你是队长 Dwg bouxcangh goengdaeuz 是师傅是领导 Cix faen ngaen mbouj aeu 但你却一分钱都不取 Dan daiqdaeuz guh yiengh 仅仅是带头干活作的榜样 ---------------------------------------- Miz yiengh cix hag yiengh 有了榜样就学榜样 Bouxboux ciengj guhhong 人人都像你一样抢着干活 Ngaenz noix mbouj vunz hongz 工钱少也没有人发牢骚了 Laeuzfuengz riengjret daengj 教学楼很快就竖立起来

路漫

	[haj] GYAUYUZ DWG SAEHHUNG MWNGZ CAENSIM YAWJNAEK 根本是教育 常身先士卒 (1) Cunhveij Nyiengh Dieg Ranz 村委让地盘 Hagdangz ranz gaenq vaih 学校的校舍已经破烂 Fwn raix gizgiz dumz 大雨淋来处处淹水 Cueng roh mbouj baex rumz 窗口破漏挡不了风 Dou ndi gyaemz youh nduk 门板关不紧而且已经朽了 -------------------------------------------- Mwngz hong gaenq gaeuq nyaengq 你的工作已经够繁忙了 Youh aeu naemj hagdangz 又要思考到学校了 Itdingh aeu hwnj ranz 一定要建筑新校舍了 Guh louzfangz ronghsag 建起楼房亮亮堂堂 ------------------------------------------- Hagdangz aen dieg gaeuq 学校那个旧地址 Gaebgeb youh mbouj bingz 不仅狭窄而且崎岖不平 Cunhveij ranz lingzding 村委的办公房独处一地 Dieg bingz youh haemq gvangq 地势平坦而且比较宽广 ------------------------------------------- Hagdangz senj daeuj neix 学校就迁到这里 Cunhveij buen lingh giz 村委搬到另一个地方 Miz vunz cix naeuz ndi 但有人想说不行 Gwnvi dwg ganqbouh 吃亏的是我们干部啊 ------------------------------------------ Mwngz cix gangj dauhleix 你于是就摆出道理 Banhsaeh aeu yawj gyae 办事情可要看远一些呀 Hwnj laeuz geij bak bei 建设楼房可是几百年的事 Aeu genj ndei diegyouq 一定要选好地址啊 ---------------------------------------- Gyauyuz dwg saehhung 教育事业是大事情 Aeu cungsi cij ndaej 一定要重视才好 Vi cix vi swhgeij 吃亏就吃亏自己吧 Mbouj ndaej vi lwgnyez 可不能给孩子吃亏呀 ---------------------------------------- Mwngz gangj dauhleix naek 你说出了深刻的道理 Ganbu yaek daiqdaeuz 我们当干部的一定要带头啊 Lwgnyez minghgaen raeuz 孩子是我们的命根呀 Bouxboux naeuz nyiengh dieg 于是人人都说就让地盘吧 -------------------------------------- Laeuz sonhag hwnj baenz 教学楼终于建成了 Ranz dieg ninz lij noix 可学生的宿舍还是欠缺呀 Hai ngaiz aeu baizdoih 而且开饭的时候还要排队 Vunz baenz roix ndaet lai 一行行的人实在太挤了 -------------------------------------- Mwngz raen youh simgaek 你看见这些现象就很心焦 Sikhaek yaeng ra ranz 立刻就商量找房子解决 Cunhveij miz sam gan 村委会有三间房子 Doenq song gan okdaeuj 腾出两间出来吧 --------------------------------------- Gan he guh sizdangz 一间拿来做食堂 Gan he dang diegyouq 一间拿来当宿舍 Lwgnyez cix angq raeuh 孩子们知道了兴高采烈 Ganqbouh naj cix riu 干部们也笑逐颜开

路漫

	（5） Diuz Cag Goenq Youh Swnj 一条绳子断了又接续 Seizhaenx ngamq hai loh 那时刚刚开始修路 Diuz cag moq ndaij laenz 一条青麻编的绳子 Sam cib mij raez yinz 三十米长均均匀匀 Mwngz ngoenzngoenz aeu yungh 你每一天都要用到 --------------------------------------- Diuq ndang douh bangx dat 吊起身子扒在岩石上 Dakdak siuq mbouj dingz 嘀嘀哒哒凿个不停 Mwngz lumjbaenz duzlingz 你仿佛猴子一般 Ndang ing dat onjdup 身子倚着岩石稳稳当当 ------------------------------------------ Congh bauq deihnyaennyaen 炮眼开的密密麻麻 Youh raen mwngz cit bauq 又看见你在点燃炮药 Bouxlaux rox daegmbauq 不论老人还是后生 Muengh mwngz dauq vaiq di 都期盼你快点回来 ----------------------------------------- Mwngz dwg raeuz bouxdaeuz 你是我们的领头人啊 Cungqvunz gouz mwngz yiet 众人都求你好好休息 Mwngz daidu giengiet 可是你态度很坚决 Baez yet youh hwnjbae 一跃一跳你又上去了 ------------------------------------------- Cag ndaij nyangq youh co 麻绳坚韧又粗大 Nanz muz gvaq rindat 但难以磨损岩石 Yung’yiemj mbat youh mbat 出现险情一次又一次 Ngad goenq youh swnj raez 绳子磨断了又接长 ------------------------------------------ Diuz cag sam cib maex 一条绳子三十米长 Yungh ndaej geijlai bi 使用了好多年了 Baez goenq baez swnj di 断了一次又一点点续上 Lw miz cib sam mij 最后只剩下十三米 --------------------------------------------- Daj cag raen daengz mwngz 从绳子看到你的为人 Daj roen raen daengz yiengh 从修路看到你这个榜样 Miz fwn naemj daengz liengj 下雨了思念到雨伞 Raen roen siengj daengz mwngz 看见路就想念到你啊