Hagyungh Sawcuengh,Daj Gou Guh Hwnj 学用壮文，从我做起

Lwgyungh

	Gyoengq beixnuengx youq ndaw Ranz Bouxraeuz miz haujlai vunz cungj lwnh Sawcuengh raeuz,neix gangjmingz caezgya gig gyaez Sawcuebgh raeuz.Gou nyinhnaeuz,raeuz gaej doxceng baenzlai lo,seizneix ceiq youqgaenj dwg ganjvaiq hag rox Sawcuengh,lai yungh Sawcuengh,sawj Sawcuengh vaiqdi sanj doh gwnzbiengz.    Hagyungh Sawcuengh,daj gou guh hwnj.Gyoengq beixnuengx roxnyinh baenzlawz yiengh?    贝侬们在僚人家园的讨论，有很多都涉及到壮文，这说明大家都非常热爱我们的壮文。我觉得，我们不要再争论那么多了，当务之急是赶快学会壮文，多多使用壮文，使壮文早日在社会上生根开花。    学用壮文，从我做起。不知贝侬们有何感想？

Lwgyungh

	Mbouj yungh daej,ganjvaiq hag Sawcuengh ba!    不用哭，赶快学壮文吧！

duhand

	面对壮文，我只能连拼带猜的弄清只言片语，我哭......

Lajmbwn

	langz --- cingzeiq, gvang, [郎]：郎君、情人 leh   --- 语气助词，表达转折、顺接等意思。

Lwgyungh

	   "Langz lah"dwg gijmaz eiqseiq?Cingj beixnuengx lajmbwn lwnh gou nyi,yienghneix cij hoiz ndaej okdaeuj.

Lajmbwn

	Ndei a. Gou naeuz coenzhauq ndeu, hawj beixnuengx daeuj hoiz. Ciengx bit ndaej gwn gyaeq, ciengx gaeq ndaej dingq haen, ciengx langz leh laem ngaenz bohmeh.

路漫

	Vahcuengh raeuz haengj guh dajbeij,hawj bouxdingq roxnyinh sengdoengh, mizyinx,lumjbaenz:sang daemx mbwn,ndaem beij maeg,hoengz gvaq lwed,gyaez daengz dinmbwn,haeu baenz haex,rang ndaeng dek bae,daengjdaengj. Beixnuengx,cingj mwngz hix gawjgawj gij vahcuengh mizyinx haenx okdaeuj,hawj daihgya doengzcaez daeuj cimzcimz gij feihdauh mizyinx haenx.Ndei lwi?

Lwgyungh

	   Muengh gyoengq beixnuengx yungh Sawcuengh youq neix lai ok daez.

Lajmbwn

	Haha, gou cungj naemj mbouj hwnj, docih Lohmanh lauxsae naeuz hawj rox.

路漫

	Duz lawz mbouj miz bwn,youq gwnzmbwn hoij rok? ———duz vumzvauz蝙蝠 Duz lawz mbouj miz ndok,youq baksok haeb vunz? ———duzbing蚂蟥

Lajmbwn

	Mbouj miz beixnuengx roxnaj aen duenz neix lwi? Dwg ronghndwen? Dwg duz nyungz?

Lajmbwn

	Aen duenz neix hoj raixcaix. Gou buenz hwnj buenz roengz cungj buenz mbouj ok.

路漫

	Gou ok aen duenz he,mwngz duenz ndaej ok lwi? Duz lawz mbouj miz bwn,youq gwnzmbwn hoij rok? Duz lawz mbouj miz ndok,youq baksok haeb vunz?

Lwgyungh

	    Cijaeu dwg yungh Sawcuengh daeuj sij,gou nyinhnaeuz damzlwnh gijmaz vahdaez cungj ndaej.

路漫

	dan damzlwnh Sawcuengh,lau cix vahdaez noix di bw.Aeu Sawcuengh daeuj damzlwnh gak cungj vahdaez,ndaej mbouj ndaej ne?Yienghneix le vah couh lai lo,couh mbouj lauheiq gangjgoj raekduenq lo.

Lwgyungh

	   Caen ha,gyoengqraeuz cungj dwg boux hwnjban,seizgan gaenj.Danhseih cijaeu miz di seizgan,daeuj neix yungh Sawcuengh sij saeksong coenz hix baenz.

侬氏春秋

	真有趣，虽然我还不能够写好壮文，但是却能够拼读得懂。母语的文字真是亲切。 Gou du siengj hag lox Sawcuengh!

Lajmbwn

	Byaraiz beixnuengx, mwngz miz boux doxrox rox raiz Sawcuengh lwi? Heuh gyoengqde daeuj neix gangjgoj vei.

byaraiz

	Docih yigen song boux beixnuengx baihgwnz. Hoeng gou ngoenzngoenz mbaj hwnjban, danhseih it miz seizgan cix daeuj neix caeuq gyoengq beixnuengx yungh vahmeh gangjgoj.

Lwgyungh

	Beixnuengx Lajmbwn daezok seiq diuz genyi neix caen saedcaih,diuz daih'it caeuq diuz daihseiq gou couh mbouj gangj baenzlai lo,youq neix gou caenh siengj lwnh diuz daihngeih caeuq diuz daihsam.    gizsaed,seizneix gwnzbiengz miz haujlai vunz rox Sawcuengh,lumj doenghboux daj Gvangjsih Sawcuengh Yozyau、Gvangjsih Minzcuz Yozyen、Cunghyangh Minzcuz Dayoz bizyez haenx,gyoengqde dinzlai cungj miz diuzgen hwnjmuengx(上网),lauheiq mbouj miz geijlai vunz rox Bouxcuengh Youqsienq caeuq Ranz Bouxraeuz,muengh caezgya lai guh senhcenz,heuh engqlai vunz daeuj Ranz Bouxraeuz yungh Sawcuengh,hoenghvuengh Sawcuengh.    Diuz diahsam doiq Sawcuengh fazcanj gig mizleih,yienghneix guh ndaej sawj Sawcuengh byauhcunjyij swzloih engqgya fungfouq laiyiengh.