[原创] Ayingj Fwensae Comz Hob

AAAAAyingj

	Ayingj 纯壮文诗集 A Yingj Fwensae comz hab Seiz neix gou dawz Ayingj bi gvaq youq [ Ranz Bouxraeuz ] fat ok gij fwensae haenx dawz ma comz hab hwnj daeuj baenz 20 hot , fat hawj daih gya yawj gvaq nyaenx ! Cingj Beixnuengx baengzyoux daez ok yigenq caeuq yawj haeuh siengjfap ! Gou lij yaek nyaenq ok daeuj guh baenz cek Saw fwen . 1 Baujhoh Sawcuengh Vwnzvaq Sau : Gwn haeux guh saw cuengh, Raeuz muengh ok ngoenz moq; Ndaej ngoenz moq vunz gungz, Sawcuengh bouxlawz guh? Sai : Caux ndaej ngoenmoq raeuz, Sien aeu guh gwn daenj; Miz gwn youh miz daenj, Guh Sawcuengh mbouj haw! Cienz dwg youz vunz ngyaenq, Miz genz goj caux cienz; Bouxcuengh caez dox giet, Dued genz guh caux cienz. Sau : Miz vunz mbouj miz genz, Cienz daj gizlawz aeu; Boux gun hamhcaeh raeuz, Guh Sawcuengh mbouj fouq. Bouxcuengh ngaiz dwk sanq, Vunz rengz hangz caenx raeuz; Gvaeg raeuz youh naenx raeuz, yaek dawz raeuz bienq gun. Sai : Raeuz aeu dox bauj hoh, Sam vunz dox bang hoh; Guh gwndaenj guh loh, Caez doxgiet buek dai. Miz vunz daeuj hangz raeuz, Raeuz couh caeuq de douq; Guh gung caiq ngvanh souj, Bauj hoh cwngzgoj raeu. 2 Fwen cam Lohmanh Lausae Ngvanh fwen doengh ukgyaeuj, Gwn louj manh dungxsaej. Cam lohman laux sae, Fwen sae miz ma dij? 3 Yawj Fuk Veh Gveiqlaemz Guh Fwen Lwg cuengh geiq roengz cienfanh daih, Gveiqlaemz byaraemx dwg aen raeuz, Ndaej hoengq bae daengz gveiqlaemz youz, Aeu veh Sawcuengh guh geiq hauh. 4 Haenh Fwenvuengz Ngvanh fwen ngvanh ndaej akq, Leux bak couh ok coenz, Gaemz myaiz ndwnj caengz roengz, Coenz laeng couh yaek ok 5 Yawj Fukveh Goeng Laux Bouxcuengh Daenjndaem Guh Fwen Bouxdoj daenj ndaem vunz mbouj ndaem , Fwngz gaem lemcax muengh saemsaem ; Dangnaeuz miz caeg gaen baih laeng , Fan ndang couh dawz lem muet bae ! 6 Fwen Haenh daeg au guh soucomz sawging Bouxrox doh Vahcuengh Sawndip caeuq Fwencoj , Daihdaih louzcienz daihdaih guh ; Bouxcuengh giet sim doengzcaez gung , Mbouj lau fwnrumz byaraez dek ! Gung roengz cekfwen Boux roxdoh , Caiq caez guh doh saw fapleix ; Lwgcuengh rox coj youh rox leix , Daih caez coengmingz daih caez ak ! Yawj raen dah goeng guh dwg rengz , Gaemz gyaeuj ngeng bit sij sawfwen ; Lwg cuengh dangnaeuz mbouj gaen rwenz , Coj goeng lwed hanh couh beg bae . Raeuz aeu geiq ndei gyoengq au neix , Lei lwed lei hanh coih fwen coj ; Bouxcuengh daihdaih aeu cienz goj , Dawz au sinhoj rwenz lwg lan . 8 Bya Raemx Cing Gyaeu Dieg cuengh byaraemx gyaeu , Hek daeuj youz ndindi ; Daeg mbauq caeuq dahniq , Dox ying fwngz bae langh . Caj daengz ngoenz ndaej hoengq ! Daz daengxgyoengq bae youz ; Yawj byaraemx baenz gyaeu , Caen gyaez sim raixcai x . 9 Doenglamz bya raemx Dieg doenglamz raemx dah, Miz ndoi bya miz ranz; Goeng dwk bya diuq lamz, Ngoenz rap bya guh yaengq. Henz dah miz mak gyoij , Naz hai coij gig soh , lwg ngyez dox guh doih, Henz loh ingjsiengq louz. 10 Dah Mumhlungz Raemx fai Caen Gyaeu ! Dieg cuengh raeuz caen geiz, Gingj rongh ndei caen lai ; Dah mumhlungz raemx fai , Riuz fafa roengz daeuj ! Gingj ndei miz vunz souj, Gingj ceiq couh bienq ngaenz Veh Sawcuengh geiq hauh , Vunz ndaej haenh dieg raeuz ! 11 Fwen Haenh Gyauqyuzbu Veiz Yi Fu bucangj Doeg ndaej baenz dungx saw , Guh cawj baenz lai saeh ! Vih Cuengh raeuz dieg daeh , Daiq daeuj geij lai fuk ! Lwg cuengh raeuz doeg saw, Couh yawj de guh daeuz Caux caiz caux fouq raeuz Caux daeuj fanh daih goeng ! Guh gohyoz guh leix ! Sau mbouj yeiz gvaq sai , Rox ndaej dauh leix lai ! Guh gaiq maz cungj ak ! Caen haenh saucuengh maenh, Gyae gaenh saeh cungj rox; Guenj bouh hong gohyoz , Veh doz gvangq Guekgya ! Coj miz sau dax Va , Seiz daih moq Veiz Yiq Vunz yiq mbei mbouj iq Vunz biqfug raicaix ! 12 Ningzmingz aen bya va bangx dat gij doz haenx dwg Cuenghcoj raeuz lienh goengfou louz roengz daeuj hawj daih laeng yawj , cij miz boux lienh gvaq goeng fou cij rox gij dozyiengh hamz eiq de ! Ga roengz seiq bingzmax, Dawz cax lumj gaep diuq; Cuenghcoj goengfou yiu, louz riuz hawj daih laeng ! Dah goeng raeuz hoenx ciengq, Cienz baengh seiq bingzmax, Roengz max lienh vengh cax, Diuq fafa vuet bae ! Mbat roengz seiq bingz ma, Song gen song ga bingz, Bae dauq aeu diuq byingx, Gung souj gig fueng bienh ! Seiq bingz max hoj lienh, Fwngz gen cuengq daeng youz, Baez lienh couh byoengh ngoenz, Lienh bak ngoenz ok sae ! Beix nuengx dang mbouj saenq, Couh haenq rengz sawq lienh , Lienh sam hwnz baenz yiengh? Bau mwngz rengz dwngdwng ! 13 Henhoh Sawcuengh Vwnzvaq Sau : Gwn haeux guh saw cuengh, Raeuz muengh ok ngoenz moq; Ndaej ngoenz raeuz gungzhoj, Sawcuenh moq byawz cauh . Sai : Caux ndaej ngoenmoq raeuz, Sien aeu guh gwn daenj; Miz gwn youh miz daenj, Guh Sawfaenz sim angq. Cienz dwg youz vunz nyaenq, Miz genz goj cauh cienz; Bouxcuengh caez dox giet, Dued genz guh cauh cienz. Sau : Miz vunz mbouj miz genz, Cienz daj gizlawz aeu; Boux gun hamhcaeh raeuz, Guh Sawcuengh mbouj fouq. Bouxcuengh ngaiz dwk sanq, Vunz rengz hangz caenx raeuz; Gvaeg raeuz youh naenx raeuz, yaek dawz raeuz bienq gun. Sai : Raeuz aeu dox bauj hoh, Sam vunz dox bang hoh; Guh gwndaenj guh loh, Caez doxgiet buek dai. Miz vunz daeuj hangz raeuz, Raeuz couh caeuq de douq; Guh gung caiq ngvanh souj, Bauj hoh cwngzgoj raeu. 14 Yawj fuk veh gveiqlaemz byaraemx gyaeu guhfwen Lwg cuengh geiq roengz cienfanh daih, Geiq dai Gveiqlaemz dwg dieg raeuz, Ndaej hoengq bae daengz gveiqlaemz youz, Aeu veh Sawcuengh guh geiq hauh. 15 Haenh Fwenvuengz ngvabh fwen vaiq Ngvanh fwen ngvanh ndaej akq, Leux bak couh ok coenz, Gaemz myaiz ndwnj caengz roengz, Coenz laeng couh yaek ok 16 Yawj fukveh goeng laux Bouxcuengh daenjndaem guh fwen : Bouxdoj daenj ndaem vunz mbouj ndaem , Fwngz gaem lemcax muengh saemsaem ; Dangnaeuz miz caeg gen baih laeng , Fan ndang couh dawz lem muet bae ! 17 Hoh Cingjsae Cangqyoz veiq guh laeb Cingjsae Beixnuengx miz simgei , Daih gya caezsim banh yozwei ; Dawz saeh Bouxcuengh gij simeiq, Yienghyiengh sij ndei cij bae guh ! Gou hoh Yozweiq laeb ndaej hongh, Bajbaiz rongh sak venj bangxdaeu, Cit song fung bauq daengq gyoengq raeuz, Reh songh geng louj daengq dax goeng ! 18 Sawcuengh dwk hwnj muengx Cwngfuj Sawcuengh hwnj daengz muengx Cwngqfu, Mbouj lau vunz gun naeuz raeuz doj ; Vunz cuengh angq heiq comz gangjgoj , Lwnh gyoengq cwngq fuj baenzlawz guh ! 19 Nuengx miz nanh coh beix Beixnueng bang beix nuengx , Hwngvuengh Bouxcuengh raeuz ; Nuengx miz nanh coh raeuz, Cawj haeux gya doengz haeux ! 20 Caeuq Daegdenz ranzcung doiq fwen Daegden ranzcung : Mbanjcuengh Gyaeu 1 ) Mbanjcuengh raeuz , Gangj gij gyaeu fouz beij , Gveiqlinz sanhsuij gyap dien'yah, Bwzhaij Yinzdanh gyap Cunghvaz, Manva lij daihngeih. 2) Mbanjcuengh gyaeu, Mbouj dwg raeuz gag haenh, Seiqgeiq bya heu va mbouj caenh, Sikseiq faex raemh mak cungj baenz, Byawz mbouj haenh mbanjcuengh. 3) Haenh mbanjcuengh, Hanz geq cungj mbouj caez, Bya heu raemx saw dieg caen ndei, Bouxlawz daeuj cet sim mbouj maez, Ceiq gyaez raeuz mbanjcuengh. 4) Gyaez mbanjcuengh, Raeuz beixnuengx diuz sim, Roengzrengz ganq de namh bienq gim, Gvangjsih mwnqlawz mbouj Gveiqlinz, Cibcingz raeuz mbanjcuengh. Ayingj: Ciep Daegdienz ranzcung : Vunzcuengh Ngawz 1) Vunzcuengh ngawz , Bouxboux ngawz fouz beij , Sawcuengh geij lai dwg siencin , Doi hengz geij cib bi mbouj hwnj , Mbwn guh naeuz vunz guh ? 2 ) Vunzcuengh guh , Vunzcuengh guh saeh ngawz , Hong saeh Sawcuengh ngaiz hamh caeh ! Vunzcuengh guh maz mbouj baenz saeh ! Sim geij lai naixniek ! 3) Damq Vunzcuengh , Mbouj dwg seng ok ngawz , Aen vih Vunzgun apnaenx raeuz , Gvaeg raeuz dwk raeuz youh haep raeuz, Raeuz mbouj ndaej guh cawj ! 4 ) Muengh Vunzcuengh , Bouxboux yungh Sawcuengh , Caux ok Vunzcuengh dien hah raeuz , Cauxok Vunzcuengh Guekgya raeuz ! Hawj vunzraeuz angqyangx ! Gou ceiq ngawz ! Hag sawq guh fwen doiq, Cih saw boiq mbouj rouz mbouj led , Au mwngz yawj le daez yigen ! Gou sien neix docih ! Daegdenz ranzcung : Gangj guh fwen hwnjdaeuj , Gou mbouj rox geij lai ; Muengh faenhsou bouxgvai , Lai son'yinx cij ndaej Ayingj : Gangj guh fwen hwnj daeuj , Boux gyaeuj dwg cej sam, Raeuz seiz neix dox damz, Ngamq rox doiq song coenz . Daedenz ranzcung : Gangj guh fwen hwnjdaeuj , Baengzyoux dwg Cejsam ; Raeuz seizneix doxdamz , Mwngz han gou cix haemq . Ayingj : Gangj guh fwen hwnj daeuj, Beij mbouj gvaq Cejsam , Mbouj lau Vunzgun hamh ; Fwen gamj ndaq Caizcawj ! Daedenz ranzcung : Gangj guh fwen hwnjdaeuj , Baengzyoux dangq Cejsam ; Gou yawj daengx ndaw ranz , Suenq doengzban leixhaih . Ayingj beixnuengx mwngz , Daeuj doiqfwen luvei ; Faenhgou gag youq neix , Caen aeuqheiq ndaej lai . Ayingj : Gangj guh fwen hwnj daeuj , Gou mbouj rox geij lai ; Guh fwen doiq vunz gvai ! Guh saw vaiq deuz dag ! Daegdenz ranzcung : Mbouj rox caez mbouj rox , Caez doxbang doxson ; Faex siuq de cij gon , Vunz mbouj son mbouj rox . Caemh dangq vaiz doxseu , Duz deuz duz cix boenq ; Caenh raen vaiz goed goenq , Byawz raen goenq goed vaiz . Ayingj : Gangj guh fwen hwnj daeuj, Vunzraeuz gvai fouz beij ; Haenh bya raemx cihgeij , Beiz byoenx bak ok coenz . Dieg cuengh mbouj dwg cuengh Dah bya coh mbouj miz , Coj goeng yienz an miz mbouj miz saw geiq hauh , Dieg bya hoengq vatvat Raemx dah gat mbouj lae, Sawcuengh guh mbouj bae , Bouxboux da lae lwed , Gwnz bya sawgun hauh , Diuz loh hauh sawgun, Bak dou diep sawgun, Hawj vunzcuengh baenzguh ? Daegdenz ranzcung : 1) Guh lwglan Bouxcuengh , Baenzbaenz cungj dwgrengz ; Miz gienz mbouj rox ceng , Hauq ngaiz deng vunz guenj . 2) Dangq sam goeng huzsiengh , Boux siengj doeng siengj sae ; Beixnuengx sim mbouj caez , Dangq naeyou ndaw dah . Ayingj : Dwg rengz couh dwgrengz, Dwg rengz guh mbouj hwnj ; Vunzcuengh gen buh dinj , Loh genz hoenx bouxlawz ? Vunzgyoengq sim mbouj caez , Guh saeh mbouj baenz saeh , Hong Sawcuengh daih saeh , Baenz lawz caez sim hwng ? Daegdenz ranzcung : Byaij diuz gwnz cix cah , Gvaq diuz laj cix oen ; Ra roen mbouj raen roen , Vanh saethoenz rixrix . 2)Gou dwg boux vunz saeq , Dungxsaej feuh fouz caiz ; Caenh muengh gyoengq vunzlai , Doengzcaez baiz cawjeiq Ayingj : 1) Vunz lai fwngz hix lai , Dumq saejvaiz mbouj cug; Boux fug boux mbouj fug , Caenh buek ceng gvaq ngoenz . 2) Caen saed guh hwnj daeuj , Aeu boux gyaeuj guh yinx ; Daengxgyoengq vunzcuengh ringx, Caez dox ying hoenxdwk ! 3) Boux gonq laemx roengz bae , Boux laeng bae gaen dwk , Laebdaeb dox dam dwk , Giet ndaetdwt bae gung . 4) Yaek guh couh guh hung , Lienz dam gung mbouj dingz ; Guh couh guh daengz hingz , Byawz dingz byawz sat mingh . Daegdenz ranzcung : Lumj faenhmwngz beixnuengx , Geijlai cungj yiem noix ; Hojsik raeuz mij doih , Caen doeknaiq lo sou . Ayingj : 1) Gangj gungdwk hwnj daeuj , Bouxgyaeuj dwg Guekcing ; Vunzcuengh bouboux ringx , Dox yingfwngz gung dwk . 2) Veiz Guekcing ingyungz , Yinx raeuz yungh Sawcuengh ; Miz cihsiz miz muengh , Bouxcuengh cij fatdad . 3) Seiz neix Bouxcuengh raeuz , Bougyaeuj ngaiz vunz gvaeg , Vunzgun de guh caeg , Gaep caeg gienz cuengh raeuz ! 4) Bouxcuengh gienz gag guenj , Ngaiz Vunzgun naenx dawz ; Vunzcuengh yaek guh cawj , Cawqcawq ngaiz hamhceih ! 5) Vunzcuengh a Vunzcuengh , Maqmuengh youq giz lawz ? Gienz gag guenj gag dawz , Cij yawzbienh fatdad ! Daegdenz ranzcung : Laj mbwn cien'fanh loh , Miz diuz soh diuz ngaeu ; Cawjeiq raeuz gag aeu , Gag caeuzmaeuz gag byaij . Ayingj: Cien fanh Vunzcuengh raeuz , Caeuzmaeuz diuz loh lawz ? Hawj Vunz raeuz mbouj ngawz , Hwng Sawcuengh fouq ak ! Daedenz ranzcung : Youqgaenj dwg Vahcuengh , Caeuq Sawcuengh song diuz ; Caemh dangq ndaek diuzgiuz , Giuz doemq Raeuz caemh sa . Ayingj : Vah cuengh caeuq Sawcuengh , Cungj dwg caizbauj raeuz , Vunzcuengh guh caeuzmaeuz , Baengh Saw raeuz geiq veh . Aeu saw raeuz caeuzmaeuz , Aeu sawraeuz geiq veh ; Aeu sawraeuz guh ceh , Cienz cungj ceh cuengh raeuz . Daegdenz ranzcung : Beixnuengx gangj ndaej deng , Mbouj ceng saek hauzleiz ; Baenzlawz guh ndaej bae , Raeuz caezgya daeuj vanh . Ayingj : Aeu hawj Vunzcuengh rox , Vah coj mbouj ndaej lumz , Raeuz guh gijmaz vunz , Cuengh vwnzva aeu hag ! Fanj cungjcuz gizci , Bouxboux miz swzyin ; Bouxgyaeuj aeu guh yinx , Caez dingx vunzgun hangz ! Daegdenz ranzcung : Beixnuengx gangj ndaej deng , Mbouj ceng saek hauzleiz ; Raeuz beixnuengx doengzcaez . Itheij bae cengdued. Ayingj : Dued aeu gienz gag guenj ! Dued aeu Cuengh sawj gienz ! Duedh aeu gienz veh cienz ! Dued aeu gienz guenj cienz Daegden ranzcung : Fawz raez gen buh dinj , Yienh haeb linx rai maez ; Eiqhoz yienzcaemh ndei , Lau guh mbaej daengz bwh ! Ayingj : 1) Guh mbouj daengz geij you Vunzcuengh mbouj gag raeuz , Doxgiet bae gung saeux , Bya cax aeu dwk roengz ! 2)You dwg vunzraeuz yeiz , Dued ndaej gienz lumz Cuengh , Mizgienz luenh sawj yungh , Mbouj vih Cuengh raeuz maeuz ! Daegden ranzcung : Beixnuengx, caen doeknaiq hw !!! Ayingj : Beixnuengx ha Beixnuengx Naixnwek vuengj guh vunz , Uk mbouj cing vunz ngvunh , Sim doeknaiq vunz bomz !

AAAAAyingj

	Gou dawz bien baih gwnz gaij baenz laj neix : Ayingj 纯壮文诗集 AYingj Fwensae comz hab ( Bien coih gaij ) ( 1 ) Fwen cam Lohmanh Lauxsae Ngvanh fwen doengh ukgyaeuj, Gwn louj manh dungx saej , Cam lohman laux sae, Fwen ndei dij geij cienz ? 3 Yawj Fukdoz byaraemx Gveiqlaemz Guh Fwen Lwg cuengh geiq roengz cienfanh daih, Geiqdai Gveiqlaemz dwg dieg raeuz, Ndaej hoengq bae daengz giz haenx youz, Aeu veh Sawraeuz guh geiq hauh. 4 Haenh diegcuengh Bya Raemx Cing Gyaeu Dieg cuengh byaraemx gyaeu , Hek daeuj youz ndindi ; Daeg mbauq caeuq dahniq , Dox bi fwngz bae langh . Caengj daengz ngoenz ndaej hoengq ! Daz daengxgyoengq bae youz ; Yawj byaraemx baenz gyaeu , Hawj bouxboux sim sangj ! 5 Doenglamz bya raemx Dieg doenglamz raemx dah, Miz ndoi bya miz ranz; Goeng dwk bya diuq lamz, Ngoenz ram bya guh yaengq. Henz dah miz mak gyoij , Naz baenz coij gig gyaeu , lwg ngyez guh doih youz , Ingjsiengq louz geiqniemh . 6 Dah Mumhlungz Raemx fai Caen Gyaeu ! Dieg cuengh raeuz caen geiz, Gingj caeq ndei raixcaix ; Dah mumhlungz raemx fai , Riuz fafa roengz daeuj ! Gingj ndei miz vunz souj , Dieg deih couh bienq dij , Byaraemx miz saw sij , Vunz yawj dij gyoengq raeuz 7 Haenh Fwenvuengz Ngvanh fwen ngvanh ndaej akq, Leux bak couh ok coenz, Gaemz myaiz ndwnj caengz roengz, Coenz laeng couh yaek ok 8 Baujhoh Sawcuengh Vwnzvaq Sau : Gwn haeux guh saw cuengh, Raeuz muengh ok ngoenz moq; Ndaej dien hah gungz ndoq , Sawraeuz bouxlawz guh? Sai : Caux ndaej ngoenzmoq raeuz, Sien aeu guh gwn daenj; Dungx imq ndangq singjsaenz , Ngvanh haet haemh mbouj haw! Cienz dwg youz vunz nyaenq, Gaem gaenz gienz caux cienz; Bouxcuengh caez dox giet, Guh hong dij vuenh cienz ! Sau : Miz vunz mbouj miz gienz, Cienz daj gizlawz aeu; Boux gun hamhcaeh dou , Guh Sawraeuz mbouj fouq. Bouxcuengh ngaiz dwk sanq, Vunz rengz hangz caenx raeuz; Gvaeg raeuz youh naenx dou , yaek dawz cuengh bienq gun. Sai : Raeuz aeu dox bauj hoh, Sam vunz dox bang coh; Guh gwndaenj guh loh, Caez doxgiet buek dai. Miz vunz daeuj hangz sou , Raeuz couh caeuq de douq; Guh gung caiq ngvanh souj, Dwk hingz youh cij fug . 9 Yawj Fukveh Goeng Laux Bouxcuengh Daenjndaem Guh Fwen Bouxdoj daenj ndaem vunz mbouj ndaem , Fwngz gaem lemcax muengh saengsaeng ; Danghnaeuz miz caeg gaen baih laeng, Fanj ndang couh dawz lem muet bae ! 10 Fwen Haenh daeg au guh soucomz sawging Bouxrox doh Vahcuengh Sawndip caeuq Fwencoj , Daihdaih louzcienz daihdaih guh ; Bouxcuengh giet sim doengzcaez gung , Mbouj lau fwnrumz byaraez dek ! Gung roengz cekfwen Boux roxdoh , Caiq caez guh doh saw fapleix ; Lwgcuengh rox coj youh rox leix , Daih caez ukcing daih caez ak ! Yawj raen dah goeng guh dwg rengz , Gaemz gyaeuj ngeng bit sij sawfwen ; Lwg cuengh dangnaeuz mbouj gaen rwenz , Coj goeng lwed hanh couh beg bae . Raeuz aeu geiq ndei gyoengq au neix , Lei lwed lei hanh coih fwen coj ; Bouxcuengh daihdaih aeu cienz goj , Dawz au sinhoj rwenz lwg lan . 11 Fwen Haenh Gyauqyuzbu Veiz Yi Fu bucangj Doeg ndaej baenz dungx saw , Guh cawj baenz lai saeh ! Vih Cuengh raeuz dieg daeh , Daiq daeuj geij lai fuk ! Lwg cuengh raeuz doeg saw, Couh yawj de guh daeuz Caux caiz caux fouq raeuz Caux daeuj fanh daih goeng ! Guh gohyoz guh leix ! Sau mbouj yeiz gvaq sai , Rox ndaej dauh leix lai ! Guh gaiq maz cungj ak ! Caen haenh saucuengh maenh, Gyae gaenh saeh cungj rox; Guenj bouh hong gohyoz , Veh doz gvangq Guekgya ! Coj miz sau dax Va , Seiz daih moq Veiz Yiq Vunz yiq mbei mbouj iq Vunz biqfug raicaix ! 12 Ningzmingz aen bya va bangx dat gij doz haenx dwg Cuenghcoj raeuz lienh goengfou louz roengz daeuj hawj daih laeng yawj , cij miz boux lienh gvaq goeng fou cij rox gij dozyiengh hamz eiq de ! Ga roengz seiq bingzmax, Dawz cax lumj gaep diuq; Cuenghcoj goengfou yiu, louz riuz hawj daih laeng ! Dah goeng raeuz hoenx ciengq, Cienz baengh seiq bingzmax, Roengz max lienh vengh cax, Diuq fafa vuet bae ! Mbat roengz seiq bingz max, Song gen song ga bingz, Bae dauq aeu diuq byingx, Gung souj dingx ndaej maenh ! Seiq bingz max hoj lienh, Gen ga diemj daengyouz , Daeng ndaep cij ndaej sou , Bak ngoenz haeuh ok goeng ! Beix nuengx dang mbouj saenq, Couh haenq sim sawq lienh , Cap sam hwnz mbouj yienq ! Ndang gien cangq couh raen ! 13 Hoh Cingjsae Cangqyoz veiq guh laeb Cingjsae Beixnuengx miz simgei , Daih gya caezsim banh yozwei ; Dawz saeh Bouxcuengh gij simeiq, Yienghyiengh ngvanh ndei cij bae guh ! Gou hoh Yozweiq laeb ndaej hongh, Bajbaiz rongh sak venj bangxdaeu, Cit song fung bauq daengq gyoengq raeuz, Reh songh geng louj daengq dax goeng ! 14 Sawcuengh guh hwnj muengx Cwngfuj Sawcuengh hwnj daengz muengx Cwngqfu, Mbouj guh vunz wnq gangj raeuz doj ; Vunz raeuz angq heiq comz gangj goj , Lwnh doh laj mbwn daengx biengz saeh ! 15 Beix miz nanh coh nuengx Beixnueng bang Beixnuengx , Hwngvuengh Bouxcuengh raeuz ; Beix miz nanh coh dou , Cawj cuk gya doengz haeux ! 16 Caeuq Daegdenz ranzcung doiq fwen Daegden ranzcung : Mbanjcuengh Gyaeu 1 ) Mbanjcuengh raeuz , Gangj gij gyaeu fouz beij , Gveiqlinz sanhsuij gyap dien'yah, Bwzhaij Yinzdanh gyap Cunghvaz, Manva lij daihngeih. 2) Mbanjcuengh gyaeu, Mbouj dwg raeuz gag haenh, Seiqgeiq bya heu va mbouj caenh, Sikseiq faex raemh mak cungj baenz, Byawz mbouj haenh mbanjcuengh. 3) Haenh mbanjcuengh, Hanz geq cungj mbouj caez, Bya heu raemx saw dieg caen ndei, Bouxlawz daeuj cet sim mbouj maez, Ceiq gyaez raeuz mbanjcuengh. 4) Gyaez mbanjcuengh, Raeuz beixnuengx diuz sim, Roengzrengz ganq de namh bienq gim, Gvangjsih mwnqlawz mbouj Gveiqlinz, Cibcingz raeuz mbanjcuengh. Yawj raen Daegdenz ranzcung gij fwen maenh raix caix , Ayingj couh angqheiq hag de guh fwen doiq ! Ayingj: Ciep Daegdenz ranzcung : Vunzcuengh Ngawz 1) Vunzcuengh ngawz , Bouxboux ngawz fouz beij , Sawcuengh geij lai dwg siencin , Doi hengz geij cib bi mbouj hwnj , Mbwn guh naeuz vunz guh ? 2 ) Vunzcuengh guh , Vunzcuengh guh saeh ngawz ? Hong saeh Sawcuengh ngaiz hamh caeh ! Vunzraeuz guh maz mbouj baenz saeh ! Sim geij lai naixniek ! 3) Damq Vunzcuengh , Mbouj dwg seng ok ngawz , Aen vih Vunzgun apnaenx raeuz , Gvaeg raeuz dwk raeuz youh haep raeuz, Raeuz mbouj ndaej guh cawj ! 4 ) Muengh Vunzcuengh , Bouxboux yungh Sawraeuz , Caux ok Vunzcuengh dien hah raeuz , Cauxok Vunzcuengh Guekgya raeuz ! Hawj vunzraeuz angqyangx ! Gou ceiq ngawz ! Hag sawq guh fwen doiq, Cih saw boiq mbouj rouz mbouj led , Au mwngz yawj lex daez yigen ! Gou sien neix docih ! Daegdenz ranzcung : Gangj guh fwen hwnjdaeuj , Gou mbouj rox geij lai ; Muengh faenhsou bouxgvai , Lai son'yinx cij ndaej Ayingj : Gangj guh fwen hwnj daeuj , Boux gyaeuj dwg cej sam, Raeuz seiz neix dox damz, Ngamq rox doiq song coenz . Daedenz ranzcung : Gangj guh fwen hwnjdaeuj , Baengzyoux dwg Cejsam ; Raeuz seizneix doxdamz , Mwngz han gou cix haemq . Ayingj : Gangj guh fwen hwnj daeuj, Beij mbouj gvaq Cejsam , Mbouj lau Vunzgun hamh ; Fwen gamj ndaq Caizcawj ! Daedenz ranzcung : Gangj guh fwen hwnjdaeuj , Baengzyoux dangq Cejsam ; Gou yawj daengx ndaw ranz , Suenq doengzban leixhaih . Gou guh mbouj gvaq Daegden ,hix mbouj ndaej hoengq guh fwen ,Daeg den ndat heiq lo ! Ayingj beixnuengx mwngz , Daeuj doiqfwen luvei ; Faenhgou gag youq neix , Caen aeuqheiq ndaej lai . Ayingj : Gangj guh fwen hwnj daeuj , Gou mbouj rox geij lai ; Guh fwen doiq vunz gvai ! Eu saw vaiq deuz dag ! Daegdenz ranzcung : Mbouj rox caez mbouj rox , Caez doxbang doxson ; Faex siuq de cij gon , Vunz mbouj son mbouj rox . Caemh dangq vaiz doxseu , Duz deuz duz cix boenq ; Caenh raen vaiz goed goenq , Byawz raen goenq goed vaiz . Ayingj : Gangj guh fwen hwnj daeuj, Vunzraeuz gvai fouz beij ; Haenh bya raemx cihgeij , Beiz byoenx bak ok coenz . Dieg cuengh mbouj dwg cuengh Dah bya coh mbouj miz , Coj goeng yienz an miz mbouj miz saw geiq hauh , Dieg bya hoengq vatvat Raemx dah gat mbouj lae, Sawcuengh guh mbouj bae , Bouxboux da lae lwed , Gwnz bya sawgun hauh , Diuz loh hauh sawgun, Bak dou diep sawgun, Hawj vunzcuengh baenzguh ? Daegdenz ranzcung : 1) Guh lwglan Bouxcuengh , Baenzbaenz cungj dwgrengz ; Miz gienz mbouj rox ceng , Hauq ngaiz deng vunz guenj . 2) Dangq sam goeng huzsiengh , Boux siengj doeng siengj sae ; Beixnuengx sim mbouj caez , Dangq naeyou ndaw dah . Ayingj : Dwg rengz couh dwgrengz, Dwg rengz guh mbouj hwnj ; Vunzcuengh gen buh dinj , Loh genz hoenx bouxlawz ? Vunzgyoengq sim mbouj caez , Guh saeh mbouj baenz saeh , Hong Sawcuengh daih saeh , Baenz lawz caez sim hwng ? Daegdenz ranzcung : Byaij diuz gwnz cix cah , Gvaq diuz laj cix oen ; Ra roen mbouj raen roen , Vanh saethoenz rixrix . 2)Gou dwg boux vunz saeq , Dungxsaej feuh fouz caiz ; Caenh muengh gyoengq vunzlai , Doengzcaez baiz cawjeiq Ayingj : 1) Vunz lai fwngz hix lai , Dumq saejvaiz mbouj cug; Boux fug boux mbouj fug , Caenh buek ceng gvaq ngoenz . 2) Caen saed guh hwnj daeuj , Aeu boux gyaeuj guh yinx ; Daengxgyoengq vunzcuengh ringx, Caez dox ying hoenxdwk ! 3) Boux gonq laemx roengz bae , Boux laeng bae gaen dwk , Laebdaeb dox dam dwk , Giet ndaetdwt bae gung . 4) Yaek guh couh guh hung , Lienz dam gung mbouj dingz ; Guh couh guh daengz hingz , Byawz dingz byawz sat mingh . Daegdenz ranzcung : Lumj faenhmwngz beixnuengx , Geijlai cungj yiem noix ; Hojsik raeuz mij doih , Caen doeknaiq lo sou . Ayingj : 1) Gangj gungdwk hwnj daeuj , Bouxgyaeuj dwg Guekcing ; Vunzcuengh bouboux ringx , Dox yingfwngz gung dwk . 2) Veiz Guekcing ingyungz , Yinx raeuz yungh Sawcuengh ; Miz cihsiz miz muengh , Bouxcuengh cij fatdad . 3) Seiz neix Bouxcuengh raeuz , Bougyaeuj ngaiz vunz gvaeg , Vunzgun de guh caeg , Gaep caeg gienz cuengh raeuz ! 4) Bouxcuengh gienz gag guenj , Ngaiz Vunzgun naenx dawz ; Vunzcuengh yaek guh cawj , Cawqcawq ngaiz hamhceih ! 5) Vunzcuengh a Vunzcuengh , Maqmuengh youq giz lawz ? Gienz gag guenj gag dawz , Cij yawzbienh fatdad ! Daegdenz ranzcung : Laj mbwn cien'fanh loh , Miz diuz soh diuz ngaeu ; Cawjeiq raeuz gag aeu , Gag caeuzmaeuz gag byaij . Ayingj: Cien fanh Vunzcuengh raeuz , Caeuzmaeuz diuz loh lawz ? Hawj Vunz raeuz mbouj ngawz , Hwng Sawcuengh fouq ak ! Daedenz ranzcung : Youqgaenj dwg Vahcuengh , Caeuq Sawcuengh song diuz ; Caemh dangq ndaek diuzgiuz , Giuz doemq Raeuz caemh sa . Ayingj : Vah cuengh caeuq Sawcuengh , Cungj dwg caizbauj raeuz , Vunzcuengh guh caeuzmaeuz , Baengh Saw raeuz geiq veh . Aeu saw raeuz caeuzmaeuz , Aeu sawraeuz geiq veh ; Aeu sawraeuz guh ceh , Cienz cungj ceh cuengh raeuz . Daegdenz ranzcung : Beixnuengx gangj ndaej deng , Mbouj ceng saek hauzleiz ; Baenzlawz guh ndaej bae , Raeuz caezgya daeuj vanh . Ayingj : Aeu hawj Vunzcuengh rox , Vah coj mbouj ndaej lumz , Raeuz guh gijmaz vunz , Cuengh vwnzva aeu hag ! Fanj cungjcuz gizci , Bouxboux miz swzyin ; Bouxgyaeuj aeu guh yinx , Caez dingx vunzgun hangz ! Daegdenz ranzcung : Beixnuengx gangj ndaej deng , Mbouj ceng saek hauzleiz ; Raeuz beixnuengx doengzcaez . Itheij bae cengdued. Ayingj : Dued aeu gienz gag guenj ! Dued aeu Cuengh sawj gienz ! Dued aeu gienz veh cienz ! Dued aeu gienz guenj cienz Daegden ranzcung : Fawz raez gen buh dinj , Yienh haeb linx rai maez ; Eiqhoz yienzcaemh ndei , Lau guh mbaej daengz bwh ! Ayingj : 1) Guh mbouj daengz geij you Vunzcuengh mbouj gag raeuz , Doxgiet bae gung saeux , Bya cax aeu dwk roengz ! 2)You dwg vunzraeuz yeiz , Dued ndaej gienz lumz Cuengh , Mizgienz luenh sawj yungh , Mbouj vih Cuengh raeuz maeuz ! Daegden ranzcung : Beixnuengx, caen doeknaiq hw !!! Ayingj : Beixnuengx ha Beixnuengx Naixnwek vuengj guh vunz , Uk mbouj cing vunz ngvunh , Sim doeknaiq vunz bomz !

AAAAAyingj

	Docih !

Stoneman

	AAAAAyingj beixnuengx ciengzseiz aeu Sawcuengh daeuj ok dieb, gij cingsaenz de gig cigndaej haenh. Danghnaeuz AAAAAyingj nem aen dieb mwngz okdaeuj mwhgonq ndaej gag cazyawj aen dieb mwngz miz mbouj miz loeng (loek), lumjbaenz, gij cih wng daihsij cixnaeuz siujsij, wng lienzsij roxnaeuz faen hai sij, gawq coenz vah hab mbouj hab sibgvenq Vahcuengh, daengjdaengj, engq ndei! Yienghneix guh, haujlai beixnuengx mbouj rox geijlai Sawcuengh haenx couh ndaej daj mwngz neix hag ndaej ndei Sawcuengh!

山之凤

	如僚人个个象AAAAAyingj，则僚人之兴旺，指日可待！

AAAAAyingj

	Ngyaen ---nyaenq ( 印） Haet neix dauq doeg gij fwensae gou ,raen miz hauj lai giz loek caeuq dox cungz ,cingj beix nuengx yienzliengh ,gou aeu gaij ndei !

山之凤

	Baujhoh Sawcuengh Vwnzvaq 保护壮文文化 Sau : Gwn haeux guh saw cuengh,　　　　　　　　女：活着为壮文 Raeuz muengh ok ngoenz moq;　　　　　　　　我等争明天 Ndaej ngoenz moq vunz gungz,　　　　　　　　得发人奈何 Sawcuengh bouxlawz guh? 　　　　　　　　壮文谁做先 Sai : Caux ndaej ngoenmoq raeuz,　 　要创新生活 　　　　　　　Sien aeu guh gwn daenj;　　　　　　　　　先解决吃穿 Miz gwn youh miz daenj,　　　　　　　　　有吃又有穿 Guh Sawcuengh mbouj haw!　　　　　　　　　　强力推壮文 Cienz dwg youz vunz ngyaenq,　　　　　　　　　钱是精人油　　　　　　　　　　　 Miz genz goj caux cienz;　　　　　　　　　　　有权就有钱 Bouxcuengh caez dox giet,　　　　　　　　　　壮人齐团结 Dued genz guh caux cienz.　　　　　　　　　　把权造金钱 　　今夜无聊，试着翻译阿英比侬部分诗文，感觉好难对译，有些只能意译了，不当之处，敬请阿英和比侬们指正。