小学生壮作文Danghnaeuz Gou Dwg Diuz Rij Ndeu

河谷幽兰

	Danghnaeuz Gou Dwg Diuz Rij Ndeu 假如我是一条小溪 武鸣县仙湖镇中桥小学六（2）班 潘银珠 Danghnaeuz gou dwg diuz rij ndeu, gou yaek caenh bonjsaeh ceiq hung gou bae bangcoh doenghgij vunz sihyau gou. Ngoenzneix yaek lae bae daswyenz, bae ra doenghgij vunz sihyau gou bangcoh haenx. Gou lae roengz doenghnaz bae, yawjraen doenghnaz youq laj nditndat dak dwk mizdi reuq lo, gyoengqvunz gaenx hong haenx cingq youq ndaw naz guhhong, najbyak iemq baenz naed baenz naed hanh. Gou sikhaek lae daengz laj gohaeux, lae daengz laj din gyoengqvunz, hawj gyoengqde gamjsouh gij liengz daswyenz. Seizneix, gohaeux gwn gij raemx gou, itdingh maj ndaej engq vaiq. Gyoengqvunz gamjsouh daengz gij liengz gou, hix itdingh daj ndaw sim docih gou. Gou raen najriu gyoengqde ronghsagsag, couh habhoz lo. Danghnaeuz gou dwg diuz rij ndeu, gou yaek lae daengz diegsa bae. Gwnz diegsa gofaex daeggo itdingh hozhawq yaek dai lo, mboujnex gyoengqde baenzlawz yienghneix byombyangbyang? Dujva dahnuengx hix itdingh hozhawq yaek dai lo, mboujnex gyoengqde baenzlawz yienghneix reuq ne? Gou yawj le ndaw sim gig hojsouh, sikhaek lae gvaqbae, itcig lae roengz goek rag gyoengqde bae. Yaepyet, gofaex daeggo bienq ndaej sangnengneng, dujva dahnuengx naj bienq hoengz lo. Gyoengqde angq dwk ngauzgyaeuj hwnjdaeuj, lumj doiq gou naeuz:“Rij dahnuengx, docih mwngz gouq raeuz, dwg mwngz gouq dauq sengmingh raeuz. Raeuz caencingz docih mwngz!” Dingqnyi gij vah neix, ndaw sim gou vaiqvued fouzbeij. Danghnaeuz gou dwg diuz rij ndeu, gou yaek lae daengz gij dieg mbwnrengx bae, hawj gyoengqvunz gaij hozhawq, dwk gij naz reih gaenq dek haenx, rwed gij va nywj faex yaek daireuq haenx. Gou yaek dawz gyoengqvunz daj ndaw haemzhoj rag okdaeuj. Danghnaeuz gou dwg diuz rij ndeu, gou yaek lae ha lae, lae daengz…… Gou caen maqmuengh gou dwg diuz rij ndeu, lae haeuj gizdieg sihyau gou, bae bangcoh doenghgij vunz、doenghyiengh sihyau gou. （指导老师：潘文清）  来源《广西民族报》壮文版http://www.gxmzb.net/szbzw/html/2014-03/12/content_7476.htm

Maenhak

	Cingj  Cenvuj cujciz guh cawj ,it dingh youq diegcuengh Vujmingz  guh laeb sawcuengh Rau hag ,Sawcuengh daih hag ! Guekhanz  daengx guek gyoengq vunz caeuq aen minz cuz raeuz ca mbouj geij lai ,gyoengq de daih hag cungj miz geij bak aen ! Gij maz hangz nieb ,gak hangh cungjgoh caeuq gak fen goh guh ndaej caez caez cwngj cwngj ,nanzdauh vunzcuengh raeuz mbouj rox guh ! vunz cuengh vih maz beij vunz guekhanz ngawz ?   Giz saed couh dwg vunz gun guh cawj liux diegcuengh ,dued dawz liux diegcuengh gag guenj genz lig ,sawj yungh son hah gaj med vunz cuenggh cih saw vwnz vaq guh laeb caeuq mbe fat ,cij hawj vunz raeuz hag sawgun vwnz vaq ,mbouj hawj diegcuengh mbe fat sawcuengh vwnz va ! Gungjcanj dangj Cunghyangh ndaw de vunz vaih caen lai ,doiq vunzcuengh famh coih gig mengx !