路漫文集：壮文的杂文

路漫

	Vahsug Doek roengz feiz mbouj coemh Doek roengz raemx mbouj caem Goek mboq ok laj bya Hom baenz caz baenz laeuj Vih raeuz duet hojnanz Van beij dangz duzrwi Gaxgonq heuh Daegnanz Seizneix an Daegfouq Cwngcwz roengz daengz laj Rin ndaw dah rox fouz Vunz ngah cienz ngah ngaenz Gou ngah faenz ngah cih Gyaez faenz lumj gyaez meh Bek meh raemxda roengz Bau bawx ok giuh,mbouj bau bawx gvaq ciuh. 包得媳妇过轿，包不得白头到老。 Boux mbaet liengx haeux,cungqvunz caez mbaet aeu cang coux. 一人省一两，众人省米仓满。 Lumh laep gwn maenz saz,gyaeuj maz cug cix gwn. 摸黑吃烤红薯，哪头软哪头熟。 Boux dwk bya in saeng,boux san raeng in duk. 打鱼的心疼鱼网，编筛的吝惜竹篾。 Bouxgaenx lau mbwn laep,bouxgik heiq ranz rongh. 勤者担忧天快黑，懒者恐怕没早亮。 Byaij loh gaej caemh din,cim va gaej ciuq vunz. 走路莫重别人步，绣花莫重别人模。 Bya mbouj liz raengz,naeng mbouj liz noh. 鱼离不开水，皮离不开肉。 Bya ndoj giz laeg,caeg ndoj giz laep. 鱼藏深水处，贼躲黑暗处。 Bawx gaem bak baenz ranz,yah gaem ndang gvan soh. 管好嘴巴的媳妇，家和谐；管好自身的妻子，夫诚实。 Biek gwn meh cix maj,lwg gwn meh cix gaj. 芋头吃母蔸长大，儿女吃母理当杀。

Stoneman

	bouxgik heiq ranz rongh 懒者恐怕没早亮。 我理解为：懒人为天亮得太早而生气。言外之意是，天亮了就得去干活了。

wenliqan

	Stoneman 发表于 2013-2-14 05:42 bouxgik heiq ranz rongh 懒者恐怕没早亮。 我理解为：懒人为天亮得太早而生气。言外之意是，天亮了就得 ... bouxgik heiq ranz rongh 懒人担心天亮．意思就是天亮得去干活了，所以担心天这亮．

土人香草

	都是很好的民间智慧。

tengweichan

	ndei raixcaix

路漫

	docih !daihgya gvaqcieng ndei!

路漫

	9.Dahsau Aeu Gijmaz “Funglouz” Dahsau oiqseksek,lumj roegfek haen cin,byawz raen mbouj hozhaenz ha?Danghnaeuz mwngz dwg dausau he,mwngz aeu gijmaz “funglouz”? “Funglouz” mbouj itdingh hawj vunz gyaez.Sawq cam dah he aennaj ndei,rox cangdaenj,hoeng cix bakhaeu leihhaih,reujfeuh langhbuengq, guh vunz oepsoep;dah he bingzbingz ciengzciengz,hoeng cix bakunq vahswnh,ndangmbaeu roxsoq,vunz seuq coengmingz,mwngz hozhaenz dah lawz ne? Raen nuengx mwngz roxsoq,fangzloq hix bae aeu;raen nuengx mwngz bakhaeu,gaemh gaeu hix mbouj nyienh,ndiep byawz mbwq byawz raen seuqsat. Ndigah,dahsau aeu guh daengz: Bak roxsoq.Gaej hai bak haep bak couh gwn ha,daenj ha,roxnaeuz ndaq meh vunz ha,cungj neix mbouj baenz sau.Gangj vah wngdang roxlaex, unqswnh,lai maengx gij angq,gij ndei,gij ndiep,cij ndaej vunz haengj dingq. Vunz cingqging.Gaej guhnyah cangnyaenq,guhmbenj,cangreuj, bak myeuq hangz vunz;aeu aeklangh sim ndat,najsangj,baksoh.Gaej hawj vunz naeuz raeuz mbouj dwg sau. Ndei guh vunz.Gaej ragraix,gaej ndaengndiengq,gaej ngaiznyed,gaej luenh han vunz;bang vunz aeu simndat mbouj simlai,guh hong aeu simnet mbouj simfouz,doeg saw aeu sim maez mbouj sim cit,gvaq ngoenz aeu simhai mbouj simnaiq. Rox cangndang.Buhdaenj aeu dag ndang,gaej cang baeuz duzfangz duziu nei,hawj vunz nyapda;aeu daenj habda,ndang seuq cingjcaez. Ndigah,aeu gijmaz funglouz,dag ndaej ok sim dahsau.Dahsau ha, muengh mwngz ndaej vunz dwggyaez!

2012

	Naeuz dauhleix guh vunz

路漫

	gwnz neix gangj ndaej ndei !

路漫

	10 Miz Bancoz Neix,Raeuz cuengqsim Sawcuengh ngamq fuk doihengz seiz,gou caemh daj gunghcangj cienq daeuj guh hong Sawcuengh.Seiz- haenx,youq swcigih Yijveij,gij vunz guh hong Sawcuengh haenx ndawde,mbangjj dwg seiq hajcib bi,mbangj dwg ngeihcib bi hwnjroengz,sam seiqcib bi haenx gig noix,neix dwg aenvih hong Sawcuengh deng “goenqduenh” bae cib lai bi cauxbaenz.Raen banlaux haenx vunz laux youh geq,gyoengq bancoz neix dingzlai dwg ngamq daj Gvangjsih Sawcuengh Yozyau beizyin okdaeuj,gou caen youheiq:daengz- cog Sawcuengh baengh bang bancoz neix guh ndaej roengzbae lwi? Ngeihcib bi gvaqbae lo,ban seiq hajcib haenx gaenq miz mbangj gvaqseiq miz mbangj duiyouh lo,seiz- neix hong Sawcuengh gihbwnj couh baengh ban                                                                                                                                                                                                    -coz dangseiz neix.Couh gangj <Bauq Saw cuengh> (seizneix heuhguh <Gvangjsih Minzcuz Bau) ba, gyoengq banccoz neix dangseiz lij dwg “lwgnyez daeuz”, seizneix gaenq dwg yezvu guzgan lo,caemh- caiq dawz bauqceij banh ndaej hoenghhoengh hwdhwd, gou gaqgonq miz cungj youheiq haenx caen dwg doyawz hane. Mboujgvaq，bancoz ngoenxneix baenzcaiz caemh mbouj yungzheih,danghnaeuz mboujmiz cungj cingsaenz vih minzcuz saehnieb ceng gaemz heiq,vih Sawcuengh doihengz gungyen seizcoz neix,lauheiq gaenq vikvak hong Sawcuengh lingh bae guh gij hong “ndei” hawj vunz hozhaenz haenx,daegbied dwg youq hawciengz ginghci vanzging ndawde, gakyiengh hong daiyi ndei ciengjginh lai,couh dandan hong Sawcuengh faen ngaenz ciengjginh mboujmiz,vanzlij miz vunz yawj mbouj hwnj da dem. Gyawj ngeihcib bi daeuj,gou caenda raen daengz: Bang coz neix,vhliux daezsang swhgeij lijlum caeuq yezvu suijbingz,(gyoengqde dingzlai camgya gungh coz seiz cij miz cunghconh vwnzbingz), ningznyienh ceiz geij bi damzyoux baengya, ngoenznaengz guhhong sat le mbouj sij yietnaiq saek yaep,couh cagaenj seizgan gaghag roxnaeuz bae yeda hwnj dangz,fwnrumz laengz mbuj youq gyoengqde, hwngqnit hwk mbouj lau gyoenqde,lienz ngoenz singhgiz ngoenzciet hix ciuqyiengh laemxsim gung saw,doeklaeng gyoengqde bouxboux laebdaeb gauj ndaej daconh roxnaeuz bwnhgoh vwnzbingz,haujlai boux caemh  ndaej bingz hwnj cunghgiz ciz cwngh…… Bang bancoz neix,riengz dwk lijlun caeuq yezvu suijbingz ngoenz beij ngoenz daezsang le,gunghcoz rapnaek hix daez hwnj gwnz mbaq gyoengqde,gonq laeng dang hwnj gak gohsiz cujyin,daiqlingx daengx cungq vanzcwngz gak hangh hong benhvu.Haujlai vunz leihyungh seizhoengqbeizyangj cozcej rox naeuz swhgeij sijcoz,fatbiuj le haujlai cozbinj,miz mbangj cozbinj lij daeng hwnj <Mincuz Vwnzyoz> daengj guekgya gaep bauganh,caemhcaiq bingz ndaej youhsiu coxbinj ciengj dem. Dang haujlai bauqse gaenq yungh hwnj dennauj dajcih baizbanj seiz,aenvih baihgwnz bued ngaenz siuj,bauqceij Sawcuengh lij dwg yungh soujdung dajswgih dajcih,fwngz gip cihnaed baizbanj,benhciz gaij gauj lij dwg yungh bit daeuj gaij daeuj cau, soengq gauj bae yinsazcangj dwg gwih danci bae,bae dauq aeu byaij baenz diemj lai cung.Seizhwngq itloh hanh conh hanh roenx,seiznit itloh din dot fwngz gyaengj,hoeng gyoengq bouxcoz neix mboujmiz saek coenz vah’ienq,lauxlaux saedsaed rongzrengz guh ndei farnh hong swhgeij,dawz gij aeuxgwn cingsaenz homfwt haenx soengq hawj vunzlai. Gyoengqde ciengz naeuz,gangj diuzgen gangj dayi couh mbouj daeuj guh hong Sawcuengh,nyienh guh vaiz couh gamsim dajcae dawzrauq,nyienh guh hong Sawcuengh couh sij ndaej gwn haemz souh hoj,gij vah neix gangj ndaej geijlai gamjdoengh vunz ha! Gyawj ngeihcib bi daeuj,bang bancoz neix seizseiz gizgiz daj yiemz iugouz swhgeij,louzsim hag cwngci lijlun,gvansim guekgya daihsaeh,riengz gaenj dangj cunghyangh byaij,youq gak aen seizgeiz cungj mbouj doeklaeng vunz,miz mbangj ndaej bingz hwnj gak cungj senhcin gunghcozcej,miz mbangj hix miznaj dwk gya haeuj le Cunghgoz Gungcanjdangj. Seizneix gyoengqde cingq dwg ndang cangq rengz ak,yezvu cug ngoenz fungfouq,baihnaj cenzduz gyoengqde ronghsag,hong Sawcuengh gyau hawj gyoengqde,raeuz dwg cienfanh cuengqsim hw!

mgw5_05

	不错。其实我们的很多俗语真的很棒。可惜我不会。

执行长

	ndei!非常好！

路漫

	Gangjgangj Fanhoiz “Naeuz” Vahcuengh “naeuz”,,hoiz baenz Gun cungj hawj vunz naemj daengz “说“，Gizsaed,mbouj dandan dwg hoiz baenz “说”lij aeu yawjyawj coenz vah haenx gwnzlaj baenzlawz gangj,caiq naemjnaemj hab yungh aen swz lawz daeuj hoiz cij ngamj.Lumjbaenz: De naeuz,gou bae lo.Coenz neix “naeuz”,couh ndaej hoiz baenz “说”：他说，我走了。 Ngoenzneix gou deng lauxsae naeuz lo.Gizneix “Naeuz” Hab hoiz baeuz “批评”：今天，我挨老师批评了。 Vah bouxlaux naeuz……Neix “naeuz”couh hoiz guh “言”：古人言…… Ndaw saw neix naeuz le ……Saw mbouj dwg vunz,de mbouj rox naeuz,ndigah neix wng hoiz guh“诉述”：这本书诉述了…… De naeuz gou nyi…..他告诉我说……Gizneix “nyi”(听见)，Danghnaeuz ciuq cih daeuj soh hoiz baenz “他说我听见”，Eiqsei couh bienq lo.Ndigah coenz neix “naeuz ”hab hoiz baenz “告诉” Daenghdaengj.Daihgya naemjnaemj,lij miz baenzlawz hoiz dem,sij okdaeuj caeuq doengzhag daujlun daujlun.ndei lwi?

路漫

	Vahcuengh Baenzlawz Hoiz 打 Vahgun 打 eiqsei gig lai,Lumjbaenz 打鼓、打架、打酒、打枪、打井、打官司、打呵欠……daengjdaengj,Lajneix naeuz dawz gij dungswz miz 打 ciengz raen haenx daeuj dawq hoizhoiz yawj------ Hoiz guh “roq”umj 打鼓 Roq gyong,打锣Roq laz，打门Roq dou…… Hoiz baenz “hoenx”:lumj打人hoenx vunz，打狗 hoenx ma,打架doxhoenx……Hoenx hix ndaej yungh “moeb”,  ”dub”. Hoiz guh “dwk”：Lumj打球dwkgiuz,打猎dwknyaen ,打柴dwkfwnz…… Hoiz guh “nyingz”:打枪nyingz cungq,打飞机nyingz ，feihgih,打鸟nyingz roeg…… Hoiz guh “:bek”:打嘴巴bek bak,打苍蝇bek nengznyaen,打屁股bek caekhaex…… Engq lai cingzgvang 打mbouj hoiz okdaeuj,cix aeu habngamj Vahcuengh daeuj hoiz eiqsei,lumj:打官司doxgauq 打锄头diz gvak,打毛衣san buhlangj,打酒cawx laeuj ,打井gud cingj,打哈欠raurumz,打主意dawz geiq,打伞gang liengj,打饭daek haeux,打扮cangndang,打岔gangj gvaq mbiengj,打鼾gyaen,打雷byajraez,打扫baet,打算盘dik suenqbuenz,打桩dok dongh……lij miz gig lai dem.

路漫

	翻译不要词对词 先看看下面汉译壮的例句： 他，也看到过山民褴褛的衣衫，黄瘦的脸庞，他们麻木的、惊恐的、悲苦的或愤怒的眼睛。 De,hix raen gvaq vunz ndawrungh buhvaq rengqret,fajnaj henjlemq,lwgda gyoengqde ngaezngwd,lauyup,siliengz roxnaeuz nyapnyuk haenx. 基本是对应的，语句也算通顺。 再看： 小姑娘把丰腴的赤足插在被晚霞染得金黄的小河里。 Dahniq dawz lohdin bizbwd cap youq ndaw dah iq deng fwjgyaemq nyumz ndaej henjgim haenx. Dahniq duengq lohdin bizbwd de roengz ndaw raemxdah bae,fwjgyaemq ingj gwnz raemxdah lumj daz caengz gim nei. 显然，前译句字词是对应的，但意思被割裂了，读起来比较别扭。后译句字词是不对应的，但句意却显得简洁多了。 同理，壮译汉也可以参照这样思路来处理。可见下例： Rog mbanj dwg nazraemx lai,hai da muengh bae,gyaj oiq heucupcup,geij diemj ndaem luenzli youq ndawde doenghyaebyaeb,neix dwg vunzmbanj cae naz. 村外的水田多，开眼望去，嫩秧青青翠翠，几个圆圆的黑点在里面动荡，这是农民犁田。 村外多是水田，满目是新秧的嫩绿，有几个圆形的活动黑点，便是耕田的农民。 前译句字词基本对应，但句意却不甚贴切；后译句字词进行了重新组合，不大对应了，句意却分明多了。

路漫

	Hoiz Fwen Aeu Eiq Hoiz Doiq doengz hot fwen ndeu,youh sij baenz fwen Cuengh, youh sij baenz fwen Bouxgun,yienghneix guh mbouj raen miz geijlai.Saehsaed,youq raeuz Gvangjsih,Cuengh Gun minzcuz vunz rox gangj song cungj vah haenx gig lai.Vihneix,hot fwen ndeu sij guh song cungj vah,aen vah daez neix gig miz yiyi. Gizneix daegbied aeu gangjmingz,neix mbouj fanhoiz, ndigah youq neix fanhoiz lijlun yungh mbouj daengz. Cijaeu lib’eiq,gamjcingz,biujyienh soujfap doxlumj couh ndaej lo,cix mboujguenj cug coenz bae naemj,neiix raeuz heuhguh eiqhoiz. Raeuz sien daeuj yawjyawj hot fwen lajneix: Raemxdah lae’nengqnengq Raemx cienj rox raemx caem Fwngz baeuj roengz ndaek rin Sawq sim nuengx song gawq 河水流去亮晶晶 不知是浅还是深 丢块石头试深浅 唱句山歌试妹心 Gizneix hangz soq mbouj bienq,hoeng soh soq mbouj doengz：Sawcuengh dwg haj cih,Sawgun dwg caet cih. Neix dwg aenviih Sawcuengh miz di lumj Sawgun vwnz yenzvwnz,aen swz ndeu ciengzciengz miz lai cungj hamz eiq. Cingj yawj baihlaj hot neix: Youq mbwq cix eu fwen Sim vuen dangq ndaej yah Bouxcoz angq guh saj Nuengx gaej ndaq beix fouz 走在路上心烦多（坐烦就唱歌） 唱句山歌当老婆（心欢如得妻） 青年谁个不爱耍（青年爱玩耍） 妹莫骂我轻浮哥（妹莫骂哥浮） Ndaw gvathauh dwg cih doiq cih daeuj hoiz,eiqsei okdaeuj lo,hoeng Sawgun mbouj daih habbak,mbouj miz feih fwen.Daegbied dwg ceiq doeklaeng cih “fouz”,cij yungh Sawgun ndeu “浮” nanz ndaej hoiz ok,”fouz” miz lai cungj hamzeiq: 轻浮、不严肃，甚至有点轻度的“流氓习气”.Ngigah,fwen Sawgun aeu caet cih daeuj sij lai bienh,nangz dawz fwen Cuengh hoiz ndaej engq caezcienz. Dangyienz,Sawgun naengz yungh haj cih daeuj hoiz caemh ndei.