[原创] 2008 Ciet Fwen Gei Saeh

08Ayingj

	[ 1 ]          2008ndwen 10 nhoenz 22 ban hamh 8:30 Youq Namzningz  Eufwen gvangjcangz ,  ciengz heiq hungmbwk ndeu couh haiciengz lo !  Bibi Yungh daih geij bak fanh hwnj cien fanh ngaenz raeuz youq dweg raeuz Namzningz   hoedcaux  ciengz  heiq  hungmbwk  neix dwg baenz lawz yiengh  ? Naeuz mwngz nyi ,doiq vunz cuengh raeuz ma gangj , Miz angq heiq ,miz  haemz  ei ,miz diemz  gam , miz soemj  manh !   Miz giz nyaen x ! Miz huj heiq !         Hai ciengz ,Youz lingjdauj gangj vah :  Boux gangj vah dwg byawz ?  Maj Byauh Cujsiz , Vangz Sicangj  ,Ce  Suhgi !          Gyoengq de cungj dwg aeu vah gun guh gangj !  gangj sat le , gyoengq yienj couh  ringz  hwnj daiz  buek dam buek lienzdaeb   yienj roengz bae lo !        youq mwh neix , gou  youq giz neix hemhat :  Majbyauh Cujsiz  caeuq Vangz si cangj song de cungj dwg gag  nyinh naeuz dwg lwg cuengh , song de guh gij hong couh dwg daibyauj  vunzcuengh  raeuz  youq gwn byiengz gangj vah  ! De vih gij maz mbouj   aeu vah cuengh raeuz   gangj ne ?  Aeu rox :  guh  minzcuz   lingjdauj mbouj aeu vah bonj cuz gangj  vah ,bonj cuz vunz saenq mwngz a ?  Aeu vah minz cuz wnq ma haep hangz bonj cuz ,yaek hawj bonj cuz vunz lumj duz ma ne bae dingq mwngz ????mwngz fat moengx lo ! Dang naeuz mbouj miz vunz gun aeu bing max ma hen mwngz ,mwngz coux couh ngaiz mboek dai lo !         Doiq gyoengq vunz  guh hong lingj dauj raeuz mbouj  vih vunz raeuz  hongsaeh  mbe fat guh ngvanh guh  buekmingh cungj vunz neix ,vunzcuengh raeuz aeu nvanh  ban fap bae cawz seuq bae ,mbouj cawz bae ,vunzcuengh cingdang  vwnzvaq   hong saeh raeuz  mbefat   couh guh mboujroengz bae ! Aen minzcuz raeuz couh ciuciudaihdaih cungj dwg guh max  guh vaiz !        Maj Byauh cujsiz  Caeuq  Vangz Sicangj vih maz mbouj haengj aeu vah cuengh gangj beg bonjfaenh dwg  boux cuengh  ne ? Song de vihmaz mbouj haengj youq mwh gig youq gaenj  gwnz daiz vunzlai haenx gangj song coenz vah cuengh vih vunzcuengh vahcuengh vwnzvaq ceng aeu naj rongh ne ? Aeu rox : Songcoenz vahcuengh neix dingx ndaej geij cien geij fanh bonj  Saw [  Sam yied Sam ] ,dingx ndaej geij gien fanh vunz cuengh gangj vahcuengh a !  Gyoengq  de vih maz mbouj haengj gangj vahcuengh ne ? Aiq miz laj neix geij diuz !        1 :  Majbyauh Caeuq Vangz  Sicangj mbouj dwg vunz cuengh ! Mbouj rox gangj vahcuengh !        2 :  Vunzcuengh  daengx aen minzcuz ngaiz aen vunz  cuz  wnq apbik caeuq haphangz   , mbouj ndaej youq  naj vunzlai gangj vah cuengh !        3 :  Vunzcuengh aen minz cuz mbouj miz bonj faenh byauhcinj vahcuengh dijyi caeuq byauhcinj sawcuengh diyi !  Vahcuengh caeuq Sawcuengh  Vunzcuengh cungj mbouj haengj sawjyungh !       4 :  Souh vunz cuz wnq weizgvaeg ,seiqhenz vunz cungj mbouj gangj cuengh caeuq sawjyunghsawcuengh !       5 :   Gag rox nyinh gangj cuengh naj mong ,lau vunz cuzwnq riu , Gangj cuengh mbouj miz vunzdingq ,gangj gun ciq vah gun caeh lig cij ndaej haep hangz ndaej vunzcuengh ,yiengh neix cijguh ndaej boux lingj dauj  vunzcuengh !  Haep hangz ndaej vunzcuengh cij ndaej dang vunzcuengh boux lingjdauj , diuz neix couh dwg vunzgun youq dwegcuengh daezyungh vunzcuengh  ganbu diuz mbouj sij ok daeuj diuz  cizminz dungjci  cwngqswz !  raeuz aeu fanj duiq vunzgun youq dwegcuengh saed hengz gak diuz  cizmin dungjci cwngq sw !       6 : Guh Vunzraeuz lingj dauj mbouj aeu  vah raeuz gangj vah , vunzcuengh raeuz  geij lai cungj mbouj ndaej dingq ,diuz neix dwg aen minz cuz gag hwng gag vuengh  diuz gag guenj  gig  gimqgeih gig youq gaenj ndeu !     7 :  Majbyauh Cujciz caeuq  Vangz Sicangj  Youq  fwen ciet  raeuz haiciengz seiz mbouj aeu vah cuengh gangj vah ,couh dwg naeuz de cijdwg vih liux  bauj ndaej vanj haeux de caeuq diuz guen mingh de , yiengh neix byaujmingz    giz saed  song de   mbouj  caen dwg vunzcuengh boux lingjduj  raeuz ,song cij dwg bang vunzcuz wnq dungjciz vunzcuengh  boux bang  daj hong  ndeu !     Dang naeuz Majbyauh Cujsiz youq yiengh heiqciengz haiciengz seiz  yungh vahcuengh caeuq Sawgun guh gangj ,yiengh neix cij ndaej yiengq  daengx seigyaiq gangj cing ,dwegcuengh vunzcuengh  aen minzcuz neix  mbouj miz cungjceh yawj ngawz cungj saehyak neix ! Vunz cuengh youq Gungcanj dangj lingjdauj laj , guh vunz guh saeh ndaej  swyouz ,mbouj souh cuzwnq ap bik caeuq haep hangz  !     Gangj daengz neix ndaej lo ! Cienq gvaq ma ciep  gangj  ciengz heiq neix baenz lawz yienj roengz bae !

c636

	有些官的逻辑就是这样:我的凳子不是你给的，懒得吊你．