Cingj Beixnuengx bang gaij baenz banj byauh cinj !

Maenhak

	[ Gauj    Ngeih ]                                                   Goj  vunzcuengh    ingyungz   !        Youq diegcuengh  Yienh doj  ,miz  goeng  gauhcungh  haghak  ndeu  ,heuh guh  Vang z  Ganghdoz , hag seng heuh  de Vangz Yauqcangj ,gyoengq laux sae doih  cungj dwg heuh  goeng doz lai !          Goeng doz vunz loq  Sang reux ,loq byom , byaem gaenq hau buenq , song da rongh ndongq youh reih sat sat ,lumj  yawj ndaej dumx sim vunz ,naj saemj reiz ,  ndaeng suenq moeg   , haep bak loq reb , gig noix raen de riu !         Goeng doz  youq  Yienh doj  cungqsim gauhcungh guh hag hak gaenq ndaej sam bi lai, de  dingq nyi naeuz  diegcuengh cih sawcuengh vunzcaiz sonhag ciengx maj  viq hung  souh daengz  yaz dwk ,daengz cuhcungh couh mbouj  miz  sawcuengh  son , guh vunz cuengh lwg lan  de aen sim gig hoj souh ,gyoengq  lwgcuengh  daj iq hag sawcuengh , doeg haj roek bi sat le ,couh mbouj miz sawcuengh  hong gaiq  son gyoeng de  ,gij neix dwg gij maz saeh ?  Seiz neix dwg gij maz  si gij ?  Gyoengq vunzcuengh boux daih ganbu ,daih hag vunzcuengh boux gyausou  ,ndaw dingh gyoengq daj bien hag seng goq bwnj  ,gyoengq guh sawcuengh daj bien bauq ceij ,bien baenz bonj sawcuengh [ sam yiet sam ]  boux daj bien haenx ,guh maz hong saeh sawcuengh  ne ? Gyoengq de miz uk ,hoeng mbouj miz vunz cujciz gyoengq de bien Sawcuengh gau gaep goq bwnj son lwg cuengh ,diuz  saeh neix dwg guh yaez lo !     Yiengh neix ,de couh bae caeuq ndaw yienh  Vangz Suhgiq guh gangj .       Vangz suhgiq caemh dwg vunz cuengh ,de caemh rox  [ Minzcuz diegfueng gag guenj ] aen fap  !    Vangz  Haghak bae ra raen Vang  Suhgi ,  soh naeuz  :  Aen hag gou aeu banh [Sawcuengh rauh hag] , dawz gyoengq  Sawcuengh hag iq   hag  sawcuengh hag seng   haj aen ban   ,it haej song bak  lai vunz  sou haeuj hag gou bae ,hawj gyoengq de youq hag gou laeb daeb hag sawcuengh ,caiq hag roek bi ,hag daengz gauh cungh sat caez , gou  caiq bae caeuq gih minzveij  gyoengq lingj dauj gangj ,hawj gyoengq de bang gou ciu  laux sae ,bien  bonj  son hag  ! Raeuz  ngengh aeu dawz sawcuengh vunzcaiz  ciengx maj viq hung son baenz caiz !        Goeng Vangz  Suhgi  yawj yawj de naeuz :  Caen guh ndaej ?     Vangz haghak ngaek gyaeuj naeuz  ; Guh daengz gaengj !         Vang Suhgiq naeuz : Gou saenq mwngz Vangz Ganghdoz , gou caiq coh yienh cangj gangj ,hawj de it dingh  bang mwngz dawz [ sawcuengh rauh hag ] guh hwnj daeuj ,ciengx maj  viq hung diegcuengh vunzcuengh sawcuengh vunz caiz ,  dawz  hangh minz cuz daih saeh  neix banh baenz banh ndei  , hawj lwg lan raeuz  daih daih miz  sawcuengh  hag , guh ak guh maenh  aen minz cuz vunzcuengh  , hangh hong naek neix lij mbouj ndaej guh menh !     Vangz haghak dingq sat ,sim angq dangq maz , sim maengx gyietgyiet  couh  coh bae Namzningz  !      Vangz hag hak couh    bae  daengz gih minzveij  , ra gyoengq lingj dauj  , dawz  [Sawcuengh rauh hag]  naemj fap caeuq guh fap  gangj cing :                   [ Youq  Hag gou guh laeb (Sawcuengh rauh hag  )  naemjfap caeuq guh fap ]                 Diuz it  : [ Sawcuengh rauh hag ] youq hag gou guh laeb  ,hag roek bi , hag seng daj  Sawcuengh hag iq  ban sawcuengh ndaw de ciu ,boux hag sawcuengh gvaq gvan ,rox sij rox yawj sawcueng  cungj ndaej  daeuj  [sawcuengh rauh hag ]  laeb daeb hag sawcuengh !        Diuz ngeih : Cingj gih minz veij it dingh  bang ra sam cib vunz sawcuengh conh gyah hawj gou , gou cuj ciz gyoengq de bien  bonj son hag sawcuengh gak yiengh hong gaiq caeuq caiz liuh :         1 : Cujciz gyoengq de  bien bonj   Vaiq doeg vaiq  yawj  sawcuengh caiz liuh ,aen vih gyoengq hag seng haenx doeg yawj sawcuengh gaenq loq laux lienh ,hawj gyoengq de vaiq doeg vaiq yawj  ,daj ndaw de vaiq di dem rox sawcuengh cih moq caeuq  diegcuengh seveiq  caeuq daengx ceih gaih gak caez cwngj  cih siz dox gaiq !          2 :  Cujciz gyoengq de bien bonj  aeu seiq doeg seiq yawj , fan fuk doeng yawj rox cing  gei cing  Sawcuengh  cihsiz   caiz liuh , ndaw de an baiz gij neiyungz dwg : Se veiq  cwng fuj gak  bu maenz caeuq seveiq gak hangz nieb aeu  rox  gij cihsiz , lumj : Diegcuengh  gingjcaz , diegcuengh swh faz , dieg cuengh gyoengq guenj nungz yez ,gyoengq guenj gungh yez .......gyoengq guenj hingz cwngq ,gyoengq guenj si cangz , gyoengq guenj goh yoz dwngj , seveiq gak hangz ,lumj hangz buh vaq , hangz  gwn youq , gyoengq daj caep hwnq ranz  dwngj !  Dawz cwngq fuj gak aen bouh ,seq veiq gak hangz  gyiekdaej  aeu rox dox gaiq ,cungj bien haeuj bonj saw ,fueng bienh hag seng bae ma se veiq le rox bae banh saeh caeuq fueng bienh hag seng ngoenz laeng guh saeh !        3 : Vih liux aeu hawj hag seng daj sawcuengh ndaw de hag rox bonj saeh ,couh aeu son hawj gyoengq de gag rox aeu sawcuengh naemj saeh caeuq veh saeh caeuq  baenz lawz engq ndei bae guh saeh ,guh baenz saeh ,couh aeu bien bonj  sonlienh  hag seng gag bae aeu cih sawcuengh veh guh baenz ngoenz  hong saeh , gag ciuq bonj faenh vehguh bae guh ndei  veh dingh  hong saeh ,gag doengh uk bae guh caez guh sat guh ndei guh muenx gak vehdingh hong saeh !  Hag veh guh hong saeh aeu daj veh ngoenz ndeu guh hwnj , daengz veh guh caet ngoenz[ aen singhgiz ndeu  ] ,hag rox veh guh baenz ndwen  aeu guh hong saeh , couh dwg naeuz : Aeu bien bonj son lienh hawj gyoengq hag seng  sug lienh aeu  sawcuengh gag veh guh ngoenz  saeh  , veh guh baen singh giz aeu guh hong saeh , veh guh baenz ndwen aeu guh  caez guh sat guh ndei veh dingh hong saeh !  hawj lwg cuengh  daj loq rauh hung couh rox  [ sien veh laeng guh]  cungj ndei bonj saeh !     4 :  Cawz liux aeu  sawcuengh guh veh hong saeh , lij aeu bien bonj  hawj hag seng hag lienh  baen lawz guh ndei hong saeh ,baenz lawz naemj guh hong sae ,baen lawz dawz hong saeh guh caez guh gyaeu guh sat seuq !      5 : Lij aeu bien bonj saw hawj hag seng hag lienh rox aeu sawcuengh guh veh guh naemj , baenz lawz naemj ndaej ndei  naemj ndaej gyaeu ,baenz lawz veh ndaej lumj vunz lumj doih ,naemj  ok  yienh daih ,naemj ndaej ngoenz cog ,naemj ndaej daengz cog !      6 : Bien bonj saw hawj gyoengq de hag lienh bien sij faenz cieng ,leih yungh vaiq   doeg  rox gij cih siz ,bien faenz cieng !  Bien doeg geiq  ,bien goj geiq , bien  caen da yawj raen saeh geiq ,bien ngvanh daengz cog yaek haengj guh gij maz hong saeh ,yaek angq guh hangz seveiq hong loh lawz !      Diuz sam "  [Sawcuengh rauh hag ] , couh aeu son hawj gyoengq de  youq roek bi ndaw de  rox  baenz lawz  sawj vaiq doeng vaiq yawj , seiq doeg seiq yawj  ,fan fuk  doeg yawj , doq yawj doq aeu bonj bouh guh geiq , dwngj hag doeg ban fap bae hag rox caez cwngj  diegcuengh Cungguek ,seiq gyaiq gak hangh  gak monz cihsiz  , cawz liux rox lai rox gvangq rox doh ,lij aeu rox  sawj  sawcuengh  bien goj geiq , rox doq bae yawj doq bae geiq ,rox bien ngoenz cog hong saeh , daengz cog yaek guh ok hong saeh ,ngvanh guh daengz cog diegcuengh vunz cuengh vwnz vaq daih hong  saeh !  Sawcuengh son hag gij  caiz liuh lij aeu faen bi bae bien , faen  singhgiz faen ndwen  bai song hag !                    Gwnzneix couh dwg gou aeu banh [Sawcuengh rauh hag ] gij naemj fap caeuq guh fap !                                                                                                                              Yied doj  Gauhcungh son hag Cungq sim                                                                                                                               Vangh Ganghdoz          Vangz haghak   dawz gij naemj fap son fap guh fap de gangj hawj minz veij boux cuengh lingj dauj dingq , gyoengq minzveij  lingj dauj  dingq sat gig angq haengj  caeuq sim gyaez  , yiengh neix guh caen dwg ndaej son ok vunzcuengh sawcuengh vunzcaiz ! Couh  hai hoih gyiet dingh  bang Vangz Ganghgoz guh hangh  sonhag daih hong saeh neix , bued cienz  douz roengz aen hag neix ,hwnj gyauq siz ,guh aen louz  bien son sawcuengh ,guh louz cuengq sawcuengh , diu  daengx gih  boux ceiq ndei  ceiq maenhak sawcuengh conh gyah ,dawz aen hag neix banh baenz diegcuengh daih it  aen [  sawcuengh   rauhhag ] ,son hag roek bi ,ciengx son gyoengq sawcuengh vunzcaiz raeuz !        Vangz Ganghdoz  roengzrengz cujciz  ,ngoenz dem ngoenz buek mingh bae guh  ,mbouj daengz byongh bi ,[Sawcuengh rauhhah ] couh banh baenz lo , lwgcuengh  hag iq gyoengq  ban sawcuengh  hag seng angq veuqveuq ndaej laeb daeb haeuj rauh hag doeng sawcuengh !        yawj raen lwg cuengh raeuz ndaej  angq sim   doeg  sat rauh hag ,ndaej  angqsim  bae [ Sawcuengh daih hag ] doeg saw ,sim de caen caemh dwg  rox nyinh angq sangj !       Vangz ganghdoz  ndat sim bae banh  liux [ Sawcuengh rauh hag ]  , baen liux boux cuengh ingyungz ,cih coh de caeuq boux vunz de youq ndaw sim vunz cuengh  geiq cien daih fanh daih !         Lij miz boux vunzcuengh ingyungz   buek mingh bae banh aen [ Sawcuengh daih hag ]  dem !          [  Gou lienh  aeu vah mbanj gou sij la, cingj boux ndat sim  beixnuengx  bang son gaij  ,gaij baenz  banj byauh cinj bae engq yinx ! ]

pcy109

	Raez lai,caengz ndaej hoengq doeg liux.

wazhhm

	Gou fug mwngz lo ,  raiz sawcuengh mij dingz gvaq , lai miz di vunz lumj mwngz couh ndei lo , cix mij lau sawcuengh gyoem（coem） .