Nyaenma vuenh lwgvuengzdaeq

tengweichan

	[ 本帖最后由 tengweichan 于 2013-2-16 13:22 编辑 ]\n\n[ 本帖最后由 tengweichan 于 2013-2-16 13:20 编辑 ]\n\n              Mbat gonq gou gangj daengz bae hawciengz cawx mbouj ndaej gaeqdoj caen,Gangjdoj heuh gou bae lajmbanj ra cij ngamq,mbat neix gou couh gangj aen goj hawj gyoengqdoih nyi,gijmaz heuhguh nyaenma vuenh lwgvuengzdaeq.            Youq henz hagdangz gou miz ranz vunz he,song gvanbaz gig nyen,baizseiz de buenqnohmou,swnhbienh dap buenq di duhngaz roxnaeuz makyungz hawj vunz aeu daeuj guh boiqliuh caeuq noh cauj.Mwngz yaek cawx nohmou de,couh itdingh deng caeuq de cawx duhngaz roxnaeuz makyungz,mboujmiz de couh dwg gai lw cihgeij gwn hix mbouj gai hawj mwngz.Danghnaeuz mwngz cam de gij nohmou de saensien lwi?Danghnaeuz dwg nohlw,de couh han:"Gek haemh saensien.""Gek haemh"song cih sing daemq di,hawj mwngz dingq mbouj ndaej nyi.Cingqdang mwngz cawx ma cawj gwn raen miz di haeu lo,bae ra de suenqciengq,de di hix mbouj lau,riu naeuz:"Gou caeux couh gangj dwg gek haemh saensien,mwngz gag dingq mbouj nyi gven byawz saeh?"Hawj mwngz ra mbouj raen coenz han de.           Song gvanbaz miz roekcib lai bi ba,lwnh bi cungj ciengx miz geijcib gaeq:Gaeqhangh、gaeqboux、gaeqseng gaeqmeh daz lwg.Gij gaeq de daengx ngoenz cungj rox haeuj hagdangz daeuj  gip gwn gij haeux hagseng gwn  lw haenx,gaep cungj gaep mbouj okbae,gwn ndaej bizbwdbwd.Yienghneix,gyoengq lauxsae ngoenz ngoenz cungj yawj raen gaeqhangh lumj lwgsau neix baenzsau,aek na caekhaex hung,youq baihnaj youzlangh, gij bwn gaeqboux  ingjyouz vadlaeuh.....Hw,ngoenzlawz caeg coemj duz gaeq haeuj rek bae couh ndei lo.Hoeng,naemj dwg naemj,cix mbouj miz saek boux vunz gamj baenzneix guh,cij gag ndwnj myaiz.            Gvaq cieng lo,miz boux lauxsae he raen duzgaeqdon gag ciengx haenx mbouj baenz don,raen gaeqdon song gvanbaz neix baenz don,couh caeuq de caengh song duz gaeqdon bae songq hawj bouxcin.Aenvih dwg gaeq gag ciengx,youh ngoenz ngoenz raen gaeq de daeuj ndaw hagdangz ra gwn,dingh dwg mbouj gueng saek di swzliu, boux lauxsae haenx gig cuengqsim. Song gvanbaz  gaen he gai daengz 20 maenz bae,baej gwnz haw bengz 5 maenz. Bengz couh bengz di lo,gaeq gag ciengx ma,bae lawz ra ndaej gaeq gag ciengx dem?                Gaeq songq ok bae lo.Gvaq liux geij ngoenz,boux ranznden cam lauxsae dwg mbouj dwg caeuq song gvanbaz neix cawx gaeq lo?De lwnh boux lauxsae nyi:"Gij gaeq gag ciengx song gvanbaz neix caeux couh hawj lwg de riuj bae caez lo,songde rox yaek gvaq cieng lo,boux boux cungj ra gaeq gag ciengx bae songqleix, song gvanbaz hawgonq ngamq bae hawciengz cawx 20 duz gaeqdon gueng swzliu ma,gyajmauh dwg gaeq gag ciengx,gizsaed de cawx gaen he ngamq dwg 12 maenz ngaenz,de ma gai 20 maenz."                Seizneix,vunz lajmbanj cungj dwg suenq ndei gvaq ciet aeu sawj geijlai duz gaeqbit,caiq bae hawciengz cawx gaeqlwg bitlwg ma ciengx,danghnaeuz lw saek geij duz,hix dwg songq hawj lwgsau ma aeu,aeu bae gai mbouj dij,fanjcingq ngoenzdaengz cix dwg cawx noh gwn,gaen gaeq cix dwg vuenh gaen noh,dauq mbouj gwn gag ciengx,dauq bae gwn vunz aeu swzliu gueng haenx,vunzbag cij baenz guh lo.       狸猫换太子不知是不是这么说：nyaenma vuenh lwg vuengzdaeq 还望各位高手指教

tengweichan

	为什么编辑好的一点发帖出去段落就乱了，请高手支招

勒布壮

	一看就知道是北部壮话，都看得懂，谢谢！

gangjdoj

	Yaek bae ranz gaj gaeqdoj lo. Ngoenzlwenz boh gou lwnh gou nyi, laeng ranzgou ciengx mij cib lai duz

tengweichan

	hawj gou gaen bae lwi?