[原创]人类语音艺术的葵宝：壮族山歌攻守艺术擂台赛（5）

AAAAAAyingj

	Fwen Duenz Youq fwen ciengz gwnz sawj fwen dox gung dox dwk ,bouh souj duenq ceiq ak dwg ok fwen duenz hawj gyoengq baih de hoiz dap , baih de dap mbouj ok daeuj , mbouj ndaej faen hix naj mbuem , dang yienz ,dap mbouj ok daeuj ,mbouj dwg naeuz saw , bonj faenh caemh goj ndaej youq daih ngeih mbat gaem genz ok daez seiz aeu fwen duenz bae gung de ,gij haenx couh dwg gung doiq gung , dang yienz ,ceiq ndei dwg hix ndaej dap ok baih de duenz ,caiq ngvanh ok fwen duenz gung dwk gvaq bae , yiengh haenx hingz ndaej engq seuq sak ! Seiz neix gou couh dawz mbat Fwenciengz neix boh gou caux ok gij fwen duenz duenz gyoengq cangh fwen haenx genj geij coenz ok daeuj hawj beix nuengx yawj gvaq nyaenx : 1 ) : Goeng vunz neix sim ndaem , Daenj geij baemz buhvaq ; Raen feiz hemq fafa , Sawq mwh byacek dawz . ( Duenz yiengh dox gaiq ndeu ) [ Bauq cuk ] 2 ) : Song ga van youh ngou , Aen gyaeuj saem satsat , Dah vunz neix sim yak Hai bak couh haeb vunz ! ( Duenz yiengh dox gaiq ndeu ) [ Fag Gauqcienj ,fa geuz ] 3 ) : Goeng maekdaeuz mbouj gyaeu , Mumh raez rih rara ; Bok diuz buh de hai , Caen ngah gyaez dangq maz ! ( Duenz yiengh ndaej gwn ndeu ) [ Haeux faengx ] 4 ) : Goeng laux mumh saekset , Ciengz haengj dep vunz baz , Aeu yah mbouj haeuj gya , Umj lax fouz yiqgenq ! ( Duenz doih duz ndeu ) [Duz yiengzgoeng ] 5 : Daeg ngaemx mbouj gangj vah , De vwnzvaq dauq sang , Laux sae bungq maz nanz , Bae cam de cix rox ! ( Duenz yiengh doeg saw ciengz yungh doxgaiq ndeu ) [ Saw diemj ] 6 : Gyaeuj saem ndang cix raez , Ciengz seiz haengj daenj mauh ; De yienz rox leix dauh , Coenzcoenz gauq vunz son . ( Duenz yiengh vwnzvaq dox gaiq ndeu ) Ngvanh nganh hwnj daeuj ,caemh deng dauh leix , Vunz Cungguek raeuz doengh baez mbouj rox yungh cungq bauq ,hoenx ciengq couh saw hawj vunz vaih guek , doengh baez raeuz mbouj rox cauh Yenzswj danq ,hoenx ciengq couh saw hawj vunz Yitbwnj , yungh gij vunz mbouj rox haenx bae gung dwk baih de ,baih de couh saw set ! Bouh souj duenq gung dwk haenx caen dwg ceiq lig ! Laep gung rongh ,Mwngz dai lij mbouj rox nyinh ngvanh ! 迷歌的力量是无穷的！迷歌的智慧是要代代传下去的！迷歌就是知识！也应该是财富！