Bibi [ Sam Yied Sam ] ,Cungj ndaej gwn ndaej Meh gou guh gij HaeuxNaengj rang youh feih haenx , ngoenz lwenz ,meh gouh couh guh caeuxcaeux ndei lo , seiz neix ,gouq doq gwn haeux naengj doq guh geij conz fwen haenh de :
Ngoenz neix Sam Yied Sam ,
HaeuxNaengj rang youh feih ;
Diegcuengh raeuz angqheiq ,
Dap daizheiq eufwen .
Ngoenz neix Sam yied sam ,
Haeuxnaengj rang youh feih ;
Vunzcuengh raeuz dox gyaez ,
Giet sim caez hwngcuengh .
Ngoenz neix Sam yied Sam ,
Haeuxnaengj rang youh feih ;
Vunzcuengh ndei saed ceij ,
Lij geij lumz ngoenz gungz .
Ngoenz neix Sam Yied Sam ,
Haeuxnaengj rang youh feih ;
Vunzcuengh ngoenz ciet heiq ,
Lij geij lumz Cuenghcoj .
Ngoenz neix Sam Yied Sam ,
Haeuxnaengj rang youh feih ;
Beixnuengx aeu sim caez ,
Ndiep gyaez guh Suen cuengh.
发表于 2005-4-11 10:36:00
QQ空间
腾讯微博
腾讯朋友
微信
转播
淘帖
分享
收藏
支持
反对
