[原创] Youz Diegchuengh Baksaek (3)

AAAAAyingj

	-------------- Youz     Yienhsingz  Denzdungh     Daj Bingzgoj  daengz Denzdungh ,cib maenz ngaenz cienz ci ,   diemj lai cung ,couh daengz DenzDungh lo .it loh roen, dieg ciemh ciemh bienq bingz ,song henz roen gij bya ndoi ciemhciemh mbouj lumj roen  Bingzgoj baenz lai ,gou rox , gou byaij haeuj dieg bingz gvangq bae lo .Denzdungh aen yienhsingz dwg youq giz  dieg loq bingz gvangq haenx . Gou roengz ci  byaij gai ,byaij bae byaij dauq , gwnz gai miz hauj lai vunz Gvangjdoeng guh seng eiq ,gangj beg vah  ,vunz caemh loq lai ,hoeng ,daih bouh faenh vunz dwg  gangj vah cuengh ,caez bienh youq giz lawz aeu Vah vujmingz cam vah ,cungj miz vunz aeu vahcuengh dap gou ,hoeng ,gou aeu menhmenh byoenx vah ,ceng aeu gangj coenz vah genj danh ,cingcuj .       Youq  liz aen  ci canq  3 bak lai mij giz haenx ,miz aen suen moh lezsw  ndeu , daih monz baj baiz guh ndaej gig yangx ,hung ,sang ,gvangq ,gou byaij haeuj  ndaw bae ,yawj raenz miz aen mohcungq ndeu ,gwnz de baij beih   dik  miz  geij cib boux coh Gaijfangq ginh ,gyoengq de dwg gungdwk Denzdungh , gaijfangq Denzdungh seiz ngaiz   dai  di . Aen suen haenx miz song moux lai dieg gvangq ,miz geij go feix  hung ,laj de cuengq miz eij rin banj  ,miz di vunz youq ndaw de byaij youz  ,  daengx aen suen dingh rig yaem ywt . Gou naengh youq aen  eij rin banj  ndeu yietnaiq ,henz de miz goeng laux ndeu daiq dah lwg nyez iq ndeu youq giz haenx guh caemzceh ,Gou aeu  vacuengh cam de : Goeng laux ,miz geij lai  nienzgeij lo ? De  dingq mbouj rox ,Aeu beg vah dap gou : Gou gangj beg vah .Yiengh neix ,gou couh aeu beg vah  cam de  gij nienz geij ,vunz giz lawz ,coj goeng daj seiz lawz daeuj Denzdungh ? Vihmaz  senj daeuj  Dendungh  youq ?  Louj de gangj di goj lex ,gou couh ndaej rox gij gyacoj  daej de lo ,laj neix couh dwg daj bak de louj ndaej gij goj :     Yienz laiz ,goeng vunzlaux neix singq  Yez ,coj goeng dwg Gvangjdoeng  Yienhmeiz ,dwg Vunzhek , de caeuq gou gangj : Youq  Denzdungh vunz gangj begvah daih bouh faenh dwg Vunzhek , gyoengq de daih bouh faenh dwg gaen  Cenz Gengjmingz gung hoenx ginhfaz Loeg Yungzdingz  seiz louz roengz ma di ,dang sei heuh guh Yezbing , dwg hoenx hingz bing Gvangjsae le faen cap youq  Dendung gij bingmax daih laeng. O, yienz laiz dwg yiengh neix . Gvaiq mbouj ndaej ,Vujmingz yienh singz caeuq Bingzgoj Yienhsingz  gig noix miz vunzhek ,Denz dungh vunzhek baenz lai lai .     Ciuq gou rox ,Dangseiz  Yezbing   hoenx baih Loeg Yungzdingz le ,gung dwk daengz  aen gya coj Loeg Yungzdingz ----Vujmingz Nizvuj canhcangh . yungh feiz caemh seuq aen Canhcangh haenx ,gyoengq de daj  Ningzvuj doiq dauq ma daengz Vujmingz seiz ,ngaiz  vunz Vujmingz cujsiz bet aen yangh gyoengq vunz lai bauh veiz gung dwk ,gyoengq vunz mbanj Vujmingz homq   miz geij fanh vunz ,dwg dawz cax byaek ,feixhanz gyaeuq ,sabaz  Gvak ding ,Gvak mbak,liemz, fouj , faex gyaengq  ,dietqdiuz  hoenx  dwk ,dang seiz couh maeb dai seiq cien geij Yezbing ,Yezbing cungq noix vunz baeg ,liuh mbouj daengz mbat ok daeuj couh ngaiz geij fanh vunz gvaeg dwk ,baih doiq sadsad,ciengzciengq haenx bik dwk gyoengq de doiq dauq bae ma daengz Namzningz  , Miz bouh faenh bing Yez doiq bae  daengz Lingzmax youq ,Seiz neix Youq Vujmingz lingzmax  gwnz haw ,lij miz haulai dwg Vunzhek .    YouqLizsijGwnz ,Namzningz ,Vujmingz ,Bingzgoj ,Denzdungh ,Denzyangz ,Baksaek miz diuz roen ndeu dawz  geij  aen singz  haenx lienz youq it heij ,lumj diuz lungz it yiengh  hoed fan ,Bingdoeng hoenx dwk Vunz raeuz couh dwg yungh  naenx gyaeuj gaemh rieng ,fad  caet conq ,gat rwet fueng fap dwk baih liux Loeg Yungzdingz  ,gaemh gyaeuj couh dwg  Veizdwk Namzningz ,Gaemh rieng couh dwg gungdwk gungj ci Baeksaek , fad  caet conq couh dwg gung dwk Vujmingz , gat rwet couh dwg youq Denzdoeng   cap bing ,gat raek Bingzgoj caeuq Denzyangz beixnuengx dox dam !Seiz neix ,yienz naeuz lai guh liux hauj lai roen ,hoeng ,vunz   Gvangjdoeng youq dieg cuengh raeuz lij miz gig daih gungjci nengz lig .    Denzdungh mbouj miz gij maz gingjcaeq youzcet   ,hoeng vunzhek Gvangjdoeng youq Denzdoeng  gij caeh lig hawj gou caen you sim !     Gou youq Dendoeng youz yawj mbouj mauh song aen cung daeuz ,couh hwnj ci bae Denzyangz lo ,gou aeu bae yawj bya Gamjcuengh miz gij maz  ndei  moq !

AAAAAyingj

	Diegchuengh ---Diegcuengh   Feix --faex